Knowledge Base Wiki

Search for LIMS content across all our Wiki Knowledge Bases.

Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.

Mga test tube na may laog na mga solusyon nin pH 1–10 na pigkulayan gamit an sarong indicator.

Sa kimika, an pH (/piːˈeɪtʃ/, signipikasyon kan "potential of hydrogen" o "power of hydrogen"[1]) iyo sarong pagsukol na ginagamit sa pag-ispesipika kan asididad (acidity) asin basisidad (basicity) kan sarong tubigon (aqueous) na solusyon. An mga asidikong solusyon (solusyon na may halangkaw na konsentrasyon nin mga iyonong H+) iyo nasusukol sa hababang bilang nin pH kaysa sa mga basiko o alkalinong solusyon.

An pagsukol nin pH (pH scale) iyo logaritmiko asin kabaliktadan na pigpapahiling an konsentrasyon kan mga iyonong hidroheno sa solusyon. Ini iyo huli ta an pormula na nagamit sa pagkalkula kan pH iyo aproksimasyon kan negatibo nin base 10 na logaritmo kan molar na konsentrasyon (sa yunit na moles kada litro) nin mga iyonong hidroheno sa solusyon. Sa mas marhay na paagi, an pH iyo an negatibo kan base 10 na logaritmo nin aktibidad kan iyonong H+.[2]

Sa 25 °C, an mga solusyon na igwa nin pH na mas hababa sa 7 iyo asidiko, asin an mga solusyon na igwa nin pH na mas halangkaw sa 7 iyo mga basiko. An mga solusyon na igwa nin pH na 7 sa temperaturang ini iyo neutral (e.g. purong tubig). An neutral na bilang kan pH iyo nakadepende sa temperatura – kun sain mas hababa sa 7 kun malangkaw an temperatura. An bilang kan pH pwedeng mas hababa sa 0 para sa mga makusogon na asido, o mas halangkaw sa 14 para sa makusogon na base.[3]

An pagsukol nin pH iyo nasususog sa grupo nin mga istandardong solusyon kun sain an pH iyo nahaman sa internasyunal na pag-uyon.[4] An primerong pH na istandardong bilang iyo nadetermina gamit an concentration cell with transference, gamit an pagsukol sa potensyal na ultanan sa tahaw kan sarong elektrodong hidroheno sagkod an sarong istandardong elektrodo arug kan silver chloride na electrodo. An pH kan mga tubigon na solusyon iyo pwedeng masukol gamit an salming na elektrodo asin pH metro, o sarong indicator na nagriribay nin kulay. An pagsukol kan pH iyo importante sa kimika, agronomiya, medisina, pagtrato nin tubig, asin iba pang mga aplikasyon.

Panluwas na takod

Scholia has a profile for PH (Q40936).

Toltolan

  1. ↑ Jensen, William B. (2004). "The Symbol for pH". Journal of Chemical Education 81 (1): 21. doi:10.1021/ed081p21. Bibcode: 2004JChEd..81...21J. http://www.che.uc.edu/jensen/W.%20B.%20Jensen/Reprints/102.%20pH.pdf. 
  2. ↑ Bates, Roger G. Determination of pH: theory and practice. Wiley, 1973.
  3. ↑ Lim, Kieran F. (2006). "Negative pH Does Exist". Journal of Chemical Education 83 (10): 1465. doi:10.1021/ed083p1465. Bibcode: 2006JChEd..83.1465L. 
  4. ↑ Covington, A. K.; Bates, R. G.; Durst, R. A. (1985). "Definitions of pH scales, standard reference values, measurement of pH, and related terminology" (PDF). Pure Appl. Chem. 57 (3): 531–542. doi:10.1351/pac198557030531. S2CID 14182410. Archived (PDF) from the original on 24 September 2007.
source: https://bcl.wikipedia.org/wiki/PH