Knowledge Base Wiki

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A gravedat ye a fuerza d'atracción mutua que experimentan dos obchectos con masa. Se tracta d'una d'as cuatre fuerzas fundamentals observatas dica agora en a naturaleza chunto con a fuerza electromagnetica, a fuerza nucleyar débil y a fuerza nucleyar fuerte.^[1]

A gravedat ye amás important respecto a lo funcionamiento de l'universo: as fuerzas nucleyars son de tan curto alcanze que nomás se manifiestan en o mundo atomico y subatomico; a fuerza eletromagnetica puet actuar en cualsiquier distancia, pero se basa en a existencia de dos tipos de cargas (a positiva y a negativa, que existen en igual cantidat) de maniera que cargas diferents s'atrayen y cargas iguals se repelen, u sía que o resultato a gran escala ye neutro. D'atra man a fuerza d'a gravedat ye siempre atractiva y actua en cualsiquier distancia, por ixo ye siempre present en toz os puestos. Ella ye a causant de que a Tierra chire arredol d'o Sol (entre os cualos bi ha mas de 150 millons de kilometros) y de que o Sol se mueva arredol d'o centro d'a Carrera de Sant Chaime (a mas de 25 mil anyos luz de distancia). Amás d'ixo, a fuerza gravitatoria ye, d'entre as cuatre fuerzas fundamentals, la que menos entienden os fisicos modernos. Istos aspiran a formular a Gran Teoría Unificata, a on que as cuatre fuerzas sían unitas en un modelo fisico que describa o comportamiento de l'universo como un tot. Dica l'inte, a fuerza d'a gravedat ye amás problematica, la que se resiste a la unión.

Siempre s'ha dito que a gravedat nos atraye enta o centro d'a Tierra; pero si analizamos detenidament a forma en que un obchecto masivo "deforma" o espacio-tiempo que lo rodía plegaremos a la conclusión de que no ye una fuerza que nos atraye, sino mas bien una fuerza que nos empenta enta lo centro d'un cuerpo masivo, en iste caso a Tierra. Por tanto, habérbanos de decir: "A gravedat ye a fuerza que empenta un obchecto masivo enta o centro d'unatro de mas masivo".

• Se veigan as imáchens de Commons sobre a gravedat.