Knowledge Base Wiki

Gengis Kan
Xagaan (Kã Guasu) Mongólia Mburuvíre oisãmbyhýva
Gengis Kan
Hekove rehegua
Oiko mburuvichavete ramo	1206 guive 1227 peve
Heñói	1162 Dulun-Boldak
Omano	18 jasypoapy 1227 Yinchuan, Imperio chino Xi Xia
Entierro	Ndojeikuaái
Hogaygua
Hembireja jára	Ogodei Kan
Ñemoñarekuéra	Jochi Chagatai Ogodei Tolui
Hembiapo Ñorairõme
Lealtad	Mongólia Mburuvi
[editar datos en Wikidata]

Gengis Kan (16 jasyporundy ary 1162-18 jasypoapy ary 1227) ha'e akue peteĩ ñorairõhára ha mburuvicha guasu Mongólia pegua, ombojoaju akue umi tribu mongóle, upéicha ojapo Mongólia Mburuvi, ha oiko ichugui pe Kã guasu peteĩha, ko mburuvi ha'e akue pe tetã ituichavéva mokõiha yvy tembiasakuépe, upéicha Gengis Kan poguýpe ogueraha umi mongolekuéra ondyry ha oñemomba'e heta tetã ijykereguáre, upe rupi Mongólia ohupyty peteĩ yvy pukukue tuichaitéva, Európa Kuarahyresẽ guive paraguasu Py'aguapy peve, ha Sivéria guive amo Mesopotámia peve, Índia ha Indochína avei.

Oñepyrũkuévo ombotuichave Mongólia Mburuvi, ondyry ha ojoaju hetaiterei tavetãre ha mburuvi imbaretetereíva Ásia pegua, ha'ehaícha umi mburuvi oĩ va'ekue Chína-pe, pe kanato Kara-Kitai, Mburuvi Korasmio ha pe Mburuvi Tangúte.

Héra heñóivo Temudjin ha hi'ararecha Ypa Vaikály ypýpe,^[1] oiko rire ichugui mburuvicha oho ondyry pe Mongoraha Guasúre Chína retãme ha ohasa rire upe rupi oho oñemomba'e Mburuvi Tangúte rehe, upéicha oñepyrũ omoĩ Chína ipoguýpe.^[2]

Gengis omano ohecha mboyve hetã ituichakueitépe, hákatu opaite umi Mongólia mburuvicha guasu ojupi hapykuépe omomorã ichupe ha omomba'eguasu ichupe he'ígui hikuái hetã pokatu oñepyrũ Gengis rembiapópe.^[3] Ondyrývo umi tetã ijykeguáre hetaite oporojuka, ndojukái umi ñorairõhára añónte, ojukapaite avei tetãyguakuéra noñorairõiva, oje'e ojuka amo 30 sua térã 60 sua tapicha.^[3]

• Wikimedia Commons oguereko ta'ãnga Gengis Kan reheguaCommons.