Infrastructure tools to support an effective radiation oncology learning health system

دمياط
الاسم الاصلى	(بالعربى: دمياط)
البلد	مصر
عاصمه لـ	مركز دمياط
الارض و السكان
احداثيات	31°25′00″N 31°49′17″E / 31.416666666667°N 31.821388888889°E / 31.416666666667; 31.821388888889
الارتفاع عن مستوى البحر(م)
التعداد السكانى
الحكم
التأسيس والسيادة
بيانات تانيه
- تعديل

محافظة دمياط هيا محافظة من محافظات مصر, المحافظة فى الجزء الشمالى الشرقى من الدوله عدد سكانها يتخطى المليون شخص, و عاصمتها هيا مدينه دمياط. تشتهر عاصمة المحافظة بمزارع الجوافه و شجر النخيل اللى تملأ الساحل من راس البر فى الشرق الى جمصه ف الغرب, بتصدر المحافظة الملايين من شجر النخيل لكثير من الدول كل سنه منها اليونان و الصين. تنتج دمياط القمح, القطن, الارز, البطاطس, الليمون, العنب و الطماطم و تشتهر المحافظة بصناعة الحلويات, تعليب السردين و صناعة الموبيليا الخشب الممتاز اللى يتم تصديرها لكل دول العالم و تصنيع الجبن الدمياطى. تمتلك المحافظة واحد من اقدم المصايف فى مصر مدينة راس البر, ويقع بيها نقطه التقاء نهر النيل بالبحر الابيض المتوسط, حرفة الصيد واحده من اهم الحرف فى المحافظة و يعمل بيها الكثير من السكان خاصه سكان السواحل و يمثل رمز القارب فى شعار المحافظة حرفه الصيد المنتشره بيها.

"تاريخ محافظه دمياط بيرجع للعصر الفرعونى الوجه البحرى كان متقسم ل20 مقاطعه, و دمياط اتعرفت فى النصوص المصريه القديمه باسم دمطيو بمعنى "سكان الميناء", هيه التسميه اللى اتحولت فى القبطيه لتاميط واليونانيه لتاميطييس وبقت Damiette و فى اللغات الاوروبيه."^[1]

دخلت دمياط فى الحكم الاغريقى ضمن المدن المصريه و ده من اول فتح الاسكندر الاكبر مصر سنه 332 ق.م وحك فى البطالمه لحد ما احتلتها الدوله الرومانيه سنة 30 ق.م, و زادت العلاقات التجاريه و الثقافيه بين دمياط و الشعب اليونانى و عدد كبير من العلما و الكتاب والسياح اللى اهتمو بدراسة التاريخ المصرى و الآثار و العادات و التقاليد و فضلت تحت الحكم الاغريقى لمدة تلات قرون و سماها الاغريق "تاميا تس".

و حصلت معركة فى دمياط بين حاكم مقدونيا برديكاس و قوات بطليموس الاول للاستيلاء على ناووس الاسكندر الاكبر [1] و نقله مقدونيا عشان يتدفن هناك و اللى انتصر فيها بطليموس الاول.

كانت دمياط حقل بيمدهم بالغله و الكتان و كل الحاصلات الزراعيه و زودو الضرايب على السكان و ده زود الغضب على الرومان و خلت الثورات بتشتعل ضدهم. و لما دخلت المسيحيه مصر انتشرت الكنايس فى دمياط [2] و خاصه فى عهد الامبراطور قسطنطين سنة 325 م و كانت اسقفيه كبيره ليها اسقف بيمثلها فى المؤتمرات الدينيه العالميه, و اتحول اسم تامياتس الى "تاميات" و معناها بالمصريه القديمه الارض الشماليه اللى تنبت الكتان.

مصر بقت فى نص القرن السبعتاشر الميلادى ولايه عربيه خاضعه للحكم العربى ودخل الاسلام ليها , و قام المقداد بن الاسود على ايد جيوش عمرو بن العاص بفتح دمياط و سيطر العرب على منافذ النيل على البحر المتوسط سنه 642 ميلاديا. و بدت دمياط تتقرب للعرب المهاجرين ليها من شبه الجزيره العربيه و رجال الجيش الفاتح, و سما العرب الوجه البحرى اسم (اسفل الارض) و عربو معظم اسماء المدن و بقت (تاميات.. دمياط). و اهل دمياط دخلوا فى الاسلام , و لما جه العرب لمصر كان حاكم دمياط.

