Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
| Steven Tyler | |
|---|---|
 (2018) | |
| Bizitza | |
| Jaiotzako izen-deiturak | Steven Victor Tallarico |
| Jaiotza | New York, 1948ko martxoaren 26a (76 urte) |
| Herrialdea |  Ameriketako Estatu Batuak |
| Bizilekua | Maui |
| Lehen hizkuntza | ingelesa |
| Familia | |
| Ezkontidea(k) | Cyrinda Foxe (1978 - 1987) Teresa Barrick (en)  (1988 - 1991) |
| Bikotekidea(k) | ikusi
|
| Seme-alabak | ikusi
|
| Hezkuntza | |
| Heziketa | Berklee College of Music Roosevelt High School (en) |
| Hizkuntzak | ingelesa |
| Jarduerak | |
| Jarduerak | abeslaria, banjo-jotzailea, egile abeslaria, musikagilea, aktorea, piano-jotzailea, gitarra-jotzailea eta mandolinist (en) |
| Lantokia(k) | Boston |
| Jasotako sariak | |
| Kidetza | Aerosmith Toxic Twins (en) |
| Izengoitia(k) | Steven Tyler |
| Genero artistikoa | rock |
| Ahots mota | tenorra kontratenorra |
| Musika instrumentua | aho-soinua ahotsa |
| Diskoetxea | Columbia Records |
| steventyler.com | |
               | |
Steven Victor Tallarico, musika munduan Steven Tyler izenez ezaguna (1948ko martxoaren 26a, Yonkers, New York), estatubatuar abeslari, musikari eta konposatzailea da. Horretaz gain, aktore eta Aerosmith talde estatubatuarraren lider, abeslari eta instrumentu ugari jotzen dituen gizona ere bada. American Idol talentu bilatzaileen programan epaile gisa parte hartu zuen. Hainbat instrumentu jotzeko duen gaitasunagatik da ezagun. 2008an, Rolling Stone aldizkariak historiako 100 abeslari onenen artean kokatzeaz gain[1], garai guztietako 57. artista handienaren postua eman ziolarik. Gainera, Hit Parader aldizkari estatubatuarrak garai guztietako 3. Heavy metal abeslari onenaren postua eman zion, Robert Plant eta Rob Halforden atzetik[2]. Horrez gain, Digital Planet Rock irratiaren arabera, rockaren 40 abeslari onenen zerrendan 13. kokatzen da.
2005ean, Blender musika aldizkari estatubatuarrak eta MTV kateak 22 artista onenen artean 16. jarri zuten[3]. Roadrunner Records diskografiaren arabera, metal estiloaren 50 abeslari onenen artean 8.a bera da[4]. 2001ean, VH1 kateak saritu zuen, VH1 Fashion Awards sari-banaketan egokien jantzitakoa izateagatik. DigitalDreamDoor-ek abeslari onenen artean kokatu zuen, eta 78. postua eman zioten Walk This Way diskoan egindako lanagatik. Rockaren kantari onenetakotzat hartu zuten, ahoren tamainari eta mihiaren fisionomiari esker, azken hau ahoaren beheko zatian ezartzean, rockeko garrasi ohikoak igortzea ahalbideratzen baitio. 2001ean, Rockaren Ohorezko Aretoan gehitu zuten Steven Tyler, Aerosmith taldearekin batera.
Steven Tallerico 1948ko martxoaren 26an jaio zen Yonkersen, New York (AEB). Susan idazkaria (ezkon aurretik, Blancha, 1925eko ekainaren 2tik 2008ko uztailaren 4ra) eta Victor A. Tallarico (1916ko maiatzaren 14tik 2011ko irailaren 10era),musikari klasiko eta pianista ziren bere gurasoak. Aita italiar eta alemaniar jatorrikoa zen, eta ama, berriz, ingeles eta poloniar jatorrikoa.
Musika klasikoaren munduan murgilduta zegoen gizon baten semea, musika beti izan da atal garrantzitsua Tylerren bizitzan. Aitak Vic Talarrico Orkestra zuzentzen zuen. Bronxeko Derrigorrezko Bigarren Hezkuntza Spellman Kardinalean irakatsi zion aitak musika.
Steven Tylerrek blues musikarekiko afizioa ere bazuen, eta 1960 hamarkadan, talde bateko bateria izatetik The Strangeurs (geroago Chain Reaction izena hartu zuten), Chain eta William Proud bezalako rock n' roll taldeetako abeslari nagusi izatera pasa zen. Gaztaroko uda asko New Hampshirereko Sunapee lakuan igaro zituen. Bertan, etorkizuneko bere taldekideekin elkartu zen, Joe Perry eta Tom Hamiltonekin. Tylerrek etxeak ditu Marshfield, Massachusetts, Sunapee, NH, Cod lurmuturrean, New York eta Los Angelesen.
Stevenek Bebe Buell modeloarekin erlazio laburra izan zuen eta, harreman hartatik, Liv Tyler aktorea jaio zen. Buellek, hasieran, aita Todd Rundgren zela adierazi zuen, Liv Stevenen droga menpekotasunetik babestu nahi zuen-eta.
1978an, Cyrinda Foxekin ezkondu zen (Warholen modelo ohia, eta New York Dollseko abeslariaren, David Johansen emazte izandakoa zen), haren alaba Mia Tylerren aita bilakatuz. 1987an banandu ziren eta, 1997an, Dream On eta Livin 'on the Edge atera zituen, Aerosmith eta Tylerrekin bizitako oroitzapenak kontatuz. Cyrinda Foxe buruko minbiziaren ondorioz hilko zen 2002an.
1988an, Teresa Barrick diseinatzailearekin ezkondu zen, baina, 2005eko otsailean, arazo pertsonalengatik banandu egingo zirela adierazi zuten. 2006ko urtarrilean, dibortzioa ofizial egin zen.
2011n, Erin Brady 38 urteko modelo batekin hasi zen ateratzen, baina harremanak 2006tik 2012ra bitarte bakarrik iraun zuen, Stevenek garrantzi handiagoa ematen baitzien munduko birei eta bere proiektuei.
Tylerrek 4 seme-alaba baditu[5]:
Tylerrek biloba bat ere badu, Milo William Langdon (2004ko abenduaren 14an jaioa New Yorken), Liv Tylerrek eta bere senar Royston Langdon musikari britaniarrek izandakoa[6].
1965ean, Tylerrek bere lehen irratiko arrakasta idatzi zuen: "Dream On".
1969an, Sunapeeko rock talde baten kontzertuan parte hartu zuen.
1971. urte inguruan, taldea Bostonera, Massachusettsera, joan zen eta Brightoneko Commonwealth etorbidean apartamentu txiki bat partekatu zuten. Tylerren taldekide ohi bat, New Yorkekoa zen Joey Kramer, hartu zuten bateria jotzeko. Geroago, gitarra erritmiko bat hartu zuten: Brad Whitford, Tylerren gaztaroko laguna, Ray Tabano, ordezkatu zuena. Bostoneko clubetan kontzertuak eskaini ondoren, Frank Connelly, euren lehen agente komertzialaren bidez, taldea New Yorkeko beste agente batzuekin hasi zen lanean, Steve Leber eta David Krebsekin, hain zuzen ere. Pixka bat geroago, 1971n, diskoetxe batekin kontratua sinatu eta euren izena eramango zuen lehen albuma kaleratu zuten 1973an. Ondoren Get Your Wings (1974), Toys in the Attic (1975), Rocks (1976) eta Draw the Line (1977) diskak kaleratu ondoren, Aerosmith talde internazional gisa ezagutarazi zuten. Album horiek "Dream On", "Walk This Way" eta "Sweet Emotion" bezalako arrakastak zituzten. Aerosmithen lehen bost diskak platino bihurtu ziren, eta bostak hard rockaren garai guztietako album onenen artean kokatu zituzten adituek. Hala ere, hamarkadak aurrera egin ahala, grabazio, bira, bizikidetza eta drogen erabilerak sortutako bizitza gorabeheratsuaren ondorioak pairatzen hasi ziren.
Tyler eta Perry, egiten zuten suspergarri eta heroina kontsumoarengatik, Biki Kutsagarriak ezizenez ezagutzen zituzten. Bien arteko harremana Aerosmithen bideo ugaritan dago gordeta, baita VH1en "Behind The Music: Aerosmith" programan ere. Perryk taldea utzi zuen The Joe Perry Project-en murgiltzeko. Jimmy Crespok ordezkatu zuen. Steven Tylerrekin batera, Jimmyk abestien letrak idazten zituen, eta Rock In A Hard Place albuma ekoizten eta idazten lagundu zuen. Crespori esker, batera mantendu ziren Brad Whitfordek taldea utzi zuen arte (bere omenez, mikrofonoaren hankan erabiltzen zuen zapia lotzeko ohitura hartu zuten). Rick Dufayk ordezkatu zuen.
