La 16-a de februaro estas la 47-a tago de la jaro laŭ la gregoria kalendaro . 318 tagoj restas (319 en superjaroj).
Je la 16-a de februaro okazis, interalie:
Eventoj
116 : Romia imperiestro Trajano direktis senditon al la Roma Senato pro siaj venkoj kaj konkero de Partio
1214 : Angla armeo gvidata de reĝo Johano konkeris francan havenon La Rochelle
1270 : Grandprinclando Litovio venkis Livonian Ordenon en batalo de Karuse (apud estona insulo)
1271 : Piastoj : princo de Krakovo kaj Sandomierz urbigis Jędrzejów sur magdeburga juro
1279 : Denizo iĝis reĝo de Portugalio
1358 : En Sieradz en ĉeesto de pola reĝo Kazimiro la Granda , unuan fojon oni uzis la vorton Respubliko pri Krono de la Regno de Pollando
1486 : Princo-elektistoj elektis Maksimilianon la 1-an reĝo de Germanio
1568 : Okdekjara Milito : la tuta loĝantaro de Malaltaj Landoj (ĉ. 3 milionoj) estis de Romkatolika Eklezio kondamnita al morto pro herezo
1630 : En Brazilo trupoj el Respubliko de la Sep Unuiĝintaj Provincoj konkeris urbon Olinda kaj poste ankaŭ provincon Pernambuco , kie provizore estis establita nederland-brazila kolonio
1699 : Unua Leopoldina Diplomo estis donita de la Sankta Romia Imperiestro , agnoskante grekkatolikan pastraron laŭ la samaj privilegioj kiel katolikaj klerikoj en Princlando Transilvanio
1704 : Granda Nordia Milito : konfederacio de Varsovio establiĝis kontraŭ reĝo Aŭgusto la 2-a
1707 : Skota parlamento akceptis la Kontrakton de Unuiĝo - Reĝlando de Granda Britio kreiĝis
1770 : Malvenko de Bara Konfederacio en batalo apud Błonie
1785 : Antoine Lavoisier sukcesas disdividi akvon en hidrogenon kaj oksigenon
1804 : Unua Berbera Milito : leŭtenanto Stephen Decatur gvidis atakon de usonaj marsoldatoj por detrui Philadelphia transprenitan en haveno de Tripolo , kaj uzeblan favore al Berberio
1807 : Napoleonaj Militoj : venko de Napoleona armeo kontraŭ la prusa en batalo de Ostrołęka - unu el pli gravaj bataloj en Mazovio
1816 : Laŭ iniciato de Stanisław Staszic fondiĝis Akademi-Minista Lernejo en Kielce
1848 : Lasta pariza koncerto de la pola komponisto kaj pianisto Ŝopeno
1862 : Laŭ iniciato de Miroslav Tyrš , en Prago fondiĝis gimnastika Sokol-movado
1863 : Svislando : Henri Dunant kreis en Ĝenevo Internacian Komitaton de la Ruĝa Kruco
1900 : Germanio , Usono kaj Britio subskribis interkonsenton laŭ kiu Germanio ricevis okcidentan parton de la insularo Samoo (Upolu kaj Savaii-Insulo )
1904 : Ekspedicio Discovery : esplorŝipo liberigita de dujara glacia kaptiteco
Unua mondmilito
1919 : En Treviro oni subskribis formalan armisticon finantan polan venkan ribelon de Grandpolujo kontraŭ la Vajmara Respubliko - devigita de marŝalo Ferdinand Foch
1920 : Dua Pola Respubliko : en Gochy-regiono okazis bataletoj inter pola loĝantaro kaj germanaj soldatoj pro malfavore al Pollando fiksita landlimo - intervene de Internacia Landlima Komisiono la ŝtatlimo estis ŝovita je 10 km favore al Pollando
1922 : Supra Silezio revenis al Pollando
1923 : Historio de Egiptio : Howard Carter kaj George Herbert malfermis sarkofagon de faraono Tutanĥamono
1923 : Litovio : Konferenco de grandambasadoroj agnoskis la Memel-regionon
1933 : Ĉeĥoslovakio , Jugoslavio kaj Rumanio subskribis interkonsenton Malgranda Entento
