Knowledge Base Wiki

Ghjennaghju (o ghjinnaghju) hè u prima mese di l'annata è di u calendariu gregurianu. U nome vene di a parolla latina ianuarius, derivata di Ghjanu, diu anticu romanu di e porte.

U mese di ghjennaghju hè mintuvatu in uni pochi di pruverbii corsi:

• Diu ti vardi di un bon' ghjinnaghju.
• Intrutu ghjinnaghju, porta u boiu à u scupaghju.
• Matinati di maghju è sirintini di ghjinnaghju.
• Un bellu agliaghju si pone à luna di ghjinnaghju.
• L’acqua di ghjinnaghju alloca u vinu à maghju.
• Ùn hà paura di ghjennaghju, chì hà bon' panni, cantina è grataghju.
• Di ghjinnaghju, vai puru à u ghjallinaghju.
• In Sant'Antone di mezu ghjinnaghju, ghjugne u sole in ogni ghjallinaghju.
• Da ghjinnaghju, i ghjorna allongani di una zampata di ghjaddu.
• Ghjinnaghju uvaghju.

Ci hè dinù a puesia Ghjinnaghju scritta da Dumenicantone Versini (1872-1950) di Marignana, dettu Maistrale.

• Arnestu Papi, Manghjà è bia
• Ceccaldi, Matteiu, Dizziunariu corsu-francese, Pieve d'Evisa, Klincksieck, 1968
• Stefanelli, Marcedda, Tempu è staghjoni, U Taravu 176, ghjinnaghju 2009