1970 eta 1980 hamarkadetan, Tyler ezaguna egin zen droga gogor eta alkoholaren kontsumoagatik. Drogen aurkako errehabilitazioa 1986an amaitu zuen, eta hogei urte ezer hartu gabe eman bazituen ere, 2009 analgesiko gehiegi hartzen hasi zen. Berriro egin behar izan zuen errehabilitazio saioa. Emandako emanaldietan, duen indar guztia askatzen du eta, gehienetan, kolore biziko trajeak eta mikrofonoaren gainean zintzilikatzeko bufandak erabiltzen ditu.
1983ko otsailaren 19an, taldea 1979an utzi zuten Joe Perry eta Brad Whitford Aerosmithen kontzertu batera joan ziren. VH1en "Behind The Music:Aerosmith" programa bereziaren arabera, Tylerrek Joe Perryri telefono dei bat egin zion itzultzeko eskatuz eta, bildu zirenean, Perry eta Whitfordek berriro taldera itzultzea onartu zuten.
Aerosmith berriro elkartzeak bira handia egiteko aukera eman zuen, "The Back In The Saddle Tour", eta beste diskoa bat grabatzen hasi ziren. Hala ere, arazo nagusiak ez zuen alde egin eta taldekideek, Tylerrek, batez ere, drogaren menpe jarraitzen zuten. Abeslariak behin baino gehiagotan egin zuen porrot 1980ko hamarkadako kontzertuetan, eta lehengoa gutxi balitz, heroinarekiko menpekotasun luze eta gogorra ere garatu zuen. Aerosmithen manager berria zen Tim Collinsek eta taldekideek bazekiten, euren liderrak horrela jarraituz gero, ez zirela urrutira iritsiko. 1986an, bilera gogorra antolatu zuten Tyler drogen aurkako errehabilitazio programa zorrotz batean sartzera behartzeko.
Tylerrek errehabilitazioa amaitu ondoren, Aerosmitheko beste taldekide guztiak antzeko programetan sartu eta errehabilitatu egin ziren eta, 1980ko hamarkadaren erdialderako, denek lortu zuten garbi egotea[7].
1985ean, Aerosmithek itzulerako diska kaleratu zuen, Done With Mirrors, baina erdipurdiko harrera lortu zituen. 1986an, Tyler eta Perryk Run-DMCren lankidetzan, Aerosmithen 1975eko Walk This Way abestia berreditatu zuten. Zerrendetako 4. postua lortu zuen eta Rolling Stonek mundua aldatu zuten 100 abestietatik 37. izendatu zuen[8].
Walk This Way abestiak taldea zein rap musika aro berri batean sartzeaz gain, itzulera ahalbideratuko zien urratsa ematen lagundu zien. Aerosmith 1987an itzuli zen, Permanent Vacation albumarekin. Top 20en zerrendan 3. egotea lortu zuen eta lau milioi kopia saldu zituen.
1989an, Pump kaleratu zuten eta 1993an, berriz, Get A Grip, bakoitzak zazpi milioi kopia saldu zituelarik eta, 1970eko arrakasta hutsean utziz, mundu mailako izar bilakatu ziren. Hiru albumek kritika bikainak jaso zituzten musika estilo berritzaileak zekartzatelako, Top 40 zerrendan abesti ugari zituztelako, antzezpen ugariko bideoak ekoitzi zituztelako eta hamaika sari jaso zituztelako, besteak beste. Aerosmithen hurrengo birari eta egin zituzten telebistako agerraldiei esker, Rock kulturaren ikur nagusi bilakatu ziren. Steven Tyler, taldeko liderra, taldearen sinbolo eta mundu mailan ezagun bihurtu zen.
1995ean, taldeak familiarekin egoteko beta hartu nahian, atseden hartzea erabaki zuen. Bitartean, Tim Collins managerrak bandaren arrakasta puri-puri mantzentzea lortu zuen.
