Infrastructure tools to support an effective radiation oncology learning health system
De boek, buuk of et abdomen is bi'j warvelde dieren waoronder de meenske een holte, de boekholte, die vuld is mit een antal organen die veural te maeken hebben mit de spiesvertering, et anmaeken van plasse en de vortplaanting. Organen die echt in de boekholte liggen (zoas de maege, lever, milt en daarm) hieten in de Nederlaanse medische wereld intraperitoneaal; organen die d'r wel tegenan liggen mar niet echt in de boekholte bin (zoas de nieren en de pankreas) hieten extraperitoneaal (meerstal retroperitoneaal). Een orgaan as de uterus is een betien een greensgeval. (Et peritoneum is et vlies dat de boekholte an de binnenkaante en de boekorganen an de butenkaante bedekt.)
De boekholte is van hart en longen ofscheiden deur et middenrif of diafragma, een spiere in de vorm van een dunne koepelvormige plaete die bi'j saementrekking de ribbekaaste vergroot ten koste van de boekholte, zodat de longen him vol locht zoegen kunnen. Omdat de boekinhoold amper saemendrokber is zal hierbi'j de boekwaand wat naor buten poelen. (Een kesjet maekt slaanker ten koste van et beschikbere aosemvolume van de longen.) In et midden van de boek zit de naevel.
Nedersaksisch
- Drèents: boek, buuk, lief
- Grunnegs: boek, lief, pokkel (negatief)
- Sallaands: buuk, boek
- Stellingwarfs: boek, buuk
- Urkers: buk
- Tweants: boek
- Urkers: buk, pins
- Veluws:
- buuk, boek, beuk
- lief, leef
- pens, penze
- balg (Oost-Veluws)
- mage (Vaossen)
- räpe (Attem)
| t Minskenlief |
|---|
|
HEUFD: schijdel - steern – ogen – oren – noster – revel – tonge – tanden – kaive – oetkiek – kin – waang  HAALS: sloek – oadamsabbel - nekken TÖRSE: scholders – roggezoel – borstkas – borst – ribben – onderlief – navvel LEDEN: aarm – elboog – onderaarm – pols – haand – vinger (doem/wieske/laange/ring/lutje) – bain – knoa – dij – knij – kuut – hak – enkel – voude – toon |