1934 : Kvintaga aŭstria enlanda milito finiĝis; aŭstrofaŝisma registaro venkis kvazaŭarmean organizon Republikanischer Schutzbund, aganta interkonsente kun Socialdemokratia Partio de Aŭstrio
1936 : Hispanio : parlamentan balotadon gajnis la Popola Fronto — koalicio de socialistoj, komunistoj, respublikanoj kaj aliaj pli malgrandaj partioj
1936 : Svislando : en Morges , en la domo de estinta pola ĉefministro Ignacy Jan Paderewski , formiĝis politika grupo, kies celo estis eksterregopovigo en Pollando de la ĝisnunaj regopovoj, i.a. partoprenis Józef Haller , Władysław Sikorski kaj Wincenty Witos
1937 : Nilono estis patentita
1939 : Hungara ĉefministro Pál Teleki la duan fojon formis registaron
Dua mondmilito :
1940 : Germana teroro en okupata Pollando: germana polico organizis homĉasadon de junularo sur stratoj de Varsovio , en Śródmieście kaj kvartalo Praga , cele al deportado por trudlaboro en Tria Regno ; Holokaŭsto : SS -anoj pafekzekutis en Pałecznica pli ol 150 judajn militkaptitojn ; en Krakovo mortis en malsanulejo pro elĉerpiĝo profesoro Stefan Kołaczkowski, arestita kadre de Intelektulkampanjo de Krakovo kaj liberigita de Sachsenhausen ; Altmark-incidento : apud marbordo de Norvegio skipo de brita destrojero HMS Cossack post manenmana lukto kun skipo de la germana ŝipo Altmark liberigis 303 militkaptitojn el britaj sinkigitaj ŝipoj fare de kirasŝipo Admiral Graf Spee ; Parizo : kreo de Franca Ekspedicia Korpuso en Skandinavio ; Vintra milito : en Karelia istmo finna armeo retiriĝis al la dua defendzono
1941 : Germana polico en Varsovio kaj kelkaj pli grandaj urboj de Ĝenerala Gubernio okazigis homkaptadon de personoj, kiuj okupiĝis pri eksterleĝa komerco; en ĜG estis 700 segilejoj , kiuj plejparte laboris por bezonoj de Tria Regno ; en ĜG germanaj regopovoj agnoskis 9 ŝtatajn festojn dum la jaro; nokte de la 15-a/16-a de februaro super Dębowiec (distrikto Cieszyński ) okazis unua operaca paraŝutado de mutobskuruloj
1942 : Operaco Reinhardt : Gestapo pafmortigis en Ryglice 7 judojn; Ministro pri justeco en Tria Regno dissendis cirkuleron por prokuroroj, en kiu li postulis apliki permeson de puna juro kontraŭ poloj kaj judoj por agoj faritaj antaŭ eksplodo de la milito; Heinrich Himmler eldonis sekretan cirkuleron ordonante forsetladon , ekziligon al trudlaboroj aŭ deportadon al koncentrejoj de tiuj poloj, kiuj insiste rifuzis enskribiĝi al germana nacieca listo; Kariba Maro : germanaj kaj italaj submarŝipoj ekiris kontraŭ reŝarĝejojn de nafto (ĝis la 13-a de marto)
1943 : Al germana trudlaborejo en Trawniki oni sendis unuan transporton de judoj el la Varsovia geto ; Himmler ordonis deporti al koncentrejo 6 polojn el ĜG, kiuj rifuzis subskribi ŝanĝon de sia nacieco al la germana kaj iliajn infanojn sendi al germanaj familioj en Tria Regno aŭ al publikaj edukejoj kaj malpermesis korespondadon inter familioj kaj infanoj; Himmler krome rekomendis malkonstruon de Varsovia geto post deporto de ĉiuj judoj; itala okupacia soldataro masakris 150 loĝantojn de la greka vilaĝo Domenikon; norvegaj paraŝutistoj komencis apud Rjukan sukcesan batalon de peza akvo ; Orienta Fronto : trupoj de la Voroneĵa Fronto liberigis Ĥarkivon ; telegramo de prezidanto de la Konsilio de Popolkomisaroj Josif Stalin sendita al Franklin D. Roosevelt kaj Winston Churchill pri neebleco prokrasti malfermon de la dua fronto ĝis la dua duono de 1943; Bomba Korpuso de RAF atakis Lorient , de la 16-a/17-a de februaro