Hala ere, arazoak ez ziren bukatu: Collinsek taldekideei gehiegi eragiten zien, taldea bereiztear zegoen zurrumurrua zabaldu zen, Tyler emaztearekiko ez zela leiala, drogen munduan berriro murgildu zela zioten... Honen guztiaren aurrean, Collins botatzea erabaki zuten eta Nine Jives diskaren kaleratzeko data atzeratu zen, 1997ra arte. Get a Gripen zifretara inguratu ez baziren ere, platino bikoitza izan zuten, eta taldeak goian jarraitu zuen. Albuma babesteko, bi urteko bira eskaini zuten.
1997an, Steven Tyler eta Joe Perry GAPen iragarki batean azaldu ziren, Tylerrek aho-soinua joz eta blues emanaldia eskainiz. GAPek musika munduko artistekin egin zuen iragarki kanpaina baten atala zen.
1998an, taldea Nine Jives albuma promozionatzeko biran zeudenean, mikrofonoak hankaren aurka talka egin eta, Steven Tylerrek lesioa jasan zuen belaunean. Emanaldia amaitzea lortu zuten, baina jarraian zeuzkaten zenbait kontzertu bertan behera utzi behar izan zituzten eta Tylerrek eskaiola erabili behar izan zuen I Don't Want to Miss a Thing abestiaren bideoa grabatzen zuten bitartean. Urte horretako zerrendetan lehenengo postua lortu zuen kantak.
XXI. mendearen hasieran, Super Bowlaren XXXV. ikuskizunaren, Rock & Rollaren Ohorezko Aretoan gehitzearen eta beste platinozko albuma kaleratzearen ondorioz, Aerosmithek jendearen arreta berreskuratu zuen. 2001etik, urtero bira arrakastatsu bat egin dute eta musikaren munduan aktibo mantentzea lortu dute, Just Push Play (2001) eta Honkin' on Bobo (2004) disken bidez. Horrez gain, Steven Tylerrek beste hainbat proiektu eta agerpen berezi egin ditu bitartean.
2001eko irailaren 11rko erasoen ondoren, bandak United We Stand kontzertu benefikoan jo zuen Washington DCn. Tylerrek gorputz osoko txaketa jantzi zuen, AEBetako bandera zeramana eta Livin' on the Edge eta I Don't Wanna Miss a Thing bezalako abestiak eskaini zituzten. Banda Indianapolisera itzuli zen gau horretan bertan beste emanaldi bat eskaintzeko.
2003an, Tylerrek titulu goraipagarria jaso zuen Berklee College of Musicen eskutik eta, 2005ean, berriz, honoris doktoretza eman zion Massachusettseko Unibertsitateak (Boston). Urte horretan bertan, Tylerrek AC/DCri Rock & Rollaren Ohorezko Aretoan kokatzeko bultzadatxoa eman zion, bera eta bere taldea bi urte lehenago han egon ondoren. Brian Johnson AC/DCren k abeslariarekin abestu zuen You Shook Me All Night Long eta Aerosmithen The Grind ere extra bezala txertatu zuten.
2004ko gabonetan, The Polar Express filmean Rockin' on Top of the world abestia abesten azaldu zen, eta bandaren itxura zuten ordenadore bidez sortutako iratxo batzuk azaldu ziren abestia jotzen.
Joe Perry lanpetuta ibili zen 2005ean, bere izena eramango zuen bakarkako diska prestatzen. Tylerrek ere hainbat proiektu gauzatu zituen denbora tarte horretan. Urte horretan, Santanaren abeslari nagusia izan zen Just Feel Better singlean. John Travolta eta Uma Thurman protagonistak ziren Be Coolen film batean parte hartu zuen; bertan, Steven Tylerrek duoa egiten zuen Linda Moonekin (Christina Milian) Cryin abestian.
2006an, Tylerren eztarriko kirurgia ondo sendatu eta Rockin' the Joint Tour neketsuaren ondoren, aipatua izatea merezi duen itzulera egin zuen. Ekintza aipagarrienetako bat Joe Perry eta Bostoneko orkestarekin laugarren Orkesten urteroko agerraldian uztailean parte hartu izana da, operazioaren ondoren lehen agerpen publikoa izan baitzen. Kontzertua nazio osoan igorri zuen CBSk eta Tylerrek, Perryk eta orkestak Walk This Way, I Don't Wanna Miss a Thing eta Dream On abestien pot-purria jo zuten.
