Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
¡Afayáivos a Wikipedia! Esta ye la versión n'asturianu de Wikipedia. Tenemos yá alredor de 136 000 artículos y cola to ayuda crearemos munchos más.
Welcome to Wikipedia in Asturian language! If you need to contact us, but you don't speak our language, please, feel free to leave a message in our Embassy.
Esta enciclopedia de calter xeneral ta construyéndose activamente por xente como tu y como yo. Mientres llees esto, seguramente dalguna persona ta editando o escribiendo dalgún artículu. Nun ye necesario ser un Usuariu rexistráu pa entamar a contribuir pero, si lo yes, va ser más fácil integrate na comunidá.
Pues restolar pela Wikipedia y trabayar en toles páxines que te presten; val con siguir l'enllaz "editar" que ta no cimero de tolos artículos (incluyíu ésti). Pues esperimentar na zona de pruebes. Si yes como nós, de xuru que vas a aficionate a la páxina de cambeos recientes. Puedes (y tienes de) ser valiente editando, munchos artículos construyéronse simplemente al traviés de pequeñes contribuciones de distintos collaboradores.
Hai cinco puntos fundamentales qu'has de tener siempre en cuenta nes tos collaboraciones:
Amás d'ello, espérase que los collaboradores se comporten de mou civilizáu y que les discusiones que se puedan producir nes páxines d'alderique de caún de los artículos tengan l'únicu enfotu d'ameyorar l'artículu y non d'imponer ciertos puntos de vista.
L'humor nos artículos ta bien, y pueden facer qu'esti proyeutu seya más divertíu y agradable. Pero l'oxetivu d'esti proyeutu ye ser un recursu básicu en toles árees del conocimientu humanu, asina que por favor nun te lu tomes como una gran broma. Los artículos tienen de ser agradables y fáciles de lleer, pero tamién han d'esplicar los temes tan simple como seya posible.
Igual pienses que Wikipedia acabará siendo un productu de baxa calidá, yá que ye un proyeutu abiertu a tol mundu. Pero quiciabes ye precisamente'l fechu de que tea abiertu a tol mundu lo que fai que munchos d'estos artículos seyan bastante bonos, y conviértelos en material en constante progresu. Parafrasiando a Linus Torvalds: A la vista d'abondos güeyos, tolos errores resulten evidentes. Tendemos a apuntar hacia'l más altu común denominador (denominadores más baxos tienden respetuosamente a nun tocar los artículos sobre los que nun conocen nada). Hai equí trabayando bastantes llicenciaos, doctores y otres persones mui intelixentes y con munchu conocimientu, pero tolos collaboradores son espertos en dalgún campu y, por eso, son importantes y bienllegaos.
Equí pues atopar más información introductoria: