Knowledge Base Wiki

An taglipot (Ingles: winter) iyo an pinakamalipot na panahon kan taon sa polar asin sa templadong klima. Nangyayari iyan pagkatapos nin tagrakdag asin bago tagsoli. An pagkakibang kan patok kan Daga nagpapangyari nin mga kapanahonan; Nangyayari an tiglipot kun an sarong hemisperyo irinarayo parayo sa Saldang. An manlaen-laen na kultura tinatawan nin kahulogan an laen-laen na petsa bilang kapinonan nin tiglipot, asin an nagkapira ginagamit an pakahulogan na basado sa panahon.

Kun taglipot sa Hemisperyo sa Amihanan, tag-init iyan sa Hemisperyo sa Habagatan, asin balikan. Sa dakul na rehiyon, an tiglipot nagdadara nin nyebe asin malipot na temperatura. An oras nin solstisyo sa tiglipot iyo an kun an elebasyon nin Saldang mapadapit sa Amihanan o South Pole nasa pinakanegatibong halaga kaiyan; an boot sabihon, an Saldang nasa pinakaibaba kan abot tanaw gikan sa polo. An aldaw na ini nangyayari iyo an pinakahalipot na aldaw asin an pinakahalawig na banggi, na may lawig na aldaw na nag-oorog asin banggi mantang nag-ooswag an kapanahonan pakatapos kan solsticio.

An kaenot-enoteng mga petsa kan pagsolnop nin saldang asin pinakabagong pagsirang kan saldang sa luwas kan polar na mga rehiyon laen sa petsa kan solsticio kun tiglipot asin depende sa latitud. Napapalaen sinda huli sa baryasyon sa aldaw solar sa bilog na taon bunga kan eliptikong orbita kan Daga (hilingon: kaenot-enote asin pinakahuring pagsirang kan saldang asin pagsolnop nin saldang.

• Tagrakdag
• Tag-init