Type a search term to find related articles by LIMS subject matter experts gathered from the most trusted and dynamic collaboration tools in the laboratory informatics industry.
Dadra en Nagar Haveli en Daman en Diu is 'n uniegebied in Indië.[1][2] Die gebied is gevorm deur die samesmelting van die voormalige gebiede Dadra en Nagar Haveli en Daman en Diu. Planne vir die voorgestelde samesmelting is in Julie 2019 deur die regering van Indië aangekondig; die nodige wetgewing is in Desember 2019 deur die parlement van Indië aanvaar en het op 26 Januarie 2020 in werking getree.[3][4] Die gebied bestaan uit vier afsonderlike geografiese entiteite: Dadra, Nagar Haveli, Daman en die eiland Diu. Al vier gebiede was voorheen deel van Portugees Indië, met 'n gesamentlike hoofstad in Panjim, Goa. Hulle het in die middel van die 20ste eeu onder Indiese heerskappy gekom ná die anneksasie van Goa. Dit is gesamentlik as Goa, Daman en Diu geadministreer tot 1987, toe Goa staatstatus gekry het ná die Konkani-taalagitasie. Die huidige hoofstad is Daman en Silvassa is die grootste stad.
Dadra en Nagar Haveli en Daman en Diu bestaan uit vier verskillende gebiede in die Weste van Indië. Dadra is 'n klein enklawe in die staat Gujarat. Nagar Haveli is 'n C-vormige enklawe wat tussen die state Gujarat en Maharashtra geleë is, wat 'n teenenklawe van Gujarat rondom die dorpie Maghval bevat. Daman is 'n enklawe aan die kus van Gujarat, terwyl Diu 'n eiland langs die kus van Gujarat is.
Dadra en Nagar Haveli en Daman en Diu word as 'n uniegebied van Indië geadministreer kragtens Artikel 240 (2) van die Grondwet van Indië. Die president van Indië stel 'n administrateur aan om die gebied namens die sentrale regering van Indië te administreer. Die sentrale regering kan adviseurs aanstel om die administrateur met sy/haar pligte by te staan.
Die uniegebied bestaan uit drie distrikte:
| Nr. | Distrik | Area (km2) | Bevolking (2011) | Digtheid per km2 |
|---|---|---|---|---|
| 1 | Daman-distrik | 72 | 190 855 | 2 651 |
| 2 | Diu-distrik | 40 | 52 056 | 1 301 |
| 3 | Dadra en Nagar Haveli | 491 | 342 853 | 698 |
| Totaal | 603 | 585 764 | 971 |
Wikimedia Commons het meer media in die kategorie Dadra en Nagar Haveli en Daman en Diu.| Deelstate | Andhra Pradesh • Arunachal Pradesh • Assam • Bihar • Chhattisgarh • Goa • Gujarat • Haryana • Himachal Pradesh • Jammu en Kasjmir • Jharkhand • Karnataka • Kerala • Madhya Pradesh • Maharashtra • Manipur • Meghalaya • Mizoram • Nagaland • Orissa • Uttar Pradesh • Uttarakhand • Punjab • Rajasthan • Sikkim • Tamil Nadu • Telangana • Tripura • Wes-Bengale |  |
|---|---|---|
| Uniegebiede | ||
LIMS forum content by LIMS forum members is licensed under a Creative Commons Attribution-NonCommercial-ShareAlike 4.0 International License. Based on a work at www.limsforum.com.
