Knowledge Base Wiki

Diwar-benn bloavezh 1080 an deiziadur juluan eo ar bajenn-mañ.

• 14 a viz Mae : lazhet eo Gwilherm Walcher, eskob Durham, gant emsavidi eus Northumbria. Kas a ra ar roue Gwilherm I^añ (an Alouber) un ergerzhadenn gastizañ, e hanter-vreur Odon Bayeux en he fenn, da beoc'haat Northumbria.
• diskar-amzer : kaset eo Roparzh Curthose, ur mab da Wilherm I^añ, da aloubiñ Bro-Skos. Mont a ra betek Falkirk, forsañ a ra ar roue Malcolm III da skoulmañ un emglev ha sevel a ra mogerioù-kreñv e Newcastle.

• 17 a viz Ebrel : marv ar roue Harald Hen. Knut IV ar Sant a ya da roue war e lerc'h.

• 27 a viz Genver : Emgann Flarchheim : an impalaer roman santel Herri IV zo trec'h war nerzhioù Rudolf Rheinfelden, dug Swabia, e-kichen Flarchheim.
• 7 a viz Meurzh : Konklav Roma : eskumunuged eo Herri IV gant ar pab Gregor VII, hag anavezet eo Rudolf Swabia en e lec'h gantañ.
• 25 a viz Even : dilennet eo Klemañs III da enep-pab gant senez Brixen gant harp an impalaer.
• 14 a viz Here : Emgann Hohenmölsen : Rudolf Rheinfelden zo trec'h war nerzhioù an impalaer Herri IV war lez ar stêr Elster. Mervel a ra an deiz goude diwar e c'houlioù e Merseburg.

• brezeliñ a ra Shen Kuo, skiantour ha den a stad sinaat, evit en em zifenn a-enep Tangouted rannvro Xia ar C'hornôg. Dont a ra a-benn da zifenn an hent da Yanzhou (proviñs Shaanxi).

• aloubet eo Tanger, Badis ha Honain gant an emir almoravidat Yousouf ben Tachfin^[1].

• sened-iliz Burgos : lakaet eo e pleustr en Iliz Katolik al liderezh latin e lec'h al lid spagnol gant Alfoñs VI, roue Leon ha Kastilha.