Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Ve Olimpiese Winterspele | ||||||||||||||||||||||||
![]()
|
Die Olimpiese Winterspele 1940 (Japannees: 第五回オリンピック冬季競技大会 Dai Go-kai Orinpikku Tōkikyōgi Taikai), amptelik bekend as die Vde Olimpiese Winterspele, sou in 1940 gehou word, maar is na die uitbreek van die Tweede Wêreldoorlog afgelas.[1] Die Spele is op 1 Augustus 1936 deur die Internasionale Olimpiese Komitee (IOK) tydens die Olimpiese Somerspele 1936 in Berlyn aan Sapporo, Japan, toegewys.[2] Maar Japan moes afsien van die plan na die uitbreek van die Tweede Chinees-Japannese Oorlog in 1937 en het die Spele op 16 Julie 1938 van die hand gewys. Die Spele is op 3 September 1938 aan St. Moritz, Switserland, toegewys, maar weens geskille tussen die Switserse reëlingskomitee en die IOK is die Spele op 9 Junie 1939 deur die IOK teruggetrek. Aansluitend is die Spele aan Garmisch-Partenkirchen, Duitsland, soos vier jaar vantevore toegewys, maar met die Duitse Inval van Pole op 1 September 1939 is dit heeltemal afgelas.
Omdat die Tweede Wêreldoorlog tot 1945 gewoed het, is die in Cortina d'Ampezzo, Italië, beplande Olimpiese Winterspele 1944 ook afgelas. Die Switserse stad St. Moritz het die eerste Olimpiese Winterspele na die Tweede Wêreldoorlog aangebied. Cortina d'Ampezzo het die Olimpiese Winterspele van 1956 aangebied en Sapporo die Olimpiese Winterspele van 1972. Duitsland het tot vandag geen Olimpiese Winterspele meer aangebied nie.
Olimpiese Spele | ![]() |
||
---|---|---|---|
Olimpiese Somerspele: 1896 • 1900 • 1904 • 1906* • 1908 • 1912 • Olimpiese Winterspele: 1924 • 1928 • 1932 • 1936 • |