Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
| Mozart, l'opéra rock | |
|---|---|
 Mikelangelo Loconte kiel Mozart, 2011 | |
| Ĝenro: | muzikalo |
| Origina lingvo: | Franca |
| Muziko: | laŭ Wolfgang Amadeus Mozart |
| Premiero: | 22-a de septembro 2009 |
| Loko de la premiero: | Palais des Sports de Paris |
Mozart, l'opéra rock (Mozart, la rok-opero) estas franca muzikalo reĝisorita de Olivier Dahan kaj produktita de Dove Attia kaj Albert Cohen kiu estis prezentita de la 22-a de septembro 2009 ĝis la 3-a de januaro 2010 en Palais des Sports de Paris antaŭ ol turnei tra Francio, Belgio kaj Svislando.
La spektaklo alternas pecojn de pop-rokaj komponaĵoj kaj klasikaj komponaĵoj de komponisto Wolfgang Amadeus Mozart.
La spektaklo komenciĝas kiam la destino de Mozart alvenas al turnopunkto: Colloredo postvenas la Princon-ĉefepiskopon de Salzburg. La nova suvereno estas aŭstera kaj aŭtoritatema homo, nesentiva al la muziko de Mozart kaj alergia al la impeto kaj impertinento de la persono. Al Mozart, la vivo en Salzburg rapide fariĝas neeltenebla.
Li estas 20-jara kiam li decidas forlasi sian naskiĝurbon kune kun sia patrino, serĉante pli bonan estontecon en eŭropa ĉefurbo. La trairado de la komponisto estas markita de fiaskoj kaj kruelaj elreviĝoj. Neniu eŭropa kortego dungas lin, li ekkonas unuan am-elreviĝon kun Aloysia Weber kaj lia patrino mortas en Parizo, urbo kiu forĵetas kaj humiligas lin.
Mozart revenas al sia aŭstera kaj senreliefa vivo en Salzburg, kiam li ekscias la morton de imperiestrino de Aŭstrio. La komponisto devas akompani sian dunganton, Colloredo, al Vieno por omaĝi al la nova imperiestro, Jozefo la 2-a. Vieno, eŭropa ĉefurbo de muziko, sigelos la destinon de la komponisto. Mozart ekkonos gloron, amon, rivalecon kaj poste falon kaj mizeron.
Li mortos en plej granda senhaveco lasante sian plej belan verkon, la Rekviemon, nefinita.
DVD de la spektaklo aperis la 3-an de novembro 2010 (en Francio)
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
