Search for LIMS content across all our Wiki Knowledge Bases.
Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Rembrandt Harmenszoon van Rijn (15 de xunetu de 1606, Leiden – 4 d'ochobre de 1669, Ámsterdam) foi un pintor y grabador neerlandés. Ta consideráu como unu de los más grandes pintores y grabadores de la historia del arte européu y el más importante de la historia neerlandesa. [8] Les sos contribuciones al arte formó parte d'un periodu que los historiadores llamen Edá d'Oru Neerlandesa.
En trunfando como pintor de retratos mozu, los sos últimos años tuvieron marcaos pola traxedia personal y dificultaes financieres. Sincasí, los sos dibuxos y pintures fueron populares a lo llargo de la so vida, y la so reputación como artista sigue siendo elevada, [9] y a lo llargo de venti años foi maestru de cásique tolos pintores neerlandeses más importantes. [10] Les sos obres más representatives son retratos de los sos contemporáneos, autorretratos ya ilustraciones de les escenes de la Biblia. Los sos autorretratos formen una única ya íntima biografía, na que'l propiu artista fai una introspección ensin vanidá y cola sinceridá más grande.
Nes pintures y los grabaos amuesa una conocencia completa de la iconografía clásica, que moldea p'adaptase a les esixencies de la so propia esperiencia; poro, na representación d'una escena bíblica, Rembrandt tenía un bon conocimientu del testu específicu, l'asimilación de la composición clásica, y les sos observaciones de la población xudía d'Ámsterdam. [11] Por mor de la so empatía pola condición humana, que foi nomáu "unu de los grandes profetas de la civilización." [12]
Les dos etapes de la vida de Rembrandt (la próspera y l'adversa) espéyense nes sos obres, y mui especialmente nos autorretratos. Mientres que los primeros son alegres y brillantes, los de los últimos años tienen un calter muncho más serenu y escuru, con una fondura superior. Toles sos obres son barroques dafechu, y tán dominaes pola aición, el dramatismu y un realismu deriváu de la observación del mundu que l'arrodiaba.
Galería
Autorretratos
El xoven Rembrandt (22 años), clarescuru (al rodiu de 1628).
Rembrandt en 1632, na época de mayor fama como retratista.
Antroxáu, nel "Autorretratu como noble oriental con un Kris". Grabáu de 1634.
"Autorretratu apoyáu nel antepechu de la ventana", grabáu de 1639.
Ackley, Clifford; y otros. Rembrandt's Journey. Boston: Museum of Fine Arts, 2004. ISBN 0-87846-677-0
Bull, Duncan; y otros. Rembrandt-Caravaggio, Rijksmuseum, 2006.
A Corpus of Rembrandt Paintings - Volume I, principalment dels primers anys a Leiden (1629-1631), 1982
A Corpus of Rembrandt Paintings - Volume II: 1631-1634. Bruyn, J., Haak, B. (et al.), Band 2, 1986, ISBN 978-90-247-3339-2
A Corpus of Rembrandt Paintings - Volume III, 1635-1642. Bruyn, J., Haak, B., Levie, S.H., van Thiel, P.J.J., van de Wetering, E. (Ed. Hrsg.), Band 3, 1990, ISBN 978-90-247-3781-9
A Corpus of Rembrandt Paintings - Volume IV. Ernst van de Wetering, Karin Groen et al. Springer, Dordrecht, the Netherlands (NL). ISBN 1-4020-3280-3. pàg. 692. (Autorretratos)
Clark, Kenneth. Civilisation, Harper & Row, 1969.
An Introduction to Rembrandt. Londres: John Murray/Readers Union, 1978.