فى سنة 1170 ميلاديا وصل الفرنجه دمياط فى الحملات الصليبيه الاولى حاصرو المدينه بر و بحر و بعت صلاح الدين الايوبى اليها الجند عن طريق النيل و مدهم بالسلاح و الذخيره و الفلوس و لما بلغ صلاح الدين قصد الافرنج دمياط استعد ليهم بتجهيز الرجال و جمع الآلات ليها و وعدهم بالامداد بالرجال ان نزلو عليهم و بالغ فى العطايا و الهبات و كان وزير متحكم ما يردش امره فى شيء و بعدين نزل الافرنج عليها و اشتد زحفهم و قتالهم عليها و هوا بيشن عليهم الغارات من برى و العسكر يقاتلهم من جوا فانتصر عليهم فرحلو عنها خايبين فتحرقت مناجيقهم و نهبت آلاتهم و قتل من رجالهم عدد كبير كمان خرج نور الدين من دمشق لقتال الصليبيين اللى اضطرو يرحلو بعد ما غرق ليهم عدد من المراكب و اتفشى بينهم المرض.

فى 30 مايو 1218 ميلاديا وصلت طلائع الحمله الصليبيه التانيه بقيادة جان دى برين امام دمياط و قدرت الحمله تستولى عليها و نجحو لمده 16 شهر, و بعد ما تم الاستيلاء على دمياط و تحصينها اتقدمو لبيوتة جيش الملك الكامل اللى اتجمع قدام المنصوره و كان بيفصل بين الجيشين فرع دمياط و بحر اشمون, و قطع الملك الكامل الطريق بين الفرنجه و دمياط. و شيد تحصينات قويه عليا لنيل و رحل الفرنجه بلادهم و دخل الملك الكامل دمياط و ارسلت البشائر بتحرير دمياط لكل الدول الاسلاميه.

كانت ميناء رئيسى اهتموا به زى الاسكندريه

كانت دمياط يوم ما اتولى محمد على حكم مصر سنة 1805 م, كانت دمياط اهم الثغور المصريه و اعظمها تجاره و عدد سكانها 30 الف, و كانت المستودع الكبير للاصناف زى الارز و انشئت بيها الترع والجسور, كمان عمل بيها مصنع الغزل و النسيج وفى دمياط, تم نفى الزعيم المصرى عمر مكرم ود زار محمد على دمياط سنه 1818 م. و فى ظل الثوره العرابيه و بعد مظاهرة عابدين و تاليف شريف باشا الوزاره الجديده حاول يبعد زعما الثوره العرابيه عن العاصمه فكانت دمياط من نصيب عبد العال حلمى واللى فضل والى على دمياط طول الثوره العرابيه.

بعض من اهم المزارات التاريخيه بدمياط:

• جامع عمرو بن العاص.
• جامع المعينى.
• جامع الحديدى.
• جامع البحر.
• طابيه احمد عرابى^[2][3](بقايا قلعه دمياط وبرجيها) جنب من عزبه البرج.
• بحيره المنزله.
• جزيره راس البر
• تل آثار البراشيه

دمياط بتصمم و بتصنع الاثاث المنزلى من الاخشاب. بتتباع المنتجات مش بس فى جمهوريه مصر العربيه لكن كمان للدول العربيه و الاوروبيه.

كمان بتشتهر بصيد الاسماك و صناعة النسيج و الاحذيه و الحلوى وت عليب السردين و الجمبرى كمان بتشتهر بصناعة الالبان و منها الجبنه الدمياطى اشهر انواع الجبن فى العالم.

و بتشتهر محافظة دمياط عن باقى محافظات مصر فى صناعة الحلويات ومن اهمها المشبكاللى بتشتهر بيه المحافظه و بيشتغل بالصناعه كتير من اهل المحافظه فى الكثير من مصانع الحلويات, و بتصدر المصانع منتجاتها لكتير من الدول العربيه و الدول الاوروبيه زى ايطاليا.

• دمياط: دمياط, راس البر, عزبه البرج
• فارسكور: فارسكور والروضه
• الزرقا: الزرقا والسرو
• كفر سعد: كفر سعد وميت ابو غالب
• كفر البطيخ: كفر البطيخ
• دمياط الجديده

وتتكون المحافظه من 5 مراكز اداريه, و 11 مدينه, و 47 وحده محليه قرويه, و 85 قريه.

شوف لسته مشاهير دمياط

1. 

   على مصطفى مشرفه عالم الرياضيات (اتولد فى مدينه دمياط)
2. محمد فهيم الجندى مؤسس صناعه الاثاث واول من نال شهادات جداره عالميه فى صناعه الاثاث.
3. ضياء الدين داوود عضو مجلس الشعب المصرى اللى فات ورئيس الحزب الناصرى الاسبق.

