Knowledge Base Wiki

Masjid Biru utawa Masjid Sultan Ahmed (Basa Turki: Sultanahmet Camii) iku sawijining masjid ing kutha Istanbul, kutha gedhé dhéwé ing Turki lan minangka kutha krajan Kasultanan Utsmaniyah (saka 1453 nganti 1923). Masjid iki uga dikenal kanthi jeneng Masjid Biru amarga kapungkur interioré awarna biru.

Masjid iki dibangun antara taun 1609 lan 1616 saka printahé Sultan Ahmed I, kang banjir dadi jeneng masjid mau. Sultan Ahmed disarèkaké ing halaman masjid iki. Masjid iki dumunung ing kawasan tuwa dhéwé ing Istanbul, lan ing sadurungé taun 1453 minangka pusat Konstantinopel, kutha krajan Kakaisaran Bizantin/Bizantium. Dunungé uga cedhak situs kuna Hippodrome, sarta uga cedhak karo gréja/masjid (Hagia Sophia) kang saiki wis dadi musiyum.

Ora adoh saka kana dumunung Pura Topkapı, panggonan para Sultan Utsmaniyah nganti ytaun 1853 lan ora adoh saka pasisir Selat Bosporus. Dideleng saka sagara, kubah lan menarané ndominasi cakrawala kutha Istanbul.

Masjid iki dikenal kanthi jeneng Masjid Biru amarga warna cèt interioré kang didominasi warna biru. Nanging warna biru mau dudu péranganing dékor asli masjid, mula cèt mau banjur diilangaké. Saiki, interior masjid iki ora katon awarna biru.

Arsitek Masjid Sultan Ahmed, Sedefhar Mehmet Aga, diwènèhi mandat supaya ora kudu hémat biaya jroningm nyipta papan ngibadah umat Islam kang gedhé lan éndah iki. Struktur dhasar yasan iki mèh awangun kubus, ukuran 53 x 51 mèter. Kayadéné masjid-masjid liyané, masjid iki diarahaké supaya wong kang ngayahi Salat bisa madhep Ka'bah ing Makkah, kanthi mihrab dumunung ana ing ngarep.

• Pictures of the Sultan Ahmed Mosque Archived 2007-12-22 at the Wayback Machine.
• Pictures of Sultan Ahmet Mosque^{[pranala mati permanèn]}
• (ing basa Turki) Sultan Ahmed Mosque