1944 : En Varsovio germana polico mortigis ne malpli ol 5 judojn kun triopo de infanoj; taĉmento de Kamparanaj Batalionoj batalis kontraŭ Ukraina Ribela Armeo defendante la vilaĝon Prehoryłe - 7 mortigitoj kaj 5 vunditoj flanke de ukrainoj ; Hans Frank , guberniestro de ĜG, anoncis kreon de Pola Kontraŭbolŝevika Ligo; Winston Churchill dum renkontiĝo de pola kaj brita registaroj insistis rekoni Curzon-linion kiel estontan orientan landlimon de Pollando; germana polico mortigis en Varsovio ne malpli ol 5 judojn kun triopo de infanoj; apud Cassino unu el barataj batalionoj de la 4-a Infanteria Divizio konkeris kaj poste perdis la monton "593"; en Stokholmo okazis unua renkontiĝo de soveta delegitino Aleksandra Miĥailovna Kolontaj kun reprezentanto de la finna registaro Juho Paasikivi pri eliro de Finnlando el la milito — oni prezentis 6 sovetajn kondiĉojn
1945 : Ruĝa Armeo konkeris Żary , Lwówek kaj Żagań — kutime tri tagojn poste NKVD -taĉmentoj per teroro altrudis sovetan okupadon; Konsilio de Teologia Fakultato de Jagelona Universitato agnoskis sekretan dummilitan instruadon filozofi-teologian kiel universitatan ; en Poznań aperis ĵurnalo "Głos Wielkopolski" (Voĉo de Grandpolujo); usona 15-a Aviada Armeo atakis fabrikon de Messerschmitt en Regensburg ; Pacifiko : sur la insulo Corregidor alteriĝis 503-a paraŝutista regimento kaj la mara (bataliono de 34-a infanteria regimento); en Kairo okazis renkontiĝo de Haile Selassie kun Winston Churchill ; Venezuelo : militdeklaro al Germanio
1946 : Dua soveta okupado de Pollando : dum la batalo de Gajrowskie (distrikto Giżycko ) rezulte de polica traserĉo fare de NKVD -UB-MO estis frakasita la 3-a Vilna Brigado de Nacia Militara Unuigo, konsistanta el 180 soldatoj - 16-22 partizanoj pereis aŭ estis murditaj, 2 arestitaj, kaj flanke de NKVD almenaŭ 2 funkciuloj pereis
1946 : En Prago komenciĝis intertraktado pri fino de la ĉeĥoslovakaj-polaj limregionaj disputoj
1947 : En Varsovio reaktivis pola PEN-Klubo , kies prezidanto iĝis Jan Parandowski
1948 : Gerard Kuiper malkovris Mirandon , la plej malgrandan el la 5 ĉefaj naturaj satelitoj de Urano
1951 : Litova servo de la radiostacio "Voĉo de Usono " komenciĝis
1956 : En Britio oni nuligis mortpunon
1957 : Premiero de la sveda filmo La sepa sigelo de Ingmar Bergman
1959 : Kuba revolucio : post venko en la Movado 26-a de Julio ties gvidanto Fidel Castro iĝis ĉefministro de Kubo , transdonante regopovon super la armeo al sia frato Raúl Castro
1964 : Willy Brandt iĝis prezidanto de la Socialdemokratia Partio de Germanio
1966 : Francio okazigis la lastan el 17 nukleaj testoj en alĝeria Saharo
1968 : Unua integra savsistemo 9-1-1 aperis en Usono
1968 : Rumanio rezignis sovetan administran disdividon de la lando kaj reestablis la tradician: 39 distriktoj kaj plie la grandurbo Bukareŝto
1971 : Germana federacia ministerio pri internaj aferoj anoncis, ke la nomo "fraŭlino " ne estu uzata - la vorto "virino " devas esti uzata por ĉiu ina plenkreskulo
