Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Košice | |||
Localidat d'Eslovaquia | |||
| |||
Estau • Rechión • Rechión historica • Districtos |
Eslovaquia Košice Abov Košice I, II, III y IV | ||
Superficie | 242,33 km² | ||
Población • Total • Densidat |
238593 hab. (2019) 993,22 hab/km² | ||
Altaria • Meyana |
211 m. | ||
Codigo postal | 040 00 | ||
Ríos | Hornád | ||
Coordenadas | | ||
Web oficial |
Košice (en hongaro Kassa, en alemán Kaschau, en romaní Kascha, en latín Cassovia) ye una ciudat d'Eslovaquia. Teneba 239.797 habitants en l'anyo 2013, y ye a segunda ciudat mas gran d'Eslovaquia dimpués d'a capital, Bratislava.
O primer documento escrito que en fa mención d'o establimiento d'una comunidat data de l'anyo 1230 con o nombre de Villa Cassa.[1] As atras formas antigas trobadas relacionadas con o nombre de Košice son Cassa, Kassa u Kossa. L'orichen no ye conoixiu, pero a explicación mas probable sería que o pueto tenese un nombre d'orichen eslau que se podría traducir por 'chent de Koša', y Koša sería l'apelliu d'una familia. A cuenca de Košice ya yera habitada en a epoca d'a colonización hongara y dimpués alemana, pero os colonizadors habrían preso o nombre d'as poblacions locals. Dimpués, os administradors alemanys d'a villa transformoron o nombre en Kaschau y os hongaros en Kassa. A forma latinizada Cassovia y o suyo adchectivo cassovés provendría d'o Renaiximiento y de l'humanismo.[2]
Košice se troba en una depresión ubierta enta o sud en a traviés d'a que fluye o río Hornád, un subafluyent d'o río Tisza. Ye rodiada por as montanyas de Čierna Hora a o norte y os tozals de Volovské Vrchy a l'ueste; istas dos formacions fan parti d'o conchunto d'as montanyas Metaliferas Eslovacas. A l'este, os tozals de Slanec zarran a depresión.
L'altaria meyana d'o territorio d'a villa ye de 208 m, o cobaixo situau a 184 m a cantos d'o Hornád y o cobalto a 851 m en a cima d'o tozal dito Vysoký Vrchk. As zonas construyidas se troban en a depresión a una altaria meya de 200 m; nomás bels pocos barrios perifericos son construyius en as versants d'os tozals, a una altaria de 300 m. A superficie d'a ciudat ye de 24.382 ha, d'as que 9.270 (38%) yeran en 2003 tierras agricolas. A o norte y a l'ueste, en os macizos de Volovské Vrchy y Čierna Hora, a villa tien 19.432 ha de selvas que sobrepasan as mugas administrativas, por lo que se converte en o segundo propietario forestal d'Europa central no estatal dimpués d'a ciudat de Viena.
Bi ha 8 consulaus en Košice. O consulau cheneral d'Hongría se troba en a carrera Hlavná; os seis atros consulaus son os de Belchica, Espanya, Turquía, Francia, Rusia, Mongolia y Alemanya.
Francia y a Republica Checa i contan con un centro cultural, l'Alliance française de Košice y o Centro Checo de Košice.
Košice chuga un papel important en a cooperación rechional transnacional con a suya condición de seu d'oficina nacional d'a eurorrechión Carpatos, y dende de l'1 d'aviento de 2000, un d'os polos d'a eurorrechión bipolar de Košice-Miskolc.