Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
A febre[1] ou quentura[2] é a elevación da temperatura do sangue no ser humano por encima do que se considera normal. A febre actúa como axuda ao corpo a combater os organismos que causan enfermidades e xorde en resposta a unhas substancias chamadas piróxenos que se derivan de bacterias ou virus que invaden o corpo.
O ser humano reacciona de diferentes modos aos ataques dos axentes piróxenos, modificando a temperatura corporal (entre 36 e 37 °C), ben subíndoa, ben baixándoa.
Ao chegar a 39 °C (pirexia) existe abundante suor acompañada de rubor, con taquicardias e dispnea. Pode xurdir esgotamento. Os menores e as persoas adultas con epilepsia poden sufrir convulsións chegados a este punto.
Ao chegar a 40 °C sófrense mareos, vertixes, deshidratación, debilidade, náuseas, vómitos, cefalea e suor profunda.
Con 41 °C (urxencia) os síntomas anteriores aparecen acentuados. Amais, pode existir confusión, alucinacións, delirios e somnolencia. Con 42 °C aparecen como síntomas a palidez ou ruibén. Pódese chegar ao coma, con hiper ou hipotensión e unha gran taquicardia. Xa con 43 °C sucédese a morte ou deixa como secuelas diversos danos cerebrais, acompáñase de continuas convulsións e shocks. Pode existir a parada cardiorrespiratoria. Con 44 °C ou superior a morte é segura.
Pola contra, cando a tempertura corporal é inferior a 35 °C tense hipotermia. Hai tremor intenso, entumecemento e coloración azulada/gris da pel. Cunha temperatura de 34 °C hai tremor severo, perda de capacidada de movemento nos dedos, cianose e confusión. Pode haber cambios no comportamento.
Con 33 °C hai confusión moderada, adormecemento, arreflexia, progresiva perda de tremor, bradicardia, dispnea. O suxeito non reacciona a certos estímulos. Con 32 °C (emerxencia) sófrense alucinacións, delirio, gran confusión, moi adurmiñado podendo chegar incluso ao coma. O tremor desaparece, o suxeito incluso pode crer que a súa temperatura é normal. Hai arreflexia, ou os reflexos son moi febles.
Con 31 °C existe coma, é moi estraño que estea consciente. Ausencia de reflexos, bradicardia severa. Hai posibilidades de que xurdan graves problemas de corazón. A partir de 28 °C hai alteracións graves de corazón, poden acompañarse de apnea e até aparentar ou incluso estar morto.
Entre 24 e 26 °C a morte adoita ter lugar por alteracións cardiorrespiratorias, non obstante, algúns pacientes sobreviviron a baixas temperaturas aparentando estaren mortos a temperaturas inferiores a 14 °C.
Aínda que a febre sexa unha resposta imunolóxica propia do organismo contra algún mal, a medicina moderna chegou a desenvolver algunhas drogas chamadas de antipiréticos que poden reducir a febre a niveis tolerados. Os antipiréticos máis comúns son o paracetamol e a dipirona. No interior do Brasil a febre é controlada coa inxesta de follas de froitos cítricos en infusión ou por medios máis naturais como baños fríos.
Tipos de Cefalalxias ou cefaleas | ||
|---|---|---|
| Primarias |  | |
| Secundarias | ||
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
