Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Kócki | |
---|---|
![]() | |
Euraziski rys (Lynx lynx) | |
systematika | |
Domena | Eukaryoty |
bźez ranga | Opisthokonta |
Swět | Zwěrina |
nadklasa: | (Gnathostomata) |
klasa: | Cycaki (Mammalia) |
pódklasa: | (Eutheria) |
nadpórěd: | Laurasiatheria |
pórěd: | Rubjažne zwěrjeta (Carnivora) |
nadswójźba: | (Feloidea) |
swójźba: | Kócki |
wědomnostne mě | |
Felidae | |
Fischer (1817) | |
Kócki (Felidae) su swójźba rubjažnych zwěrjetow (Carnivora).
Rozeznawaju se nejmjeńša 37 družynow kóckow, kótarež w śělnem twarje relatiwnje pódobne su a wenkownje pśedewšym w barwjenju a wjelikosći wariěruju. Jano gepard se wótchylujo to nastupajucy jasnjej wót drugich kóckow. Jadnotny śělny twaŕ wobśěžujo rozrědowanje swójźby na zakłaźe morfologiskich kriterijow. Tradicionelnje su tśi žywe pódswójźby, wjelike kócki, małke kócki a gepardy rozeznawane.[1] Dalšu pódswojźbu, kótaraž źinsa jo wótemrěta, pśedstaje zablowate kócki. K zablowatym kóckam su byli spócetnje teke Metailurini licone, kótarež źinsa cesto k felinym kóckam lice.
Pśez wuwiśu molekulargenetiskich metodow, z kótarychž se pomocu DNA-sekwency pśirownaś mógu, wěmy, až starodawne źělenje kóčkow do tśich partow wopšawdne poměry pśiswójźbnosći njewótbłyšćujo.[1] Teke jolic na monofyliju (wše pódkupki póchadaju wót jadneje póchadneje formy) kóckow lěbda eksistěruju cwible, jo pak nutśikowna systematika kóckow pak jano wobzwadna. Slědujuce rody a družyny se ku kóckam lice:[2]