Knowledge Base Wiki

Islamabad

اسلام آباد‬‎ (ur)
Epónimo	Islam e -abad
Localización
33°41′56″N 73°02′13″L / 33.6989, 73.0369
Estado	Paquistán
División administrativa	Território da Capital Islamabad (pt)
Capital de	Paquistán (1966–)
Poboación
Poboación	1.014.825 (2017) (1.120,12 hab./km²)
Xeografía
Superficie	906 km²
Altitude	490 m-620 m
Comparte fronteira con	Khyber Pakhtunkhwa (pt)
Creación	1960
Organización política
• Xefe do goberno	Sheikh Ansar Aziz (en)
Identificador descritivo
Código postal	44000
Fuso horario	UTC+5 (pt) UTC+06:00, horario de verán Pakistan Standard Time (en)
Prefixo telefónico	051
Outro
Irmandado con	Astrakán Abu Zabi Sydney Iacarta Pequín Taranto Toronto Ancara Amán (1989–)
Páxina web	islamabad.gov.pk

Este artigo amosa letras urdús. Sen o soporte axeitado, o texto pode mostrar símbolos sen sentido, coma caixas, marcas e outros.

A cidade de Islamabad (en urdú ‏اسلام آباد que significa: "Cidade do Islam") é a capital de Paquistán. Está situada ao nordés do país, no Territorio da Capital Islamabad. Historicamente parte do territorio formaba parte da rexión do Punjab e outra parte de Khyber Pakhtunkhwa. Ten unha poboación de 1 151 868 habitantes (resultados preliminares do censo de 2011) ^[1].

En 1958 decidiuse escoller unha comisión para elixir unha nova capital do novo estado que substituíra a Karachi a ao ano seguinte decidiuse por unha zona a 15 km ao nordés de Rawalpindi. Un grupo de urbanistas, baixo a dirección do grego Constantinos A. Doxiadis, foi encargado do deseño da nova urbe. O 24 de febreiro de 1960 ^[2] o goberno paquistaní decidiu darlle o nome de Islamabad e no ano 1961 comezaron as obras.

No ano 1967, Islamabad converteuse xa oficialmente na capital do Paquistán. En 1970 remataron os traballos de construción.

En outubro de ano 2005 a cidade viuse afectada polo terremoto que sacudiu o subcontinente indio.

Islamabad está situada no altiplano de Pothohar, a unha altura entre 457 m e 610 m, ao sur dos Altos de Margalla, a uns 15 km da cidade de Rawalpindi (antiga capital do país entre 1959 e 1968) e tamén cerca da de Gakhar.

O clima está en parte regulado por tres lagos artificiais (Rawal, Simli e Khanpur), mais é con todo un clima extremo, con veráns moi calorosos e con choivas monzónicas en xullo e agosto; os invernos son moi fríos con nevaradas frecuentes sobre os altos e máis raras na cidade. As temperaturas oscilan entre un mínimo de -3,9 °C en xaneiro e un máximo de 46,1 º no mes de xullo.

• Censo de 1981 - 204.364 habitantes .
• Censo de 1998 - 529.180 habitantes (censo oficial)
• Cálculos para 2006 - 794.531 habitantes.
• Resultados preliminares do censo de 2011 1 151 868 habitantes

• Área Azul, o centro financeiro de Islamabad.
• Avenida da Constitución.
• Monumento Nacional, preto de Shakarparian.
• Mesquita de Faisal, un dos monumentos emblemáticos de Islamabad's most; unha grande mesquita, agasallo do rei Faisal da Arabia Saudita.
• Altos de Margalla, outeiros que arrodean a cidade.
• Museo Lok Virsa.
• Museo de Historia Natural do Paquistán.
• Museo de Islamabad.
• Galería Nacional de Arte.