Knowledge Base Wiki

Säller Artikel behandlet chronologisch d Johr 60–69 uss em 1. Johrhundert vu dr christliche Zittrechnig.

60

S Johr 60 vu dr christliche Zittrechnig isch im Römische Riich s Johr 813 ab urbe condita gsi. Nooch em (domols au im Römische Riich gültige) Julianische Kalender isch es e Schaltjohr mit 366 Däg gsi.

Ereigniss

Wisseschaft

• Dr römisch Dichter Seneca verfasst d Quaestiones naturales. Des isch s erst un einzig bekannt physikalisch Lehrbuech in dr römische Literatur.

uf d Wält cho

• 7. November: Keikō, 12. Kaiser vu Japan (71–130) († 130)

Gstorbe

• Prasutagus, britannischer Icenierfürst

61

S Johr 61 vu dr christliche Zittrechnig isch im Römische Riich s Johr 814 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

Ereigniss

Politik un Weltgschehe

Römischs Riich

• D Römer schlönd in Britannie en Uufschtand vo de Kelte in mehrere Schlachte niider.

uf d Wält cho

• Gaius Plinius Caecilius Secundus, Plinius dr Jünger, wohrschinlichs Burtsdatum

Gstorbe

• Boudicca, e britannischi Heerfüehreri

62

S Johr 62 vu dr christliche Zittrechnig isch im Römische Riich s Johr 815 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

Ereigniss

Politik un Weltgschähe

Römischs Riich

• Dr Nero losst si Gatti Octavia döte un hirotet d'Poppaea Sabina
• E Erdbebe zerstört Pompeii un anderi Orte in Kampanie, Italie

Astronomi

• 12. März: Dr Heron vo Alexandria erwähnt e Mofinsternis yber dr Stadt.

Gstorbe

• Um 62: Jakobus dr Grechte, "Brueder" vom Jesus, Apostel
• 8. Juni: Octavia, Tochter vom Claudius, Gattin vom Nero (* 40)
• Persius Flaccus, e römische Satiriker (* 34)

63

S Johr 63 vu dr christliche Zittrechnig isch im Römische Riich s Johr 816 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

Ereigniss

Politik un Weltgschähe

Römischs Riich

• Dr römisch Kaiser Nero laat Gwicht und Fiinghalt vo de umlaufende Münze beschniide, um d Geldmengi z erhööche.
  Das löst di erscht gnau dokumentierti Inflation vo dr Weltgschicht uus. De Plinius dr Älteri brichtet drüber uusfüehrlich.

Gstorbe

• Johannes Markus, meeglicherwiis dr Autor vum Markusevangelium
• Um 63: Matthias, Schriftglehrte, Apostel

64

S Johr 64 vu dr christliche Zittrechnig isch im Römische Riich s Johr 817 ab urbe condita gsi. Nooch em (domols au im Römische Riich gültige) Julianische Kalender isch es e Schaltjohr mit 366 Däg gsi.

Ereigniss

Politik un Weltgschähe

Römischs Riich

• 18. Juli: in Rom bricht e Grossbrand us, wo mehreri Däg wüetet un drei Stadtdeil komplett in Äsche legt un siibe in starchi Mitliideschaft ziegt. Dr Brand isch wohrschins zuefällig entstande, wil mer aber e Sündebock brucht git dr römische Kaiser Nero de Christe d Schuld un losst etliche vu ihne hirichte. Als Reaktion werre bim Wiiderufbau vu dr Stadt d Brandschutzvorschrifte verschärft un d'Strosse breiter baut.

65

S Johr 65 vu dr christliche Zittrechnig isch im Römische Riich s Johr 818 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

Gstorbe

• Lucius Annaeus Seneca, e römische Philosoph, Dramatiker un Staatsma (* um 4 v. Chr.), wird vum Nero zum Selbstmord zwunge.
• 19. April: Gaius Calpurnius Piso, e römische Politiker, Redner un Literaturmäzen
• 30. April: Marcus Annaeus Lucanus, e römische Dichter un Neffe vum Seneca (* 39)
• Quintus Petilius Secundus, Legionär, bekannt dur e Grabstei z Bonn (* 40)

66

S Johr 66 vu dr christliche Zittrechnig isch im Römische Riich s Johr 819 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

Ereigniss

Politik un Weltgschähe

Römischs Riich

• Afang vom Jüdische Uufschtand gege de römisch Landpfleger z Judäa. D Zelote nähmed Jerusalem ii, und d Sikarier bsetzed d Feschtig vo Masada.

