Knowledge Base Wiki

1948 öðlaðist Kópavogshreppur sjálfstæði sitt þegar hann var klofinn frá Seltjarnarneshreppi^[1] að ósk Seltirninga eftir að Kópavogsbúar höfðu náð stjórnarvöldum í hreppsnefndinni í kosningunum 1946. Aðeins sjö ár liðu þar til Kópavogur öðlaðist kaupstaðarréttindi sökum hraðrar mannfjölgunar.

Kosið var 29. janúar 1948. A-listinn eða Framfarafélagið Kópavogur vann hreinan meirihluta^[1][2] undir forystu Finnboga Rúts Valdimarssonar.

Kosið var 29. janúar 1950. Framfarafélagið hélt meirihluta sínum.^[3][4][5]

Mikil dramatík varð í kringum kosningarnar sem áttu upphaflega að fara fram 31. janúar 1954. Þeim var frestað til 14. febrúar af yfirkjörstjórn^[6] eftir að sýslumaður Gullbringu- og Kjósarsýslu hafði ógilt undirbúning kosninga^[7] sökum deilna Óháðra kjósenda og Sjálfstæðisflokksins um listabókstafinn D^[8]. Þegar úrslitin úr kosningunum þann 14. febrúar voru gerð ljós^[9] munaði aðeins einu atkvæði á milli A-lista og B-lista. 8. apríl gekk úrskurður sýslunefndar Kjósarsýslu varðandi kæru vegna ógiltra utankjörfundaratkvæða og dæmdi kosningarnar ómerktar^[10]. Kjörræðismaður Íslendinga í Minneapolis hafði rifið fylgibréfin frá kjörseðlunum sjálfum og þannig ógilt atkvæðin. Aðeins hafði munað einu atkvæði á milli Framsóknarflokks og Alþýðuflokks og því ljóst að atkvæðin hefðu getað haft úrslitavægi þar á milli. Úrslitin voru því dæmd ómerk og sömu listar og frambjóðendur^[11] því í framboði aftur. Kosið var því aftur 16. maí. Skipting hreppsnefndarfulltrúa breyttist ekki^[12]. G-listi Óháðra kjósenda hélt meirihluta sínum.

Ári síðar fékk Kópavogur kaupstaðarréttindi og bæjarstjórnarkosningar voru haldnar í október 1955.

1. ↑ ^{1,0 1,1} Morgunblaðið 20. janúar 1948, bls. 7
2. ↑ Morgunblaðið 20. janúar 1948, bls. 11
3. ↑ Morgunblaðið 31. janúar 1950, bls. 2
4. ↑ Morgunblaðið 29. apríl 1951, bls. 2
5. ↑ Morgunblaðið 10. júlí 1951, bls. 7
6. ↑ Morgunblaðið 23. janúar 1954, bls. 15
7. ↑ Morgunblaðið 13. febrúar 1954, bls. 1
8. ↑ Morgunblaðið 22. janúar 1954, bls. 1
9. ↑ Morgunblaðið 16. febrúar 1954, bls. 16
10. ↑ Morgunblaðið 9. apríl 1954, bls. 16
11. ↑ Morgunblaðið 16. maí 1954, bls. 6
12. ↑ Morgunblaðið 18. maí 1954, bls. 16