Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Berga[1][2] (alia nomina: Seliia Berga;[3] Norvegice: Bergen) est urbs Norvegica mari adiacens et caput provinciae Hordalandiae. Anno 2012 264 785 homines Bergam incolunt, ergo haec urbs secunda post caput Asloam Norvegiae est quod ad incolas pertinet.
Berga in occidentali Norvegiae litore patet, et porta fiordorum Norvegiae habetur. Vicus Bryggen in classem patrimonii humanitatis ab Societatis Educativae, Scientificae, et Culturalis Consocietatis Nationum concilio positus est.
Berga anno 1070 ab rege Olavo III Norvegiae condita est et caput Norvegiae fuit usque ad annum 1299. Mansit tamen urbs maxima numero incolarum et maximum forum Norvegiae usque ad saeculum XIX. Fundamenta eius divitiarum erant et adhuc sunt merces maritimae, praesertim asellum. Incolae Bergae pisces siccos et cum sale vendebant mercatoribus qui abhinc ad Europae fora mittebant.
Germani ligae hanseaticae multas naves Bergae habebant sed anno 1349 traditur pestem exarsisse e nave anglica.
Anno 1360 Berga cum Hansae urbis se coniunxit. In urbe Hanseatici vicum suum occupabant, quem regebant sua sponte, et fruebantur magnis beneficiis, tamquam commercio reservato cum piscatoribus qui aestate Bergam adibant a Norvegia septentrionali, sed inter Germanos et Bergae incolas etiam fuerunt interdum rixae et violentiae.
Aevo Medio, Berga, urbs monasteriis abundans, Norvegiae caput religiosus fuerat et saeculo sexto decimo e Berga mercatores emendationem ecclesiae in tota Norvegia divulgaverunt.
Anno 1536, rex mercatores Hanseaticos coegit ut in civitatem norvegiensem reciperent. Negotiatores qui regem non acceperunt ex urbe expulit. Quamquam minuta, comunitas mercatorum hanseaticorum Bergae in commercium cum parte boreali Norvegiae usque ad finem saeculi duodevicensimi dominata est.
Christiania, quae hodie Asloa appellatur, anno 1814 caput Norvegiae facta est et ab anno 1850 Berga urbs secunda Norvegiae est quod ad incolas et res oeconomicas pertinet.
Anno 1916, magna pars mediae urbis ab incendio deleta est et anno 1944 inter secundum bellum mundanum navis Germanica urbem diripuit et multos damnos et victimas effecit.
Anno 1972, municipia finitima se Bergae iunxerunt.
Anno 2000 (anno millennii, qui dicebatur), ut culturalis Europae hereditas praecipue honoraretur, novem urbes electae sunt, inter quas et Berga, quae titulo capitis culturalis Europaei exornatae sunt.
Bergae olim vixerunt aut nati sunt et hodie vivunt multi illustres viri atque feminae, inter eos:
|
Vicimedia Communia plura habent quae ad Bergam spectant. |
 |
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