Wisseschaft

• Nooch Berichte vum älteren Plinius verwendet dr churzsichtig römisch Kaiser Nero bi Gladiatorechämpfe e geschliffene Smaragd als Augeglas. Es isch dr erst Bericht yber e derartigi Sehhilf.

Gstorbe

• Petron, römischer Schriftsteller (* 11)

67

S Johr 67 vu dr christliche Zittrechnig isch im Römische Riich s Johr 820 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

Ereigniss

Religion

• Linus wird nooch katholischer Yberliferig dr zweit Papst vu Rom. Es git aber keini gsicherte Quelle us sällere Zit, wo sää bezüge däte, un es isch inzwische historisch so guet wie sicher, dass es frühestens im 2. Johrhundert Bischöf gä het.

Gstorbe

• 67 (oder 64): Saulus bzw. Paulus, Missionar un Theolog (* um 5)
• Gnaeus Domitius Corbulo, e römische General (* um 7)
• 67 oder 64: Petrus, Apostel, nooch katholischer Yberliferig z Rom als erster Papst dr Märtyrerdot.

68

S Johr 68 vu dr christliche Zittrechnig isch im Römische Riich s Johr 821 ab urbe condita gsi. Nooch em (domols au im Römische Riich gültige) Julianische Kalender isch es e Schaltjohr mit 366 Däg gsi.

Ereigniss

Politik un Weltgschähe

Römischs Riich

• Vindex, Statthalter vo Gallie, erhebt sich gege dr römisch Kaiser Nero
• 68 - Mit em Suizid vom Nero endet di Julisch-Claudischu Dynaschtii. En Bürgerchrieg um d Nachfolg bricht uus. S Vierkaiserjahr fangt aa.
• Dr Galba wird römischer Kaiser
• 68 isch s ledscht vu dr Annale vum Tacitus behandlet Johr.

Religion

• Ignatius vu Antiochie († um 107–110) wird nooch christlicher Yberliferig Patriarch vu Antiochia in Syrie

Gstorbe

• 9. Juni: Nero, dr römische Kaiser (* 37, Selbstmord)
• Vindex, e römische Statthalter vo Gallie

69

S Johr 69 vu dr christliche Zittrechnig isch im Römische Riich s Johr 822 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

Ereigniss

Politik un Weltgschähe

Römischs Riich

• Vierkaiserjohr (Galba (68/69), Otho, Vitellius un Vespasian)
• 14. April: In dr Schlacht vu Bedriacum setzt sich dt Vitellius als Nero-Noochfolger gege dr Galba dur.
• Bim innere Machtchampf um d Kaisernoochfolg wird Aquae Helveticae (Bade im Aargau) plünderet
• Dr germanisch Volksstamm vu dr Bataver under em Iulius Civilis in dr hütige Niderlande revoltiert gege d Römer (Bataverufstand)
• D Erwitterig vum Amphitheater z Pula wird underem Vespasian agfange
• 21. Dezember 69 - Titus Flavius Vespasian zieht als Siiger vom Bürgerchrieg in Rom ii und wird vom Senat als neue römische Kaiser anerchännt. Dr Begründer vo de flavische Dynaschtii setzt e rigorosi Schparpolitik dure. Ebefalls füehrt er Stüüre uf öffentlichi Latrine ii. Uf de Vorwurf, er beziehi demit Geld us schlächt schmöckende Quelle, hät er e Münze a d Nase ghebet und hät erwideret: Non olet ("si schtinkt nöd"). Dadruus dörfti d Redewendig "Geld schtinkt nöd" entstande sii.

uf d Wält cho

• Polykarp vu Smyrna, Bischof un Märtyrer († um 155)

Gstorbe

• 15. Jänner: Galba, Statthalter un Kaiser (* 3 v. Chr.)
• 15. April: Marcus Salvius Otho, e römische Kaiser (* 32)
• Sextilia, d Mueder vum Kaiser Vitellius
• 20. Dezember: Vitellius, e römische Kaiser (* 15)

Dä Artikel basiert uff ere fräie Übersetzig vum Artikel „60er“ vu de dütsche Wikipedia. E Liste vu de Autore un Versione isch do z finde.