ISO/IEC 17025: History and introduction of concepts
Contidos
Óso ilio | |
---|---|
![]() | |
Localización do ilio en relación coa pelve. | |
![]() | |
Cápsula do artellamento da cadeira . Cara posterior. Ilio (etiqueta na parte superior.) | |
Latín | nos ilium; [TA]: ilium; [TA]: os iliacum; os ilii |
Gray's | pág.236 |
Sistema | Esquelético |
O óso ilio[1] ou simplemente ilio[2] (cientificamente: os ilium) é o óso que forma parte do esqueleto da cadeira, constituíndo a porción superior e posterior ensanchada do óso coxal. Durante a vida fetal é independente do resto dos ósos da cadeira. Trátase do óso máis grande da pelve, un de tres ósos que forman a cintura pélvica e liga a columna vertebral a cada extremidade inferior. O nome do óso provén do latín que significa «lombo» ou «costado».
Descrición
O ilio é un óso largo e en forma de abano, que constitúe as seccións superior e lateral da pelve. É divisíbel en tres partes: o corpo —que é a parte central do óso—, a á e a crista.[3] A separación entre as dúas primeiras está indicada na superficie interna ou abdominal por unha liña curva, a arcuata e na cara externa que dá cara á perna está separada pola marxe do acetábulo. As ás esténdense a cada banda da espiña dorsal. A crista ilíaca é a porción superior e corre desde a espiña ilíaca superior até a espiña ilíaca anterior.[4]
Distribución
O ilio está presente na maioría dos vertebrados incluíndo os mamíferos e paxaros, pero non se atopa en peixes óseos. Todos os réptiles teñen un ilio agás as serpes, malia teren algunhas especies de cobras un pequeno óso que se considera ser o ilio.[5]
Notas
- ↑ Vocabulario de morfoloxía, anatomía e citoloxía veterinaria, Santiago de Compostela, Universidade / Consellaría do Medio Rural, 2008
- ↑ Diccionario galego de termos médicos, Santiago de Compostela, Xunta de Galicia, 2002
- ↑ Cirugía: Fundamentos, indicaciones y opciones técnicas. Elsevier España. ISBN 84-458-0376-X.
- ↑ Gray anatomía para estudiantes (en español). Elsevier, España. ISBN 8481748323.
- ↑ Infectious Diseases and Pathology of Reptiles. CRC Press. ISBN 9780849323218.