Keith Anderson country abeslariarekin ere abesti bat grabatu zuen, Three Chord Country and American Rock & Roll izenekoa. Andersonen lehenengo albumeko abesti editatua zen, eta single gisa kaleratu zuten AEBetako Charts Countryn.
Urte horretan bertan, Aerosmithen biran eta album berria prestatzen lan egiteaz gain, Tylerrek hainbat agerpen publiko egin zituen. Two and a Half Men telebistako seriean bere burua bizilagun zaratatsu eta desatseginaren paperean jarri zuen. 2006ko urriaren 14an, Missouriko Saint Louiseko Bush Stadiumen, God Bless America abestu zuen 3. Liga Nazionaleko Ekialdeko Dibisioan Saint Louiseko Kardinalak eta New Yorkeko Metsak luzatzen zuten bitartean. Azaroaren 24an, Aerosmithen kontzertu baten aurretik, esker emate egunean, behartsuenei afaria zerbitzatu zien borondatez Floridako West Palm Beach jatetxean.
2007an, Aerosmithekin mundu mailako bira egin zuen eta 19 herrialdetan jo zuten. 2008ko maiatzaren 21ean, Steven Tyler Las Encias Hospitalen, Pasadenan (Kalifornia) ospitaleratu zuten, hanka hainbat kirurgiaren bidez sendatu ahal izateko. Horrela hitz egin zuen artistak: {{aipu|Hanko minaren agerpena oso handia izan zen, espero nuena baino handiagoa. Errehabilitazioko zaintzak eta terapia fisikoak sortutako tentsioa traumatikoak izan ziren. Giro ziurra behar nuen indarberritzeko, telefonoa alde batera utzi eta nire hanken arazoari lasai ekin ahal izateko[9]
2008ko uztailaren 14an, Tylerren ama, Susan Ray Tallarico, hil egin zen 84 urte zituelarik.
Uztailaren 18an, Billy Joelekin azaldu zen Sheako estadioan izan zen azkeneko kontzertuan. Billy Joelen taldea atzetik, Walk This Way abestia kantatu zuen.
Abuztuan, Harper Collinsek enkantea irabazi zuen Steven Tylerren autobiografia kaleratzeagatik.
Urte horretako abenduan, ezusteko agerpenak egin zituen Trans-Siberian Orchestraren kontzertuan (abenduaren 12an), Nassau Coliseumen, eta Izod Zentruan (abenduaren 13an). Izod Zentruaren azken sorpresa izan zen, eta Dream On eta Sweet Emotion abestietan parte hartu zuen Trans-Siberian Orchestrarekin.
2009ko abuztuaren 5ean, Tyler eszenatokitik erori zen, Sturgis inguruan, Hego Dakotan, burua eta lepoa zauritu eta sorbalda hautsi zuen. Rapid City eskualdeko ospitalera eraman zuten. Tylerren erorketaren ondorioz, Aerosmithek 2009ko Tourra bertan behera utzi behar izan zuen, urrian Hawaiin egin zituzten bi kontzertu salbu. Aurrez, 2007an, Mauin zuten lehen kontzertua bertan behera utzi eta kontzertura joateko asmoa zutenei dirua itzuli beharrean izan ziren.
2009ko azaroaren 9ko informazioen arabera, Steven Tylerrek ez zuen inongo harremanik bere Aerosmitheko bandakideekin eta ezin zuten bandan jarraitzen zuen ziurtatu. Hurrengo egunean, Joe Perryk, behin betikoa ez bazen ere, Tylerren abandonoa baieztatu eta bakarrik jarraituko zuela bidea esan zuen. Zurrumurruak zurrumurru, egun horretan bertan The Joe Perry Project taldeak emanaldia zuen New Yorkeko Fillmoren, Irving Plazan eta Aerosmithen Walk This Way jo zutenean, Tyler bera batu zitzaien eta horrela esan zion aurrean zuen jendetzari: {{aipu|New York! Jakin ezazue! Ez nabil banda uztekotan![10] Baina, bandakideek kezkatuta zeuden, drogatan erori zelako berriro[11]. Lortu zuten azkenean berriro errehabilitazioan sartzea eta ondoren berriro etorriko zela bandara esan zuten.