1978 : Unua bultenejo ekfunkciis en Ĉikago
Milita stato en Pollando :
1985 : Libano : ŝijaisma Hizbulaho aperis politike (politika partio )
1987 : En Jerusalemo komenciĝis proceso kontraŭ ukraino Ivan Demjanjuk , akuzita pri krimoj, faritaj kiam li estis SS -gardisto kun kromnomo "Ivano la Terura " en Treblinka ; kondamnita al morto, en 1993 senkulpigita en Israelo , en 2011 en Munkeno kondamnita al 5 jaroj de mallibero pro partopreno en la murdo de 28 mil judoj en Sobibor en 1943
1990 : Sam Nujoma iĝis unua prezidento de Namibio
1994 : Grekio altrudis kompletan portempan embargon al eksa Jugoslava Respubliko Makedonio pro la intenco ke Skopjo estos agnoskita kiel Respubliko Makedonio , fermis sian konsulejon en Skopjo kaj la havenon de Tesaloniko por la respubliko
1998 : Pasaĝera aviadilo apartenanta al ĉina aviadkompanio kraŝis proksime al la internacia flughaveno Ĉiang Kai-ŝek - 202 homoj mortis
2003 : Kroatlingva Vikipedio aperis surbaze de Serbokroatlingva Vikipedio , kune kun Serblingva Vikipedio kaj Bosnalingva Vikipedio
2005 : Tutmonda varmiĝo : Protokolo de Kioto , plilarĝigo de UNFCCC , ekvalidis post ties ratifo fare de Rusio , kun la celo redukti emisiojn de karbona dioksido je 6,5% ĝis 2010, kompare kun 1990
2006 : En Kanado estis lanĉita Projekto de Internacia Muzika Biblioteka Poentaro - la plej granda interreta kolekto de liberaj kaj senkostaj muziknotoj rete alirebla
2007 : Prezidento de Pollando Lech Kaczyński malkaŝis enhavon de la sekreta raporto pri kontrolo de Militistaj Informaj Servoj ("Raporto de Macierewicz ")
2009 : Zillur Rahman iĝis prezidento de Bangladeŝo
2013 : 110 personoj pereis kaj ĉ. 200 vundiĝis en bomba atenco sur bazaro en pakistana urbo Kveta
2016 : Nacia Pola Banko memorigis sur arĝenta monero , destinita por kolektantoj , mut-obskurulojn - sur averso estas alteriĝanta paraŝutisto kaj reverse laŭrokrono kaj Signo de Batalanta Pollando kun 316 birdoj surfone
2022 : Festado de la unua Tago de Unuigo de Ukrainoj — proklamita de prezidento Volodimir Zelenskij , responde al amasiĝo de 140 mil rusiaj soldatoj laŭlonge de la ŝtatlimoj , ankaŭ de la teritorio de Belorusio
2023 : Invado de Rusio en Ukrainion :
Naskiĝoj
1331 : Coluccio Salutati , florenca kanceliero kaj klerulo (m. 1406 )
1419 : Johano la 1-a , germana duko de la Duklando Kleve (m. 1481 )
1497 : Filipo Melanktono , germana teologo, profesoro, religia reformisto, gravulo de reformacio (m. 1560 )
1514 : Georg Joachim Rheticus , germana profesoro pri matematiko, astronomo, kartografo , kuracisto, eldoninto de suncentrisma verko de Nikolao Koperniko (m. 1574 )
1519 : Gaspard de Coligny , franca admiralo , gvidanto de hugenotoj , murdita (m. 1572 )
1620 : Frederiko Vilhelmo , princo-elektisto de Brandenburgio , duko de Prusio (m. 1688 )
1698 : Pierre Bouguer , franca matematikisto, geofizikisto, geodeziisto, kaj astronomo, profesoro de hidrografio kaj aŭtoro de traktaĵo pri navigado , konata kiel "la patro de la ŝiparkitekturo" (m. 1758 )
1727 : Nikolaus Joseph von Jacquin , aŭstra sciencisto studinta medicinon, biologion kaj kemion, mikologo (m. 1817 )
1731 : Marcello Bacciarelli , itala pentristo (m. 1818 )
