ISO/IEC 17025: History and introduction of concepts

دار الحکومت
سرکاری نام
اوپر سے گھڑی وار: لندن شہر کے ساتھ پیش منظر میں کینری وارف، لندن دور کے پس منظر میں، ٹریفالگر اسکوائر، لندن آئی، ٹاوربرج اور ایک لندن انڈرگراؤنڈ کا ایک بورڈ بگ بین کے سامنے
لندن London کا نقشہ دیکھیں مملکت متحدہ لندن London کا نقشہ دیکھیں انگلستان لندن London کا نقشہ دیکھیں یورپ مملکت متحدہ میں محل وقوع##انگلستان میں محل وقوع##یورپ میں محل وقوع
متناسقات: 51°30′26″N 0°7′39″W / 51.50722°N 0.12750°W / 51.50722; -0.12750
خود مختار ریاست	مملکت متحدہ
ملک	انگلستان
علاقہ	لندن عظمیٰ
کاؤنٹی	لندن عظمیٰ لندن شہر
آباد از رومی سلطنت	عیسوی 47[2] بطور لوندینیوم
اضلاع	لندن شہر اور 32 بورو
حکومت
• قسم	ایگزیکٹو میورلٹی اور غور و فکر اسمبلی زیر وحدانی ریاست آئینی بادشاہت
• مجلس	گریٹر لندن اتھارٹی • میئر صادق خان، لیبر پارٹی (مملکت متحدہ) • لندن اسمبلی
• لندن اسمبلی	14 حلقے
• پارلیمنٹ	73 حلقے
رقبہ
• کل[upper-alpha 1]	1,572 کلومیٹر2 (607 میل مربع)
• شہری	1,737.9 کلومیٹر2 (671 میل مربع)
• میٹرو	8,382 کلومیٹر2 (3,236 میل مربع)
• لندن شہر	2.90 کلومیٹر2 (1.12 میل مربع)
• لندن عظمیٰ	1,569 کلومیٹر2 (606 میل مربع)
بلندی[3]	11 میل (36 فٹ)
آبادی (2018)[5]
• کل[upper-alpha 1]	8,961,989[1]
• کثافت	5,666/کلومیٹر2 (14,670/میل مربع)
• شہری	9,787,426
• میٹرو	14,257,962[4] (اول)
• لندن شہر	8,706 (67واں)
• لندن عظمیٰ	8,899,375
جی وی اے (2018)[6]
• کل	پاؤنڈ اسٹرلنگ487 بلین ($نقص اظہار: «{» کا غیر معروف تلفظ۔ بلین)
• فی کس	پاؤنڈ اسٹرلنگ54,686 ($نقص اظہار: «{» کا غیر معروف تلفظ۔)
منطقۂ وقت	گرینوچ معیاری وقت (UTC)
• گرما (گرمائی وقت)	برطانوی موسم گرما وقت (UTC+1)
پوسٹ کوڈ علاقے	22 علاقے E، EC، N، NW، SE، SW، W، WC، BR، CR، DA، EN، HA، IG، KT، RM، SM، TW، UB، WD (CM، TN; جزوی طور پر)
بین الاقوامی ہوائی اڈے	ہیتھرو ایئرپورٹ (LHR) لندن شہر (LCY) گاٹوک ایئرپورٹ (LGW) سٹینسٹید (STN) لوٹن (LTN) ساوتھاینڈ (SEN)
عاجلانہ نقل و حمل	لندن انڈرگراؤنڈ
پولیس	میٹروپولیٹن (بغیر لندن شہر مربع میل)
ایمبولینس	لندن
آگ	لندن
جغرافیائی اعلیٰ ترین ڈومین نیم	۔london
ویب سائٹ	london.gov.uk

لندن (یا لنڈن) انگلستان اور مملکت متحدہ کا دار الحکومت اور سب سے بڑا شہر ہے۔^[8][9] یہ شہر دریائے ٹیمز کے کنارے جنوب مشرقی انگلستان میں دریا کے 50 میل (80 کلومیٹر) طویل دہانے پر واقع ہے جو بحیرہ شمال میں گرتا ہے۔ لندن دو ہزار برس سے ایک اہم آباد مقام رہا ہے۔ لوندینیوم کا قیام رومیوں کے ہاتھوں عمل میں آیا۔^[10] لندن شہر لندن کا قدیم بنیادی اور مالیاتی مرکز محض 1.12 مربع میل (2.9 مربع کلومیٹر) کا علاقہ ہے جو عام بول چال میں مربع میل (سکوائر مائیل / سکوائر میل) کہلاتا ہے۔ آج بھی اس علاقے کے حدود وہی یا تقریباً اتنے ہی ہیں جو قرون وسطی میں تھے۔^{[11][12][13][14][15][note 1]} ملحقہ ویسٹ منسٹر شہر اندرونی لندن کا بورو ہے اور صدیوں سے قومی حکومت کا صدر مقام رہا ہے۔ 31 اضافی لندن کے بورو دریا کے شمال اور جنوب جن میں جدید لندن بھی شامل ہے شہر کی تشکیل کرتے ہیں۔ شہر لندن ایک میئر اور لندن اسمبلی کے زیر انتظام ہے۔^{[16][note 2][17]}

لندن دنیا کا ایک اہم ترین عالمی شہر ہے ^[18] اور اسے دنیا کا سب سے طاقتور، ^[19] انتہائی پسندیدہ، ^[20] سب سے زیادہ با اثر، ^[21] سب سے زیادہ سیاحتی، ^[22] سب سے مہنگا، ^[23] پائیدار، ^[24] سب سے زیادہ آسان سرمایہ کاری، ^[25] اور کام کے لیے سب سے زیادہ مشہور ^[26] شہر کہا جاتا ہے۔ یہ عالمی طور پر فنون، تجارت، تعلیم، تفریح، فیشن، مالیات، صحت کی دیکھ بھال، میڈیا، پیشہ ورانہ خدمات، تحقیق و ترقی، سیاحت اور نقل و حمل پر کافی اثر ڈالتا ہے۔ ^[27] معاشی کارکردگی کے لحاظ سے 300 بڑے شہروں میں سے لندن 26 ویں نمبر پر ہے۔ ^[28] یہ دنیا کے سب سے بڑے مالیاتی مراکز ^[29] میں سے ایک ہے اور اس کی خام ملکی پیداوار بڑے میٹروپولیٹن علاقہ جات میں پانچویں یا چھٹے نمبر پر ہے۔ ^{[note 3][30][31][32][33][34]} بین الاقوامی آمد کے لحاظ سے یہ سب سے زیادہ مصروف شہر ^[35] اور مسافروں کی آمدورفت کے لحاظ سے شہر مصروف ترین شہری ہوائی اڈا نظام کا حامل ہے۔ ^[36] سرمایہ کاری کے لیے اس کی نمایاں حیثیت ہے، ^[37] اور یہ کسی بھی دوسرے شہر کے مقابلے میں زیادہ بین الاقوامی خوردہ فروشوں کی میزبانی کرتا ہے۔ ^[38] 2020ء کے مطابق ماسکو کے بعد لندن میں یورپ کے کسی بھی شہر میں ارب پتیوں کی سب سے زیادہ تعداد ہے۔ ^[39] 2019ء میں یورپ میں الٹرا ہائی نیٹ مالیت والے افراد کی تعداد لندن میں سب سے زیادہ تھی۔ ^[40] لندن جامعات کے لحاظ سے یورپ کے اعلیٰ تعلیمی اداروں کی سب سے زیادہ تعداد مرکوز ہے، ^[41] اور لندن اعلیٰ درجہ کے اداروں جیسے امپیریل کالج لندن علوم فطریہ اور اطلاقی علم، لندن اسکول آف اکنامکس معاشرتی علوم کے اعلیٰ درجہ کے اداروں کا گھر ہے۔ ^[42] 2012ء گرمائی اولمپکس کی میزبانی کرنے سے لندن پہلا شہر بنا جس نے تین جدید اولمپک کھیلوں کی میزبانی کی ہے۔ ^[43]

لندن میں متنوع افراد اور ثقافت ہیں اور اس خطے میں 300 سے زیادہ زبانیں بولی جاتی ہیں۔ ^[44] ایک تخمینہ کے مطابق 2018ء کے وسط میں بلدیاتی آبادی (لندن عظمیٰ کے مطابق) 8،908،081 تھی، ^[5] جو اسے یورپ کے کسی بھی شہر کا تیسرا سب سے زیادہ آبادی والا شہری علاقہ، ^[45] اور مملکت متحدہ کی آبادی کا 13.4٪ بناتا ہے۔ ^[46] ماسکو اور پیرس کے بعد لندن کا شہری علاقہ یورپ کا تیسرا سب سے زیادہ آبادی والا شہر ہے، جبکہ 2011ء کی مردم شماری میں یہاں 9،787،426 افراد تھے۔ ^[47] ماسکو میٹروپولیٹن علاقہ کے بعد جہاں 2016ء میں 14،040،163 باشندوں تھے لندن مسافر زون یورپ کا دوسرا سب سے زیادہ آبادی والا میٹروپولیٹن علاقہ ہے۔ ^{[note 4][4][48]}

لندن میں چار یونیسکو عالمی ثقافتی ورثہ مقامات موجود ہیں: ٹاور آف لندن، کیو باغات، ویسٹ منسٹر محل کا مقام، ویسٹ منسٹر ایبے، سینٹ مارگریٹ، ویسٹ منسٹر اور گرینچ میں تاریخی آباد کاری جہاں شاہی رصد گاہ واقع ہے جو نصف النہار اولیٰ (0° طول بلد) اور گرینوچ معیاری وقت کا مقام ہے۔ ^[49] دیگر امتیازی مقامات میں بکنگھم محل، لندن آئی، پکاڈیلی سرکس، سینٹ پال کیتھیڈرل، ٹاوربرج، ٹریفالگر اسکوائر اور شارڈ شامل ہیں۔ لندن میں متعدد عجائب گھر، گیلریاں، کتب کانے اور کھیلوں کے مقامات ہیں۔ ان میں برٹش میوزیم، نیشنل گیلری، نیچرل ہسٹری میوزیم، ٹیٹ ماڈرن، برٹش لائبریری اور ویسٹ اینڈ تھیٹر قابل ذکر ہیں۔ ^[50] لندن انڈرگراؤنڈ دنیا کا قدیم ترین زیر زمین ریلوے نیٹ ورک ہے۔

لندن ایک قدیم نام ہے جو پہلی صدی عیسوی میں پہلے ہی تصدیق شدہ ہے عام طور پر لاطینی شکل لوندینیوم سے، ^[51] مثال کے طور پر شہر میں برآمد شدہ ہاتھ سے لکھی گئی رومن تختیوں پر لفظ لندینو (Londinio) (معنی: لندن میں) جن کا آغاز 65 / 70-80 عیسوی سے ہوا ہے۔ ^[52]

سالوں میں اس نام کی بہت ساری افسانوی وضاحتیں سامنے آئی ہیں۔ ان سب سے قدیم تصدیق شدہ منموؤتھ کا ہسٹوریا ریگم برٹینیا کے جیفری میں ظاہر ہوا جو 1136ء کے قریب لکھی گئی تھی۔ ^[51] اس کے مطابق اس کا نام یہ تھا کہ یہ نام ایک بادشاہ شاہ لڈ کے نام سے تھا، جس نے مبینہ طور پر اس شہر کو اپنے قبضہ میں کر لیا تھا اور اس کا نام کیرلڈ (Kaerlud) رکھا تھا۔ ^[53]

نام کے جدید سائنسی تجزیوں میں ابتدائی ماخذوں میں پائی جانے والی مختلف شکلوں کی ابتدا کا حساب ہونا ضروری ہے: لاطینی (عام طور پر لوندینیوم Londinium)، قدیم انگریزی (عام طور پر لنڈین Lunden) اور ویلش (عام طور پر لوبدئین Llundein) ان مختلف زبانوں میں آواز اور وقت کے ساتھ معروف پیشرفتوں کے حوالے سے۔

یہ بات پر اتفاق ہے کہ یہ نام عام بریطانی سے ان زبانوں میں آیا ہے۔ حالیہ تحقیق کے مطابق یہ کلٹی نام لندنجن (Londonjon) یا اس ملتے جلتے نام سے آیا۔ اسے لاطینی زبان میں بطور لوندینیوم (Londinium) ڈھال لیا گیا جہاں سے قدیم انگریزی میں آہا جو انگریزی زبان آبائی زبان ہے۔ ^[54]

عام بریطانی میں اس کی وجہ تسمیہ بہت زیادہ زیر بحث ہے۔ اس کی ایک واضح وضاحت رچرڈ کوٹس کی 1998ء کی دلیل تھی کہ یہ نام قبل-کلٹی قدیم یورپیائی لوونیڈا (lowonida) (معنی: پایابی کے لیے دریا بہت چوڑا ہے) سے لیا گیا ہے۔ کوٹس کا خیال ہے کہ یہ وہ نام تھا جو دریائے ٹیمز کے اس حصے کو دیا گیا تھا جو لندن سے گزرتا ہے۔ اور اس سے کلٹی نام لوونیڈوبجون (Lowonidonjon) وجود میں آیا۔ ^[55] تاہم محققین نے اس کے کلٹی نام کو قبول کیا ہے اور حالیہ مطالعات نے اولی ہند یورپی زبان کے ماخذ لینڈ (lend) کو کلٹی لاحقہ (*-injo- or *-onjo) کے ساتھ مل کر نام تخلیق ہونے کی حمایت کی ہے۔ پیٹر شریجور نے ان بنیادوں پر خاص طور پر تجویز کیا ہے کہ اس نام کے اصل معنی "سیلاب کی جگہ" ہے۔ ^[56][54]

1889ء تک "لندن" نام سرکاری طور پر لندن شہر پر لاگو ہوتا تھا لیکن تب تب کے بعد سے اس میں کاؤنٹی لندن اور لندن عظمیٰ کو بھی شامل کیا جاتا ہے۔ ^[57]

ہسٹوریا ریگم برٹینیا میں مانمووت کے جیفری کے مطابق، لندن کی بنیاد تقریباً 1000–1100 قبل مسیح میں بروٹس آف ٹرائے نے رکھی تھی۔ جیفری قبل از تاریخ لندن میں شاہ لڈ کی بھی خاص اہمیت بیان کرتا ہے۔

1993ء میں برنجی دور کے پل کی باقیات ووکسہول پل کے قریب جنوبی فورشور میں پائی گئی ہیں۔ ^[58] یہ پل یا تو دریائے ٹیمز کو عبور کرتا تھا یا اس میں اب گمشدہ جزیرے تک پہنچاتا تھا۔ ان میں سے دو لکڑی کے ٹکڑوں کا ریڈیو کاربن کیا گیا جس سے معلوم ہوا کہ یہ سنہ 1750 قبل مسیح اور 1285 قبل مسیح کے درمیان میں تھے۔ ^[58]

2010ء میں لکڑی کے ایک بڑے ڈھانچے کی بنیاد جو 4800 قبل مسیح سے 4500 قبل مسیح کے درمیان میں تھے ^[59] دریائے ٹیمز کے جنوبی ساحل ووکسہول پل کے بہاو پر پائے گئے۔ ^[60] درمیانی سنگی دور کے اس ڈھانچوں کی افادیت تو معلوم نہیں۔ یہ دونوں ڈھانچے دریا کے جنوبی کنارے پر ہیں جہاں عفرا ندی دریائے ٹیمز میں ملتی ہے۔ ^[60]

اگرچہ بکھری ہوئی کلٹی برطانی بستیوں کے ثبوت موجود ہیں لیکن پہلی بڑی بستی کی بنیاد رومیوں نے 43 عیسوی ^[61] میں حملے کے تقریباً چار سال بعد رکھی تھی۔ ^[2] یہ صرف 61ء کے آس پاس تک جاری رہا، جب آئسینائی قبیلہ نے ملکہ بؤدیکا کی سربراہی میں اس پر حملہ کیا اور اسے نیست و نابود کر دیا۔ ^[62] 100ء میں اگلے انتہائی منصوبہ بند لوندینیوم نے بریتانیا کے رومی کے دار الحکومت کولچسٹر کو بھی پیچھے چھوڑ دیا۔ دوسری صدی میں اپنے عروج پر رومن لندن کی مجموعی آبادی 60،000 کے قریب تھی۔ ^[63] 180ء سے 225ء کے درمیانی عرصے میں رومیوں نے دفاعی دیوار لندن تعمیر کی۔ اس دیوار کی لمبائی 3 کلومیٹر (1.9 میل)، بلندی 6 میٹر (20 فٹ) اور اونچائی 2.5 میٹر (8.2 فٹ) تھی۔ یہ دیوار مزید 1،600 سال تک برقرار رہی اور لندن شہر کی حفاظت کی۔

تیسری صدی کے آخر میں سیکسن قزاقوں نے لوندینیوم پر متعدد بار حملہ کیا۔ ^[64] اس کے نتیجے میں تقریباً 255ء کے بعد دریا کے کنارے ایک اضافی دیوار کی تعمیر کی گئی۔ لندن کے روایتی سات شہر دروازوں میں سے چھ رومی دور کے ہیں، جو مندرجہ ذیل ہیں:

پانچویں صدی میں رومی سلطنت تیزی سے رو بہ زوال ہوئی اور 410ء میں رومیوں کا بریتانیا پر قبضہ ختم ہو گیا۔ اس کے بعد یہ رومی شہر بھی تیزی سے زوال پزیر ہوا اور پانچویں صدی کے آخر تک عملی طور پر یہ متروک ہو گیا۔

اینگلو-سیکسن لندن سے مراد لندن شہر کی تاریخ کا اینگلو-سیکسن دور ہے۔ رومی لوندینیوم پانچویں صدی میں ترک ہو چکا تھا، تاہم لندن دیوار سلامت تھی۔ ساتویں صدی کے آغاز میں لوندینیوم سے تقریباً ایک میل مغرب میں اینگلو سیکسن آبادی قائم ہوئی جسے لوڈینوک کا نام دیا گیا۔ 500ء کے قریب اینگلو سیکسن آبادی لوڈینوک پرانے رومی شہر کے مغرب میں پھیلنا شروع ہوئی۔ ^[65] تقریباً 680ء تک یہ شہر دوبارہ ایک بڑی بندرگاہ بن چکا تھا تاہم بڑے پیمانے پر پیداوار کے بہت کم ثبوت موجود ہیں۔ 820ء کی دہائی سے بار بار وائی کنگ حملوں سے شہر ایک بار رو بہ زوال ہوا۔ یہ حملے 851ء اور 886ء میں اور آخری حملہ 994ء میں ہوا۔ ^[66]

وائی کنگ مشرقی اور شمالی انگلستان کے بیشتر حصے پر ڈینیلا قائم کیا۔ اس کی حدود تقریباً لندن سے چیسٹر تک پھیلی ہوئی تھی۔ یہ سیاسی اور جغرافیائی کنٹرول کا ایک ایسا علاقہ تھا جو وائی کنگ کے حملوں کے زیر اثر تھا جس پر باضابطہ طور پر ڈینش جنگجو گوتھروم اور مغربی سیکسن بادشاہ الفریڈ اعظم نے 886ء میں اتفاق کیا تھا۔ اینگلو سیکسن کرانکل کے مطابق الفریڈ نے 886ء میں لندن کو "دوبارہ قائم" کیا۔ آثار قدیمہ کی تحقیق سے پتہ چلتا ہے کہ اس میں لوڈینوک کا ترک کرنا اور پرانی رومی دیواروں کے اندر زندگی اور تجارت کا احیا شامل تھا۔ اس کے بعد لندن تقریباً 950ء تک آہستہ آہستہ ترقی کرتا رہا جس کے بعد اس کی ترقی میں ڈرامائی اضافہ ہوا۔ ^[67]

گیارہویں صدی تک لندن تمام شہروں کے مقابلے میں انگلستان کا سب سے بڑا شہر بن چکا تھا۔ ویسٹ منسٹر ایبے جسے شاہ معترف ایڈورڈ رومی طرز میں دوبارہ تعمیر کیا یورپ میں ایک عظیم الشان چرچ تھا۔ ونچیسٹر اس سے قبل اینگلو سیکسن انگلستان کا دار الحکومت رہا تھا، لیکن اس کے بعد سے لندن جنگی، غیر ملکی تاجروں کے لیے مرکزی فورم اور جنگ کے وقت دفاع کا اڈا بن گیا۔ فرینک اسٹینٹن کے خیال مطابق "اس کے پاس وسائل تھے اور یہ قومی وقار کے لیے مناسب اور سیاسی خود شعور کے ساتھ تیزی سے ترقی کر رہا تھا" ^[68][69]

ہسٹنگز کی جنگ جیتنے کے بعد ولیم، ڈیوک نارمنڈی کی انگلستان کے بادشاہ کے طور پر 1066ء کو کرسمس کے دن نئے مکمل ہونے والے ویسٹ منسٹر ایبے میں تاج پوشی ہوئی۔ ^[70] ولیم فاتح نے ٹاور آف لندن میں تعمیر کروایا۔ یہ انگلستان میں بہت سے نورمن قلعوں میں سے پہلا جو شہر کے جنوب مشرقی کونے میں مقامی باشندوں پر رعب ڈالنے کے لیے پتھروں سے دوبارہ تعمیر کیا گیا۔ ^[71] 1097ء میں ولیم دوم ویسٹ منسٹر ہال کی عمارت کا آغاز کیا جو ویسٹ منسٹر ایبے کے قریب اسی کا ہم نام تھا۔ یہی ہال ایک نئے محل ویسٹ منسٹر پیلس کی بنیاد بنا۔ ^[72][73]

بارہویں صدی میں مرکزی حکومت کے ادارے جس میں اب تک شاہی انگریزی عدالت بھی شامل تھی ملک بھر میں گھومتے رہتے تھے۔ لیکن حجم اور تضلیل و تدلیس بڑھنے سے یہ ایک جگہ پر مستحکم ہو گئے۔ زیادہ تر مقاصد کے لیے ویسٹ منسٹر کا انتخاب کیا گیا، حالانکہ شاہی خزانے ونچسٹر سے منتقل ہونے کے بعد ٹاور میں قائم ہوا۔ ویسٹ منسٹر شہر سرکاری لحاظ سے ایک حقیقی دار الحکومت کی شکل اختار کر گیا۔ اس کا ہمسایہ لندن شہر انگلستان کا سب سے بڑا شہر اور مرکزی تجارتی مرکز رہا اور اس کی اپنی منفرد انتظامیہ، کارپوریشن آف لندن کے تحت ترقی ہوئی۔ 1100ء میں اس کی آبادی 18،000 کے قریب تھی، 1300ء تک یہ بڑھ کر 100،000 ہو چکی تھی۔ ^[74] چودہویں صدی کے وسط میں لندن میں سیاہ موت کی شکل میں تباہی مچ گئی جس سے لندن نے اپنی آبادی کا ایک تہائی حصہ گنوا دیا۔ ^[75] 1381ء میں کسانوں کے بغاوت کا محور لندن تھا۔ ^[76]

