Knowledge Base Wiki

Guerra asimétrica
tipo de guerra (es)
actividad militar (es)

La guerra asimétrica ye un conflictu violentu nel que se constata una abismal diferencia cuantitativa y cualitativa ente los recursos militares, políticos y mediáticos de los contendores comprometíos, y que polo tanto obliga a los bandos a utilizar táctiques atípiques, que degolen el maníu marcu de la tradición militar recurrente. Ente estos medios cunta la guerra de guerrilles, la resistencia, toa clase de terrorismu, la contrainsurgencia, el terrorismu d'Estáu, la guerra puerca o la desobediencia civil.

Na guerra asimétrica nun esiste un frente determináu, nin aiciones militares convencionales. Otra manera, básase en combinación d'aiciones polítiques y militares, implicación de la población civil y otres operaciones similares.

El conceutu foi acuñáu por William Lind en 1986 xunto con un grupu d'oficiales del Cuerpu d'Infantería de Marina de los EEXX, dientro de lo que dio en llamase la "Revolución na Cuestión Militar". A pesar de ser reflexáu y esploráu n'innumberables publicaciones dientro y fora del ámbitu militar, nun terminó d'afigurase na forma de conducir la guerra per parte de los mesmos EEXX. Mientres los últimos decenios un estensu númberu d'autores esploró la idea.

Sirva como exemplu'l llibru 'Guerra ensin restricciones', escritu polos coroneles chinos Qiao Liang y Wang Xiangsui de febreru de 1999. Trátase d'una obra teórica de fondu caláu sobre les guerres asimétriques futures a gran escala. De manera bien resumida, los sos autores postulen l'usu de cualquier clase de llucha —ensin tener en cuenta nenguna oxeción ética— ante una potencia abrumadoramente cimera en fuercia, teunoloxía o influencia diplomática.

• Guerra híbrida

• Wikimedia Commons tien conteníu multimedia tocante a Guerra asimétrica.