1761 : Jean-Charles Pichegru , franca generalo kaj parlamentano (m. 1804 )
1764 : Peter Kaufmann , aŭstra skulptisto (m. 1829 )
1772 : Friedrich Gilly , germana arkitekto (m. 1800 )
1786 : Karl Gräbner , germana verkisto kaj kronikisto de Vajmaro (m. 1845 )
1786 : Maria Pavlovna Romanova , rusa kaj germana granddukino, mecenatino kaj artistino (m. 1859 )
1799 : Heinrich von Kittlitz , germana desegnisto, esploristo, naturalisto, prusa oficiro de mararmeo (m. 1874 )
1821 : Heinrich Barth , germana geografo, vojaĝisto tra Proksima Oriento kaj Nord-Afriko , filologo kaj poligloto (m. 1865 )
1822 : Francis Galton , angla polimato , antropologo, geografo, esploristo, inventisto, meteologo, statistikisto, psikologo kaj eŭgenikisto (m. 1911 )
1834 : Ernst Haeckel , germana biologo, filozofo kaj vojaĝisto, populariginto de la ideoj de Darvino (m. 1919 )
1840 : Eduard Johnson , germana filologo, historiisto kaj ĵurnalisto (m. 1903 )
1843 : Henry M. Leland , usona inĝeniero, inventisto kaj entreprenisto, fondinto de la usonaj luksaj markoj Cadillac kaj Lincoln (m. 1932 )
1847 : Ludwig Emil Meier , germana kapitano kaj verkisto, volapukisto , fondinto de Societo Esperantista en Munkeno , kunlaboranto de "La Esperantisto ", "Revuo Internacia ", "Danubo " kaj de 10-spesdeka biblioteko Esperantista , nomumita de Zamenhof al Lingva Komitato , tradukisto i.a. de Wilhelm Tell de Schiller (m. 1919 )
1848 : Octave Mirbeau , franca verkisto, ĵurnalisto, artkritikisto, polemikisto, romanisto kaj dramverkisto (m. 1917 )
1848 : Hugo de Vries , nederlanda genetikisto kaj biologo, unu el la tri remalkovrintoj de Gregor Mendel kaj ties heredoleĝoj (m. 1935 )
1852 : Charles Taze Russell , usona predikisto kaj religia reformisto (m. 1916 )
1864 : George Brinton McClellan Harvey , usona eldonisto de i.a. "Harper's Weekly ", diplomato, prezidanto de Esperanto-Asocio de Norda Ameriko (m. 1928 )
1871 : Arthur Ponsonby , brita politikisto, verkisto kaj pacifisto, prezidanto de Internacio de Militrezistantoj (m. 1946 )
1873 : Radoje Domanoviĉ , serba ĵurnalisto kaj verkisto (m. 1908 )
1873 : Ferenc Márki , hungara pastro, teologo, historiisto, publicisto (m. 1947 )
1880 : Otakar Theer , ĉeĥa verkisto kaj poeto, enestanta en Ĉeĥoslovaka antologio (m. 1917 )
1883 : Marie Noël (Marie Rouget), franca verkistino kaj poetino (m. 1933 )
1883 : Elizabeth Craig , skota kuiristino verkinta pli ol 50 recepto -librojn (m. 1980 )
1893 : Miĥail Tuĥaĉevskij , sovetia marŝalo, viktimo de la Granda purigo (m. 1937 )
1893 : Julian Grobelny , pola socialisto , membro de Pola Partio Socialista , unua prezidanto de la Konsilantaro por Helpo al Judoj , justulo inter la popoloj (m. 1944 )
1895 : Ferenc Bruder , rumania hungara redaktoro, ĉefkunlaboranto de la gazeto "Munkás Újság " (m. 1965 )
1899 : Hermann Grossmann , germana bahaano, kuneldoninto de la internacia bahaa Esperanto-gazeto "La Nova Tago " (m. 1968 )
1900 : Mária Bodnár , rumania hungara verkistino (m. 1959 )
1904 : George F. Kennan , usona historiisto kaj diplomato kontribuinta al la Marshall-plano kaj la Containment-politiko en epoko de la malvarma milito (m. 2005 )
1916 : Zoltán Vindis , rumania hungara poeto (m. 1994 )
