Knowledge Base Wiki

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mar de Barents Barentshavet - Баренцево море
Oceano u mar d'a IHO (n.º id.: 7)
Mar de Barents amán d'o cabo Norte en Noruega.
Localización administrativa
Estau	Noruega Rusia
División	Troms og Finnmark (NOR) Provincia de Múrmansk Carelia Provincia d'Arkhánguelsk Distrcito autonomo de Yamalia-Nenetsia (RUS)
Cheografía
Oceano	Oceano Glacial Arctico
Archipelagos	Archipelago Svalbard (NOR) Tierra de Francisco Chusé y Nueva Zembla (RUS)
Isla(s)	Isla de Kolguyev (RUS)
Mars mugants	Mar de Kara y mar de Noruega
Subdivisions	Mar de Pechora y mar Blanca
Accidents
• Golfos y badías	Bahía de Chesha
• Cabos	Cabo Norte y Zhelániya
• Estreitos	Mátochkin, Kara y Yugor
Superficie	1.405.000 km²
Fondura meyana	230 m
Fondura max.	600 m
Volumen	282.000 km³
Atros datos
Navegant	Willem Barents, tres viaches (1594-97)
Rotas navegables	Rota d'a mar d'o Norte
Mapas
Localización d'a mar de Barents.
Anvista por satelite.

Se conoix con o nombre de mar de Barents (Barentshavet en noruego, en ruso Баренцево море, Barentsevo more) a lo sector de l'oceano Glacial Arctico que muga a lo norte con o cerclo polar arctico, a lo nord-este con a Tierra de Francisco Chusé y dimpués baixando enta lo sud en linia recta dica lo cabo oriental de Nueva Zembla (que lo desepara d'a mar de Kara) ta mugar a lo sud con Rusia y a lo sudueste con Noruega ta puyar a lo norte la suya muga dende o cabo Norte dica las Svalbard, deseparando-se asinas d'a mar de Noruega. Recibe lo suyo nombre en a honor de Willem Barents, o navegant neerlandés qui viachó por ixa redolada a finals d'o sieglo XVI en buscando una rota maritima d'o Norte ta plegar por o suyo traviés en l'oceano Pacifico buscando ubrir asinas una rota comercial nueva a lo comercio d'o suyo país, encara que en zagueras no logró lo suyo obchectivo. Da'tra man, dica rematar a Guerra d'Hibierno en 1940 con a redota de Finlandia a mans d'a Unión Sovietica, Finlandia teneba un chicot acceso en ista mar en a peninsula de Rybachy con o puerto de Petsamo, que cedió a la Unión Sovietica por o Tractau de Moscú y que dica l'inte yera lo solo puerto libre de chelos en hibierno que poseyeba Finlandia.

Se tracta d'una mar continental bien funda, con una fondaria meya de 230 m y una fondaria maxima de 600 m. Como consecuencia de trobar-se en l'aria d'influyencia d'a corrient d'o Golfo que transporta auguas mas calidas dende lo golfo de Mexico enta l'Arctico, muitos d'os puertos que se troban a lo canto suyo son libres de chelos en a mayor parte de l'anyo, facilitando asinas a suya navegabilidat. Ixa corrient calida fa a mas que la pesca en a mar de Barents sía una actividat economica important, encara que destaca tamién por os suyos chacimientos submarins de petrolio.

• Se veigan as imáchens de Commons sobre a mar de Barents.