1176ء میں لندن کے سب سے مشہور اوتار لندن پل (1209ء میں مکمل ہوا) کی تعمیر کا آغاز ہوا جو کئی پہلے لکڑی کے پلوں کی جگہ پر تعمیر کیا گیا تھا۔ یہ پل 600 سال تک قائم رہا اور 1739ء تک دریائے ٹیمز کو پار کرنے کا یہ واحد پل رہا۔

1290ء میں ایڈورڈ اول سے ان کے ملک بدر کرنے سے پہلے لندن انگلستان کی یہودی آبادی کا ایک مرکز تھا۔ یہودیوں کے خلاف تشدد کا آغاز 1190ء میں ہوا، جب یہ افواہ پھیلائی گئی کہ نئے بادشاہ نے ان کے قتل عام کا حکم دیا تھا کیونکہ انھوں نے اس کے تاجپوشی پر خود کو پیش کیا تھا۔ ^[77] بارونس کی دوسری جنگ کے دوران میں 1264ء میں سائمن ڈی مونٹفورٹ کے باغیوں نے قرضوں کا ریکارڈ ضبط کرنے کی کوشش کے دوران میں 500 یہودیوں کو ہلاک کر دیا۔ ^[78]

قرون وسطی کا لندن تنگ اور گھومتی گلیوں سے بنا تھا اور زیادہ تر عمارتیں لکڑی اور تنکے جیسے آتش گیر مادے سے بنی تھیں، جس نے آگ کو مستقل خطرہ بنا دیا، جبکہ شہروں میں صفائی ستھرائی کا معیار بہت معمولی تھا۔

وینگرڈ کا "لندن کا پینوراما" 1543ء

ٹیوڈر دور میں اصلاحات نے آہستہ آہستہ پروٹسٹنٹ ازم میں تبدیلی کی اور لندن کی زیادہ تر جائداد چرچ سے نجی ملکیت میں منتقل ہو گئی، جس نے شہر میں تجارت اور کاروبار کو تیز کیا۔ ^[79] اصلاح سے پہلے لندن کا نصف سے زیادہ رقبہ خانقاہوں، راہبوں اور دیگر مذہبی خاندانوں کی ملکیت تھا۔ ^[79] ہینری ہشتم کی "خانقاہوں کی تحلیل" کا شہر پر گہرا اثر پڑا کیونکہ اس تمام املاک ایک سے دوسرے ہاتھ منتقل ہو گئیں۔ اس دور میں یورپ کے تجارتی مراکز میں لندن کی اہمیت میں تیزی سے اضافہ دیکھا گیا۔ تجارت مغربی یورپ سے آگے روس، شام اور امریکین تک پھیل گئی یہ مسنویت پسندی اور اجارہ داری کی تجارت کرنے والی کمپنیوں جیسے مسکووی کمپنی (1555ء) اور برطانوی ایسٹ انڈیا کمپنی (1600ء) کا دور تھا جنہیں رائل چارٹر کے تحت لندن میں قائم کیا گیا۔ مؤخر الذکر جو بالآخر ہندوستان پر حکمرانی کرنے لگا، لندن اور مجموعی طور پر برطانیہ میں ڈھائی صدیوں تک ایک کلیدی ادارہ تھا۔ ساحلی جہاز رانی کے استعمال نے وسیع پیمانے پر توسیع کے ذریعہ لندن کی آبادی اور دولت کی نمو کو ہوا دی۔

سولہویں صدی کے آخر اور سترہویں صدی کے اوائل میں لندن میں ڈرامے کی خوب نشو و نما دیکھنے میں آئی جس کی اہم شخصیت ولیم شیکسپیئر تھی۔ الزبتھ کے دور حکومت کے انتہائی پرسکون برسوں کے دوران میں اس کے کچھ درباریوں اور لندن کے کچھ مالدار شہریوں نے مڈل سیکس، ایسیکس اور سرئے میں اپنی رہائش گاہیں بنائیں۔

1580ء کی دہائی کے بعد سے غیر مقامی لوگوں خلاف نفرت میں اضافہ ہوا۔ تشدد اور چھیڑ چھاڑ کی معمول کے دھمکیوں، غیر ملکیوں کو ملک بدر کرنے کی کوششوں اور انگریزی شہریت حاصل کرنے میں مشکل نے بہت سے تارکین وطن کو مایوس کیا۔ ڈچ شہر زیادہ مہمان نواز ثابت ہوئے اور بہت سے لوگ مستقل طور پر لندن سے چلے گئے۔ ^[80] 1600ء تک لندن کے 100،000 رہائشیوں میں سے 4،000 ڈچ، جرمن کارکن اور تاجر تھے۔ ^[81]

شہر کی حدود سے باہر لندن کی توسیع سترہویں صدی میں ہوئی۔ اس صدی کے ابتدائی سالوں میں شہر کے ماحول، ویسٹ منسٹر کی جانب سے اشرافیہ رہائش گاہوں کی اصل استثنا کے ساتھ اب بھی صحت کے لیے موزوں نہیں سمجھے جاتے تھے۔ جیمزاول کے بادشاہ بننے کی تیاریوں کو طاعون کی شدید وبا نے روک دیا تھا، جس میں تیس ہزار سے زیادہ افراد ہلاک ہو چکے تھے۔ لارڈ میئر شو جو کچھ سالوں سے بند تھا، 1609ء میں بادشاہ کے حکم سے بحال ہوا۔ چارٹر ہاؤس کی تحلیل شدہ خانقاہ جسے درباریوں نے متعدد بار خریدا اور فروخت کیا تھا، تھامس سوٹن نے اسے 13,000 پاونڈ میں خریدا۔

چارلس اول 1625ء میں تخت نشین ہوا۔ ان کے دور حکومت میں اشرافیہ نے بڑی تعداد میں مغربی کنارے (ویسٹ اینڈ) میں آباد ہونا شروع کیا۔ درباری یا مخصوص کاروبار کرنے والوں کے علاوہ لندن کے بہت سے مالکان اور ان کے اہل خانہ صرف معاشرتی زندگی کے لیے لندن میں رہتے تھے۔ یہ "لندن سیزن" کا آغاز تھا۔ لنکنز ان فیلڈز تقریباً 1629ء میں تعمیر کیا گیا، ۔^[82] کوونٹ گارڈن کا عوامی چوک انگلستان کے پہلے کلاسیکی طور پر تربیت یافتہ معمار انیگو جونز نے 1632ء میں تشکیل دیا۔

جنوری 1642ء میں پارلیمنٹ کے پانچ اراکین جن کو بادشاہ گرفتار کرنا چاہا انھیں شہر میں پناہ دے دی گئی۔ اسی سال اگست میں بادشاہ نے ناٹنگہم میں اپنا پرچم اٹھایا اور انگریزی خانہ جنگی کے دوران میں لندن نے پارلیمنٹ کا ساتھ دیا۔ ابتدائی طور پر بادشاہ فوجی لحاظ سے بالا دست تھا اور نومبر میں اس نے لندن کے مغرب میں چند میل دور برینٹ فورڈ کی جنگ جیت لی۔ شہر نے ایک نئی عارضی فوج کا انتظام کیا اور چارلس اول ہچکچاتے اور پیچھے ہٹ گیا۔ اس کے بعد لندن کو شاہی پرستوں کے ایک نئے حملے سے دوبارہ بچانے کے لیے قلعوں کا ایک وسیع نظام تشکیل دیا گیا۔

بے چین اور بھیڑ بھرا شہر لندن کو کئی صدیوں میں طاعون کی وبا کا متعدد بار سامنا کرنا پڑا، لیکن برطانیہ کی آخری سب سے بڑی وبا جسے "لندن کا عظیم طاعون" کے نام سے یاد کیا جاتا ہے۔ یہ 1665ء اور 1666ء میں ہوا اور اس میں 60،000 افراد ہلاک ہوئے جو آبادی کا پانچواں حصہ تھا۔ "^[83][84]

لندن کی تاریخی آتش زدگی، مملکت متحدہ کی تاریخ میں آتش زدگی کا نا قابل فراموش واقعہ ہے، جس میں آگ 2 ستمبر، اتوار سے 5 ستمبر، بروز بدھ تک لندن کے مختلف حصوں تک پھیلتی چلی گئی۔^[85] آگ قدیم رومی دیوار لندن کی حدود میں واقع شہر لندن کو کھا گئی۔ یہ آگ شاہانہ طمطراق کے حامل ویسٹمنسٹر (موجودہ لندن کی مغربی حد) کے ضلع چارلس دوم کے وائٹ ہال محل اور بہت سے مضافاتی آبادیوں کے لیے بھی خطرہ بن گئی تھی لیکن شومئی قسمت کہ وہاں تک پہنچ نہ سکی۔^[86] تاہم تقریباً تیرہ ہزار دوسو مکانات (13،200)، ستاسی (87) ذیلی کلیسیا، سینٹ پال کیتھیڈرل اور زیادہ تر شہر کی محکماتی عمارات اس آگ کی نذر ہو گئیں۔ اندازے کے مطابق اس آگ سے شہر کے اسی ہزار میں سے ستر ہزار باشندے بے گھر ہو گئے تھے۔^[87] اس کے نتیجے میں ہونے والا جانی نقصان نامعلوم ہے لیکن پھر بھی قریناً قیاس یہی ہے کہ جانی نقصان زیادہ نہیں ہوا ہوگا کیونکہ روایات سے محض چند اموات کا پتہ چلتا ہے۔ تاہم ان وجوہات کی مبازرت طلب کر لی گئی ہے جس کا سبب یہ بتایا گیا ہے کہ جانی نقصان کی مد میں درمیانے طبقے اور غریب طبقے کے لوگوں کو شمار نہیں کیا گیا تھا اور آگ میں جھلس کر ہلاک ہونے والے بہت سے لوگوں کی تو شناخت بھی نہیں ہو سکی تھی۔

آگ کا آغاز نصف شب 2 سمتبر بروز اتوار کو تھامس فارینر (یا فرائینر) کی پڈنگ لین میں بیکری سے ہوا اور یہ انتہائی تیزی سے مغربی علاقوں سے ہوتی ہوئی، شہر لندن میں پھیلتی چلی گئی۔ اُس وقت کے لندن کے مئیر سر تھامس بلڈ ورتھ کے تذبذب و متلون مزاجی کے باعث آگ کے بچاؤ کے لیے کی جانے والی کارروائیاں کافی دیر سے شروع کی گئیں۔ اُس وقت کی آگ بجھانے کی تکنیکوں میں سے ایک تکنیک عمارات کا انہدام بھی تھا، لہذٰا اتوار کو بڑے پیمانے پر عمارات کے انہدام کے احکامات جاری کر دیے گئے لیکن اُس وقت تک بیکری سے شروع ہونے والی یہ آگ ہوا کی بدولت پنکھے کی طرح آتشی طوفان میں بدل چکی تھی، جس نے اس طرح کی تمام کوششوں کو ناکام کر دیا۔پیر کو آگ شمال حصے کی جانب سے ہوتی ہے، شہر کے قلب کی جانب بڑھنے لگی۔

اٹھارہویں صدی لندن کی تیز رفتار ترقی کا دور تھا جو بڑھتی ہوئی قومی آبادی کا عکاس تھا۔ صنعتی انقلاب کی ابتدائی لہر اور ترقی پزیر برطانوی سلطنت کے مرکز میں لندن کا کردار بہت اہم تھا۔ 1707ء میں اسکاٹش اور انگریزی پارلیمنٹ کو ضم کرنے کا یونین ایکٹ منظور کیا گیا اور اس طرح مملکت برطانیہ عظمی کا قیام عمل میں آیا۔ ایک سال بعد 1708ء میں کرسٹوفر ورین کا شاہکار سینٹ پال کیتھیڈرل اس کی سالگرہ کے دن مکمل ہوا۔

مختلف ممالک سے بہت سارے تاجر تجارت کے لیے لندن آئے۔ مزید برآں بہت زیادہ تارکین وطن لندن منتقل ہو گئے جن کی آبادی زیادہ ہوا۔ جارجیائی دور کے دوران میں لندن اپنی روایتی حدود سے آگے تیز رفتار سے پھیل گیا۔ ان کو تفصیلی نقشوں کی ایک سیریز میں دکھایا گیا ہے، خاص طور پر جان راک کا 1741–45ء کا نقشہ (نیچے ملاحظہ کریں) اور اس کا 1746ء لندن کا نقشہ۔

نئے اضلاع جیسے مے فیئر ویسٹ اینڈ میں امیروں کے لیے تعمیر کیے گئے۔ جنوبی لندن اور ویسٹ اینڈ میں دریائے ٹیمز پر پلوں نے تیز رفتار ترقی کی حوصلہ افزائی کی، پورٹ آف لندن شہر سے نیچے کی طرف پھیل گئی۔ اس عرصے کے دوران میں امریکی کالونیوں میں بغاوت کا بھی سامنا تھا۔ 1780ء میں ٹاور آف لندن کا واحد امریکی قیدی، کانٹینینٹل کانگریس کا سابق صدر ہنری لورینس تھا۔ اسے 21 دسمبر 1781ء کو جنرل چارلس کارنوالس کے بدلے ٹاور سے رہا کیا گیا۔ 1762ء میں جارج سوم بکنگہم محل (جس کو بکنگہم ہاؤس کہا جاتا تھا) کو ڈیوک آف بکنگہم سے حاصل کیا۔ اگلے 75 برسوں میں جان نیش جیسے معماروں نے اس میں اضافہ کیا۔

اٹھارہویں صدی میں لندن میں جرائم میں بہت اجافہ ہوا۔ باو اسٹریٹ رنرز 1750ء میں پروفیشنل پولیس فورس کے طور پر قائم ہوئے۔ سخت سزائیں دی جا رہی تھیں معمولی جرائم کے لیے بھی سزائے موت کی سزا سنائی جاتی تھی۔ عوامی طور پر پھانسی لندن میں عام تھی اور عوامی سطح پر کافی مقبول تھی۔

1780ء میں لندن گورڈن فسادات سے لرز اٹھا جو کاتھولک کلیسیا کے خلاف پروٹسٹنٹ مسیحیت کی ایک بغاوت تھی۔ کیتھولک گرجا گھروں اور گھروں کو شدید نقصان پہنچا اور 285 فسادی ہلاک ہو گئے۔

1787ء میں لندن، امریکا اور برطانیہ کی بہت سی نوآبادیات سے غلاموں کو آزاد کیا گیا تھا جنھوں نے موجودہ سیرالیون میں فری ٹاؤن کی بنیاد رکھی۔ 1750ء تک لندن پل دریائے ٹیمز کو پار کرنے کا واحد پل تھا لیکن اس سال میں ویسٹ منسٹر پل کا افتتاح ہوا اور تاریخ میں پہلی بار دریائے ٹیمز کو ایک نئے پل سے عبور کیا جانے لگا۔

اٹھارہویں صدی میں امریکی کالونیوں کے آزاد ہو جانے اور لندن میں بہت سے دوسرے بدقسمتی واقعات دیکھنے میں آئے لیکن یہ عظیم تبدیلی ایک روشن خیالی بھی تصور کی جاتی ہے۔ اس سے انیسویں صدی میں ایک جدید دور کا آغاز ہوا۔

انیسویں صدی کے دوران میں لندن دنیا کا سب سے بڑا شہر اور برطانوی سلطنت کے دار الحکومت بنا۔ اس کی آبادی 1800ء میں 1 ملین سے بڑھ کر ایک صدی بعد 6.7 ملین ہو گئی۔ اس مدت کے دوران میں لندن ایک عالمی سیاسی، مالی اور تجارتی دار الحکومت بن گیا۔ اس کی یہ حیثیت صدی کے آخری تک بلا مقابلہ قائم رہی جب پیرسنیو یارک شہر نے اس کے غلبہ کو دھمکی دینا شروع کردی۔

برطانیہ کی ملکیت میں وسعت آتے ہی یہ شہر دولت مند ہو گیا تایم انیسویں صدی کا لندن ایک غربت کا شہر بھی تھا جہاں لاکھوں افراد بھیڑ اور کچی آبادییوں میں رہتے تھے۔ چارلس ڈکنز نے 1810ء میں اولیور ٹوسٹ جیسے ناولوں میں غریبوں کی زندگی کو ہمیشہ کے لیے امر کر دیا۔

1829ء میں اس وقت کے ہوم سکریٹری (اور مستقبل کے وزیر اعظم) رابرٹ پیل نے میٹرو پولیٹن پولیس کو ایک پولیس فورس کے طور پر قائم کیا جس نے پورے شہری علاقے کو کور کیا۔ انیسویں صدی کا لندن ریلوے کے آنے سے بدل گیا۔ میٹروپولیٹن ریلوے کے ایک نئے نیٹ ورک کی وجہ سے ہمسایہ کاؤنٹیوں کے نواحی علاقوں کی ترقی کی راہ ہموار ہوئی جہاں سے درمیانی طبقے اور دولت مند لوگ مرکز میں با آسانی سفر کر سکتے تھے۔ اگرچہ اس سے شہر کے نواحی علاقوں میں بڑے پیمانے پر ترقی ہوئی لیکن اس نے لندن میں طبقاتی تفریق کو بھی بڑھاوا دیا، کیونکہ دولت مند طبقات مضافاتی علاقوں میں نقل مکانی کر گئے اور غریبوں کو شہر کے اندرونی علاقوں میں رہنے کے لیے چھوڑ دیا گیا۔

لندن میں تعمیر ہونے والی پہلی ریلوے لندن پل سے گرینچ تک ایک لائن تھی جس کا افتتاح 1836ء میں ہوا۔ اس کے بعد جلد ہی عظیم ریل ٹرمنیلوں کا آغاز ہوا جس نے بالآخر لندن کو برطانیہ کے ہر کونے سے جوڑ دیا۔ ان میں ایوسٹن ریلوے اسٹیشن۔ پیڈنگٹن اسٹیشن، فینچرچ اسٹریٹ ریلوے اسٹیشن، سینٹ پینکراس ریلوے اسٹیشن، واٹرلو اسٹیشن اور کنگز کراس ریلوے اسٹیشن شامل ہیں۔ 1863ء سے لندن انڈرگراؤنڈ کی پہلی لائنیں تعمیر کی گئیں۔ شہری علاقہ تیزی سے بڑھتا ہی گیا اور یہ ازلنگٹن، پیڈنگٹن، بیلگرویا، ہوبورن، فنزبری، شورڈچ، سدرک اور لیمبیتھ تک پھیل گیا۔

1888ء میں نئی لندن کاؤنٹی کا قیام لندن کاؤنٹی کونسل کے زیر انتظام عمل میں آیا۔ انیسویں صدی کے دوران لندن کی بہت سی مشہور عمارتیں اور یادگاریں تعمیر ہوئیں جن میں سے چند ایک مندرجہ ذیل ہیں:

• ٹریفالگر اسکوائر
• بگ بین ویسٹ منسٹر پیلس
• رائل البرٹ ہال
• وکٹوریہ اور البرٹ میوزیم
• ٹاوربرج

لندن کی تاریخ میں سب سے بڑی سلطنتوں میں سے ایک کے دار الحکومت کے طور پر اپنy اثر و رسوخ کے عروج کے وقت بیسویں صدی میں داخل ہوا، لیکن نئی صدی کئی آزمائشیں بھی ساتھ لایا۔ صدی کے ابتدائی عشروں میں لندن کی آبادی میں تیزی سے اضافہ ہوتا رہا اور عوامی نقل و حمل میں بہت اضافہ ہوا۔ لندن کاؤنٹی کونسل نے ٹرام کا ایک بڑا نیٹ ورک تعمیر کیا تھا۔ پہلی بس سروس کا آغاز 1900ء کی دہائی میں ہوا۔

پہلی جنگ عظیم کے دوران میں لندن نے اپنے پہلے ہوائی بمباری کا سامنا کیا جس میں جرمن زپیلین ہواکشتی سے حملہ کیا گیا۔ اس حملے میں لگ بھگ 700 افراد کو ہلاک ہوئے اور اس نے زبردست دہشت پھیلائی۔ لندن میں سب سے بڑا دھماکا پہلی جنگ عظیم کے دوران میں سلور ٹاؤن دھماکا تھا، جس میں اسلحہ کی فیکٹری میں 50 ٹن ٹی این ٹی پھٹا، جس میں 73 افراد ہلاک اور 400 زخمی ہوئے تھے۔ بین جنگ دور میں لندن کی جغرافیائی حدود میں تیزی سے اضافہ دیکھا گیا۔ لندن کے مضافاتی علاقے لندن کاؤنٹی کی حدود سے باہر پڑوسی کاؤنٹیوں ایسیکس، ہارٹفورڈشائر، کینٹ اور سرئے میں پھیل گئیں۔

ملک کے دیگر حصوں کی طرح لندن میں بھی 1930ء کی دہائی کے کساد عظیم کے دوران میں شدید بے روزگاری کا سامنا کرنا پڑا۔ ایسٹ اینڈ میں 1930ء کی دہائی کے دوران میں دائیں اور بائیں دونوں طرف کی سیاسی جماعتیں فروغ پائیں۔ لندن کی آبادی 1939ء میں 8.6 ملین کی ریکارڈ سطح پر پہنچ گئی۔ نازی جرمنی سے فرار ہونے والے یہودی تارکین وطن کی بڑی تعداد 1930ء کی دہائی کے دوران میں لندن میں آباد ہو گئی جن میں اکثریت ایسٹ اینڈ میں آباد ہوئی۔

دوسری جنگ عظیم کے دوران میں برطانیہ کے دوسرے بہت سے شہروں کی طرح لندن کو بھی شدید نقصان پہنچا، جس پر بڑے پیمانے پر بمباری کی گئی۔ لندن میں لاکھوں بچوں کو بم دھماکوں سے بچانے کے لیے دیہی علاقوں میں منتقل کیا گیا۔ شہریوں نے فضائی حملوں سے بچاو کے لیے زیر زمین اسٹیشنوں میں پناہ لی۔ سب سے بھاری بمباری 7 ستمبر 1940ء سے 10 مئی 1941ء کے درمیان میں ہوئی۔ دسمبر 1940ء میں ایک حملہ کو "لندن کی دوسری عظیم آتش زدگی" کے نام سے یاد کیا جاتا ہے جس میں شہر کی متعدد عمارتیں بشمول سینٹ پال کیتھیڈرل جل گئیں۔ ^[88] لندن کو شدید عمارتی اور جانی نقصان ہوا، سب سے زیادہ متاثرہ حصہ ڈوک لینڈ علاقہ تھا۔ جنگ کے اختتام تک بمباری کی زد میں آکر 30،000 کے قریب لندن کے رہائشی ہلاک اور 50،000 سے زیادہ شدید زخمی ہوئے ^[89] دسیوں ہزار عمارتیں تباہ ہوگئیں اور لاکھوں افراد بے گھر ہو گئے۔ ^[90]