1921 : Hua Guofeng , ĉina sukcedanto de Mao Zedong kiel plej alta ŝtatestro de Ĉinio kaj proparolanto de la Komunista Partio de Ĉinio (m. 2008 )
1925 : Kōichirō Tomita , japana astronomo malkovrinta plurajn asteroidojn (m. 2006 )
1925 : Ivan Navumenka , belorusa verkisto, literaturesploristo kaj akademiano (m. 2006 )
1925 : François-Xavier Ortoli , franca politikisto, prezidanto de Eŭropa Komisiono (m. 2007 )
1926 : János Fazekas , rumania hungara politikisto, historiisto, publicisto (m. 2004 )
1929 : Kazimierz Kutz , pola filmreĝisoro kaj politikisto, kunkreinto de la pola filma skolo (m. 2018 )
1931 : Alfred Kolleritsch , aŭstra verkisto, instruisto kaj eldonisto, kunkreinto de Forum Stadtpark (m. 2020 )
1932 : Stanislav Rudolf , ĉeĥa verkisto (m. 2022 )
1936 : Béla Balogh , rumania hungara historiisto
1939 : Czesław Niemen , pola kantisto, rok-muzikisto , komponisto, multinstrumentisto, aŭtoro de kantotekstoj (m. 2004 )
1941 : Kim Jong-il , gvidanto de Nord-Koreio (m. 2011 )
1942 : Lajos Báthory , rumania hungara historiisto
1942 : Csaba Jenő Csíky , rumania hungara psikiatro
1943 : Réka Lőrinczi , rumania hungara/hungara lingvohistoriistino
1943 : Anna Nagy , rumania hungara-greka pentristino
1949 : Zoltán Péter I. , rumania hungara redaktoro, lokhistoriisto
1952 : Károly Papp , rumania hungara geologo kaj geografo
1952 : Zoltán Steinhübel , rumania hungara ceramikisto, grafikisto
1953 : János Balázs , rumania hungara ĵurnalisto
1953 : Mária Ódry , rumania hungara pentristino, grafikistino
1954 : Iain Banks , skota verkisto de sciencfikcio (m. 2013 )
1958 : Mátyás Hunyadi , rumania hungara poeto
1961 : Bona Mangangu , konga franclingva verkisto kaj pentristo
1962 : Choe Taesok , korea esperantisto , ĵurnalisto, esperantologo , prezidanto de Korea Esperanto-Junularo kaj de la Esperantista Asocio de Ŭonbulismo , kaj ĝia tradukisto, ĝenerala sekretario de Korea Esperanto-Asocio , membro de la Komitato de TEJO , redaktoro de "La Espero el Koreio " kaj de "La Lanterno Azia ", LKK-ano de UK 1994 kaj UK 2005
1966 : Makŝarip Auŝev , inguŝa politikisto kaj entreprenisto, murdita (m. 2009 )
1970 : Angelo Peruzzi , itala futbalisto, reprezentanto de la itala nacia teamo de futbalo
1971 : Tünde Ambrus , rumania hungara geografino, lokhistoriistino
1976 : András Gombola , rumania hungara/hungara skermisto, aŭtobiografiisto
1979 : Valentino Rossi , itala motorciklisto
Mortoj
1247 : Henriko Raspe la 4-a , turingia landgrafo kaj germana reĝo
1279 : Alfonso la 3-a , reĝo de Portugalio (n. 1210 )
1531 : Johano Stoflero , germana humanisto , matematikisto, astronomo, astrologo kaj rektoro, fabrikanto de astronomiaj horloĝoj kaj astrolaboj (n. 1452 )
1573 : Georg Witzel , germana teologo de reformacio (n. 1501 )
1579 : Gonzalo Jiménez de Quesada , hispana konkeristo (n. 1509 )
1655 : Johann Heinrich Bisterfeld , germana reformita eklezia verkisto (n. 1605 )
1710 : Esprit Fléchier , franca episkopo, verkisto kaj oratoro (n. 1632 )
1754 : Richard Mead , angla kuracisto kontribuinta al kompreno pri disvastigado de infekto (n. 1673 )
1765 : Ferdinand August Hommel , germana juristo, akademiano (n. 1697 )
1799 : Karolo Teodoro , palatino kaj princo, reganto de Palatinato kaj Bavario (n. 1724 )
