Infrastructure tools to support an effective radiation oncology learning health system
| yótʼáahdi naaldeehii | |
Dahináanii  Naaldeehii Bidoh Dahólónígíí Bikʼiiz Naakiígíí Bííghą́ą́stsʼǫǫd Dahólónígíí Bíígháán Dahólónígíí Biyaatsʼiin Dahólónígíí Tsídii Tsídii ndaatʼáʼii Táłkáaʼgi Tsídii Naalʼeełí Táłkááʼ naalʼeełí 
Naalʼeełí bitsiiʼ dootłʼizhí | |
| |
 Ndaʼałkaahí bikʼehgo Anas platyrhynchos wolyé | |
| Nahasdzáán tʼáá siʼą́ą́ ńtʼę́ę́ʼ, tʼáá hazhóʼó Nahatʼeʼiitsoh Bikéyah dóó Naakaii Łizhiní Bikéyah | |
|---|---|
| naaldeehii daʼalghałígíí dóó daʼałchozhígíí | |
| |
Naalʼeełí bitsiiʼ dootłʼizhí éí Náhookǫsjí kéyah dah siʼánígíí bikááʼgóó dóó Binááʼádaałtsʼózíidi dóó Tó Wónaanídę́ę́ʼ Bilagáana Bikéyahdi hahóólįįd jiní; dííshjį́į́góó éí Nahatʼeʼiitsoh Bikéyahdi hólǫ́ ałdóʼ. Shádiʼááhjí kéyah dah siʼánígíí bikááʼgóó dóó Naakaii Łizhiní Bikéyahdi éí ádaadin. Ndaʼałkaahí dóó ééʼdeetįįhii éí "Anas platyrhynchos" deiłníigo dayózhí.
Díí tsídii éí beʼekʼid bibąąhgi dóó tó ńlínídi naakai; shį́įgo éí Deeteel Bikéyah dóó Hakʼaz Dineʼé Bikéyah dóó Tin Kéyahdi naakai; haigo éí Shádiʼááhgóó ałnáádaatʼaah łeh.
Ánoolinígíí
Díí naalʼeełí éí 1.5–2 adéesʼeez ádaníłtso; 2–3 dahidídloʼ ádaníłdáas łeh.[1] Bikąʼígíí éí bitsiiʼ dootłʼizhgo diłhił dóó disxǫs; bitsʼíís éí łibáago naashchʼąąʼ, bitééldę́ę́ʼ éí dibéłchíʼí, áádóó éí bizééʼ dzígai. Nááná éí bitʼaʼ dah adootłʼizh dóó bijáád łitsxo. Baʼáádígíí éí tʼóó łibá dóó dibéłchíʼíigo łikizh.
Chʼiyá
Naalʼeełí bitsiiʼ dootłʼizhí éí daʼałchozh dóó daʼalghałgo naakai — chʼosh chʼééh digháhii dóó chéłchaaʼ dóó tániilʼáí deildeeł; chʼil bitʼąąʼ dóó bikétłʼóól deiłchozh ałdóʼ. Łáháda naʼashǫ́ʼii yázhí dóó chʼał deilghał.
bitsʼą́ą́dóó ééhózinii- ^ Burnie/Wilson. Animal. Dorling Kinderley. London, Tótaʼ Dineʼé Bikéyah: 2011./n.276 góneʼ