جنگ کے تین سال بعد 1948ء گرمائی اولمپکس اصل ویمبلی اسٹیڈیم میں منعقد ہوئیں ایک ایسے وقت میں جب شہر جنگ سے بمشکل نبرد آزما ہوا تھا۔ لندن کی تعمیر نو کا کام آہستہ تھا۔ تاہم 1951ء میں "برطانیہ تہوار" منعقد ہوا جس نے شہر میں ایک نئی امید اور آگے بڑھنے کی جستجو پیدا کی۔

جنگ کے بعد کے سالوں میں رہائش لندن میں ایک بہت بڑا مسئلہ تھا جس کی وجہ جنگ میں تباہ ہونے والے مکانات کی ایک بڑی تعداد تھی۔ مکانوں کی قلت کے جواب کے طور پر حکام نے فلیٹوں کے بلند و بالا بلاکس بنانے کا فیصلہ کیا۔ لوگوں کو لندن کے آس پاس تعمیر شدہ نئے شہروں میں جانے کے لیے حوصلہ افزائی کرنے کی ایک پالیسی بنائی گئی تھی۔ ^[91]

انیسویں صدی کے آخر میں اور بیسویں صدی کے ابتدائی نصف میں لندن والے اپنے گھروں کو گرم کرنے کے لیے کوئلے کا استعمال کرتے تھے جس سے بڑی مقدار میں دھواں پیدا ہوتا تھا۔ یہ دھواں آب و ہوا کے حالات کے ساتھ مل کر اسموگ بناتا تھا جسے اپنے مخصوص نام "لندن دھند" کے نام سے یاد کیا جاتا ہے۔ 1952ء میں اس کا اختتام تباہ کن لندن کی عظیم اسموگ سے ہوا جو پانچ دن تک جاری رہی اور 4000 سے زیادہ افراد کی جان لے گیا۔ اس کے جواب میں "کلین ایئر ایکٹ 1956ء" منظور ہوا جس میں "دھواں بغیر زون" بنانے کا حکم دیا گیا۔

1960ء کے وسط میں جزوی طور پر بیٹلز اور رولنگ اسٹونز جیسے برطانوی کے موسیقاروں کی کامیابی کے نتیجے میں لندن دنیا بھر میں نوجوانوں کی ثقافت کا مرکز بن گیا۔ 1950ء کی دہائی کے بعد لندن بڑی تعداد میں تارکین وطن کا گھر بنا خاص طور پر دولت مشترکہ ممالک جن میں خاص طور پر جمیکا، بھارت، بنگلہ دیش اور پاکستان شامل ہیں۔ اس نے لندن کا چہرہ ڈرامائی انداز میں بدل کر اسے یورپ کے سب سے متنوع شہروں میں بدل دیا۔ تاہم نئے تارکین وطن کی نقل مکانی ہمیشہ آسان نہیں تھی۔ 1980ء کی دہائی کے اوائل میں برکسٹن فسادات جیسے واقعات میں نسلی تناؤ پیدا ہوا۔ ^[92]

2000ء میں ٹونی بلیئر کی حکومت کی جانب سے گریٹر لندن اتھارٹی کے قیام کے ساتھ ہی لندن بھر میں حکومت بحال ہوئی۔ عالمی تناظر میں یہ نیو یارک اور ٹوکیو کے مقابلے میں وسیع پیمانے پر عالمی شہر کے طور پر ابھر رہا ہے۔

اکیسویں صدی کے آغاز میں لندن نے گرینچ میں ملینیم ڈوم کی میزبانی کی تاکہ نئی صدی خوش آمدید کیا جا سکے۔ دنیا کا سب سے بڑا ڈھانچہ "ملینیم وہیل" یا لندن آئی بنا جسے عارضی ڈھانچے کے طور پر کھڑا کیا گیا تھا لیکن جلد ہی ایک مستقل حیثیت میں بدل گیا اور ایک سال میں چار لاکھ زائرین اپنی طرف راغب کرتا ہے۔

لندن پلان جسے لندن کے میئر نے 2004ء میں شائع کیا تھا۔ اس میں اندازہ لگایا گیا ہے کہ 2016ء تک لندن آبادی 8.1 ملین تک پہنچ جائے گی اور اس کے بعد بھی اس میں اضافہ ہوتا رہے گا۔

6 جولائی 2005ء کو لندن نے 2012ء کے اولمپکس اور پیرا اولمپکس کی میزبانی کا حق حاصل کیا، یہ تین بار جدید کھیلوں کی میزبانی کرنے والا پہلا شہر بنا۔ تاہم اگلے ہی دن ان خوشی کی تقریبات کو کم کر دیا گیا کیونکہ دہشت گرد حملوں کے ایک سلسلے سے شہر لرز اٹھا۔ لندن انڈرگراؤنڈ پر تین بم دھماکوں میں 50 سے زیادہ ہلاک اور 750 زخمی ہو گئے۔ لندن اولمپکس کے بارے میں عوام میں متضاد جذبات تھے تاہم ایک کامیاب افتتاحی تقریب کے بعد اور جب متوقع تنظیمی اور نقل و حمل کے متوقع مسائل بھی پیدا نہیں ہوئے تو عوامی جذبات ان کے حق میں تبدیل ہوئے۔ ^[93]

لندن کی انتظامیہ دو سطحوں پر مشتمل ہے، شہر بھر میں اسٹریٹجک سطح اور ایک مقامی سطح۔ شہر میں انتظامیہ گریٹر لندن اتھارٹی کے ذریعہ چلتی ہے، جبکہ مقامی انتظامیہ کا انتظام 33 چھوٹے حکام کرتے ہیں۔ ^[94] گریٹر لندن اتھارٹی دو منتخب اجزا پر مشتمل ہے، ایک لندن کا میئر جس کے پاس انتظامی اختیارات ہیں اور لندن اسمبلی جو میئر کے فیصلوں کی جانچ پڑتال کرتی ہے اور ہر سال میئر کی بجٹ کی تجاویز کو قبول یا مسترد کرسکتی ہے۔ گریٹر لندن اتھارٹی کا صدر دفتر سٹی ہال، سدرک میں ہے۔ 2016ء کے بعد سے میئر صادق خان ہے جو ایک اہم مغربی دار الحکومت کا پہلا مسلمان میئر ہے۔ ^[95][96]

لندن کی انتظامیہ دو سطحوں پر مشتمل ہے شہر میں اسٹریٹجک بالائی سطح اور ایک مقامی زیریں سطج۔

گریٹر لندن اتھارٹی دو منتخب حصوں پر مشتمل ہے۔ ایک لندن کا میئر جس کے پاس انتظامی اختیارات ہیں دوسرا لندن اسمبلی جو میئر کے فیصلوں کی جانچ پڑتال کرتا ہیں اور ہر سال اس کی بجٹ کی تجاویز کو قبول یا مسترد کرسکتا ہے۔ گریٹر لندن اتھارٹی اسٹریٹجک منصوبہ بندی، پولیسنگ، فائر سروس، نقل و حمل کے بیشتر پہلوؤں اور معاشی ترقی کی ذمہ دار ہے۔ یہ ایک حالیہ تنظیم ہے جس کو اسی طرح کی "گریٹر لندن کونسل" (جی ایل سی) جسے 1986ء میں ختم کر دیا گیا تھا، کی جگہ لینے کے لیے 2000ء میں قائم کیا گیا ہے۔ ^[97] گریٹر لندن اتھارٹی اور لندن کے میئر کا صدر دفتر سٹی ہال میں ہے۔ لندن کے موجودہ میئر صادق خان ہیں جو 2016ء میں منتخب ہوئے تھے، جو اس سے قبل دو بار منتخب ہونے والے بورس جانسن کی جگہ آئے ہیں۔

لندن میں صحت کی خدمات کا انتظام قومی حکومت "نیشنل ہیلتھ سروس" کے ذریعہ سنبھالتی ہے، جو ایک اسٹریٹجک ہیلتھ اتھارٹی کے ذریعہ لندن میں کنٹرول اور زیر انتظام ہے۔ ^[98]

لندن اسمبلی گریٹر لندن اتھارٹی کا ایک حصہ، 25 رکنی منتخب ادارہ ہے جو لندن کے میئر کی سرگرمیوں کی جانچ پڑتال ہے اور اس کو استطاعت دیتا ہے۔ ^[99]

اسمبلی کا ڈھانچہ

#E4003B #0087DC #6AB023 #70147A #FAA61A #2e3b74

سیاسی جماعت		ارکان اسمبلی
		2000	2004	2008	2012	2016
لیبر پارٹی	9	7	8	12	12	12 / 25
کنزرویٹو پارٹی	9	9	11	9	8	8 / 25
انگلستان اور ویلز کی گرین پارٹی	3	2	2	2	2	2 / 25
یو کے انڈیپینڈنٹ پارٹی		2			2	2 / 25
لبرل ڈیموکریٹس پارٹی	4	5	3	2	1	1 / 25
برٹش نیشنل پارٹی			1			0 / 25

33 مقامی اتھارٹی میں 32 لندن کے بورو کونسل اور لندن شہر کارپوریشن ہیں۔ وہ مقامی خدمات کے ذمہ دار ہیں جو جی ایل اے کی نگرانی میں نہیں ہیں، جیسے مقامی منصوبہ بندی، اسکول، سماجی خدمات، مقامی سڑکیں اور کچرے کا انتظام۔ ہر لندن کے بورو کی ایک کونسل ہے سیاسی جماعتوں کے نمائندوں اور مقامی رہائشیوں سے تشکیل دی جاتی ہے۔

لندن شہر کی روایتی مقامی اتھارٹی نہیں ہے، قرون وسطی کے بعد سے اس کا انتطام تاریخی لندن شہر کارپوریشن کے تحت ہے جس کا انتخاب رہائشیوں اور کاروباری افراد دونوں کے ذریعہ کیا جاتا ہے۔ کارپوریشن کا سربراہ لندن شہر کا لارڈ میئر ہے، جو لندن کے میئر سے الگ عہدہ ہے۔ شہر لندن میں بھی اپنی پولیس فورس ہے۔ لندن شہر کی پولیس، میٹروپولیٹن پولیس سروس سے آزاد ہے جو لندن عظمیٰ کے باقی علاقوں کا احاطہ کرتی ہے۔ ^[100]

لندن حکومت مملکت متحدہ کی نشست ہے اور بہت سے سرکاری محکموں کے ساتھ ساتھ وزیر اعظم مملکت متحدہ کی 10 ڈاؤننگ اسٹریٹ میں رہائش ویسٹ منسٹر پیلس کے قریب خاص طور پر وائٹ ہال کے ساتھ واقع ہے۔ ^[101] لندن سے پارلیمنٹ کے 73 ارکان ہیں جو قومی پارلیمنٹ میں مقامی پارلیمانی حلقوں سے منتخب ہوتے ہیں۔ دسمبر 2019ء کے مطابق 49 لیبر پارٹی سے، 21 کنزرویٹو پارٹی سے اور 3 لبرل ڈیموکریٹس پارٹی سے ہیں۔ ^[102] لندن میں وزیر کے لیے برائے وزارتی عہدہ 1994ء میں تشکیل دیا گیا تھا۔ لندن کے موجودہ وزیر پال سکلی ہیں۔ ^[103] ریکارڈ شدہ جرم لندن میں بڑھتا ہی جارہا ہے، خاص طور پر پرتشدد جرم اور چھریوں کے وار کرکے قتل اور دوسرے شارعی جرائم میں اضافہ ہوا ہے۔ 2018ء کے آغاز سے لے کر وسط اپریل 2018ء تک 50 قتل ہوئے تھے۔ ممکن ہے کہ لندن میں پولیس کے فنڈ میں کٹوتی اس کا ایک سبب ہو اہم اس میں دیگر عوامل بھی شامل ہیں۔ ^[104]

گریٹر لندن میں پولیس، لندن شہر کے علاوہ، میٹروپولیٹن پولیس مہیا کرتی ہے۔ میئر کے زیر نگرانی پولیسنگ اینڈ کرائم برائے میئر آفس کے ذریعہ اس کی نگرانی کی جاتی ہے۔ ^[105][106] لندن شہر کی اپنی پولیس فورس ہے۔ یہ لندن شہر پولیس ہے۔ ^[107] برٹش ٹرانسپورٹ پولیس نیشنل ریل، لندن انڈرگراؤنڈ اور ڈاک لینڈز لائٹ ریلوے پر پولیس خدمات کی ذمہ دار ہے۔ ^[108] لندن میں ایک چوتھی پولیس فورس وزارت دفاع پولیس ہے تاہم یہ عام طور پر عام لوگوں کو پولیسنگ میں شامل نہیں کرتی ہے۔

لندن کے مختلف علاقوں میں جرائم کی شرح وسیع پیمانے پر مختلف ہے۔ جرائم کے اعداد و شمار قومی سطح پر مقامی اتھارٹی میں، ^[109] اور وارڈ میں دستیاب ہیں۔ ^[110] 2015ء میں 118 قتل ہوئے جو 2014ء کے مقابلے میں 25.5 فیصد زیادہ ہیں۔ ^[111] میٹروپولیٹن پولیس نے جرائم کے تفصیلی اعدادوشمار بنائے ہیں، جو برو اور وارڈ کی سطح پر زمرے کے لحاظ سے ہیں۔ یہ 2000ء سے اپنی ویب گاہ پر بھی دستیاب ہیں۔ ^[112]

لندن جسے گریٹر لندن بھی کہا جاتا ہے انگلستان کے نو علاقہ جات میں سے ایک ہے اور شہر کے بیشتر میٹروپولس علاقوں کا احاطہ کیے ہوئے ہے۔ ایک چھوٹا قدیم لندن شہر کبھی اس کی پوری آباد کاری پر مشتمل تھا لیکن اب یہ اس کا فقط مرکز ہے۔ لیکن جیسے جیسے اس کا شہری علاقہ بڑھتا گیا، لندن کارپوریشن نے اس کے مضافات کے ساتھ شہر کو یکجا کرنے کی کوششوں کی مخالفت کی، جس کی وجہ سے "لندن" کو مختلف مقاصد کے لیے متعدد طریقوں سے تعبیر کیا گیا۔ ^[113]

گریٹر لندن کا چالیس فیصد حصہ لندن پوسٹ ٹاؤن کے احاطہ میں ہے، جس میں 'لندن' ڈاک پتہ کا حصہ بنتا ہے۔ ^[114][115] لندن ٹیلیفون ایریا کوڈ (020) ایک بڑے علاقے کا احاطہ کرتا ہے، سائز میں گریٹر لندن جتنا ہی ہے، اگرچہ کچھ بیرونی اضلاع کو خارج کر دیا گیا ہے اور کچھ جگہیں باہر سے بھی شامل ہیں۔ گریٹر لندن کی حدود ایم 25 موٹر وے سے منسلک ہیں۔ ^[116]

میٹروپولیٹن گرین بیلٹ کے ذریعہ اب بیرونی شہری توسیع کو روکا گیا ہے، ^[117] اگرچہ تعمیراتی علاقہ جات حد سے آگے بڑھتے ہیں، جس کے نتیجے میں علاحدہ سے طے شدہ گریٹر لندن اربن ایریا وجود میں آیا ہے۔

لندن کے اندر لندن شہر اور ویسٹ منسٹر شہر دونوں کو شہر کا درجہ حاصل ہے اور لندن شہر اور بقیہ گریٹر لندن دونوں ہی میں انگلستان کی رسمی کاؤنٹیاں موجود ہیں۔ ^[118] گریٹر لندن کا علاقہ ان علاقوں میں شامل ہے جو تاریخی کاؤنٹوں مڈلسیکس، سرئے اور ہارٹفورڈشائر کا حصہ ہیں۔ ^[119] لندن کی پہلے انگلستان اور بعد میں مملکت متحدہ کے دار الحکومت کی حیثیت کبھی بھی سرکاری طور پر منظور یا قانون کے ذریعہ یا تحریری شکل میں اس کی تصدیق نہیں کی گئی۔ ^[120]

اس کی حیثیت آئینی کنونشن کے ذریعے تشکیل دی گئی تھی جو اسے درحقیقت مملکت متحدہ کا غیر مصدقہ آئینی دار الحکومت بناتا ہے۔ انگلستان کا دار الحکومت ونچیسٹر سے لندن منتقل ہوا جب بارہویں اور تیرہویں صدی میں ویسٹ منسٹر پیلس تعمیر ہو جو شاہی دربار کا مستقل مقام بنا اور اس طرح قوم کا سیاسی دار الحکومت بھی بنا۔ ^[121] ابھی حال ہی میں گریٹر لندن کو انگلستان کا ایک علاقہ قرار دیا گیا ہے اور اس تناظر میں اسے لندن کے نام سے جانا جاتا ہے۔ ^[14]

گریٹر لندن کا کل رقبہ 1،583 مربع کلومیٹر (611 مربع میل) ہے، ایک ایسا علاقہ جس کی آبادی 2001ء میں 7،172،036 تھی اور کثافت آبادی 4،542 افراد فی مربع کلومیٹر (11،760 / مربع میل) تھی۔ توسیعی علاقہ لندن میٹروپولیٹن علاقہ یا لندن میٹروپولیٹن ہم بستگی کے طور پر جانا جاتا ہے جو 8،382 مربع کلومیٹر (3،236 مربع میل) کے مجموعی رقبے پر مشتمل ہے، اس کی مجموعی آبادی 13،709،000 ہے اور کثافت آبادی 1،510 افراد فی مربع کلومیٹر (3،900 / مربع میل) ہے۔ ^[122] جدید لندن دریائے ٹیمز کے کنارے پر آباد ہے جو اس کی بنیادی جغرافیائی خصوصیت ہے، ایک دریا جو شہر کو جنوب مغرب سے مشرق تک پار کرتا ہے۔ وادی تھیمس ایک ایسا سیلاب زدہ میدان ہے جس کے ارد گرد پارلیمنٹ ہل، پرمروز ہل اور ایڈنگٹن پہاڑیوں سمیت ہلکی ہلکی پہاڑیوں سے گھرا ہوا ہے۔ تاریخی طور پر لندن دریائے ٹیمز کے نچلے ترین حصے پر آباد ہونا شروع ہوا۔ ٹیمز ایک بار بہت وسیع و عریض دریا تھا جس میں وسیع دلدلی علاقہ بھی تھا۔ تیز لہروں نے اس کے ساحل کی موجودہ چوڑائی کو پانچ گنا زیادہ بڑھا دیا۔ ^[123]

وکٹوریائی دور سے دریائے ٹیمز کو بڑے پیمانے پر بند باندھ دیے گئے ہیں اور اب اس کی کئی معاون ندیاں لندن کے زیر زمین بہہ رہی ہیں۔ تھامس ایک موجی دریا ہے اور لندن کو اس سے سیلاب کا خطرہ ہے۔ ^[124] برطانوی جزیروں کی آہستہ 'پستی' کی اور مد و جزر کی سطح میں آہستہ لیکن مستقل اضافے کی وجہ سے خطرہ وقت کے ساتھ ساتھ بڑھ گیا ہے، (اسکاٹ لینڈ اور شمالی آئرلینڈ میں اور نیچے انگلستان کے جنوبی حصوں میں، ویلز اور آئرلینڈ) بعد کی برفانی توڑ پھوڑ بھی اس کی ایک وجہ ہے۔ ^[125][126]

اس خطرے سے نمٹنے کے لیے 1974ء میں وولویچ میں تھامس کے پار تھامس بیریئر کی تعمیر پر ایک دہائی کا کام شروع ہوا۔ اگرچہ توقع کی جارہی ہے کہ یہ بند تقریباً 2070ء تک بطور ڈیزائن تیار ہوگی، لیکن اس کے مستقبل میں توسیع یا دوبارہ ڈیزائن کے تصورات پر پہلے ہی تبادلہ خیال کیا جارہا ہے۔ ^[127]

لندن، مملکت متحدہ
آب و ہوا چارٹ (وضاحت)
ج ف م ا م ج ج ا س ا ن د     55   8 2     41   8 2     42   11 4     44   14 6     49   18 9     45   22 12     45   24 14     50   23 14     49   20 11     69   16 8     59   11 5     55   8 3 اوسط زیادہ سے زیادہ. اور کم سے کم درجہ حرارت °C ترسیب کل، ملی میٹر میں
تبدیلیاں ج ف م ا م ج ج ا س ا ن د     2.2   47 36     1.6   47 36     1.6   52 39     1.7   58 42     1.9   64 48     1.8   72 53     1.8   74 57     1.9   74 57     1.9   68 53     2.7   60 47     2.3   52 41     2.2   47 37 اوسط زیادہ سے زیادہ. اور کم سے کم درجہ حرارت °F ترسیب کل، انچ میں

لندن میں معتدل سمندری آب و ہوا (کوپن موسمی زمرہ بندی) ہے۔ کم سے کم 1697ء سے شہر میں بارش کے ریکارڈ رکھے گئے ہیں، جب کیو میں ریکارڈز کا آغاز ہوا۔ کیو میں نومبر 1755ء میں ایک مہینے میں سب سے زیادہ بارش 7.4 انچ (189 ملی میٹر) ریکارڈ ہوئی اور کم سے کم 0 انچ (0 ملی میٹر) دونوں دسمبر 1788ء اور جولائی 1800ء میں ہے۔ مائل اینڈ بھی اپریل 1893ء میں 0 انچ (0 ملی میٹر) تھی۔ ^[128] ریکارڈ پر سب سے زیادہ بارش والا سال 1903ء ہے جس میں کل بارش 38.1 انچ (969 ملی میٹر) ہے اور خشک ترین 1921ء ہے جس کی کل بارش 12.1 انچ (308 ملی میٹر) ہے۔ ^[129] اوسطا سالانہ بارش تقریباً 600 ملی میٹر ہوتی ہے جو روم، لزبن، نیو یارک شہر اور سڈنی جیسے شہروں سے کم ہے۔ ^{[130][131][132]} بہر حال نسبتا کم سالانہ بارش کے باوجود، لندن میں اب بھی سالانہ 1.0 ملی میٹر کی دہلیز پر 109.6 بارش کے دن ملتے ہیں جو مذکورہ بالا شہروں سے کہیں زیادہ یا اس سے کہیں زیادہ ملتے جلتے ہیں۔