1815 : Frederiko Joŝija (Saksio-Koburgo-Saalfeld) , germana feldmarŝalo
1816 : Abel Burja , germana pastro kaj matematikisto, kreinto de pasilalio kaj kunkreinto de duuma kodo (n. 1752 )
1820 : Nicolaus Michael Oppel , germana naturalisto specialiĝinta en katalogigo kaj klasifiko de reptilioj (n. 1782 )
1839 : Ludwig Berger , germana komponisto (n. 1777 )
1896 : Heinrich Kleffel , germana juristo kaj politikisto (n. 1811 )
1899 : Félix Faure , prezidento de Francio (n. 1841 )
1905 : Ferdinand Schulz , ĉeĥa verkisto kaj historiisto (n. 1935 )
1907 : Giosuè Carducci , itala Nobelpremiita poeto (n. 1835 )
1907 : Cornelius Fredericks , afrika rezistantargvidanto (n. 1864 )
1917 : Octave Mirbeau , franca verkisto proksima al avangardo kaj anarkiismo (n. 1848 )
1919 : Jób Bede , hungara ĵurnalisto kaj verkisto (n. 1869 )
1928 : Eddie Foy , usona aktoro kaj komediisto (n. 1856 )
1939 : Jura Soyfer , aŭstra politika verkisto, konata de Dachau -kanto , kie li estis murdita (n. 1912 )
1939 : Anton Müller , aŭstra verkisto kaj romkatolika pastro
1943 : Witold Zacharewicz , pola filma kaj teatra aktoro, pro helpo al judoj murdita (n. 1914 )
1945 : Mór Ditrói , hungara aktoro, reĝisoro, teatrestro (n. 1851 )
1957 : Józef Hofmann , pola-usona inventisto, pedagogo, pianisto kaj komponisto (n. 1876 )
1963 : László Lajtha , hungara komponisto, instruisto, esploristo de popolkantoj (n. 1892 )
1968 : Malanjuk Eŭhen , ukraina poeto, kulturologo kaj literaturisto (n. 1897 )
1973 : István Szász , rumania hungara agronomo, politikisto (n. 1899 )
1975 : Herbert W. Duda , aŭstra orientalisto
1977 : Rózsa Péter , hungara matematikistino, instruistino, profesoro, korespondanta membro de Hungara Scienca Akademio (n. 1905 )
1978 : Alajos Mécs , hungara verkisto, ĵurnalisto (n. 1893 )
1980 : Gábor Doros , hungara kuracisto pri haŭt- kaj veneraj malsanoj (n. 1892 )
1990 : Margit Rolla , hungara ĵurnalistino kaj literaturhistoriistino (n. 1908 )
1992 : Jânio Quadros , prezidento de Brazilo (n. 1917 )
1994 : Vuk Echtner , ĉeĥa junulara sekciestro de Esperanto-Asocio en Ĉeĥoslovaka Respubliko , redaktoro de brajla gazeto Aŭroro , tradukisto por Ĉeĥoslovaka antologio , bahaano travivinta 22 monatojn en malliberejo , honora membro de Ĉeĥa Esperanto-Asocio (n. 1905 )
1997 : Chien-Shiung Wu , ĉina-usona fizikistino, spertulino pri radioaktiveco laboranta pri la Projekto Manhattan (n. 1912 )
2006 : Gábor Dezső , rumania hungara matematikisto (n. 1847 )
2010 : Ino Kolbe , germana denaska Esperanto-parolantino (n. 1914 )
2010 : Abdulĥakim Ismailov , Heroo de Sovetunio , partopreninto de la Dua mondmilito (n. 1916 )
2011 : Justinas Marcinkevičius , litova verkisto kaj poeto (n. 1930 )
2014 : Károly Bereczki , rumania-hungara ĵurnalisto (n. 1948 )
2016 : Boutros Boutros-Ghali , egipta diplomato , Ĝenerala Sekretario de la Unuiĝintaj Nacioj (n. 1922 )
2017 : Dick Bruna , nederlanda verkisto, grafikisto kaj ilustristo (n. 1927 )
2020 : Jerzy Gruza , pola filmreĝisoro, scenaristo kaj aktoro (n. 1932 )
2021 : Joan Margarit , kataluna poeto (n. 1938 )
2024 : Aleksej Navalnij , rusa opoziciulo (n. 1976 )
Specialaj tagoj kaj festoj
La 16-a de februaro estas (laŭ gregoria kalendaro ):