Knowledge Base Wiki

La carne es el tejiu animal, prencipalmenti musculal, que se consumi cumu alimentu.^[1] Se trata duna crasificación coloquial i comercial que solu se aplica a animalis terrestris —normalmenti vertebraus: mamíferus, avis i retilis—, a pesal de que podría aplicalsi a los animalis marinus, estus entran en otra categoría, la de pescau, especialmenti los pecis —los crustáceus, moluscus i otrus grupus suelin recibil el nombri de mariscu—. Más allá de la su crasificación biológica, otrus animalis, cumu los mamíferos marinus, se ain considerau a vezis carni i a vezis pescau. Endi el puntu de vista nutricional, la carni es una huenti abitual de proteínas, grasas y mineralis ena dieta umana. De tous los alimentus que se obtienin delos animalis i prantas, la carni es el que mayoris valoracionis i apreciacionis arcança enos mercaus i, paradójicamenti, tamién es unu delos alimentus más evitaus i que más polémicas susita.^[2]Los animalis que se alimentan exclusivamenti de carni se llaman carnívorus, mentris que los herbívorus se alimentan solamenti de prantas. Las prantas que se alimentan de insetus i otrus animalis se llaman igualmenti carnívoras (a pesal de la su entomofagia). Los que comin carni de presas matas pol ellus mesmus se denominan depredadoris i los que la obtienin de animalis ya muertus se denominan carroñerus.

La mayol parti dela carni de consumu palos seris umanus provieni delos mamíferus, abitualmenti conocia cumu carni roja^[3].

1. ↑ «Carne». lema.rae.es. Consultado el 2 de abril de 2015. 
2. ↑ "On Food and Cooking", Harold McGEE,Scribner, 2004
3. ↑ Runners.es. «Ventajas y desventajas de la carne roja». Archivado desde el original el 24 de octubre de 2018. Consultado el 24 de octubre de 2018.