ISO/IEC 17025: History and introduction of concepts

Donus oder Domnus († 11. April 678), Söhn vun de Römer Mauricius, weer vun 2. November 676 bit sien Dood Bischop vun Rom un dormit Paapst vun de röömsch-kathoolsch Kark.

Över sien Hanneln as Paapst weet man meest nix. Nah Liber Pontificalis leet he den Petersplatz mit witt Marmor plastern. Dorneben hett he diverse bekannt Karken un Kapellen renoveeren laten.

Ünner Donus hett en Schisma end, dat dör Unafhängigkeitsbestreven vun dat Arzbisdom Ravenna mehrere Johren vördem anfungen hett. Dorneben wurrd seggt, dat ünner Donus en Grupp vun syrisch Mönken upflagen is, de sück ahn Erlaubnis in en Kloster bi Rom uphollen hebbt. Donus hett de rutjaagt un hett dat Kloster an Einheimische övergeven.

Nah en Amtstiet vun een Johr, fiev Maand und teihn Daag is Donus storven un in de Petersdom begraven wurrn. En Mosaik, dat nah sien Dood in en Kark bi’d Forum Romanum upstellt wurr, is nahderhenn kött gahn oder kött makt wurrn.