Knowledge Base Wiki

Al-Isrâ’ (Arabies: الإسراء, "Die Israeliete") is die 17de soera, of hoofstuk, van die Koran. Dit bevat 111 ajat, of verse, en is vermoedelik in Mekka aan Mohammed geopenbaar.

Die woord Isra verwys na die nagreis van Mohammed. Die soera is deel van 'n reeks al-Musabbihat-soeras, wat begin met die verheerliking van God.

Die hoofartikel vir hierdie afdeling is: Nagreis.

Die naam van die soera kom van die eerste vers, wat vertel van die Isra, die vervoer van Mohammed in die nag van die Groot Moskee van Mekka na wat genoem word "die Verre Moskee". Die presiese ligging van laasgenoemde word nie in die Koran genoem nie,^[1] maar daar word algemeen aanvaar dat dit die Tempelberg in Jerusalem is. Sommige geleerdes verskil egter hiervan. Die stad Jerusalem word nie in die Koran genoem nie, maar wel in verskeie Hadit. Die eerste vers gaan oor die vervoer van Mohammed na die Verre Moskee:

Heilig is Hy wat Sy dienaar by nag, van die Heilige Moskee vervoer het na die Verre Moskee, waarvan Ons die omgewing geseën het, sodat Ons aan hom Ons tekens kon wys! Voorwaar, Hy is die Allerhorende, die Allessiende.

—Die Heilige Quran. In Afrikaans vertaal deur Imam M.A. Baker. Uitgegee deur IDM (Islamic Dawah Movement of Southern Africa) Publications. ISBN 978-0-620-60451-2

• Hierdie artikel is in sy geheel of gedeeltelik uit die Engelse Wikipedia vertaal.