اگست 2003ء کے دوران میں لندن میں درجہ حرارت کی شدت 38.1 ° س (100.6 ° ف) سے نیچے −21.1 ° س (۔06.0 ° ف) ہوتی ہے۔ ^[133][134] تاہم، 3 جنوری 1740ء کو −24 ° س (−11 ف) کی غیر سرکاری درجہ حرارت کی اطلاع دی گئی۔ ^[135] اس کے برعکس مملکت متحدہ میں اب تک کا سب سے زیادہ غیر سرکاری درجہ حرارت جو 1808ء میں گرمی کی لہر میں لندن میں پیش آیا ریکارڈ کیا گیا ہے۔ درجہ حرارت 13 جولائی کو 105 ° ف (40.6 ° س) ریکارڈ کیا گیا۔ یہ سوچا جاتا ہے کہ یہ درجہ حرارت اگر درست ہو تو یہ مملکت متحدہ میں ہزار سالہ درجہ حرارت میں سے گرم ترین ہے۔ یہ سوچا جاتا ہے کہ صرف 1513ء اور 1707ء میں ہی اس کو شکست دی جا سکتی ہے۔ ^[136][137] ہوا کے دباؤ کے ریکارڈ 1692ء سے لندن میں رکھے گئے ہیں۔ 20 جنوری 2020ء کو اب تک کا سب سے زیادہ دباؤ 1،049.8 ملیبار (31.00 inHg) ہے۔ ^[138]

موسم گرما عام طور پر نیم گرم، کبھی کبھی گرم ہوتا ہے۔ لندن کی اوسطا جولائی میں بلند ترین 24 ° س (74 ° ف) ہے۔اوسطا ہر سال لندن 25 ° ف (77.0 ° ف) سے اوپر 31 دن کا تجربہ کرتا ہے اور ہر سال 30.0 ° س (86.0 ° ف) سے اوپر کے 4.2 دن ہوتے ہیں۔ 2003ء میں یورپی گرمی کی لہر کے دوران میں 30 14 س (86.0 ° ف) سے اوپر مسلسل 14 دن رہے اور لگاتار 2 دن جب درجہ حرارت 38 ° س (100 ° ف) تک جا پہنچا جس سے گرمی سے سیکڑوں اموات ہوئیں۔ ^[139] 1976ء میں 32.2 ° س (90.0 ° ف) کے اوپر لگاتار پندرہ دن کا دورانیہ بھی ہوا تھا جو گرمی سے متعلقہ بہت سی اموات کا سبب بھی تھا۔ ^[140] پچھلا ریکارڈ بلند ترین 38 11 س (100 ° ف) اگست 1911ء میں گرینچ اسٹیشن پر تھا۔ ^[141] خشک سالی، خاص طور پر موسم گرما میں کبھی کبھار ایک مسئلہ بھی ہو سکتی ہے۔ حالیہ موسم گرما میں 2018ء مئی سے دسمبر تک جاری رہا جو اوسط حالات سے کہیں زیادہ خشک ہے۔ ^[142][143] تاہم بارش کے بغیر سب سے زیادہ دن 1893ء کے موسم بہار میں 73 دن تھے۔ ^[144]

درجہ حرارت میں بہت کم تبدیلی کے ساتھ موسم سرما عام طور پر ٹھنڈا ہوتا ہے۔ بھاری برف بہت کم ہے لیکن برف ہر موسم سرما میں کم از کم ایک بار ہوتی ہے۔ موسم بہار اور خزاں خوشگوار ہو سکتے ہیں۔ ایک بڑے شہر کی حیثیت سے لندن میں کافی گرمی جزیرے کا اثر ہے، جو لندن کے نواح میں مضافاتی علاقوں اور مضافات سے کہیں زیادہ گرم درجہ حرارت 5 س (9 ° ف) ہوتا ہے۔ اس کو نیچے دیکھا جا سکتا ہے جب لندن کے ہیتھرو، لندن کے مغرب میں 15 میل (24 کلومیٹر) مغرب میں، لندن کے موسمی مرکز سے موازنہ کریں۔ ^[145]

کے موسمی تغیرات لندن، بلندی: 25 میٹر (82 فٹ)، 1981–2010 معمول، انتہائی 1948-تاحال
مہینا	جنوری	فروری	مارچ	اپریل	مئی	جون	جولائی	اگست	ستمبر	اکتوبر	نومبر	دسمبر	سال
بلند ترین °س (°ف)	17.2 (63)	21.2 (70.2)	24.2 (75.6)	29.4 (84.9)	32.8 (91)	35.6 (96.1)	37.9 (100.2)	38.1 (100.6)	35.4 (95.7)	29.1 (84.4)	20.8 (69.4)	17.4 (63.3)	38.1 (100.6)
اوسط بلند °س (°ف)	8.1 (46.6)	8.4 (47.1)	11.3 (52.3)	14.2 (57.6)	17.9 (64.2)	21.2 (70.2)	23.5 (74.3)	23.2 (73.8)	20.0 (68)	15.5 (59.9)	11.1 (52)	8.3 (46.9)	15.23 (59.41)
یومیہ اوسط °س (°ف)	5.2 (41.4)	5.3 (41.5)	7.6 (45.7)	9.9 (49.8)	13.3 (55.9)	16.5 (61.7)	18.7 (65.7)	18.5 (65.3)	15.7 (60.3)	12.0 (53.6)	8.0 (46.4)	5.5 (41.9)	11.3 (52.3)
اوسط کم °س (°ف)	2.3 (36.1)	2.1 (35.8)	3.9 (39)	5.5 (41.9)	8.7 (47.7)	11.7 (53.1)	13.9 (57)	13.7 (56.7)	11.4 (52.5)	8.4 (47.1)	4.9 (40.8)	2.7 (36.9)	7.43 (45.38)
ریکارڈ کم °س (°ف)	−13.2 (8.2)	−9.6 (14.7)	−5.1 (22.8)	−2.6 (27.3)	−0.9 (30.4)	1.5 (34.7)	5.6 (42.1)	5.9 (42.6)	1.8 (35.2)	−3.3 (26.1)	−7.0 (19.4)	−11.8 (10.8)	−13.2 (8.2)
اوسط عمل ترسیب مم (انچ)	55.2 (2.173)	40.9 (1.61)	41.6 (1.638)	43.7 (1.72)	49.4 (1.945)	45.1 (1.776)	44.5 (1.752)	49.5 (1.949)	49.1 (1.933)	68.5 (2.697)	59.0 (2.323)	55.2 (2.173)	601.7 (23.689)
اوسط عمل ترسیب ایام (≥ 1.0 mm)	11.1	8.5	9.3	9.1	8.8	8.2	7.7	7.5	8.1	10.8	10.3	10.2	109.6
ماہانہ اوسط دھوپ ساعات	61.5	77.9	114.6	168.7	198.5	204.3	212.0	204.7	149.3	116.5	72.6	52.0	1,632.6
ماخذ#1: میٹ آفس [146] رائل نیدرلینڈ میٹورولوجیکل انسٹی ٹیوٹ [147][148]مزید اسٹیشن ڈیٹا کے لیے، دیکھیے لندن کی آب و ہوا۔[149]
ماخذ #2: میٹ آفس [150] موسم اٹلس [151]

لندن کے وسیع و عریض شہری علاقوں کو اکثر ضلعی ناموں کا ایک سیٹ استعمال کرکے بیان کیا جاتا ہے، جہسا کہ مے فیئر، سدرک، ویمبلی اور وائیٹ چیپل۔ یہ یا تو غیر رسمی نام ہیں جو ان گاؤں کے ناموں کی عکاسی کرتے جو پھیلنے سے جذب ہو چکے ہیں یا انتظامی یونٹ جیسے پیرش یا سابقہ بوروں سے الگ ہوئے ہیں۔

اس طرح کے نام روایت کے توسط سے مستعمل ہیں ہر ایک اپنے مخصوص کردار کے ساتھ رسمی حدود کے بغیر مقامی علاقے کا حوالہ دیتا ہے۔ 1965ء سے گریٹر لندن کو قدیم شہر لندن کے علاوہ 32 لندن بوروں میں تقسیم کیا گیا ہے۔ ^[152][153] لندن شہر ایک اہم مالی ضلع ہے ^[154] اور کینری وارف میں حال ہی میں ڈوکلینڈز میں ایک نیا مالیاتی اور تجارتی مرکز بن گیا ہے۔

ویسٹ اینڈ لندن کا سب سے بڑا تفریحی اور شاپنگ ضلع ہے، جو سیاحوں کو اپنی طرف راغب کرتا ہے۔ ^[155] مغربی لندن میں مہنگے رہائشی علاقے شامل ہیں جہاں جائداد دسیوں لاکھ پاؤنڈ میں فروخت ہو سکتی ہے۔ ^[156] کینزنگٹن اور چیلسی میں جائیدادوں کی اوسط قیمت 2 ملین سے زیادہ ہے جو وسطی لندن کے بیشتر حصوں میں اسی طرح کی اعلیٰ قیمت ہے۔ ^[157][158]

ایسٹ اینڈ کا علاقہ اصلی لندن بندرگاہ کا قریب ترین علاقہ ہے جو تارکین وطن کی زیادہ آبادی کے لیے جانا جاتا ہے۔ نیز یہ لندن کے غریب ترین علاقوں میں سے ایک ہے۔ ^[159] ایسٹ اینڈ کے آس پاس کے علاقے میں لندن کی ابتدائی صنعتی ترقی کا بہت حصہ نظر آتا ہے۔

لندن کے بورو کی فہرست مندرجہ ذیل ہے۔

لندن شہر (لندن کا بورو نہیں) ویسٹ منسٹر شہر شاہی بورو کینزنگٹن اور چیلسی لندن بورو ہیمرسمتھ اور فلہم لندن بورو وینڈزورتھ لندن بورو لیمبیتھ لندن بورو سدرک لندن بورو ٹاور ہیملٹس لندن بورو ہیکنی لندن بورو ازلنگٹن لندن بورو کیمڈن لندن بورو برینٹ لندن بورو ایلنگ لندن بورو ہونسلو لندن بورو رچمنڈ اپون ٹیمز شاہی بورو کنگسٹن اپون ٹیمز لندن بورو مرٹن

لندن بورو سٹن لندن بورو کروئڈن لندن بورو بروملی لندن بورو لیوشم شاہی بورو گرینچ لندن بورو بیکزلی لندن بورو ہیورنگ لندن بورو بارکنگ اور ڈیگنہیم لندن بورو ریڈبرج لندن بورو نیوہیم لندن بورو والتہم فارسٹ لندن بورو ہارنگے لندن بورو اینفیلڈ لندن بورو بارنیٹ لندن بورو ہیعرو لندن بورو ہلنگٹن

لندن کی عمارتیں متنوع ہیں جن کی خصوصیت کسی خاص فن تعمیراتی انداز سے ہوتی ہے جس کی وجہ ان کے مختلف ادوار ہوتے ہیں۔ بہت سے عظیم الشان مکانات اور عوامی عمارات جیسے نیشنل گیلری پورٹلینڈ پتھر سے تعمیر کیے گئے ہیں۔ شہر کے کچھ علاقے خاص طور پر جو مرکز کے بالکل مغرب میں ہیں، سفید سٹوکو یا سفید دھوتی عمارتوں کی خصوصیات ہیں۔ وسطی لندن میں کچھ ڈھانچے 1666ء کی عظیم آتش زدگی سے پہلے کی تاریخ سے پہلے تھے ان سے رومیوں کا ایک سراغ ملتا ہے، ٹاور آف لندن اور شہر میں کچھ بکھرے ہوئے ٹیوڈر دور کی بچ جانے والی عمارتیں ہیں۔ مثال کے طور پر ہیمپٹن کورٹ محل ٹیوڈر دور کی انگلینڈ کا سب سے قدیم بچ جانے والا ٹیوڈر محل یے جسے کارڈنل تھامس وولسی نے 1515ء میں بنایا تھا۔ ^[160]

متنوع فن تعمیراتی ورثے کا ایک حصہ سترہویں صدی کے چرچ ہیں جو ورین، نوکلاسیکل مالیاتی اداروں جیسے رائل ایکسچینج اور بینک آف انگلینڈ اور بیسویں صدی کے اوائل میں اولڈ بیلی اور 1960ء کی دہائی میں باربیکین اسٹیٹ ہیں۔

متروک لیکن جلد ہی اس کو دوبارہ قابل استعمال کیا جائے گا — جنوب مغرب میں دریا کے کنارے بیٹرسی پاور اسٹیشن ایک مقامی نشان ہے جبکہ کچھ ریلوے ٹرمنی وکٹورین فن تعمیر کی عمدہ مثال ہیں، جن میں سب سے اہم سینٹ پینکراس ریلوے اسٹیشن اور لندن پیڈنگٹن اسٹیشن ہیں۔ ^[161] مرکزی لندن میں روزگار کی کثافت کے ساتھ لندن کی کثافت مختلف ہوتی ہے اور کینری وارف اندرونی لندن میں اعلی رہائشی کثافت اور بیرونی لندن میں کثافت کم ہے۔

لندن شہر میں واقع یادگار لندن کی تاریخی آتش زدگی کی یاد دلاتے ہوئے آس پاس کے علاقوں کے نظارے پیش کرتی ہے۔

لندن نیچرل ہسٹری سوسائٹی کے مطابق لندن "دنیا کے سب سے سبز ترین شہروں میں سے ایک" ہے جس میں 40 فیصد سے زیادہ سبز جگہ یا کھلا پانی ہے۔ یہاں پھولدار پودوں کی 2000 اقسام بڑھتی ہوئی پائی گئیں ہیں اور یہ کہ سمندری تھامس مچھلی کی 120 اقسام بھی یہاں پائی جاتی ہیں۔ ^[162] یہ بھی بتایا جاتا ہے کہ وسطی لندن میں پرندوں کے گھونسلوں کی 60 سے زیادہ اقسام ہیں اور تیتلیوں کی 47 اقسام، 1173 پتنگے اور 270 سے زیادہ طرح کی مکڑیاں لندن کے ارد گرد پائی جاتی ہیں۔ لندن کے آبستانی علاقوں میں پانی کے بہت سے پرندوں کی قومی سطح اہم آبادی ہے۔ لندن میں 38 مقامات برائے خصوصی سائنسی دلچسپی موجود ہیں، دو قومی فطرت کے ذخائر اور 76 مقامی فطرت کے ذخائر بھی موجود ہیں۔ ^[163]

دار الحکومت جل تھلیے عام ہیں، بشمول سموتھ نیوٹس جو ٹیٹ ماڈرن کے ارد گرد پاَئے جاتے ہیں اور عام مینڈک، کامن ٹوڈس، پالمیٹ نیوٹساور گریٹ سیریسڈ نیوٹس بھی یہاں موجود ہیں۔ دوسری طرف مقامی رینگنے والے جانور جیسے سست کیڑے، عام چھپکلی، گھاس کے سانپ اور ایڈر سانپ زیادہ تر صرف بیرونی لندن میں دیکھے جاتے ہیں۔ لندن کے ارد گرد پائے جانے والے دیگر جانوروں میں 10،000 کے قریب لال لومڑ ہیں، اس کا مطلب ہے اب لندن کے ہر مربع میل (2.6 مربع کلومیٹر) میں 16 لومڑیاں موجود ہیں۔ یہ شہری لومڑیاں دہہی علاقوں میں پائی جانے والی لومڑیوں کے مقابلے میں کافی زیادہ نڈر ہیں، جو لوگوں کے پائیں باغ اور لوگوں کے فٹ پاتھ پر چلنے میں خوف محسوس نہیں کرتیں۔ یہاں تک کہ لومڑی پارلیمان کے ایوانوں میں بھی گھس جاتی ہیں، جہاں ایک فائلنگ الماری میں سوئی ہوئی پائی گئی تھی۔ ایک اور بکنگہم محل کے گراؤنڈ میں گھس گئی جس نے مبینہ طور پر ملکہ الزبتھ دوم کے قیمتی گلابی فلیمنگو کو ہلاک کیا۔ ^[164] تاہم عام طور پر لومڑی اور شہر کے لوک اکٹھے چلتے دکھائی دیتے ہیں۔ 2001ء میں لندن میں واقع میمل سوسائٹی کے ایک سروے میں پتا چلا ہے کہ 3,779 رضاکاروں میں سے 80 فیصد جو لومڑیوں کے دورے کی ڈائری رکھنے کے لیے رضاکارانہ طور پر خدمت کرتے ہیں ان کا آنا پسند کرتے ہیں۔ تاہم یہ نمونہ مجموعی طور پر لندن کے رہائشیوں کے لیے نہیں لیا جا سکتا۔ ^[165][166]

گریٹر لندن میں پائے جانے والے دوسرے ممالیہ جانوروں میں خار پشت، بھورا چوہا، چوہے، یورپی خرگوش، موش کرم خور، موش چراگاہ اور گلہری شامل ہیں۔ ^[167] بیرونی لندن کے جنگلی علاقوں جیسے اپنگ فارسٹ مختلف قسم کے ممالیہ پائے جاتے ہیں جس میں سرخ لومڑی، سرمئی گلہری اور خار پشت کے علاوہ یورپی خرگوش، یورپی بجو، موش چراگاہ، یورپی آبی موش، چوبی چوہا، پیلی گردن والا چوہا، یورپی موش اور نیولا شامل ہیں۔ ایک مردہ اودبلاؤ ہائی وے پر ویپنگ میں ٹاور برج سے ایک میل کے فاصلے پر پایا گیا تھا، جس سے یہ نتیجہ اخذ کیا جاتا ہے کہ انھوں نے شہر سے سو سال غیر حاضر رہنے کے بعد واپس آنا شروع کر دیا ہے۔ ^[168] انگلستان کے اٹھارہ قسم کے چمگادڑوں میں سے دس اپنگ فارسٹ میں دیکھی گئی ہیں۔ ^[169]

لندن میں نظر آنے والی عجیب و غریب چیزوں میں سے دریائے ٹیمز میں وہیل بھی شامل ہے ^[170] جبکہ بی بی سی ٹو کا پروگرام"قدرتی دنیا: لندن کی غیر فطری تاریخ" فیرل کبوتروں کو شہر کے ارد گرد جانے کے لیے لندن انڈرگراؤنڈ استعمال کرتے ہوئے دکھاتا ہے۔ ایک سگ ماہی جو بلنگس گیٹ فش مارکیٹ کے باہر مچھلی والا سے مچھلی لیتا ہے اور لومڑی جسے سوسیجز دیے جائیں تو بیٹھ جاتی ہے۔ ^[171]

زرد سرخ ہرنوں کے ریوڑ بشی پارک اور رچمنڈ کے بیشتر حصوں میں بھی آزادانہ طور پر گھومتے ہیں۔ ہر نومبر اور فروری کو چھانٹنی لگتی ہے تا کہ یہ تعداد کو برقرار رکھنا یقینی بنایا جا سکے۔ ^[172] اپنگ فارسٹ اپنے زرد ہرنوں کے لیے بھی جانا جاتا ہے جو جنگل کے شمال میں ریوڑ کی شکل میں اکثر دیکھے جا سکتے ہیں۔ تھئیڈن بوئس کے قریب ہرن کی پناہ گاہ بھی موجود ہے جہاں سیاہ فال ہرن کی ایک نادر آبادی برقرار ہے۔ منٹجاک ہرن جو بیسویں صدی کے آغاز پر ہرن پارکوں سے فرار ہوا، بھی جنگل میں پائے جاتے ہیں۔ جبکہ لندن والے جنگلاتی حیات جیسے شہر میں پرندوں اور لومڑیوں کو بانٹنے کے عادی ہیں۔ ابھی حال ہی میں شہری ہرن ایک باقاعدہ خصوصیت بننا شروع ہو گئے ہیں اور ہرنوں کے پورے ریوڑ لندن کے سبز مقامات سے فائدہ اٹھانے کے لیے رات کو رہائشی علاقوں میں آتے ہیں۔ ^[173][174]

مملکت متحدہ کی مردم شماری 2011ء[175]
وطن پیدائش	آبادی
مملکت متحدہ	5,175,677
بھارت	262,247
پولینڈ	158,300
آئرلینڈ	129,807
نائجیریا	114,718
پاکستان	112,457
بنگلہ دیش	109,948
جمیکا	87,467
سری لنکا	84,542
فرانس	66,654

2011ء کی مردم شماری کے مطابق 2،998،264 افراد یا لندن کی آبادی کا 36.7٪ غیر ملکی نژاد ہیں اور مطلق تعداد کے لحاظ سے یہ نیو یارک شہر کے بعد دوسرا سب سے بڑا تارکین وطن آبادی والا شہر ہے۔ ^[176] بائیں طرف کے جدول میں لندن کے رہائشیوں کی پیدائش کے لحاظ سے ممالک کو دکھایا گیا ہے۔ نوٹ کریں کہ جرمنی میں پیدا ہونے والی کچھ آبادی اٹھارہویں پوزیشن پر ہے جو جرمنی میں برطانوی مسلح افواج میں خدمات انجام دینے والے والدین سے پیدا ہونے والے برطانوی شہری ہیں۔ ^[177]

بڑھتی ہوئی صنعت کاری کے ساتھ انیسویں اور بیسویں صدی کے اوائل میں لندن کی آبادی میں تیزی سے اضافہ ہوا اور یہ کچھ عرصہ کے لیے انیسویں صدی کے آخر میں اور بیسویں صدی کے اوائل میں دنیا کا سب سے زیادہ آبادی والا شہر تھا۔ دوسری جنگ عظیم شروع ہونے سے پہلے 1939ء میں اس کی آبادی 8،615،245 ہو گئی تھی، لیکن 2001ء کی مردم شماری کے دوران میں اس کی تعداد 7،192،091 رہ گئی تھی۔ تاہم اس کے بعد 2001ء اور 2011ء کی مردم شماری کے درمیان میں آبادی میں 10 لاکھ سے زیادہ کا اضافہ ہوا، جو بعد کے گنتی میں 8،173،941 تک پہنچ گیا۔ ^[178]

تاہم، لندن کا مستقل شہری علاقہ گریٹر لندن کی حدود سے باہر تک پھیلا ہوا ہے اور 2011ی میں یہاں 9،787،426 افراد آباد تھے، ^[47] جبکہ اس کے وسیع تر میٹروپولیٹن علاقہ کی آبادی 12 سے 14 ملین کے درمیان میں ہے جو استعمال شدہ تعریف پر منحصر ہے۔ ^[179][180] یوروسٹیٹ کے مطابق، لندن یورپی یونین کا سب سے زیادہ آبادی والا شہر اور میٹروپولیٹن علاقہ اور یورپ کا دوسرا سب سے زیادہ آبادی والا علاقہ ہے۔ 1991ء-2001ء کی مدت کے دوران مجموعی طور پر 726،000 تارکین وطن لندن پہنچے۔ ^[181]

یہ خطہ 1،579 مربع کلومیٹر (610 مربع میل) کے رقبے پر محیط ہے۔ آبادی کی کثافت 5،177 افراد فی مربع کلومیٹر (13،410 / مربع میل) ہے، ^[182] جو کسی بھی دوسرے برطانوی خطے سے دس گنا زیادہ ہے۔ ^[183] آبادی کے لحاظ سے لندن انیسواں سب سے بڑا شہر اور اٹھارہواں سب سے بڑا میٹروپولیٹن علاقہ ہے۔ ^[184][185]

