Infrastructure tools to support an effective radiation oncology learning health system

O Còllo Vèrde (Anas platyrhynchos Linnaeus, 1758; Syn. Anas boschas Linnaeus, 1758) o l'è 'n'ània, un ôxello d'ægoa da famìggia di Anatidae, sottafamìggia Anatinae, génere Anas.

I màscci an a tésta e o còllo de cô vèrde - e fémine, in cangio, en de cô maròn-. L'é pe questo che in zeneize quésta menn-a a vegne ciamà Còllo Vèrde (cf. italiàn colloverde, françéize canard colvert, catalàn ànec collverd),  a Vintimìggia Cavuverdu (cf. italiàn capoverde).

O màsccio o l'à quàtto ciùmme vèrdi arisæ in scia côa giànca. De stæ o cô de ciùmme e da tésta o vegne squaexi pægio a quéllo de fèmine.

Ània de superfice, a frequênta ægoe basse e a l'arésta a gàlla, sôlo o còllo sottægoa pe mangia in sciô fóndo. O decòllo o l'é verticâle, xêuo ràpido, a se méscia ben anche in tæra. A l'a difûza in tùtto l'emisfêro setentrionâle, levòu e zöne àrtiche. O periodo da riproduçión o va da Frevâ a Lùggio a segónda da latitudine, da-a Scandinavia meridionale, paixi do mâ Baltico, Polònia, Germania, Danimarca, In Italia a l'e staçionâia e nidificante. Ghe n'é ciù ò mêno 10.000, ma ghe ne svèrna 70-90 mìlla. Into nîo in tæra, ben ascôzo, a femina a se scciànca e ciùmme e a deponn-e 9-15 êuve ch'a coâ pe 26-28 giórni; o masccio o tégne d'éuggio o teritöio in gîo a-o nîo. I picìn vàn sùbito derê a-a moæ inte l'ægoa, xêuan dòppo 'na çinquanténn-a de giórni. Maturitæ sesoâle dòppo l'ànno.

A ciù pàrte de ànie domèsteghe derivan da-o Còllo Vèrde. Inta seu Histoire naturelle o naturalìsta françéize Georges Buffon o l'a riservòu pe-o Còllo Vèrde o nomme genérico Canard (Anitra inta traduçión italiann-a) e o l'a pigiòu sta menn-a cómme riferiménto pe divìdde e anie inte doî grùppi, canards e sarcelles (inta traduçión italiann-a anitre e alzavole):

"Nous partagerons donc cette nombreuse famille par ordre de grandeur, en la divisant d'abord en Canards et Sarcelles, et comprenant sous la première dénomination toutes les espèces de canards qui, par la grandeur, égalent ou surpassent l'espèce commune".^[3]

1. ↑ Nuovo Dizionario universale e ragionato di agricoltura..., Vol. 4
2. ↑ Angelo Paganini; Vocabolario domestico genovese-italiano
3. ↑ G-L. Buffon; Histoire naturelle des oiseaux, Vol 9

• Wikimedia Commons a contêgne di files in sce German reâ
• Wikispecies a contêgne informaçioìn in sce German reâ