2010eko otsailaren 15ean, Aerosmith Doningtongo (Ingalaterra) Download Festivalerako aurkeztu zuten eta Tyler taldearen abeslaria izango zela ere argitu zuten. Martxoaren 26an, Steven Tylerrek rap albuma grabatuko zuela adierazi zuen. Chris Cornellekin Scream grabatu zuen, eta Reverend Run, Run-DMCko Darryl Mac, Kid Rock eta T-Painek bertan parte hartuko zuten zurrumurrua zabaldu zen. Urte bereko abuztuaren 14an, Aerosmith eta J.Geils Bandekin Bostoneko Fen Way Parken azaldu zen Tyler eta Boston Sunday Globe egunkariak azalean jarri zuen bere irudia.
2011ko All-Stars Gameen aurkeztu zuten. Urriaren 25ean, konortea galdu zuen Luqueko (Paraguai) hoteleko komunean, aurpegia zauritu eta bi hortz hautsi zituen. Asuncioneko ospitalera eraman zuten eta odontologia eta kirurgia plastikoko tratamendua egin zioten bekain eta ezpainetan. Gau horretako kontzertua hurrengo egunera atzeratu zuten. Egunkarien arabera, bi hortzak erakutsi zituen soka batekin lotuta. Begiondoan ere izugarrizko ubeldua zuen; betaurreko beltzekin atera zen eszenategira, baina berehala galdu zituen[12].
2006ko martxoaren 22an, bere 58. urteurrena baino lau egun lehenago, The Washington Postek adierazi zuen Tylerrek ebakuntza bat egin behar zuela[13]. Badirudi bira mantentzeko ahaleginetan ibili zirela, baina medikuak kantatzen ez jarraitzeko gomendatu zion, ahotsari errekuperatzeko behar adina denbora uzteko. Horrela, Ipar Ameriketako Rockin' the Joint tourra bertan behera geratu zen.
Eztarrian azaldu zitzaion odol-hodia zuzentzeko kirurgia ondo atera zen eta, aste batzuk lasai igaro ondoren, 2006ko maiatzaren 20an, Steven eta Aerosmith estudioan sartu ziren, album berrian lanean hasteko. Uztailaren 3 eta 4an, Tyler eta Perry Bostoneko eszenatokian izan ziren Boston Pops orkestarekin, eta Dream On, Walk This Way eta I Don't Want to Miss a Thing abestu zituzten. Ebakuntzaren ondoren egindako lehen agerpena izan zen Tylerrentzat. 2006ko udazkenean, Mötley Crüe taldearekin tourra egin zuten, Route of All Evil Tour izena eman ziotelarik.
Steven Tylerren eztarriko kirurgia National Geographic Channelen atera zen 2007an, Gizakia Makina Harrigarria seriean[14].
2006an Access Hollywoodi emandako elkarrizketa batean, Tylerrek aitortu zuen B eta C hepatitisak jasan zituela azken 11 urteetan[15]. 2003an diagnostikatu zioten gaixotasuna eta tratamendu gogorra eman zioten 2006ra arte. Okerrena interferon bidezko tratamendu agonikoan 11 hilabete igaro zituela dela dio.
2009an, Tyler errehabilitaziorako klinika batean sartu zen. 61 urteko rockeroak People aldizkariari esan zioenez, azken 10 urteetako emanaldietan jasandako lesioen ondorioz, oinazeak eta analgesikoekiko menpekotasuna kontrolatzeko sartu zen zentroan. {{aipu|Nire familiaren eta medikuen laguntzarekin, oinazea kontrolatzeko ardura hartzen ari naiz eta eszenategira itzultzeko irrikitan nago.[16]
2007ko irailaren 15ean, New Hampshire International Speedwayen, Stevenek Dirico motozikleta berri batzuk aterako ziren iragarpena egin zuen. Berak diseinatu zituen, Mark Diricoren gidaritzapean eta AC Custom Motorcyclesek eraikiak Manchesterren, New Hampshire[17].