بچے (14 سال سے کم عمر) بیرونی لندن کی آبادی کا 20.6٪ اور اندرونی لندن میں 18٪ ہیں۔ 15 سے 24 سال کے درمیان میں عمر کا گروپ بیرونی لندن میں 11.1٪ اور اندرونی لندن میں 10.2٪ ہیں۔ وہ لوگ جن کی عمریں 25 سے 44 سال کے درمیان میں ہیں وہ بیرونی لندن میں 30.6 فیصد اور اندرونی لندن میں 39.7 فیصد ہیں۔ 45 سے 64 سال کے درمیان میں عمر والے بیرونی لندن اور اندرونی لندن میں بالترتیب 24٪ اور 20.7٪ بنتے ہیں۔ جبکہ بیرونی لندن میں 65 سال اور اس سے زیادہ عمر والوں کی شرح 13.6 فیصد ہے، حالانکہ اندرونی لندن میں صرف 9.3 فیصد ہیں۔ ^[186]

2018ء میں لندن کی اوسط عمر 36.5 سال تھی، جو 40.3 کی برطانیہ کی اوسط سے کم ہے۔ ^[186]

دفتر برائے قومی شماریات کے مطابق، 2011ء کی مردم شماری کے مطابق اندازہ لندن کے 8،173،941 باشندوں میں سے 59.8 فیصد سفید فام تھے، جن میں 44.9 فیصد سفید فام برطانوی، 2.2 فیصد سفید فام آئرش، 0.1 فیصد خانہ بدوش/آئرش مسافر اور 12.1 فیصد دوسرے سفید فام کے طور پر درجہ بند کیے گئے۔ ^[187]

20.9 فیصد لندن کے باشندے ایشیائی اور مخلوط ایشیائی نسل کے ہیں۔ 19.7 فیصد مکمل ایشیائی نسل کے ہیں، مخلوط ایشیائی ورثہ والے آبادی کے 1.2 حصوں پر مشتمل ہیں۔ آبادی کا 6.6 فیصد ہندوستانی ہیں۔ اس کے بعد پاکستانی اور بنگلہ دیشی ہیں جن کی کی شرح 2.7 فیصد ہے۔ چینی لوگ آبادی کا 1.5 فیصد ہیں، عرب آبادی کا 1.3 فی صد ہیں۔ مزید 9.9 فیصد کو "دیگر ایشائی" کے طور پر درجہ بند کیا گیا ہے۔ ^[187]

لندن کی 15.6 فیصد آبادی سیاہ فام اور مخلوط سیاہ نسل کی ہے۔ 13.3 فیصد مکمل سیاہ نسل سے ہیں، مخلوط سیاہ ورثہ کے حامل افراد 2.3 فیصد ہیں۔ سیاہ افریقی افراد لندن کی آبادی کا 7.0 فیصد ہیں، سیاہ کیریبین کی حیثیت سے 4.2 فیصد اور "دوسرے سیاہ" کے طور پر 2.1 فیصد۔ 5.0 فیصد مخلوط نسل کے ہیں۔ ^[187]

2007ء کے مطابق پورے لندن کے سرکاری اسکولوں میں سیاہ فام اور ایشیائی بچوں کا تناسب بمقابلہ سفید فام برطانوی بچوں کے چھ سے چار تک تھا۔ ^[188] مجموعی طور پر 2011ء کی مردم شماری کے مطابق لندن کی 1،624،768 آبادی میں 0 سے 15 سال کی عمر میں 46.4 فیصد سفید فام، 19.8 فیصد ایشیائی اور 19 فیصد سیاہ فام تھے۔ 10.8 فیصد مخلوط تھے اور 4 فیصد دوسرے نسلی گروپ کی نمائندگی کرتے ہیں۔ ^[189] جنوری 2005ء میں لندن کے نسلی اور مذہبی تنوع کے ایک سروے میں یہ دعوی کیا گیا تھا کہ لندن میں 300 سے زیادہ زبانیں بولی جاتی اور 10،000 سے زیادہ آبادی والے 50 سے زیادہ غیر مقامی نسلی گروہ ہیں۔ ^[190] آفس برائے قومی شماریات کے اعدادوشمار بتاتے ہیں کہ 2010ء میں لندن کی غیر ملکی نژاد آبادی 2،650،000 (33 فیصد) تھی، جو 1997ء میں 1،630،000 تھی۔

2011ء کی مردم شماری سے معلوم ہوا کہ لندن عظمیٰ کی آبادی کا 36.7 فیصد مملکت متحدہ سے باہر پیدا ہوا تھا۔ ^[191] ممکنہ طور پر جرمنی میں پیدا ہونے والی آبادی کا ایک حصہ جرمنی میں برطانوی مسلح افواج میں خدمات انجام دینے والے والدین سے پیدا ہونے والا برطانوی شہری ہیں۔ ^[192] آفس برائے قومی شماریات کے ذریعہ تیار کردہ تخمینے سے پتہ چلتا ہے کہ جولائی 2009ء سے جون 2010ء کے عرصہ میں لندن میں رہنے والے پانچ سب سے بڑے غیر ملکی نژاد گروپ بھارت، پولینڈ، جمہوریہ آئرلینڈ، بنگلہ دیش اور نائیجیریا میں پیدا ہوئے تھے۔ ^[193]

مملکت متحدہ کی مردم شماری 2011ء کے مطابق سب سے بڑی مذہبی جماعت مسیحی ہیں (48.4 فیصد)، اس کے بعد لادین (20.7 فیصد)، مسلمان (12.4 فیصد)، کوئی جواب نہیں (8.5 فیصد)، ہندو (5.0 فیصد)، یہود (1.8 فیصد)، سکھ (1.5 فیصد)، بدھ (1.0 فیصد) اور دیگر (0.6 فیصد) تھے۔

لندن روایتی طور پر مسیحی رہا ہے اور خاص طور پر لندن شہر میں گرجا گھروں کی ایک بڑی تعداد موجود ہے۔ ان میں شہر میں سینٹ پال کیتھیڈرل اور دریا کے جنوب میں سدرک کیتھیڈرل انگلیکانیت کے انتظامی مرکز ہیں۔ ^[195] جبکہ کینٹربری کا آرچ بشپ کلیسیائے انگلستان اور انگلیکان کمیونین کا بنیادی اسقف ہے۔ اس کی مرکزی رہائش گاہ لندن بورو لیمبیتھ کے لیمبیتھ پیلس میں ہے۔ ^[196]

اہم قومی اور شاہی تقاریب سینٹ پال کیتھیڈرل ویسٹ منسٹر ایبے کے مابین مشترکہ ہیں۔ ^[197] ویسٹ منسٹر ایبے کو قریب کے ویسٹ منسٹر کیتھیڈرل کے ساتھ الجھانے کی ضرورت نہیں جو ایک انگلستان اور ویلز کا سب سے بڑا کاتھولک کلیسیا ہے۔ ^[198] انگلیکانی گرجا گھروں کے پھیلاؤ کے باوجود انگلیکانی فرقے میں ترقی کا عمل بہت کم ہے۔ ^[199]

لندن میں بڑے پیمانے پر مسلمان، ہندو، سکھ اور یہود برادریاں بھی ہیں۔ قابل ذکر مساجد میں لندن بورو ٹاور ہیملٹس میں ایسٹ لندن مسجد جس کو لاؤڈ اسپیکر کے ذریعہ اذان دینے کی اجازت ہے، اس کے علاوہ ریجنٹ پارک کے سرے پر لندن سینٹرل مسجد بھی شامل ہے۔ ^[200] بیت الفتوح احمدیہجماعت کی عبادت گاہ ہے۔ تیل کی عروج کے بعد مشرق وسطی کے متعدد دولت مند عرب مسلمانوں نے مغربی لندن میں مے فیئر، کینسنٹن اور نائیٹسبرج کے آس پاس اپنے آپ کو آباد کیا ہے۔ ^{[201][202][203]} مشرقی بورو ٹاور ہیملٹس اور نیوہیم میں بڑی بنگالی مسلم کمیونٹیز آباد ہیں۔ ^[204]

لندن بورو ہیعرو کے شمال مغربی علاقوں میں اور لندن بورو برینٹ میں بڑی تعداد میں ہندو برادری آباد ہے۔ ^[205] موخر الذکر میں یورپ کا سب سے بڑا ہندو مندر شری سوامی نارائن مندر لندن قائم ہے۔ ^[206] لندن میں بشمول شری سوامی نارائن مندر لندن 44 ہندو مندر ہیں۔ مشرقی اور مغربی لندن میں سکھ برادریاں ہیں، خاص طور پر ساؤتھ ہال سب سے زیادہ سکھ آبادی موجود سے اور ہندوستان سے باہر سکھوں کا سب سے بڑا گرودوارہ بھی یہاں موجود ہے۔ ^[207]

برطانوی یہودیوں کی اکثریت لندن میں رہتی ہے، جس میں سٹیمفورڈ ہل، اسٹینمور، گولڈرز گرین، فنچلے، ہیمپسٹیڈ، ہینڈن، ایجویر شمالی لندن میں مقیم ہیں۔ لندن شہر بیوس مارکس کنیسہ بھی موجود ہے جو لندن کی تاریخی سفاردی یہودی برادری سے وابستہ ہے۔ یہ یورپ کا واحد کنیسہ ہے جس میں 300 سے زیادہ سالوں سے مسلسل عبادات انجام دی جا رہی ہیں۔ اسٹینمور اور اور کیننز پارک کنیسہ پورے یورپ میں کسی بھی آرتھوڈوکس کنیسہ کی سب سے بڑی رکنیت رکھتی ہے جو 1998ء میں ایلفورد عبادت خانہ (لندن میں) سے آگے نکل گیا تھا۔ ^[208] کمیونٹی نے لندن حکومت کی بڑھتی ہوئی تفویض کے جواب میں 2006ء میں لندن یہودی فورم قائم کیا۔ ^[209]

	ایک کاکنی لہجہ کی مثال
چلنے میں مسئلہ ہو رہا ہے؟ دیکھیے میڈیا معاونت۔

اکیسویں صدی کے لندن کے رہائشیوں کا لہجہ وسیع پیمانے پر مختلف ہے۔ 30 سال سے کم عمر لوگوں میں کاکنی کے ساتھ نسلی لہجے کی آمیزش عام ہو رہی ہے خاص طور پر کیریبین میں جو کثیر الثقافتی لندن انگریزی کے نام سے ایک لہجہ بنانے میں مدد کرتا ہے۔ ^[210] دوسرا وسیع پیمانے پر سنا اور بولا لہجہ مختلف شکلوں میں آر پی (موصولہ تلفظ - Received Pronunciation) ہے، جسے اکثر میڈیا اور بہت سے دوسرے روایتی پیشوں اور کاروبار میں سنا جا سکتا ہے، اگرچہ یہ لہجہ صرف لندن اور جنوب مشرقی انگلستان تک ہی محدود نہیں ہے اور کچھ معاشرتی گروپ بندی میں پورے برطانیہ میں بھی منتخب طور پر سنا جا سکتا ہے۔ صدی کی کروٹ کے بعد سے کاکنی لہجہ ایسٹ اینڈ میں کم عام ہے اور 'ہجرت کرکے' مشرق میں لندن بورو ہیورنگ اور کاؤنٹی ایسیکس کی طرف جارہا ہے۔ ^[211][212]

لندن کی مجموعی علاقائی پیداوار 2018ء میں تقریباً 500 بلین پاونڈ اسٹرلنگ تھی، جو مملکت متحدہ کی خام ملکی پیداوار کے ایک چوتھائی کے قریب ہے۔ ^[214] لندن میں پانچ بڑے کاروباری اضلاع ہیں: لندن شہر، ویسٹ منسٹر، کینری وارف، کیمڈن و ازلنگٹناور لیمبیتھ و سدرک۔ ان کی نسبت کی اہمیت کا اندازہ لگانے کا ایک طریقہ یہ ہے کہ دفتری جگہ کی نسبتہ مقدار کو دیکھیں: 2001ء میں گریٹر لندن میں 27 ملین مربع میٹر آفس جگہ تھی اور شہر میں سب سے زیادہ جگہ 8 ملین مربع میٹر آفس کی جگہ کے ساتھ ہے۔ لندن میں غیر منقولہ جائداد کی کچھ قیمتیں دنیا میں سب سے زیادہ ہیں۔ ^[215][216] ورلڈ پراپرٹی جریدے (2015ء) کی رپورٹ کے مطابق، پچھلے تین سالوں میں لندن دنیا کی سب سے مہنگا آفس مارکیٹ ہے۔ ^[217] 2015ء کے مطابق لندن میں رہائشی املاک کی مالیت 2.2 ٹریلین امریکی ڈالر ہے - یہی قیمت برازیل کے سالانہ خام ملکی پیداوار کی ہے۔ ^[218] دفتر برائے قومی شماریات اور یورپی دفتر برائے شماریات کے مطابق اس شہر میں کسی بھی یورپی شہر کے مقابلے میں جائداد کی قیمتیں سب سے زیادہ ہیں۔ ^[219] وسطی لندن میں اوسطا فی مربع میٹر کی قیمت 24،252 (اپریل 2014ء) ہے۔ یہ دوسرے جی 8 یورپی دار الحکومت شہروں میں پراپرٹی کی قیمتوں سے زیادہ ہے۔ برلن 3،306 یورو، روم 6،188 یورو اور پیرس 11،229 یورو۔ ^[220]

لندن کی معاشی صنعت لندن شہر اور کینری وارف لندن میں دو بڑے کاروباری اضلاع میں قائم ہے۔ بین الاقوامی مالیات کے لیے سب سے اہم مقام کے طور پر لندن دنیا کے ایک نمایاں مالی مراکز میں سے ایک ہے۔ ^[221][222] نیدولین فوج کے سامنے ڈچ جمہوریہ کا خاتمے کے فورا بعد لندن نے ایک بڑے مالیاتی مرکز کی حیثیت اختیار کی۔ ایمسٹرڈیم میں قائم بہت سارے بینکروں کے لیے صرف لندن جانا ہی واحد راستہ تھا۔ لندن کے مالیاتی اشرافیہ کو پورے یورپ کی ایک مضبوط یہودی برادری نے تقویت دی اور وہ اس وقت کے انتہائی نفیس مالی وسائل پر عبور حاصل کرنے کی صلاحیت رکھتا تھا۔ ^[223] قابلیت کی اس انفرادیت نے تجارتی انقلاب سے صنعتی انقلاب کی طرف منتقلی کو تیز کیا۔ انیسویں صدی کے آخر تک برطانیہ تمام ممالک میں سب سے زیادہ دولت مند تھا اور لندن ایک اہم مالیاتی مرکز تھا۔ یہاں تک کہ سنہ 2016ء تک لندن عالمی مالیاتی مراکز انڈیکس (جی ایف سی آئی) میں عالمی درجہ بندی میں سرفہرست تھا، ،^[224] اور اے ٹی کیرنی کا 2018ء عالمی شہروں کا اشاریہ میں دوسرے نمبر پر تھا۔ ^[225]

لندن کی سب سے بڑی صنعت مالیات ہے اور اس کی مالی برآمدات مملکت متحدہ کے ادائیگیوں کے تواز میں بہت بڑا حصہ ڈالتی ہیں۔ 2007ء کے وسط تک تقریباً 32 325،000 افراد لندن میں مالی خدمات میں ملازم تھے۔ لندن میں 480 سے زیادہ غیر ملکی بینک ہیں، جو دنیا کے کسی بھی شہر سے زیادہ ہیں۔ بی آئی ایس کے مطابق، یہ دنیا کا سب سے بڑا کرنسی تجارتی مرکز بھی ہے، جو 5.1 ٹریلین ڈالر کے اوسط روزانہ حجم کا تقریباً 37 فیصد ہے۔ ^[226] گریٹر لندن کے ملازم آبادی کا 85 فیصد (3.2 ملین) سے زیادہ خدمات کی صنعت میں کام کرتا ہے۔ اس کے نمایاں عالمی کردار کی وجہ سے، لندن کی معیشت 2007–2008ء کے مالی بحران سے متاثر ہوئی تھی۔ تاہم 2010ء تک یہ شہر معاشی طور پر بحال ہو چکا ہے، نئی ضابطہ کارانہ طاقتوں کو نافذ کرچکا ہے، کھوئے ہوئے میدان کو دوبارہ حاصل کرنے کے لیے شہر آگے بڑھا اور لندن کا معاشی تسلط دوبارہ قائم کیا۔ ^[227] پیشہ ورانہ خدمات کے صدر دفاتر کے ساتھ ساتھ، لندن شہر میں بینک آف انگلینڈ، لندن اسٹاک ایکسچینج اور لائیڈس لندن انشورنس مارکیٹ کا گھر ہے۔

مملکت متحدہ کی 100 سب سے بڑی کمپنیوں میں سے نصف سے زیادہ (ایف ٹی ایس ای 100) اور یورپ کی 500 بڑی کمپنیوں میں سے 100 سے زیادہ کا مرکزی دفتر لندن میں ہے۔ ایف ٹی ایس ای 100 کا 70 فیصد سے زیادہ لندن کے میٹروپولیٹن علاقے میں ہے اور فارچیون 500 کمپنیوں میں سے 75 فیصد لندن میں دفاتر رکھتے ہیں۔ ^[228]

میڈیا کمپنیاں لندن میں مرتکز ہیں اور میڈیا کی تقسیم کی صنعت لندن کا دوسرا مسابقتی شعبہ ہے۔ ^[229] بی بی سی ایک اہم آجر ہے، جبکہ دوسرے نشریاتی اداروں کا بھی شہر کے آس پاس ہیڈ کوارٹر ہے۔ لندن میں بہت سے قومی اخبارات کی تدوین ہوتی ہے۔ لندن کے ایک بڑا خوردہ مرکز ہے اور 2010ء میں کے ارد گرد 64.2 ارب برطانوی پاونڈ کے کل اخراجات کے ساتھ، دنیا میں کسی بھی شہر کے سب سے زیادہ غیر غذائی خوردہ فروخت تھی۔ ^[230] لندن بندرگاہ مملکت متحدہ کی دوسرا بڑی بندرگاہ ہے جو ہر سال 45 ملین ٹن کارگو ہینڈل کرتی ہے۔ ^[231]

ٹکنالوجی کمپنیوں کی ایک بڑھتی ہوئی تعداد لندن میں خاص طور پر ایسٹ لندن ٹیک سٹی میں قائم ہے، جسے سلیکن راؤنڈ اباؤٹ بھی کہا جاتا ہے۔ اپریل 2014ء میں یہ شہر جیو ٹی ایل ڈی (جغرافیائی اعلیٰ ترین ڈومین نیم) وصول کرنے والے پہلے شہروں میں شامل تھا۔ ^{[232][233][234]} ایف ڈی آئی میگزین کے ذریعہ 2014/15 کی فہرست میں، ^[235] فروری 2014ء میں لندن کو مستقبل کے یورپی شہر کے طور پر درجہ دیا گیا تھا۔ ^[236]

گیس اور بجلی کی تقسیم کے نیٹ ورک جو پورے شہر میں صارفین کو توانائی فراہم کرنے والے ٹاورز، کیبلز اور پریشر سسٹموں کا نظم و نسق کرتے ہیں اور ان کا انتظام نیشنل گرڈ پی ایل سی، ایس جی این ^[237] اور یوکے پاور نیٹ ورک کے ذریعہ کیا جاتا ہے۔ ^[238]

لندن دنیا کا ایک اہم سیاحتی مقام ہے اور 2015ء میں 65 ملین سے زیادہ سیاحوں کے ساتھ دنیا کا سب سے زیادہ دورہ کیا جانے والا شہر قرار پایا تھا۔ ^[239][240] یہ سرحد پار سے آنے والے اخراجات کے لحاظ سے دنیا کا سرفہرست شہر بھی ہے، جس کا اندازہ 2015ء میں 20.23 بلین امریکی ڈالر ہے۔ ^[241] سیاحت لندن کی ایک اہم صنعت ہے، جس کی وجہ سے 2016ء میں 700،000 کل وقتی کارکنوں کو ملازمت حاصل کی تھی اور یہ معیشت میں سالانہ 36 بلین ڈالر کا تعاون کرتا ہے۔ ^[242] یہ شہر مملکت متحدہ میں آنے والے تمام اخراجات کا 54٪ ہے۔ ^[243] 2016ء میں لندن دنیا کا اعلیٰ شہر کی منزل تھا جس کو ٹرپ ایوائزرز صارفین نے درجہ بند کیا تھا۔ ^[244]

2015ء میں مملکت متحدہ میں سب سے زیادہ دیکھے جانتے والے پرکشش مقامات لندن میں تھے۔ سب سے زیادہ دیکھے جانے والے 10 پرکشش مقامات یہ تھے: (ہر مقام پر وزٹ کے مطابق) ^[245]

1. برٹش میوزیم: 6,820,686
2. نیشنل گیلری: 5,908,254
3. نیچرل ہسٹری میوزیم، لندن (جنوبی کینزنگٹن): 5,284,023
4. ساؤتھ بینک سینٹر: 5,102,883
5. ٹیٹ ماڈرن: 4,712,581
6. وکٹوریہ اور البرٹ میوزیم (جنوبی کینزنگٹن): 3,432,325
7. سائنس میوزیم، لندن: 3,356,212
8. سامرسیٹ ہاؤس: 3,235,104
9. ٹاور آف لندن: 2,785,249
10. نیشنل پورٹریٹ گیلری، لندن: 2,145,486

نقل و حمل پالیسی ان چار اہم شعبوں میں سے ایک ہے جو لندن کے میئر کے زیر انتظام ہیں، ^[246] تاہم میئر کا مالی کنٹرول لندن میں داخل ہونے والے طویل فاصلے والے ریل نیٹ ورک تک نہیں ہے۔ 2007ء میں انھوں نے کچھ مقامی لائنوں کی ذمہ داری قبول کی جو اب لندن اوورگراؤنڈ نیٹ ورک تشکیل دیتا ہے، لندن انڈرگراؤنڈ ٹرام اور بسوں کی موجودہ ذمہ داری میں اضافہ کرتا ہے۔ عوامی نقل و حمل نیٹ ورک کا انتظام لندن نقل و حمل کے ذریعہ کیا جاتا ہے۔

وہ لائنیں جو نے لندن انڈرگراؤنڈ بناتی ہیں کے ساتھ ٹرامیں اور بسیں 1933ء میں ایک مربوط نقل و حمل نظام کا حصہ بن گئیں جب جب "لندن پیسینجر ٹرانسپورٹ بورڈ" یا "لندن ٹرانسپورٹ" تشکیل دیا گیا تھا۔ ٹرانسپورٹ برائے لندن، اب گریٹر لندن میں ٹرانسپورٹ سسٹم کے بیشتر پہلوؤں کے لیے ذمہ دار قانونی کارپوریشن ہے، جسے لندن کے میئر کے ذریعہ مقرر کردہ ایک بورڈ اور ایک کمشنر کے ذریعہ چلایا جاتا ہے۔ ^[247]

