Knowledge Base Wiki

Dëse Geographiesartikel iwwer d'Tierkei ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Dardanellen sinn eng schmuel natierlech Mieresstrooss tëscht der europäescher Hallefinsel Gallipoli, (Tierkei), an dem nordwestlechen Deel vun Anatolien.

Den Numm kënnt vun Dardanus, enger Siidlung, déi, wéi et heescht, an der Noperschaft vu Troja soll geleeën hunn. An der Antiquitéit huet déi schmuel Mieresstrooss Hellespont geheescht, genannt no der Helle, enger Figur aus der griichescher Mythologie.

D'Dardanelle verbannen d'egäescht Mier mam Marmaramier. Se sinn ongeféier 65 km laang an 1,3 bis 6 km breet. Hir Déift ass duerschnëttlech 50 m. Op der asiatescher Säit läit d'Hafestad Çanakkale, eng Stad, vu wou aus een d'Iwwerreschter vun Troja besiche kann.

Fir Schëffer, déi duerch d'Dardanelle laanscht Gallipoli fueren, ass et Brauch, fir op der Héicht vun de Gedenkstätten un d'Schluecht vu Gallipoli kräfteg ze tuten, fir de villen Affer vun dëser onbarmhäerzeger Schluecht d'Éier z'erweisen.

Commons: Dardanellen – Biller, Videoen oder Audiodateien