1644 – Kaésar Shunzhi, kaésar katilu Dinasti Qing, diistrénan di Péking sabada runtuhna Dinasti Ming, minangka Kaésar Qing munggaran nu ngawasa sakabéh Cina.
1923 – Beer Hall Putsch: Di Munich, Adolf Hitler gagal mingpin Nazi dina serangan kudéta pikeun ngarugrugkeun pamaréntahan Jérman.
1939 – Di Munich, Adolf Hitler ampir-ampiran teu salamet tina hiji uji coba panelasan ku Georg Elser nalika manéhna keur ngarayakeun tepung taun ka-16 Beer Hall Putsch.
1950 – Dina Perang Koréa, Létnan AU AS Russell J. Brown, ngapilotan pasawat jét F-80 Shooting Star, némbak semet ka maruragna dua pasawat MIG-15s nu Koréa Kalér dina campuh munggaran dina sajarah antara pasawat jét ngalawan pasawat jét.
1957 – Pasawat Pan Am Flight 7 ngiles antara San Francisco jeung Honolulu. Ruruntukna jeung awak nu maraot karak kapanggih saminggu ti harita.
1965 – Téritori Samudra India Britania diadegkeun, diwangun ku Arkipelago Chagos, Aldabra, Faquhar jeun Kapuloan Des Roches.
1965 – Pasukan udara ka-173 diserang ku leuwih ti 1.200 Viétkong dina Operasi Punuk nalika Perang Viétnam, sedengkeun Batalion ka-1 Résimén Australi Royal tempur dina campuh jarak deukeut munggaran antara pasukan Australi ngalawan Viétkong dina Patempuran Gang Toi.
1968 – Konvénsi Wina ngeunaan Rambu Jalan ditanda tangan pikeun ngafasilitasi rambu jalan intérnasional sarta nambahan kasalametan di jalan, ku cara nyaragamkeun aturan-aturan rarambuan di antara nagara-nagara nu narékenna.
1973 – Ceuli katuhu John Paul Getty III dikirim ka hiji surat kabar bareng jeung surat paméntaan tebusan, keur ngayakinkeun bapana sangkan mayar tebusan sajumlah AS$2,9 juta.
1983 – TAAG Angola Airlines Palayangan 462 ragrag sabada leupas landas di Bandara Lubango, nelasan 130 jalma dina kapal. UNITA ngaku geus némbak éta kapal, tapi hal éta pada ngabantah.
1987 – Pangeboman dina Poé Pangeling-ngeling: hiji bom IRA ngabeledug di Enniskille, Irlandia Kalér nalika upacara panghormatan pikeun nu galugur dina perang nu ngalibatkeun pasukan Inggris. Dua welas jalma maraot sarta 61 tatu.
1999 – Bruce Miller ditandasa di buruanna di deukeut Flint, Michigan. Pamajikanna, Sharee Miller, nu ngayakinkeun kabogoh online –na, Jerry Cassaday pikeun maéhan salakina (méméh tuluy maéhan manéh), didakwa dina kajahatan éta, nu tuluy jadi rajapati internét nu munggaran di dunia.
2002 – Résolusi Déwan Kaamanan PBB 1441: Déwan Kaamanan PBB sacara buleud nyatujuan hiji résolusi pikeun Irak, maksa Saddam Hussein sangkan ngudaran sanjata atawa nyanghareupan “konsékuénsi serieus”.
2004 –Leuwih ti 10.000 pasukan AS jeung sajumlah leutik unit-unit tentara Irak ngepung wakul bénténg palawanan Fallujah.
2006 – Pasukan Pertahanan Israél nelasan 19 urang sipil Palestina di imah-imahna nalika pangeboman Beit Hanoun.
2011 – Astéroid 2005 YU55 nu boga poténsi bahaya liwat 0,85 lunar jauhna ti Bumi (kira-kira 324.600 kilométer atawa 201.700 mil), pangdeukeut-deukeutna liliwatan asteroid nu kanyahoan tina ngempurna ti saprak astéroid 2010 XC15 di taun 1976.
2013 – Topan Haiyan, salah sahiji angin puyuh tropis pangkuatna nu kungsi kacatetkeun, narajang wewengkon Visayas di Philipina; ngabalukarkeun saheunteuna 6.340 jalma palastra bari leuwih ti 1.000 masih can kapanggih, ogé karusakan saharga AS$2,86 miliar.