لندن دنیا کا سب سے مصروف شہر فضائی حدود والا ایک بین الاقوامی ہوائی نقل و حمل کا مرکز ہے۔ آٹھ ہوائی اڈوں کے ناموں میں لندن کا لفظ استعمال ہوتا ہے، لیکن زیادہ تر ٹریفک ان میں سے چھ سے گزرتی ہے۔ مزید برآں، مختلف دیگر ہوائی اڈے بھی لندن میں موجود ہیں جو عام طور پر عام ہوا بازی کی پروازوں کے لیے مختص ہیں۔

• لندن ہیتھرو ایئرپورٹ لندن بورو ہلنگٹن، مغربی لندن میں واقع، کئی سالوں تک بین الاقوامی امد و رفت کے لحاظ سے دنیا کا مصروف ترین ہوائی اڈا تھا اور یہ ملک کی پرچم بردار برٹش ائیرویز کا سب سے بڑا مرکز ہے۔ ^[248] مارچ 2008ء میں اس کا پانچواں ٹرمینل کھولا گیا۔ ^[249] 2014ء میں دبئی بین الاقوامی ہوائی اڈے نے بین الاقوامی مسافروں کی آمدورفت کے لحاظ سے ہیتھرو سے نمایاں پوزیشن حاصل کر لی۔ ^[250]

• لندن گاٹوک ایئرپورٹ ^[251] مغربی سسیکس، جنوب مشرقی انگلستان میں کراولی کے نزدیک مرکزی لندن کے جنوب میں 29.5 میل (47.5 کلومیٹر) کے فاصلے پر ایک اہم ہوائی اڈا ہے۔ ^[252][253] یہ ہیتھرو ایئرپورٹ کے بعد مملکت متحدہ کا دوسرا مصروف ترین ہوائی اڈا ہے۔ ^[254]

• لندن سٹینسٹید ایئرپورٹ ^[255] ایک بین الاقوامی ہوائی اڈا ہے جو سٹینسٹید ماؤنٹ فیچیٹ، ایسیکس، انگلستان میں واقع ہے۔ یہ مرکزی لندن کے شمال مشرق میں 42 میل (68 کلومیٹر) کے فاصلے پر واقع ہے۔ یہاں سے پروازیں مملکت متحدہ کے کسی بھی ہوائی اڈے سے زیادہ تعداد میں یورپی مقامات کی خدمت کرتی ہیں۔ ^[256]

• لندن لوٹن ائیرپورٹ سابقہ نام "لوٹن انٹرنیشنل ائیرپورٹ" ^[257] ایک بین الاقوامی ہوائی اڈا ہے جو بیڈفورڈشائر، انگلستان کے شہر لوٹن سے 2.4 کلومیٹر مشرق میں واقع ہے۔ یہ مرکزی لندن سے 28 میل (45 کلومیٹر) شمال میں واقع ہے۔ اسے مختصر فاصلاتی پروازوں کے لیے متعدد بجٹ ایئر لائنز استعمال کرتی ہیں۔ ^[258]

• لندن سٹی ایئرپورٹ لندن، انگلستان میں ایک بین الاقوامی ہوائی اڈا ہے۔ یہ لندن بورو نیوہیم میں لندن شہر سے تقریباً 7 میل (11 کلومیٹر) مشرق میں کینری وارف کے قریب واقع ہے۔ یہ مختصر فاصلے کی شیڈول پروازوں کا ایک مرکز اور عام طور پر کاروباری جیٹ ٹریفک کے مسافروں پر مرکوز ہے۔ ^[259]

• لندن ساوتھاینڈ ایئرپورٹ ساوتھاینڈ-آن-سی، ایسیکس، انگلستان میں لندن شہر کے مرکز سے تقریباً 36 میل (58 کلومیٹر) کے فاصلے پر واقع ہے۔ ^[260] یہ ایک چھوٹا علاقائی ہوائی اڈا ہے جو ایئر لائنز کی تعداد میں اگرچہ زیادہ لیکن محدود فاصلاتی پروازوں کی ضروریات کو پورا کرتا ہے۔ ^[261] 2017ء میں بین الاقوامی مسافروں نے ساوتھاینڈ کا کل 95٪ سے زیادہ حصہ تھے یہ لندن کے کسی بھی ہوائی اڈے کا سب سے زیادہ تناسب ہے۔ ^[262]

لندن انڈرگراؤنڈ ایک برقی ریل گاڑیوں کا نظام ہے، جو لندن، مملکت متحدہ میں واقع ہے۔ دنیا میں سب سے پرانا زیرِ زمین ریلوے ہے۔ ^[263] 1863ء کے سال میں چلنا شروع کیا، ^[264] 'میٹروپالیٹن ریلوے' کا نام کے تحت۔ کھلنے کے بعد، بہت سارے دیگر شہروں میں اس نظام کی نقل کی گئی، مثلاً نیو یارک اور مادرید میں۔ حالاں کہ نام اس کا ہے 'انڈرگراؤنڈ'، جس کا مطلب ہے 'زیرِ زمین'، تقریباً ادھی لائن زمین کے اوپر ہی ہے۔ انگریزی بول چال میں 'ٹیُوب' کہا جاتا ہے، کیوں کہ چند لائنوں کے سرنگ زمین کے نیچے گزرنے والے ٹیوب کی طرح نظر آتے ہیں۔ لندن انڈرگراؤنڈ میں شامل ہیں 270 اسٹیشن اور 408 کیلومیٹر سے زائد پٹری۔ کئی لائنیں اور اسٹیشن کچھ وقت کے بعد بند ہو گئے، مثلاً آلڈوِچ۔ 2006ء کے سال سے لے کر 2007ء تک، ایک ارب سے زائد مسافرین نے لندن انڈرگراؤنڈ کو استعمال کیا۔ انڈرگراؤنڈ نیٹ ورک پر ہر روز چالیس لاکھ سے زیادہ سفر ہوتے ہیں، ہر سال 1 بلین سے زیادہ۔ ^[265] ایک سرمایہ کاری پروگرام بھیڑ کو کم کرنے اور اعتبار کو بہتر بنانے کی کوشش کر رہا ہے۔ 2012ء گرمائی اولمپکس سے پہلے خرچ ہونے والے 6.5 بلین ڈالر (7.7 بلین ڈالر) بھی اس میں شامل ہیں۔ ^[266]

ڈاک لینڈز لائٹ ریلوے ایک خودکار لائٹ میٹرو نظام ہے جو لندن، انگلستان کے ترقی یافتہ علاقے ڈوکلینڈز میں خدمات فراہم کر رہا ہے۔^[267][268] اس کا افتتاح 1987ء میں ہوا، یہ دوسرا مقامی میٹرو نظام ہے جو چھوٹی اور ہلکی ٹرام قسم کی گاڑیاں استعمال کرتا ہے جو ڈاک لینڈز، گرینچ اور لیوشم کی خدمت کرتی ہیں۔

عمومی کارروائییں خود کار ہوتی ہیں، لہذا 149 ٹرینوں میں عملہ کم سے کم رہتا ہے۔ نیٹ ورک کے پھیلتے ہی مسافروں کی تعداد میں بہت اضافہ ہوا ہے اور مالی سال 2019/20 میں 116.8 ملین مسافروں نے اس سے سفر کیا۔

ٹی ایف ایل ریل (انگریزی: TfL Rail) لندن میں دو الگ الگ ریلوے لائنوں پر چلنے والی مسافر خدمات ہیں اور ان لائنوں کے مابین منصوبہ بند لنک اپ تعمیر کیا جا رہا ہے۔ جب یہ کھل جائے گا تو یہ کراس ریل سروس کا حصہ بنائے گا۔ اس وقت، ٹی ایف ایل ریل نام ریٹائر ہوجائے گا اور ان خدمات کو کراس ریل کے ذریعہ چلایا جائے گا، اس روٹ کا نام الزبتھ لائن ہے۔ ^{[269][270][271]}

لندن اوورگراؤنڈ ایک مضافاتی ریل نیٹ ورک ہے جو لندن اور مضافاتی علاقوں کو خدمت فراہم کرتا ہے۔^[272] یہ 2007ء میں قائم کیا گیا۔ اب یہ اپنی مقامی کاونٹی ہارٹفورڈشائر اور لندن عظمیٰ کے ایک بڑے حصے کو خدمات فراہم کام کرتا ہے۔ نو مختلف روٹوں پر اس کے 112 اسٹیشن ہیں۔ یہ لندن انڈرگراؤنڈ میں ایک اضافہ ہے۔

ایک وسیع اراضی والے مضافاتی ریلوے نیٹ ورک پر لندن کرایہ زون میں 360 سے زیادہ ریلوے اسٹیشن ہیں۔ خاص طور پر جنوبی لندن میں ریلوے کا نظام زیادہ مرکوز ہے کیونکہ اس میں زیر زمین لائنیں کم ہیں۔ زیادہ تر ریل لائنیں لندن کے وسط میں ختم ہوجاتی ہیں جو اٹھارہ ٹرمینل اسٹیشنوں میں جاتی ہیں۔ لندن میں مسافروں کی تعداد کے لحاظ سے برطانیہ کا سب سے مصروف اسٹیشن لندن واٹرلو اسٹیشن ہے، انٹرچینج اسٹیشن کمپلیکس (جس میں واٹرلو ایسٹ ریلوے اسٹیشن بھی شامل ہے) کا استعمال کرتے ہوئے 184 ملین سے زیادہ افراد اسے سالانہ استعمال کرتے ہیں۔ ^[273][274] کلیپہم جنکشن ریلوے اسٹیشن گزرنے والی ٹرینوں کی تعداد کے لحاظ سے یورپ کا سب سے مصروف اسٹیشن ہے۔

لندن میں زیادہ ریل کی گنجائش کی ضرورت کے ساتھ "کراس ریل" کے 2021ء میں کھلنے کی امید ہے۔ ^[275] یہ ایک نئی ریلوے لائن ہوگی جو مشرق سے مغرب تک لندن کے راستے اور ہوم ہاؤس کاؤنٹیوں میں ہوگی جس کی شاخ ہیتھرو ایئرپورٹ پر ہوگی۔ ^[276] یہ یورپ کا سب سے بڑا تعمیراتی منصوبہ ہے جس میں 15 بلین ڈالر کی لاگت کا تخمینہ ہے۔ ^[277][278]

نیشنل ریل مملکت متحدہ کا ریل ڈلیوری گروپ کے استعمال کے لیے ایک تجارتی نام ہے۔ یہ انگلستان، اسکاٹ لینڈ اور ویلز کو ریل خدمات فراہم کرتا ہے۔ برٹش ریلوے بورڈ جس کہ 1965ء سے قبل برٹش ریل کا نام استعمال کرتا تھا یہ خدمت فراہم کرتا ہے۔ شمالی آئرلینڈ جو جمہوریہ آئرلینڈ کی سرحد پر ہے ایک مختلف ریل نظام استعمال کرتا ہے۔

لندن نیشنل ریل نیٹ ورک کا مرکز ہے، جہاں 70 فیصد ریل سفر لندن میں شروع یا اختتام پزیر ہوتا ہے۔ ^[279] مضافاتی ریل خدمات کی طرح علاقائی اور بین شہری ٹرینیں شہر کے مرکز کے آس پاس کے مختلف ٹرمنلوں سے روانہ ہوتی ہیں جو لندن کو باقی برطانیہ بشمول برمنگہم، برائٹن، برسٹل، کیمبرج، کارڈف، چیسٹر، ڈربی، ہولی ہیڈ (برائے ڈبلن)، ایڈنبرگ، ایکسٹر، گلاسگو، لیڈز، لیورپول، ناٹنگہم، مانچسٹر، نیوکیسل اپون ٹائین، نارویچ، ریڈنگ، بارکشائر، شیفیلڈ، یورک سے منسلک کرتی ہے۔

براعظم یورپ کے لیے کچھ بین الاقوامی ریلوے خدمات بیسویں صدی کے دوران میں کشتی ٹرینوں کی حیثیت سے چلائی گئیں، جیسا کہ ایڈمرل ڈی رویجٹر ایمسٹرڈیم اور نائٹ فیری پیرس اور برسلز کے لیے۔ 1994ء میں سرنگ رودبار انگلستان کے افتتاح نے لندن کو براہ راست براعظم ریل نیٹ ورک یوروسٹار سے منسلک کیا۔ 2007ء سے تیز رفتار ٹرینیں سینٹ پینکراس ریلوے اسٹیشن کو لیل، کالے، پیرس، ڈزنی لینڈ پیرس، برسلز، ایمسٹرڈیم اور دیگر یورپی سیاحتی مقامات جس میں ہائی اسپیڈ 1 ریل لنک اور سرنگ رودبار انگلستان سے آپس میں منسلک کرتی ہیں۔ ^[280] پہلی تیز رفتار مقامی ٹرینوں کا آغاز جون 2009ء میں ہوا جو کینٹ کو لندن سے کرتیں تھیں۔ ^[281] لندن کو مڈلینڈز، نارتھ ویسٹ انگلینڈ اور یارکشائر سے ملانے والی ایک تیز رفتار لائن کا منصوبہ بھی ہے۔

اگرچہ مال بردار لیول اپنے عروج کے مقابلے میں بہت نیچے ہے، لیکن کارگو کی اہم مقدار اب بھی ریل کے ذریعے لندن میں اور باہر جاتی ہے جس میں بنیادی طور پر عمارت سازی کا مواد اور لینڈ فل کا فضلہ شامل ہے۔ ^[282] برطانوی ریلوے نیٹ ورک کے ایک اہم مرکز کے طور پر لندن کی مال بردار گاڑیوں میں دوسرے علاقوں کے لیے بڑی مقدار میں مال بردار سامان بھی موجود رہتا ہے، جیسے چینل ٹنل اور رودبار انگلستان کی بندرگاہوں سے کنٹینر بردار سامان اور سیللا فیلڈ میں دوبارہ پروسیسنگ کے لیے ایٹمی فضلہ وغیرہ۔ ^[282]

لندن بسیں لندن کے لیے نقل و حمل کا ذیلی ادارہ ہے جو گریٹر لندن میں بس خدمات کا انتظام کرتا ہے۔ اس کی تشکیل گریٹر لندن اتھارٹی ایکٹ 1999ء کے بعد کی گئی تھی۔ یہ لندن کے میئر کےے زیر انتطام ہے۔ لندن کا بس نیٹ ورک دن میں 24 گھنٹے چلتا ہے اس میں تقریباً 8،500 بسیں، 700 سے زیادہ بس روٹس اور 19،500 کے قریب بس اسٹاپ ہیں۔ ^[283]

2013ء میں اس نیٹ ورک میں سالانہ 2 بلین سے زیادہ مسافروں نے سفر کیا جو لندن انڈرگراؤنڈ سے زیادہ ہے۔ ^[283] اس سے 850 ملین پاونڈ کی سالانہ آمدن ہوتی ہے۔ لندن میں دنیا کا سب سے بڑا وہیل چیئر قابل رسائی نیٹ ورک ہے اور 2007ء کی تیسری سہ ماہی سے اس میں آڈیو وژول اعلانات پیش کیے جانے کے بعد ضعف بصارت سے متاثرہ اور سماعت سے محروم افراد کے لیے زیادہ قابل رسائی بن گیا۔ ^[284]

لندن کی تمام بسیں لندن آئی بس سسٹم کا استعمال کرتی ہیں، یہ ایک خودکار گاڑیاں محل وقوع کا نظام ہے جو مسافروں کو آڈیو ویزول اعلانات مہیا کرتی ہے اور ٹریفک کے جنکشن پر ترجیح پیدا کرنے کی اہل ہے۔ اس نظام کی آزمائش 2006ء میں ہوئی تھی اور اسے 2009ء تک تمام بس روٹوں تک بڑھا دیا گیا تھا۔ ^[285]

لندن کا کوچ مرکز وکٹوریہ کوچ اسٹیشن ہے، آرٹ ڈیکو کی ایک عمارت جس کا افتتاح 1932ء میں ہوا۔ کوچ اسٹیشن ابتدائی طور پر لندن کوسٹل کوچ کے نام سے کوچ کمپنیوں کے ایک گروپ کے ذریعہ چلایا جاتا تھا، تاہم 1970ء میں خدمت اور اسٹیشن کو ملکی کوچ خدمات کے قومیانے میں شامل کیا گیا اور یہ نیشنل بس کمپنی کا حصہ بننا۔

1988ء میں کوچ اسٹیشن کو لندن نقل و حمل نے خریدا جو بعد میں لندن کے لیے نقل و حمل بن گیا۔ وکٹوریہ کوچ اسٹیشن میں ہفتہ وار مسافروں کی تعداد 200،000 سے زیادہ ہے اور وہ پورے برطانیہ اور یورپ میں خدمات فراہم کرتا ہے۔ ^[286]

ٹرام لنک سابقہ نام "کروئڈن ٹرام لنک" ایک ہلکی ریل ٹرام نظام ہے جو کروئڈن اور جنوبی لندن، انگلستان میں آس پاس کے علاقوں میں خدمت فراہم کرتا ہے۔ اس نے 2000ء میں کام شروع کیا جبکہ 1952ء کے بعد سے یہ لندن میں پہلا ٹرام نظام ہے۔ اس کی ملکیت لندن ٹرامز کے پاس ہے جس کہ لندن کے لیے نقل و حمل کا ایک حصہ ہے جس کا انتظام فرسٹ گروپ کے ذریعہ کیا گیا ہے۔

ٹرام لنک نیٹ ورک 28 کلومیٹر (17 میل) ٹریک کے ساتھ 39 اسٹاپوں پر مشتمل ہے۔ ^[287] وسطی کروئڈن میں اس نیٹ ورک کی لائنیں موافق ہیں، مشرقی سمت میں اس کے ٹرمینل بیکنہم جنکشن اسٹیشن، ایلمرز اینڈ اسٹیشن اور نیو ایڈینگٹن ٹرام اسٹاپ اور مغربی سمت میں ومبلڈن اسٹیشن جہاں لندن انڈرگراؤنڈ کے لیے تبادلہ ہوتا ہے۔ ٹرام لنک مملکت متحدہ میں ڈاک لینڈز لائٹ ریلوے، مانچسٹر میٹرولنک اور ٹائین اینڈ ویئر میٹرو کے بعد چوتھا مصروف ترین لائٹ ریل نیٹ ورک ہے۔ ^[288]

ٹریول کارڈ ایک بین نظامی ٹکٹ نظام ہے جسے لندن انڈرگراؤنڈ، لندن اوورگراؤنڈ، ٹی ایف ایل ریل، ڈاک لینڈز لائٹ ریلوے، ٹرام لنک، لندن بسیں اور نیشنل ریل میں لندن عظمیٰ کے علاقے میں لامحدود استعمال کیا جا سکتا ہے۔ ^[289] ٹریول کارڈز ایک دن سے لے کر سال میں مختلف مدت کے لیے لندن کے لیے نقل و حمل، نیشنل ریل اور ان کے ایجینٹوں سے خریدے جا سکتے ہیں۔ ٹریول کارڈ کی لاگت کا تعین اس کے معتعمل علاقے کے ذریعے کیا جاتا ہے، اس مقصد کے لیے لندن کو کئی کرایہ زون میں تقسیم کیا گیا ہے۔ لندن بسوں اور لندن انڈرگراؤنڈ میں لامحدود سفر کے لیے ٹریول کارڈ سیزن ٹکٹ 22 مئی 1983ء کو لندن ٹرانسپورٹ کے ذریعے لانچ کیا گیا تھا۔ ^[290][291] ایک دن کے ٹریول کارڈز اور ٹرانسپورٹ کے دیگر طریقوں پر جواز 1984ء کے بعد سے شامل کیا گیا تھا۔ لندن

لندن کے لیے نقل و حمل کے کرایہ زون نظام ہے جو لندن انڈرگراؤنڈ، لندن اوورگراؤنڈ، ڈاک لینڈز لائٹ ریلوے ^[292] اور نیشنل ریل ^[293] میں مستعمل ہے۔ لندن کو کئی کرایہ زونوں میں تقسیم کیا گیا ہے جو کی تفصیل مندرجہ ذیل ہے۔

امارات ایئر لائن لندن، انگلستان میں دریائے ٹیمز کو پار کرنے کے لیے ایک کیبل کار لنک ہے۔ یہ خدمت 28 جون 2012ء کو کھولی گئی اور یہ لندن کے لیے نقل و حمل کے زیر انتظام ہے۔ ^{[294][295][296][297][298]} یہ لندن کے اویسٹر کارڈ ٹکٹنگ نظام کے ساتھ مربوط ہے، اگرچہ خصوصی کرایے وصول کیے جاتے ہیں۔ اس کی تعمیر میں 60 ملین ڈالر لاگت آئی ہے اور یہ روزانہ 3500 سے زیادہ مسافر لے جاتی ہے۔ سینٹینڈر سائیکلز کرایہ اسکیم کی طرح امارات (ائیر لائن) کے ذریعہ 10 سالہ معاہدے میں کیبل کار کی سرپرستی کی گئی ہے۔

گریٹر لندن علاقہ میں روزانہ تقریباً 650،000 لوگ سائیکل کا استعمال کرتے ہیں۔ ^[299] اس کی کم آبادی 8.8 ملین ہے، ^[300] اس کا مطلب یہ ہے کہ گریٹر لندن کی تقریباً 7 فیصد آبادی اوسط دن میں سائیکل استعمال کرتی ہے۔ ^[301] سائیکل استعمال کرنے والوں کی یہ نسبتا کم فیصد کی وجہ لندن میں سائیکلنگ کے لیے غیر منحصر سرمایہ کاری وجہ ہو سکتی ہے جو تقریباً 110 ملین ڈالر فی سال ہے، ^[302] جو فی شخص کے لگ بگ 12 پاونڈ کے برابر ہے جس کا مقابلہ نیدرلینڈز میں 22 پاونڈ سے کیا جا سکتا ہے۔ ^[303]

سائیکلنگ لندن میں گھومنے کا ایک مقبول مقبول طریقہ بن گیا ہے۔ جولائی 2010ء میں سائیکل ہائر سکیم سینٹینڈر سائیکلز کا اجرا کامیاب اور عام طور پر پزیرائی حاصل کر رہا ہے۔

لندن بندرگاہ جو ایک وقت میں دنیا کی سب سے بڑی بندرگاہ تھی اب وہ مملکت متحدہ میں صرف دوسرے نمبر پر ہے جو 2009ء میں ہر سال 45 ملین ٹن کارگو ہینڈل کرنی تھی۔ ^[231] اس کارگو کا زیادہ تر حصہ گریٹر لندن کی حد سے باہر پورٹ آف ٹلیبری سے گذرتا ہے۔ ^[231]

