Infrastructure tools to support an effective radiation oncology learning health system

Republica de Peru República del Perú
Informa jeneral
Capital:	Lima
Lingua ofisial:	Espaniol
Dirije
Governa:	Republica democratal presidental
- Xef de stato:	Presidente Francisco Sagasti
- Xef de governa:	Prima vispresidente Mercedes Aráoz
Otras
Area:	1 285 216,20 km²
Popla:	28 220 764
Densia:	24
PIB:	USD 414 389 milion
Mone:
Zona de ora:	UTC-5
Numero de telefon:	+51
Interede:	.pe

Peru (ofisial la Republica de Peru) es un pais en America Sude ueste. Lo es bordada a la norde par Ecuador e Colombia, a la este par Brasil, a la sude-este par Bolivia, a la sude par Txile, e a la ueste par la Mar Pasifica. Peru es un pais estrema biodiversa, con abitadas variante entre la planos seca de la rejion costal en la ueste, la montania alta Andes cual estende de la norde asta la sude-este, e la foresta pluvosa de la Basin Amazon en la este con la Rio Amazon.

Teritorio peruan ia casi cultures antica como la sivilia Norte Chico en Caral (un de la plu veas de mundo, con abitadas tan vea como 3200 aec) e la Impero Inca (la stato la plu grande de America precolumbian). La Impero Espaniol ia concista la rejion en la sentenio 16 e ia institui un visreia con sua capital en Lima, cual ia inclui la plu de sua colonias de America Sude.

Plu tarda, ideas de autonomia political ia estende tra America espaniol e Peru ia gania sua autonomia, ofisial proclamada en 1821 pos la ocupa par campanias militar de José de San Martín e Simón Bolívar; Peru ia serti sua autonomia sola pos la batalia de Ayacucho, a tre anios pos la proclama.

Pos autonomi, la pais ia resta en retrosede e no ia es multe militar ativa, asta un leva economial fundida sur la estrae de materias cru e maral, fininte corta ante la Gera de la Pasifica. A pos, la pais ia esperia cambias governal de sistemes oligarcial a democrata. Peru ia traversa periodos de turba political e gera interna, ma ance periodos de stablia e boni economial.

Peru es un republica democrata represental, divideda en 25 rejiones. Lo es un pais developante con un indise alta de developa umana e un nivel de povria sirca 25,8%. Sua atas economial xef inclui mina, fabrica, cultiva e pexa.

La popla peruan, estimada como 31,2 milion persones en 2015, es multietnical, incluinte nativas, europeanes, africanes e asianes. La lingua parlada xef es espaniol, ma un cuantia notable de peruanes parla cetxua, aimara o otra linguas nativa. Esta misca de tradisiones cultural ia crea un diversia vasta de espresa en tal campos como arte, cosini, leteratur e musica.

La area de Peru es sirca 1 285 220 cilometres cuadrida.