Knowledge Base Wiki

Search for LIMS content across all our Wiki Knowledge Bases.

Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.

Urnosen dagiti silpo
Sopokles
Naipasngay497/496 SK
Kolono
Pimmusay406/405 SK (edad90)
Atenas
TrabahoTrahiko
Pakaammo
KitaTrahedia
Dagiti nalatak nga obra

Ni Sopokles (Taga-ugma a Griego: Σοφοκλῆς, Sophoklēs, Griego a pannakabalikas: [sopʰoklɛ̂ːs]; c. 497/6 SK – kalamiisan 406/5 SK)[1] ket maysa kadagiti tallo a taga-ugma a Griego a trahiko a nagbiag dagiti pabuyana. Dagiti immuna a pabuyana ket naududi a naisursurat ngem kenni Eskuilo, ken nasapsapa ngem wenno kontemporario kenni Euripides. Segun ti Suda, ti maika-10 a siglo nga ensiklopedia, ni Sopokles ket nagsurat kadagiti 123 a pabuya iti las-ud ti panagbiagna, ngem adda laeng ti pito a nabatbati iti kompleto a porma: ti Ajax, Antigona, Ti Babbai ti Trachis, Edipo ti Ari, Elektra, Piloktetes ken Edipo idiay Kolono.[2] Iti gangani a 50 a tawtawen, niu Sopokles ket isu idi ti kalaingan a dramaturgo kadagiti dramatiko a panakibinglayan ti siudad-estado ti Atenas a napasamak idi las-ud dagiti relihioso a rambakan ti Lenaea ken ti Dionysia. Isu ket nakibinninglay kadagiti 30 a pagbibinglayan, ken mabalin a nagabak ti 24, ken saan a naipato ti nababbaba ngem maikadua a lugar. Ni Eskuilo ket nangabak ti 14 a pagbibinglayan, ket sagpaminsan nga inababakna ni Sopokles, bayat a ni Euripides ket nangabak laeng ti 4 a pagbibinglayan.[3]

Dagiti nadayeg a trahedia ti inladladawan ni Sopokles kenni Edipo ken Antigona: dagitoy ket sapsapda nga ammo a kas dagiti Tebana a pabuya, urayno ti tunggal maysa a pabuya ket pudno a paset ti sabali a tetralohia, a dagiti sabsabali a kameng ket napukawda tattan. Ni Sopokles ket nangimpluensia ti panagrang-ay ti drama, a ti kinapangruna babaen ti panagnayon ti maikatlo nga aktor, nga isu daytoy ti panagpabassit ti kinapangruna ti koro iti panagipabuya ti gandat. Isu ket ad-adu pay a nagparang-ay pay kadagiti karakter ngem kadagiti nasapsapa a dramaturgo a kas ni Eskuilo.[4]

Dagiti paammo

  1. ^ Sommerstein (2002), p. 41.
  2. ^ Suda (ed. Finkel et al.): s.v. Σοφοκλῆς Naiyarkibo 2015-09-24 iti Wayback Machine.
  3. ^ Encyclopaedia Britannica, Inc.
  4. ^ Freeman, p. 247.

Dagiti akinruar a silpo

Dagiti inadaw a sasao a mainaig ken ni Sopokles iti Wikiquote (iti Ingles)
Dagiti obra a mainaig ken ni Sopokles iti Wikisource (iti Ingles)
Dagiti midia a mainaig ken ni Sopokles iti Wikimedia Commons

source: https://ilo.wikipedia.org/wiki/Sopokles