لندن میں دریائے ٹیمز پر کشتی کی خدمات بھی موجود ہیں جن کو ٹیمز کلپرز کہا جاتا ہے جو مسافروں اور سیاحوں کی دونوں کشتی خدمات پیش کرتے ہیں۔ ^[304] اہم گھاٹوں بشمول کینری وارف، لندن برج سٹی، بیٹرسی پاور اسٹیشن اور لندن آئی سمیت خدمات مسافر اوقات میں کم از کم ہر 20 منٹ پر روانہ ہوتی ہیں۔ ^[305] وولوچ فیری ہر سال ڈھائی ملین مسافروں کے ساتھ ایک مستقل خدمت ہے جو شمالی اور جنوبی سرکلر شاہراہوں کو ملاتی ہے۔ ^[306]

اگرچہ وسطی لندن میں زیادہ تر سفر عوامی نقل و حمل کا استعمال کیا جاتا ہے، لیکن مضافاتی علاقوں میں کار کا سفر عام ہے۔ اندرونی رنگ روڈ (شہر کے مرکز کے گرد)، شمالی اور جنوبی سرکلر سڑکیں (محض مضافاتی علاقوں میں) اور بیرونی مداری موٹروے (ایم25 موٹروے زیادہ تر مقامات میں بلٹ اپ ایریا کے باہر) شہر کو گھیرے میں لے کر متعدد مصروف شعاعی راستوں سے چوراہے بناتے ہیں، لیکن بہت کم موٹر ویز اندرونی لندن میں گھس رہی ہیں۔ پورے شہر میں موٹر ویز کے ایک جامع نیٹ ورک کا منصوبہ (رنگ ویز پلان) 1960ء کی دہائی میں تیار کیا گیا تھا لیکن زیادہ تر 1970ء کی دہائی کے اوائل میں ہی منسوخ کر دیا گیا تھا۔ ایم25 موٹروے یورپ میں 117 میل (188 کلومیٹر) لمبی دوسری طویل ترین رنگ روڈ موٹر وے ہے۔ ^[307]

لندن اپنے ٹریفک کی بھیڑ کی وجہ سے بدنام ہے 2009ء میں رش کے وقت کار کی اوسط رفتار 10.6 میل فی گھنٹہ (17.1 کلومیٹر فی گھنٹہ) ریکارڈ کی گئی۔ ^[308]

2003ء میں وسطی شہر میں ٹریفک کی مقدار کو کم کرنے کے لیے کنجسیشن چارج متعارف کرایا گیا تھا۔ کچھ مستثنیات کے ساتھ کار مالکان کو ایک مقررہ زون میں گاڑی چلانے کے لیے ادائیگی کرنا پڑتی ہے جس میں وسطی لندن کا بہت حصہ شامل ہے۔ ^[309] گاڑی چلانے والے جو طے شدہ زون کے رہائشی ہیں کم قیمت سیزن پاس خرید سکتے ہیں۔ ^[310][311] لندن حکومت نے شروع میں توقع کی تھی کہ کنجسیشن چارج زون لندن انڈرگراؤنڈ اور بس استعمال کرنے والوں کی روزمرہ کی چوٹی کی تعداد میں اضافہ کرے گا، روڈ ٹریفک کو کم کرے گا، ٹریفک کی رفتار میں اضافہ اور قطاریں کم کرے گا، تاہم کرایہ پر چلنے والی نجی گاڑیوں میں اضافے نے ان توقعات کو متاثر کیا ہے۔ کئی سالوں کے دوران میں ہفتے کے کام والے دنوں میں لندن کے وسط میں داخل ہونے والی کاروں کی اوسط تعداد 195،000 سے گھٹ کر 125،000 کار ہو گئی ہے، جو روزانہ چلنے والی گاڑیوں میں 35 فی صد فیصد کمی ہے۔ ^[312][313]

ایم 1 موٹروے لندن کو لیڈز سے ملاتی ہے جہاں یہ ایبرفورڈ کت نزدیک اے1 سے ملتی ہے یہ پہلی بین شہری موٹروے تھی جو مملکت متحدہ میں مکمل ہوئی۔ ^[314] موٹروے 193 میل (311 کلومیٹر) لمبی ہے اور اسے چار مراحل میں تعمیر کیا گیا تھا۔ موٹروے کا زیادہ تر حصی 1959ء سے 1968ء کے درمیان میں کھولا گیا تھا۔ جنوبی سرے کو 1977ء میں اور شمالی سرے کو 1999ء میں بڑھایا گیا تھا۔ اے1 روڈ اور ایم1 موٹروے لندن کو لیڈز، نیوکیسل اپون ٹائین اور ایڈنبرگ سے منسلک کرتی ہیں۔

ایم11 موٹروے 55 میل (89 کلومیٹر) طویل موٹروے ہے جو شمال میں وانسٹیڈ شمال مغربی انگلستان میں کیمبرج تک جاتا ہے۔ موٹروے مراحل میں کھولا گیا تھا۔ 2002ء کے بعد سے لندن سٹینسٹید ایئرپورٹ تک رسائی میں بہتری آئی۔

اے1 روڈ مملکت متحدہ میں لمبی ترین 410 میل (660 کلومیٹر) طویل سڑک ہے۔ یہ انگلستان کے دار الحکومت لندن کو اسکاٹ لینڈ کے دار الحکومت ایڈنبرگ سے جوڑتی ہے۔

لندن اعلیٰ تعلیم اور تحقیق کا ایک اہم عالمی مرکز ہے اور یہ یورپ کے اعلیٰ تعلیمی اداروں کا سب سے بڑا مرکز ہے۔ ^[41] کیو ایس عالمی درجہ بندی برائے جامعات 2015/16ء کے مطابق لندن دنیا کی اعلیٰ درجہ کی یونیورسٹیوں میں سب سے زیادہ مرتکز ہے، ^[315][316] اور اس کے بین الاقوامی طلبہ کی تعداد 110،000 کے قریب، دنیا کے کسی بھی شہر سے زیادہ ہے۔ ^[317] پرائس واٹر ہاؤس کوپرز کی 2014ء کی ایک رپورٹ میں لندن کو اعلیٰ تعلیم کا عالمی دار الحکومت قرار دیا۔ ^[318]

دنیا کے متعدد معروف تعلیمی ادارے لندن میں واقع ہیں۔ کیو ایس عالمی درجہ بندی برائے جامعات 2020ء کے مطابق امپیریل کالج لندن دنیا میں آٹھویں نمبر پر ہے۔ یونیورسٹی کالج لندن دسویں نمبر پر ہے اور کنگز کالج لندناکتیسویں نمبر پر ہے۔ ^[319] لندن اسکول آف اکنامکس تعلیم اور تحقیق دونوں کے لحاظ سے دنیا کا معروف سماجی سائنسی ادارے کے طور پر بیان کیا گیا ہے۔ ^[320] لندن بزنس اسکول دنیا کے معروف کاروباری اسکولوں میں سے ایک سمجھا جاتا ہے اور سنہ 2015ء میں اس کے ایم بی اے پروگرام کو فنانشل ٹائمز نے دنیا میں دوسرے نمبر پر رکھا تھا۔ ^[321] کیو ایس عالمی درجہ بندی برائے جامعات 2020ء کے مطابق دنیا کے دس بڑے پرفارمنگ آرٹس اسکولوں میں سے تین لندن میں واقع ہیں، ^[322] رائل کالج آف میوزک (دنیا میں دوسرے نمبر پر)، رائل اکیڈمی آف میوزک (دنیا میں چوتھے نمبر پر) اور گلڈ ہال اسکول آف میوزک اینڈ ڈراما (دنیا میں پانچویں نمبر پر)۔

یونیورسٹی آف لندن انٹرنیشنل پروگرامز 48،000 کے لگ بگ طالب علموں ^[323] کے ساتھ وفاقی لندن یونیورسٹی مملکت متحدہ میں رابطے کی سب سے بڑی یونیورسٹی ہے۔ ^[324] اس میں پانچ ملٹی فیکلٹی یونیورسٹیاں شامل ہیں۔سٹی یونیورسٹی، کنگز کالج، کوئین میری یونیورسٹی اور یونیورسٹی کالج اور متعدد چھوٹے اور زیادہ خصوصی ادارے بشمول بیرکبیک یونیورسٹی، کورٹاولڈ انسٹی ٹیوٹ آف آرٹس، گولڈسمتھز یونیورسٹی، لندن بزنس اسکول، لندناسکول آف اکنامکس، رائل اکیڈمی آف میوزک، سنٹرل اسکول آف اسپیچ اینڈ ڈراما، رائل ویٹرنری کالج اور اسکول آف اورینٹل اینڈ افریقن سٹڈیز شامل ہیں۔ ^[325] لندن یونیورسٹی کے اراکین کے اپنے داخلے کے طریقہ کار ہیں اور زیادہ تر اپنی ڈگریاں دیتے ہیں۔

لندن میں متعدد یونیورسٹیاں یونیورسٹی آف لندن کے نظام سے باہر ہیں بشمول برونیل یونیورسٹی، امپیریل کالج ^{[note 5]}، کنگسٹن یونیورسٹی، لندن میٹروپولیٹن یونیورسٹی ^[326]، یونیورسٹی آف ایسٹ لندن، یونیورسٹی آف ویسٹ لندن، یونیورسٹی آف ویسٹمنسٹر، لندن ساؤتھ بینک یونیورسٹی، مڈلسیکس یونیورسٹی (یورپ میں آرٹ، ڈیزائن، فیشن، مواصلات اور پرفارمنگ آرٹس کی سب سے بڑی یونیورسٹی)۔ ^[327] اس کے علاوہ لندن میں تین بین الاقوامی یونیورسٹیاں ہیں - ریجنٹز یونیورسٹی، رچمنڈ امریکن انٹرنیشنل یونیورسٹی اور شلر انٹرنیشنل یونیورسٹی

لندن پانچ بڑی طبی درسگاہوں کا گھر ہے - بارٹس اینڈ لندن سکول آف میڈیسن اینڈ ڈینٹسٹری (کوئین میری یونیورسٹی آف لندن کا حصہ)، جی کے ٹی اسکول آف میڈیکل ایجوکیشن (یورپ کا سب سے بڑا میڈیکلاسکول)، امپیریل کالج اسکول آف میڈیسن، یو سی ایل میڈیکل اسکول اور سینٹ جارجز - اور کئی وابستہ تدریسی ہسپتال ہیں۔ یہ بائیو میڈیکل ریسرچ کا ایک بڑا مرکز بھی ہے اور مملکت متحدہ کے آٹھ تعلیمی صحت سائنس مراکز میں سے تین شہر میں قائم ہیں جو امپیریل کالج ہیلتھ کیئر این ایچ ایس ٹرسٹ، کنگز ہیلتھ پارٹنرز اور یو سی ایل پارٹنرز (یورپ میں اس طرح کا سب سے بڑا مرکز) ہیں۔ ^[328] مزید برآں بہت سے بائیو میڈیکل اور بائیو ٹکنالوجی تحقیقی اداروں کی کمپنیاں شہر کے آس پاس ہیں جس میں وائٹ سٹی سب سے نمایاں ہے۔ لندن میں کئی بزنس اسکول بھی ہیں جن لندن اسکول آف بزنس اینڈ فنانس، دا بزنس اسکول (سٹی یونیورسٹی لندن کا حصہ)، ہلٹ بین اقوامی بزنس اسکول، ای ایس سی پی بزنس اسکول، یورپی بزنس اسکول لندن، امپیریل کالج بزنس اسکول، لندن بزنس اسکول اور یو سی ایل اسکول آف مینجمنٹ شامل ہیں۔ لندن بہت سے ماہر فنون تعلیم کے اداروں کا گھر بھی ہے جن میں اکیڈمی آف لائیو اینڈ ریکارڈڈ آرٹس، سینٹرل اسکول آف بیلے، لندن اکیڈمی آف میوزک اینڈ ڈرامیٹک آرٹ، لندن کنٹیمپریری ڈانس اسکول، رائل اکیڈمی آف ڈرامیٹک آرٹ، شاہی کالج آف آرٹ اور ٹرینیٹی لابان کوسرویٹوار آف میوزک اینڈ ڈانس شامل ہیں۔

لندن میں پرائمری اور سیکنڈری اسکولوں اور مزید تعلیم والے کالجوں کی اکثریت لندن کے بورو کے زیر انتطام یا دوسری صورت میں ریاست کی مالی اعانت ہوتی جس کی معروف مثالیں ایشبورن کالج، برامپٹن مینور اکیڈمی، سٹی اینڈ ازلنگٹن کالج، ویسٹمنسٹر شہر کالج، ڈیوڈ گیم کالج، ویسٹ لندن کالج، لیٹن سکستھ فارم کالج، لندن اکیڈمی آف ایکسیلینس، نیو سٹی کالج اور نیوہیم کالجیٹ سکستھ فارم سینٹر ہیں۔ لندن میں پرائیویٹ اسکول اور کالج بھی ہیں جن میں سے چند قدیم اور مشہور لندن شہر اسکول، ہیعرو اسکول، سینٹ پالز اسکول، ہیبرڈشرز اسکے بوائز اسکول، یونیورسٹی کالج اسکول، دا جان لیون اسکول، ہائی گیٹ اسکول اور ویسٹمنسٹر اسکول ہیں۔

لندن کی ثقافت مملکت متحدہ کے دار الحکومت لندن میں موسیقی، عجائب گھروں، تہواروں اور طرز زندگی سے متعلق ہے۔ لندن کو اکثر عالمی ثقافتی دار الحکومت کے طور پر بیان کیا جاتا رہا ہے، ^[329][330] اور یہ دنیا کے معروف کاروباری مراکز میں سے ایک ہے، جو اپنی تکنیکی تیاری اور معاشی اثر و رسوخ کے ساتھ ساتھ کسی بھی عالمی شہر کی غیر ملکی سرمایہ کاری کو اپنی طرف راغب کرنے کے لیے مشہور ہے۔ ^[331] اس طرح لندن کو اکثر دنیا کے دار الحکومت کا درجہ دیا گیا ہے۔ ^[332]

تفریح لندن کی معیشت کا ایک بڑا حصہ ہے۔ 2003ء کی ایک رپورٹ کے مطابق مملکت متحدہ کی تفریحی معیشت کا ایک چوتھائی حصہ لندن سے منسوب ہے، ^[333] جو ہر 1000 افراد پر 25.6 ایونٹس کے اوسط سے ہے۔ ^[334] عالمی سطح پر یہ شہر دنیا کے چار بڑے فیشن دار الحکومتوں میں سے ایک ہے اور سرکاری اعداد و شمار کے مطابق یہ دنیا کا تیسرا مصروف ترین فلم پروڈکشن سینٹر ہے، جو کسی بھی دوسرے شہر کے مقابلے میں زیادہ لائیو کامیڈی پیش کرتا ہے، ^[335] اور یہ دنیا کے کسی بھی شہر کے سب سے زیادہ تھیٹر سامعین کا مرکز ہے۔ ^[336]

لندن میں ویسٹ منسٹر شہر میں ویسٹ اینڈ تفریحی ضلع ہے، اس کا مرکز لیسٹر اسکوائر کے گرد ہے جہاں لندن اور عالمی فلم کے پریمیئر منعقد ہوتے ہیں اور پکاڈیلی سرکس اس کے بڑے الیکٹرانک اشتہارات کے ساتھ قابل دید مقام ہے۔ ^[337] لندن کا تھیٹر ڈسٹرکٹ یہاں ہے جس میں بہت سے سینما گھر، بار، کلب اور ریستوراں موجود ہیں۔ شہر کا چائنا ٹاؤن (سوہو، لندن) بھی یہیں ہے اور مشرق میں کوونٹ گارڈن ہے جو ایک رہائشی علاقہ جس میں خاص دکانیں موجود ہیں۔ یہ شہر اینڈریو لائیڈ ویبر کا گھر ہے، جس کی موسیقی نے بیسویں صدی کے آخر سے ویسٹ اینڈ تھیٹر پر غلبہ حاصل کیا تھا۔ ^[338] مملکت متحدہ کا رائل بیلے، انگلش نیشنل بیلے، رائل اوپیرا اور انگلش نیشنل اوپیرا لندن میں موجود ہیں اور ملک کے دوروں کے ساتھ ساتھ بڑے طائفے رائل اوپیرا ہاؤس، لندن کولیزیم، سیڈلر ویلز تھیٹر اور رائل البرٹ ہال میں پرفارم کرتے ہیں۔ ^[339]

ازلنگٹن 1 میل (1.6 کلومیٹر) لمبی بالائی سڑک جو شمال کی طرف اینجل تک پھیلی ہوئی ہے، مملکت متحدہ میں کسی بھی دوسری سڑک سے زیادہ بار اور ریستوراں ہیں۔ ^[340] یورپ کا مصروف ترین شاپنگ علاقہ اوکسفرڈ اسٹریٹ ہے، خوردہ فروش اور ڈیپارٹمنٹل سٹور، بشمول دنیا کے مشہور سیلفریجز فلیگ شپ اسٹور موجود ہیں۔ ^[341] نائیٹسبرج مساوی طور پر مشہور ہیروڈز ڈیپارٹمنٹل سٹور کا مقام ہے جس جنوب مغرب میں واقع ہے۔

لندن مشہور ڈیزائنرز ویوین ویسٹ ووڈ، گیلیانو، سٹیلا میک کارٹنی، منولو بلاہینک اور جمی چو کا گھر ہے۔ اس کے مشہور آرٹ اور فیشن اسکول اسے پیرس، میلان اور نیو یارک شہر کے ساتھ ساتھ فیشن کا بین الاقوامی مرکز بناتے ہیں۔ لندن نسلی طور پر متنوع آبادی کے نتیجے میں پکوانوں کی ایک بڑی قسم پیش کرتا ہے۔ گیسٹرونومک مراکز میں برک لین کے بنگلہ دیشی ریستوراں اور چائنا ٹاؤن کے چینی ریستوران شامل ہیں۔ ^[342]

سالانہ تقریبات کی ایک بڑی تعداد یہاں منعقد ہوتی ہے جس کا آغاز نئے سال کے دن پریڈ سے ہوتا ہے، جس میں لندن آئی میں آتش بازی کا مظاہرہ، دنیا کی دوسری بڑی اسٹریٹ پارٹی نوٹنگ ہل کارنیول ہر سال اگست کے آخر میں بینک ہالیڈے پر منعقد ہوتا ہے۔ روایتی پریڈ میں نومبر کا لارڈ میئر شو شامل ہے جو صدیوں پرانی تقریب ہے جس میں لندن شہر کے نئے لارڈ میئر کی سالانہ تقرری کا جشن مناتے ہوئے شہر کی سڑکوں پر جلوس نکالا جاتا ہے۔ اس کے علاوہ جونز ٹروپنگ دی کلر ایک باضابطہ فوجی مقابلہ جو دولت مشترکہ اور برطانوی فوج کی رجمنٹوں کے مابین ملکہ کی سرکاری سالگرہ منانے کے لیے انجام دیا جاتا ہے۔ ^[343] بیشکھی میلہ ایک بنگالی نئے سال کا تہوار ہے جو برطانوی بنگلہ دیشی برادری مناتی ہے۔ یہ یورپ کا سب سے بڑا ایشیائی میلہ ہے۔ نوٹنگ ہل کارنیول کے بعد یہ مملکت متحدہ کا دوسرا بڑا اسٹریٹ فیسٹیول ہے جو ملک بھر سے 80،000 سے زیادہ زائرین کو راغب کرنا۔ ^[344]

لندن ادب کے بہت سے کاموں کی موضوع رہا ہے۔ جیفری چوسر کی دا پلگرمز چودہویں صدی کے آخر میں کینٹربری کہانیوں میں لندن کے کینٹربری سے روانہ ہوئے، خاص طور پر ٹیبرڈ سرائے، سدرک سے۔ ولیم شیکسپیئر نے اپنی زندگی کا بڑا حصہ لندن میں گزارا اور کام کیا۔ اس کے ہم عصر بین جونسن بھی وہاں مقیم تھا اور اس کا کچھ کام خاص طور پر اس کا ڈراما "دی الکیمسٹ" شہر کے پس منظر میں ترتیب دیا گیا تھا۔ ^[345] ڈینیل ڈیفو کی جرنل آف دی پلیگ ایئر (1722ء) 1665ء کے لندن کے عظیم طاعون کے واقعات کا ایک افسانہ ہے۔ ^[345]

لندن کا ادبی مراکز روایتی طور پر ہیمپسٹیڈ کا پہاڑی علاقہ رہا ہے اور (بیسویں صدی کے اوائل سے) بلومزبری شہر کے قریب سے وابستہ مصنف اور روزنامچہ نویس سیموئیل پیپس لندن کی عظیم آتش زدگی کے اپنے عینی شاہد کے اکاؤنٹ کے لیے مشہور ہے۔ چارلس ڈکنز جس نے دھند، برف باری، گلیوں کے خاک روبوں اور جیب کتروں کے وکٹوریائی دور کے لندن کی عکاسی کی ہے۔ ورجینیا وولف کو بیسویں صدی کی جدید ترین ادبی شخصیات میں شمار کیا جاتا ہے۔ ^[345] اس کے بعد لندن کے عکاسی انیسویں اور بیسویں صدی میں چارلس ڈکنز کے ناول اور آرتھر کونن ڈویل کی شرلاک ہومز کی کہانیاں خاص مقام رکھتی ہیں۔ ^[345] لیٹیشا الزبتھ لینڈن بھی خاص اہمیت کی حامل ہے جس میں کیلنڈر آف لندن سیزنز (1834ء) خاص طور پر اہم ہے۔ شہر سے خاص طور پر متاثر ہونے والے جدید مصنفین میں پیٹر ایکروڈ شامل ہیں جو لندن کی "سوانح عمری" کے مصنف اور آئین سنکلیئر جو نفسیاتی نوع کی صنف میں لکھتے ہیں۔

لندن نے فلم صنعت میں نمایاں کردار ادا کیا ہے۔ لندن کے اندر یا اس سے متصل بڑے اسٹوڈیوز میں ٹوکنہم، ایلنگ، شیپرٹن، پائن ووڈ، ایلسٹری اور بورہم ووڈ شامل ہیں، ^[346] اور ایک خاص اثرات اور پوسٹ پروڈکشن کمیونٹی جو سوہو میں مرکوز ہے۔ ورکنگ ٹائٹل فلمز کا صدر دفتر لندن میں ہے۔ ^[347]