Steven betidanik izan da motozale sutsua: {{aipu|Askatasuna sentitu ahal izateko toki bakarretako da; paparazzien kamerak muturrean izatetik libre, zaleak autografo eske izatetik aske, adulaziotik urrun...[18]
Era berean, Steven Tylerek motoen karitate enkatean ere hartu zuen parte.
| Titulua | Xehetasunak | Postua | Zertifikazioak | ||||||||||
|---|---|---|---|---|---|---|---|---|---|---|---|---|---|
| US | AUS | CAN | GER | NLD | NZ | SWI | UK | ||||||
| Aerosmith |
|
21 | — | — | 58 | — | — | — | — | — | — |
| |
| Get Your Wings |
|
74 | — | — | — | — | — | — | — | — | — |
| |
| Toys in the Attic (album) |
|
11 | 79 | — | 7 | — | — | — | — | — | — |
| |
| Rocks (album) |
|
3 | 45 | — | 14 | — | — | — | 46 | — | — |
| |
| Draw the Line (Aerosmith album) |
|
11 | — | — | 10 | — | — | — | — | — | — |
| |
| Night in the Ruts |
|
14 | — | — | 8 | — | — | — | — | — | — |
| |
| Rock in a Hard Place |
|
32 | — | — | 24 | — | — | — | — | — | — |
| |
| Done with Mirrors |
|
36 | — | — | 72 | — | — | — | — | — | — |
| |
| Permanent Vacation (album) |
|
11 | 42 | — | 7 | — | — | — | — | — | 37 |
| |
| Pump (album) |
|
5 | 1 | — | 2 | 13 | 33 | 8 | 8 | 9 | 3 |
| |
| Get a Grip |
|
1 | 3 | 3 | 2 | 3 | 2 | 9 | 3 | 1 | 2 |
| |
| Nine Lives (Aerosmith album) |
|
1 | 13 | 2 | 2 | 3 | 17 | 14 | 3 | 3 | 4 |
| |
| Just Push Play |
|
2 | 27 | 7 | 2 | 6 | 32 | — | 19 | 3 | 7 |
| |
| Honkin' on Bobo |
|
5 | 57 | 22 | 5 | 32 | 64 | — | 38 | 17 | 28 |
| |
| Music from Another Dimension! |
|
5 | 30 | 12 | 6 | 7 | 33 | — | 11 | 5 | 14 |
| |
| "—" denotes a recording that did not chart or was not released in that territory. | |||||||||||||
| Urtea | Xehetasunak | Postua | Zertifikazioak | ||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| US | Austria | Frantzia | Alemania | Herbehereak | Suedia | Suitza | Erresuma Batua | ||||||||||||||||||||||
| 1978 | Live! Bootleg
|
13 | — | — | — | — | — | — | — |
| |||||||||||||||||||
| 1986 | Classics Live I and II
|
84 | — | — | — | — | — | — | — |
| |||||||||||||||||||
| 1987 | Classics Live I and II Vol. 2
|
— | — | — | — | — | — | — | — |
| |||||||||||||||||||
| 1998 | A Little South of Sanity
|
12 | 37 | 39 | 21 | 34 | 16 | 24 | 36 |
| |||||||||||||||||||
| 2005 | Rockin' the Joint
|
24 | — | — | — | — | — | 97 | — | — | |||||||||||||||||||
| "—" denotes albums that did not chart. | |||||||||||||||||||||||||||||
| Urtea | Xehetasunak | Postua | Zertifikazioak | ||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| US | Australia | Alemania | Zeelanda Berria | Suitza | Erresuma Batua | ||||||||||||||||||||||||
| 1980 | Greatest Hits (Aerosmith album)
|
43 | — | — | — | — | — |
| |||||||||||||||||||||
| 1988 | Gems (Aerosmith album)
|
133 | — | — | — | — | — |
| |||||||||||||||||||||
| 1991 | Pandora's Box (album)
|
45 | — | — | — | — | — |
| |||||||||||||||||||||
| 1994 | Big Ones
|
6 | 12 | 5 | 4 | 6 | 7 |
| |||||||||||||||||||||
| 1994 | Box of Fire
|
— | — | — | — | — | — |
| |||||||||||||||||||||
| 1994 | Pandora's Toys
|
— | — | — | — | — | — | — | |||||||||||||||||||||
| 2001 | Young Lust: The Aerosmith Anthology
|
191 | 48 | 78 | 15 | — | 32 |
| |||||||||||||||||||||
| 2002 | Classic Aerosmith: The Universal Masters Collection
|
— | — | — | — | — | — | — | |||||||||||||||||||||
| 2002 | O, Yeah! Ultimate Aerosmith Hits
|
4 | — | — | — | 90 | 6 |
