Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Le calendario gregorian es un legier modification del calendario julian introducte per Julio Cesare in le anno 45 ante nostre era. Le calendario gregorian differa del julian solmente in su calculation de annos bissextil. Le accumulation de dies bissextil observate secundo le calendario julian habeva totevia facite un discrepantia de dece dies (in 1582 – le discrepantia es ancora plus magne hodie). Papa Gregorio XIII introduceva le calendario gregorian per un bulla, Inter gravissimas, le 24 de februario 1582. Le facto que un papa catholic autorisava le cambiamento calendari faceva de sorte que communitates protestante e orthodoxe resisteva al nove calendario. Le prime paises a adoptar lo esseva Austria, Espania, Francia, Italia, Luxemburg, le Paises Basse, Polonia-Lithuania, Portugal, Savoia e le statos catholic de Suissa e Germania (1582-1583). Le adoptation del calendario gregorian tardava in Europa del Est; le URSS lo adoptava solmente in 1922, Grecia in 1923 e Turchia in 1926. Illo es devenite hodie le calendario civil acceptate quasi universalmente in le mundo.
Le calendarios gregorian e julian accorda in lor uso de duodece menses, con le nomines que seque:
| Mense | Dies | Notas |
|---|---|---|
| Januario | 31 | |
| Februario | 28 | 29 in annos bissextil |
| Martio | 31 | |
| April | 30 | |
| Maio | 31 | |
| Junio | 30 | |
| Julio | 31 | appellate quinctil ante le calendario julian |
| Augusto | 31 | originalmente appellate sextil in le calendario julian |
| Septembre | 30 | |
| Octobre | 31 | |
| Novembre | 30 | |
| Decembre | 31 |
Le prime die del anno es normalmente le 1 de januario in le duo calendarios, ma il habeva multe exceptiones a iste regulo durante le medievo.
Depois longe tempore, on usa un mesme septimana de septe dies in ambe calendarios (le dies de qual se appella lunedi, martedi, mercuridi, jovedi, venerdi, sabbato e dominica).
Le era usual in ambe calendarios es le Era Vulgar, cognite anque como le Era Commun o era Anno Domini, que comencia in le anno calcuate per Dionysio Exiguo como cello del incarnation de Jesus Christo. Iste era non es totalmente universal in paises utilisante le calendario gregorian. Pro exemplo, in Japon on nota datas equalmente per le era regnal del imperator (1989 del Era Commun es dunque Heisei 1).
On ha proponite plure schemas pro reformar le calendario gregorian, sin multe successo:
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