کئی فلموں میں لندن پس منظر رہا ہے جن میں اولیور ٹوئسٹ (1948ء)، سکروج (1951ء)، پیٹر پین (1953ء)، بلو اپ (1966ء)، دی لانگ گڈ فرائیڈے (1980ء)، دی گریٹ ماؤس ڈیٹیکٹو (1986ء)، نوٹنگ ہل (1999ء)، لو ایکچوِلی (2003ء)، وی فار وینڈیٹا (2005ء)، سوینی ٹوڈ: دی ڈیمن باربر آف فلیٹ اسٹریٹ (2008ء) اور دی کنگز اسپیچ (2010ء) خاص طور قابل ذکر ہیں۔ لندن کے نامور اداکارں اور فلم سازوں میں چارلی چیپلن، الفریڈ ہچکاک، ہیلن میرین، گیری اولڈ مین، کرسٹوفر نولن، مائیکل کین، جوڈ لا، بینیڈکٹ کمبربیچ، ٹام ہارڈی، کیرا نائٹلی اور ڈینیل ڈے-لیوس شامل ہیں۔ 2008ء سے برٹش اکیڈمی فلم ایوارڈز کی تقریبات رائل اوپیرا ہاؤس میں ہوئیں۔ لندن ٹیلی ویژن پروڈکشن کا ایک بڑا مرکز ہے، جس میں بی بی سی ٹیلی ویژن سینٹر، فاؤنٹین اسٹوڈیوز اور لندن اسٹوڈیوز بھی شامل ہیں۔ ام میں لندن کے کئی ٹیلی ویژن پروگرام ترتیب دیے گئے ہیں بشمول مشہور ٹیلی ویژن سقپ اوپیرا ایسٹ اینڈرز جسے بی بی سی نے 1985ء سے نشر کیا۔

لندن بہت سے عجائب گھروں، گیلریوں اور دیگر اداروں کا گھر ہے جن میں سے کئی میں داخلہ مفت ہے اور یہ تحقیقاتی کردار ادا کرنے کے ساتھ ساتھ سیاحوں کی توجہ کا مرکز ہیں۔ ان میں سے پہلا برٹش میوزیم ہے جو بلومزبری میں 1753ء میں قائم ہوا۔ ^[348] اصل میں نوادرات اور قدرتی تاریخ کے نمونوں اور قومی لائبریری پر مشتمل اس عجائب گھر میں اب دنیا بھر سے 7 ملین نوادرات موجود ہیں۔ 1824ء میں نیشنل گیلری کی بنیاد مغربی پینٹنگز کے برطانوی قومی مجموعے کے لیے رکھی گئی تھی۔ یہ اب ٹریفالگر اسکوائر میں ایک نمایاں مقام رکھتا ہے۔

برٹش لائبریری دنیا کا دوسری سب سے بڑا کتب خانہ اور مملکت متحدہ کا قومی کتب خانہ ہے۔ ^{[349][350][351]} لندن میں کئی اور مشہور کتب خانے بھی موجود ہیں جن میں ویلکم لائبریری، دانا ریسرچ سینٹر اینڈ لائبریری اور تعلیمی کتب خانے جیسے لندن اسکول آف اکنامکس میں برٹش لائبریری آف پولیٹیکل اینڈ اکنامک سائنس، امپیریل کالج لندن میں امپیریل کالج سنٹرل لائبریری، کنگز کالج لندن میں مون لائبریری اور لندن یونیورسٹی میں سینیٹ ہاؤس لائبریرز شامل ہیں۔ ^[352][353]

انیسویں صدی کے آخری نصف میں جنوبی کینزنگٹن کا مقام "البرٹوپولیس" کے طور پر تیار کیا گیا جو ایک ثقافتی اور سائنسی ضلع ہے۔ یہاں تین بڑے قومی عجائب گھر ہیں جو وکٹوریہ اور البرٹ میوزیم، نیچرل ہسٹری میوزیم اور سائنس میوزیم ہیں۔ نیشنل پورٹریٹ گیلری 1856ء میں برطانوی تاریخ کے اعداد و شمار کی تصویر کشی کے لیے قائم کی گئی تھی، اس کی ہولڈنگز اب پورٹریٹ کا دنیا کا سب سے وسیع مجموعہ ہے۔ ^[354] برطانوی آرٹ کی قومی گیلری ٹیٹ بریٹن ہے جو اصل میں 1897ء میں نیشنل گیلری کے ضمیمہ کے طور پر قائم کی گئی۔ ٹیٹ گیلری جیسا کہ پہلے جانا جاتا تھا، جدید فن کا ایک بڑا مرکز بھی بن گیا۔ 2000ء میں یہ مجموعہ ٹیٹ ماڈرن میں منتقل ہوا، ایک نئی گیلری جو سابقہ بینک سائیڈ پاور اسٹیشن میں واقع ہے جسے بازل نے بنوایا۔ ^[355]

لندن دنیا کے بڑے کلاسیکی اور مقبول موسیقی کے دار الحکومتوں میں سے ایک ہے اور بڑے میوزک کارپوریشنز کی میزبانی کرتا ہے جیسا کہ یونیورسل میوزک گروپ، وارنر میوزک گروپ اس کے ساتھ ساتھ بے شمار بینڈ، موسیقار اور صنعت کے پیشہ ور افراد۔ یہ شہر بہت سے آرکسٹرا اور کنسرٹ ہالوں کا گھر بھی ہے، جیسے باربیکن آرٹس سینٹر (لندن سمفنی آرکسٹرا اور لندن سمفنی کورس کا بنیادی اڈا)، ساؤتھ بینک سینٹر (لندن فلہارمونک آرکسٹرا اور فلہارمونیا آرکسٹرا)، کیڈوگن ہال (رائل فلہارمونک آرکسٹرا) اور رائل البرٹ ہال (پرومز)۔ ^[339] لندن کے دو اہم اوپیرا گھر رائل اوپیرا ہاؤس اور لندن کالویزیم ہیں (انگلش نیشنل اوپیرا کا گھر)۔ ^[339] مملکت متحدہ کا سب سے بڑا پائپ آرگن رائل البرٹ ہال میں ہے۔ دیگر اہم آلات گرجا گھروں اور کتھیڈرل میں ہیں۔ موسیقی کی کئی درس گاہیں شہر کے اندر ہیں: جن میں رائل اکیڈمی آف میوزک، رائل کالج آف میوزک، گلڈ ہال اسکول آف میوزک اینڈ ڈراما اور ٹرینیٹی لابان کوسرویٹوار آف میوزک اینڈ ڈانس خاص طور پر قابل ذکر ہیں۔

لندن میں راک اور پاپ کنسرٹس کے لیے متعدد مقامات ہیں، جن میں دنیا کا مصروف ترین اندرون در مقام بھی شامل ہیں جن میں او2 ایرینا ^[356]، ویمبلی ایرینا اور کئی درمیانے درجے کے مقامات جیسے برکسٹن اکیڈمی، ہیمرسمتھ اپولو اور شیفرڈز بش ایمپائر ^[339] شامل ہیں۔ متعدد میوزک فیسٹیول بشمول وائرلیس فیسٹیول، ساؤتھ ویسٹ فور، لو باکس اور ہائیڈ پارک کا برٹش سمر ٹائم لندن میں منعقد ہوتا ہے۔ ^[357] یہ شہر اصل ہارڈ راک کیفے اور ایبی روڈ اسٹوڈیوز کا گھر ہے جہاں بیٹلز نے اپنے کئی کامیاب گانے ریکارڈ کیے۔ 1960ء، 1970ء اور 1980ء کی دہائی میں موسیقار اور گروپ جیسے ایلٹن جان، پنک فلائیڈ، کلف رچرڈ، ڈیوڈ بوئی، کوئین، دا کنکس، رولنگ اسٹونز، دا ہو، ایرک کلیپٹن، لیڈ زیپلن، دا اسمال فیسز، آئرن میڈن، فلیٹ ووڈ میک، ایلوس کوسٹیلو، یوسف اسلام (کیٹ اسٹیونز)، دا پولیس، دا کیور، میڈنس، دی جام، الٹراوکس، اسپینڈاو بیلے، کلچر کلب، ڈسٹی اسپرنگ فیلڈ، فل کالنز، راڈ اسٹیورٹ، ایڈم اینٹ، اسٹیٹس کو اور سیڈ نے اپنی آواز سے لندن کی گلیوں سے کامیابی حاصل کی۔ ^[358]

لندن پنک میوزک کی ترقی میں اہم کردار ادا کیا جن میں سیکس پسٹلز، دا کلاش اور ویوین ویسٹ ووڈ جیسی شخصیات شہر میں مقیم رہیں۔ ^[359][360] لندن میوزک سین سے ابھرنے والے حالیہ فنکاروں میں جارج مائیکل، وئم!، کیٹ بش، سیل، پیٹ شاپ بوائز، بناناراما، سیوکسی اور بنشیز، بش، اسپائس گرلز، جمیروکائی، بلور، میک فلائی، دی پروڈیجی، گوریلاز، بلاک پارٹی، ممفورڈ اینڈ سنز، کولڈ پلے، ایمی وائن ہاؤس، ایڈل، سیم سمتھ، ایڈ شیران، پالوما فیتھ، ایلی گولڈنگ، ون ڈائریکشن اور فلورنس اور مشین شامل ہیں۔۔^{[361][362][363]} لندن شہری موسیقی کا مرکز بھی ہے۔ خاص طور پر انواع یوکے گیراج، ڈرم اور باس، ڈب اسٹیپ اور شہر میں غیر ملکی انواع گھروں، ہپ ہاپ اور ریگی، مقامی ڈرم اور باس شامل ہیں۔ میوزک اسٹیشن مثلا بی بی سی ریڈیو، 1 ایکسٹرا لندن اور باقی مملکت متحدہ دونوں میں مقامی شہری عصری موسیقی کے عروج کی حمایت کے لیے قائم کیے گئے تھے۔

سٹی آف لندن کارپوریشن کی 2013ء کی ایک رپورٹ میں کہا گیا ہے کہ لندن یورپ کا "سبز ترین شہر" ہے جس میں 35،000 ایکڑ پر عوامی پارک، جنگلات اور باغات ہیں۔ ^[364] لندن کے مرکزی علاقے میں سب سے بڑے آٹھ رائل پارکس میں سے تین ہائیڈ پارک اور اس کے قریب واقع کینسنٹن گارڈنز مغرب میں، ریجنٹ پارک شمال میں واقع ہیں۔۔^[365] خاص طور پر ہائیڈ پارک کھیلوں کے لیے مشہور ہے اور بعض اوقات کھلی فضائی محافل کی میزبانی کرتا ہے۔ ریجنٹ پارک میں لندن چڑیا گھر بھی واقع ہے جو دنیا کا قدیم ترین سائنسی چڑیا گھر ہے یہ مادام تساؤ عجائب گھر کے قریب ہے۔ ^[366][367] پرمروز ہل ریجنٹ پارک کے شمال میں 256 فٹ (78 میٹر) کے رقبے پر ایک مشہور مقام ہے جہاں سے شہر کی اسکائی لائن کو دیکھا جا سکتا ہے۔

ہائیڈ پارک کے قریب چھوٹے شاہی پارک، گرین پارک اور سینٹ جیمز پارک ہیں۔ ^[368] شہر کے مرکز کے باہر کئی بڑے پارکس واقع ہیں، بشمول ہیمپسٹڈ ہیتھ اور گرینچ پارک ^[369] باقی رائل پارکوں کے جنوب مشرق میں اور بشی پارک سب سے بڑے رچمنڈ پارک کے جنوب مغرب میں واقع ہے۔ ^[370][371] ہیمپٹن کورٹ پارک ایک شاہی پارک بھی ہے، لیکن کیونکہ اس میں ایک محل واقع ہے اس لیے اس کا انتظام آٹھ شاہی پارکوں کے برعکس، تاریخی شاہی محلوں کے زیر انتظام ہے۔ ^[372]

رچمنڈ پارک کے قریب ہی کیو باغات واقع ہیں جس میں زندہ پودوں کا دنیا کا سب سے بڑا ذخیرہ ہے۔ 2003ء میں باغات کو یونیسکو کی عالمی ثقافتی ورثہ کی فہرست میں ڈال دیا گیا۔ ^[373] لندن کی برو کونسلز کے زیر انتظام پارکس بھی ہیں جن میں ایسٹ اینڈ میں وکٹوریہ پارک اور مرکز میں بیٹرسی پارک شامل ہیں۔ کچھ اور غیر رسمی، نیم قدرتی کھلی جگہیں بھی موجود ہیں، بشمول 320 ہیکٹر (790 ایکڑ) پر شمالی لندن ^[374] کا ہیمپسٹڈ ہیتھ اور مشرق میں اپنگ فارسٹ جو 2،476 ہیکٹر (6،118 ایکڑ) پر محیط ہے۔ ^[375] دونوں سٹی آف لندن کارپوریشن کے زیر انتظام ہیں۔ ^[376][377] ہیمپسٹڈ ہیتھ نے کین ووڈ ہاؤس کو بھی شامل کیا ہے جو ایک سابقہ خوبصورت گھر ہے اور گرمیوں کے مہینوں میں ایک مشہور مقام ہے جس میں کلاسیکی میوزیکل کنسرٹ جھیل کے کنارے ہوتے ہیں۔ جہاں موسیقی، مناظر اور آتش بازی سے لطف اندوز ہونے کے لیے ہر ہفتے کے آخر میں ہزاروں لوگوں راغب ہوتے ہیں۔ ^[378] اپنگ فارسٹ مختلف بیرونی سرگرمیوں کے لیے ایک مشہور مقام ہے بشمول ماؤنٹین بائیکنگ، واکنگ، گھڑ سواری، گالف، اینگلنگ اور تلاش دوڑ وغیرہ۔ ^[379]

پیدل چلنا لندن میں ایک مشہور تفریحی سرگرمی ہے۔ وہ علاقے جو چلنے اور دوڑنے کی سہولت فراہم کرتے ہیں ان میں ومبلڈن کامن، اپنگ فارسٹ، ہیمپٹن کورٹ پارک، ہیمپسٹڈ ہیتھ، آٹھ شاہی پارک، نہریں اور ناکارہ ریلوے ٹریک شامل ہیں۔ ^[380] نہروں اور دریاؤں تک رسائی حال ہی میں بہتر ہوئی ہے، بشمول ٹیمز پاتھ کی تعمیر، جو تقریباً 28 میل (45 کلومیٹر) طویل ہے اور زیادہ تر لندن عظمیٰ کے اندر واقع ہیں اور دریائے ٹیمز کی ایک معاون ندی وانڈل ندی کے ساتھ دی وانڈل ٹریل جنوبی لندن میں 12 میل (19 کلومیٹر) طویل ہے۔ ^[381] سبز جگہوں کو جوڑنے والے دیگر لمبی دوری کے راستے بھی بنائے گئے ہیں، جن میں کیپٹل رنگ، گرین چین واک، لندن بیرونی مداری راستہ ("لوپ")، جوبلی واک وے، لی ویلی واک اور شہزادی ڈیانا میموریل واک بھی شامل ہیں۔ ^[380]

• 
  ہائیڈ پارک
• 
  سینٹ جیمز پارک
• 
  لندن بورو سٹن میں وانڈل ندی، کارشلٹن

لندن نے تین مرتبہ گرمائی اولمپک کھیلوں کی میزبانی کی ہے جو 1908ء گرمائی اولمپکس، 1948ء گرمائی اولمپکس اور 2012ء گرمائی اولمپکس ہیں، ^[382][383] جو اسے تین بار جدید کھیلوں کی میزبانی کرنے والا پہلا شہر بناتے ہیں۔ ^[43] اس کے علاوہ شہر نے 1934ء میں دولت مشترکہ کھیل کی، ^[384] اور 2017ء ایتھلیٹکس میں عالمی چیمپین شپ کی پہلی مرتبہ میزبانی کی۔ ^[385] لندن میں مقبول کھیلوں میں فٹ بال، کرکٹ، نیٹ بال، فیلڈ ہاکی، باسکٹ بال، اسنوکر، ٹینس، تیراکی، موٹر ریسنگ، گولف، ڈارٹس، ریکٹ، کروٹ، اسکواش، گھڑ دوڑ، باکسنگ، کشتی اور تیر اندازی مقبول ہیں۔

رگبی فٹ بال انیسویں صدی میں انگلستان کے سرکاری اسکولوں میں کھیلے جانے والے فٹ بال کے بہت سے ورژنوں میں سے ایک تھا۔ ^[386][387] اگرچہ رگبی لیگ ابتدا میں رگبی یونین کے قواعد کو استعمال کرتی تھی لیکن اب وہ مکمل طور پر الگ کھیل ہیں۔

رگبی یونین لندن میں بننے والی ایک کھیل ہے اور یہ خاص طور پر شہر کے شمال اور مغرب میں درمیانی طبقے کے مضافاتی علاقوں میں مقبول تھا۔

لندن برونکوس ٹریل فائنڈرز اسپورٹس گراؤنڈ میں کھیلتی ہے۔ 2015ء میں پیشہ ورانہ لیگ کی تنظیم نو سے پہلے، وہ لندن میں ایلیٹ سپر لیگ کے واحد ممبر تھے۔

فٹ بال کی تاریخ میں لندن کا ایک خاص مقام ہے۔ لندن میں فٹ بال کے کھیل کے عمدہ دستاویزی ہیں جب سے اسے پہلی بار 1314ء میں غیر قانونی قرار دیا گیا تھا۔ سولہویں صدی میں ہجومی فٹ بال کو منظم ٹیم فٹ بال کھیل میں تبدیل کرنے کا سہرا سینٹ پال اسکول کے ہیڈ ماسٹر رچرڈ ملکاسٹر کے سر ہے۔ فٹ بال کے جدید کھیل کو سب سے پہلے 1863ء میں لندن میں قائدہ بند کیا گیا اور اس کے بعد یہ دنیا بھر میں پھیل گیا۔ ایسوسی ایشن فٹ بال لندن کا مقبول ترین کھیل ہے اور اس کے انگلش پریمیئر لیگ میں اس کے چھ کلب ہی جس میں آرسنل، چیلسی، کرسٹل پیلس، فولہم، ٹوٹنہم ہاٹپور اور ویسٹ ہام یونائیٹڈ شامل ہیں۔ ^[388]

1924ء سے اصل ویمبلی اسٹیڈیم انگلستان قومی فٹ بال ٹیم کا گھر تھا۔ اس نے 1966ء میں فیفا عالمی کپ فائنل کی میزبانی کی تھی جس میں انگلستان نے مغربی جرمنی کو شکست دی تھی۔ یہ ایف اے کپ فائنل کے مقام کے ساتھ ساتھ رگبی لیگ چیلنج کپ کے فائنل کی میزبانی بھی انجام دیں۔ ^[389] نئے ویمبلی اسٹیڈیم کا بھی یہی مقصد ہے اور اس کی گنجائش 90،000 ہے۔ ^[390]

لندن میں دو ٹیسٹ کرکٹ میدان (عالمی کرکٹ میں ایک نادر امتیاز) ہیں۔ ایک [لارڈز اور دوسرا اوول۔ [لارڈز سینٹ جونز وڈ میں واقع ہے جو میریلیبون کرکٹ کلب کی ملکیت ہے۔ یہ مڈل سیکس کاؤنٹی کرکٹ کلب، انگلینڈ اور ویلز کرکٹ بورڈ، یورپی کرکٹ کونسل اور اگست 2005ء تک بین الاقوامی کرکٹ کونسل کا گھر بھی تھا۔ لارڈز کو بڑے پیمانے پر "کرکٹ کا گھر" کہا جاتا ہے، ^[391] اور یہاں دنیا میں کھیلوں کا سب سے قدیم عجائب گھر بھی ہے۔ ^[392] لارڈز نے کرکٹ عالمی کپ کے چار فائنل کی میزبانی کی ہے۔ ^[393] ٹوئنٹی 20 کپ، مائنر کاؤنٹیز کرکٹ چیمپیئن شپ اور بہت سے دوسرے چیمپیئن شپ کے فائنل لارڈز میں منعقد ہوئے۔

کیننگٹن میں اوول کا میدان انگلستان میں ستمبر 1880ء میں بین الاقوامی ٹیسٹ کرکٹ کی میزبانی کرنے والا پہلا گراؤنڈ بنا۔ ^[394][395] وول 1845ء میں اپنے یوم تاسیس سے ہی سرے کاؤنٹی کرکٹ کلب کا ہوم گراؤنڈ رہا ہے۔^{[380][396][397]} انگلش سیزن کا آخری ٹیسٹ میچ روایتی طور پر اوول میں ہی کھیلا جاتا ہے۔ لندن میں کرکٹ بہت منظم ہے اور فٹ بال کے بعد دوسرا مقبول کھیل ہے۔ لندن میں کئی کرکٹ کے میدان موجود ہیں جن میں سے چند درج ذیل ہیں:

دریائے ٹیمز لندن میں کشتیوں کی ڈور کا مقام ہے جس اوکسفرڈ اور کیمبرج کے درمیان میں پیٹنی سے مورٹلیک تک ہوتا ہے۔ اس کے علاوہ ٹیمز کے ساتھ ساتھ لندن میں خاص طور پر پیٹنی کے علاقے میں بہت سارے روئنگ کلب موجود ہیں۔

آل انگلینڈ لان ٹینس اور کروکٹ کلب ومبلڈن چیمپینشپ کا گھر ہے جو جنوبی لندن کے ومبلڈن میں ہے۔ لندن کوئینز کلب کا گھر بھی ہے، جو سالانہ کوئینز کلب چیمپین شپ کا انعقاد کرتا ہے۔ حال ہی میں ملکہ ایلزبتھ دوم نے روہیمپٹن میں نیشنل ٹینس سینٹر کا افتتاح بھی کیا ہے۔

جنوبی لندن میں کرسٹل پیلس نیشنل اسپورٹس سینٹر میں ایتھلیٹکس کی میزبانی کرتا ہے۔ مشرقی لندن میں ایتھلیٹکس کے دیگر مقامات میں کروڈن ایرینا، مائل اینڈ اسٹیڈیم، اولمپک اسٹیڈیم شامل ہیں۔ 1981ء کے بعد سے ہر اپریل میں لندن نے دنیا میں بڑے پیمانے پر شرکت کرنے والی میراتھنوں میں سے ایک لندن میراتھن کی میزبانی کی ہے۔ جدید میراتھن کے لیے اب کی موجودہ لمبائی 1908ء کے لندن اولمپکس میں طے کی گئی تھی۔ لندن ٹرائاتھلون دنیا کا سب سے بڑا ٹرائاتھلون مقابلہ ہے جو ہر سال منعقد ہوتا ہے۔

برسوں سے لندن ٹاورز نے لندن کے باسکٹ بال کا پرچم بردار رہا ہے، جو ڈومیسٹک برٹش باسکٹ بال لیگ پر حاوی ہے۔

لندن کے مشاہر کی فہرست بہت طویل ہے۔ یہاں صرف انتہائی اہم شخصیات کے نام درج ہیں۔

• London.gov.uk – Greater London Authority
• VisitLondon.com – Official London tourism site
• Museum of London
• London in British History Online, with links to numerous authoritative online sources
  • "London", In Our Time, BBC Radio 4 discussion with Peter Ackroyd, Claire Tomalin and Iain Sinclair (28 September 2000)
• جغرافیائی معطیات برائے لندن اوپن سٹریٹ میپ پر
• Old maps of London, from the Eran Laor Cartographic Collection, The National Library of Israel

1. ↑