| |||||||||||||||||||||
| 2006 | Devil's Got a New Disguise: The Very Best of Aerosmith
|
33 | 31 | 80 | 2 | 30 | 19 |
| |||||||||||||||||||||
| 2010 | 20th Century Masters
|
— | — | — | — | — | — | — | |||||||||||||||||||||
| 2011 | Tough Love: Best of the Ballads
|
109 | — | — | — | 87 | 42 | — | |||||||||||||||||||||
| "—" denotes albums that did not chart. | |||||||||||||||||||||||||||||
| Urtea | Abestia | Artista | Albuma |
|---|---|---|---|
| 1986 | "Walk This Way" | Run-D.M.C. - Steven Tyler eta Joe Perrykin | Raising Hell |
| 1988 | "Wild Thing" | Sam Kinison; Steven Tyler artista gonbidatu | Have You Seen Me Lately? |
| 1989 | Various tracks | Alice Cooper; Steven Tyler artista gonbidatu | Trash (Alice Cooper album) |
| 1989 | "Slice of Your Pie" | Mötley Crüe; Steven Tyler artista gonbidatu | Dr. Feelgood (album) |
| 1989 | "Sticky Sweet" | Mötley Crüe; Steven Tyler artista gonbidatu | Dr. Feelgood |
| 1999 | "Roots, Rock, Reggae" | Bob Marley Steven Tylerrekin | Chant Down Babylon |
| 2001 | "Misery" | Pink abeslaria Steven Tyler eta Richie Samborarekin | Missundaztood |
| 2002 | "Sing for the Moment" | Eminem Steven Tyler eta Joe Perryrekin | The Eminem Show |
| 2004 | "I'm a King Bee" | Steven Tyler eta Joe Perry | Lightning in a Bottle Soundtrack |
| 2005 | "Just Feel Better" | Carlos Santana Steven Tylerrekin | All That I Am (Santanaren albuma) |
| 2006 | "Three Chord Country and American Rock & Roll" | Keith Anderson Steven Tylerrekin | Three Chord Country and American Rock & Roll |
| 2009 | "Cryin'" eta "Smile" | Chris Botti Steven Tylerrekin | Chris Botti In Boston |
| 2013 | "Sex E Bizarre" | Orianthi Steven Tylerrekin | Heaven in This Hell (Deluxe Edition) |
| Urtea | Single | Postua |
|---|---|---|
| US | ||
| 1998 | "I Love Trash" | |
| 2010 | "Love Lives" | |
| 2011 | "(It) Feels So Good" | 35 |
| Urtea | Film/Broadcast | Papera |
|---|---|---|
| 1978 | Sgt. Pepper's Lonely Hearts Club Band | Future Villain Bandako kidea |
| 1988 | The Decline of Western Civilization Part II: The Metal Years | Steven Tyler |
| 1990 | Saturday Night Live: Musical guest; "Wayne's World" sketch | Steven Tyler |
| 1991 | The Simpsons: "Flaming Moe's" episode | Steven Tyler (ahotsa) |
| 1993 | Wayne's World 2 | Steven Tyler |
| 1993 | Saturday Night Live: Musical guest; "Bad Dancer" sketch | Steven Tyler |
| 1997 | Saturday Night Live: Musical guest; "Mary Katherine Gallagher" sketch | Steven Tyler |
| 1999 | Clubland (1999 film) | David Foster |
| 2001 | Saturday Night Live: Musical guest | Steven Tyler |
| 2002 | Lizzie McGuire | Father Christmas/Steven Tyler |
| 2004 | The Polar Express (film) | Elf Lieutenant / Elf Singer |
| 2004 | Goodnight Joseph Parker | Sammy |
| 2005 | Be Cool | Steven Tyler |
| 2006 | Two and a Half Men | Steven Tyler; bi atal |
| 2009 | Chris Botti In Boston | Steven Tyler |
| 2011 | American Idol | Steven Tyler |
| 2013 | Ke$ha: My Crazy Beautiful Life | Steven Tyler; Atala: "A Warrior In The Making" |
| 2013 | Epic | Nim Galuu (ahotsa) |
| 2013 | Miss Universe 2013 | Steven Tyler |
| 2013 | Top Gear | Steven Tyler |
| 2014 | Hell's Kitchen | Steven Tyler |
 |
Wikimedia Commonsen badira fitxategi gehiago, gai hau dutenak: Steven Tyler  |
| Autoritate kontrola |
|
|---|
Datuak: Q194045
Multimedia: Steven Tyler / Q194045
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