4. 

   زكى نجيب محمود الفيلسوف الشهير.
5. فاروق شوشه شاعر.
6. طاهر ابو فاشا شاعر.
7. محمد الاسمر شاعر.
8. مصطفى الاسمر قاص وروائى.
9. شوقى ضيف اديب وعالم لغوى مصرى والرئيس اللى فات لمجمع اللغه العربيه بالقاهره.
10. عبد الرحمن بدوى فيلسوف (اتولد بمحافظه دمياط)
11. مدكور ابو العز (فريق اول طيار) قائد القوات الجويه المصريه بعد حرب 1967.
12. محمد سعيد الماحى (فريق) قائد سلاح المدفعيه فى حرب اكتوبر.
13. لواء اركان حرب صالح ابراهيم الحديدى قائد المنطقه الشماليه العسكريه ومدير سلاح المدرعات الاسبق
14. محمد الدسوقى رشدى
15. محمد حسن الزيات (من قريه الناصريه) وزير الخارجيه فى وزاره الحرب المشكله قبل حرب اكتوبر.
16. رزق خليل حبه شيخ عموم المقارئ المصريه
17. رفعت الجمال (الجاسوس المصرى باسرائيل والشهير برافت الهجان).
18. حسب الله الكفراوى (مهندس) وزير الاسكان الاسبق.
19. عبد الرؤف الريدى سفير مصر اللى فات فى الامم المتحده.
20. حسام محمد زقزوق من اشهر واصغر ائمه المساجد فى دمياط
21. عائشه عبد الرحمن بنت الشاطئ.
22. رفعت المحجوب رئيس مجلس الشعب المصرى اللى فات.
23. عصام الحضرى لعيب المنتخب المصرى لكره القدم.
24. محمد الجوادى مؤرخ شهير واستاذ الطب بجامعه الزقازيق (اتولد فى مدينه دمياط)
25. نقولا يوسف صحفى ومؤلف واديب من مواليد دمياط.
26. نجوى شعبان روائيه واديبه من مواليد دمياط.
27. تاج الدين نوفل شاعر و كاتب اسلامى.
28. عبد الجواد ياسين كاتب و مفكر.

اسماء المحافظين بتوع دمياط بالترتيب من الاقدم الى الاحدث

اسم المحافظ	مده تولى المنصب
محمد احمد المنياوى	1972 - 1976
حسب الله الكفراوى	1976 - 1977
عبد الحميد عبد الله مايو	1977 - 1977
محمد عبد الهادى سماحه	1977 - 1978
ابو بكر منصور الجمال	1978 - 1980
عصام راضى مايو	1980 - 1984
احمد جويلى	1984 - 1991
محمود بهى الدين عبد الله	1991 - 1992
محمد عبد الرحيم نافع	1992 - 1996
احمد عبد العزيز سلطان	1996 - 1999
عبد العظيم وزير	1999 - 2004
محمد فتحى البرادعى	2004 - 2011
محمد محمود يوسف	2011 - 2011
محمد على محمد امام فليفل	2011 - 2013
طارق فتح الله خضر	2013 - 2013
محمد عبد اللطيف منصور	2013 - 2015
اسماعيل عبد الحميد طه	2015 - 2018
منال عوض ميخائيل	2018 - لحد دلوقتى

فى محافظه دمياط 9 كليات و 7 معاهد, 19 مركز للتدريب المهنى. و عدد مدارس التعليم اللى قبل الجامعه 657 مدرسه للتعليم السنه منهم بالقطاع الريفى 403 مدرسه بنسبه 61%.

• وفى دمياط 8 كليات تيع جامعه دمياط منها كليه العلوم
• و صدر قرار السيد رئيس الجمهوريه رقم 8 بانشاء جامعه دمياط سنه 2012 فى مدينه دمياط الجديده.

• فى دمياط 49 معهد بالمرحله الابتدائيه الازهريه منهم 16 معهد بالمدن و 33 معهد بالريف
• و 53معهد بالمرحله الاعداديه الازهريه
• و 37معهد بالمرحله الثانويه الازهريه
• ومعهدان بمرحله القراءات فى مدينه دمياط منهم واحد للبنين والتانى للبنات
• و 34 معهد لرياض الاطفال موزعه على مختلف مناطق المحافظه
• ويوجد بردو فرع لجامعه الازهر فى كثير من الكليات زى كليه الطب ومستشفياتها الجامعيه وكليه الدراسات الاسلاميه والعربيه

• دمياط
• دمياط الجديده

• دمياط – صور وتسجيلات صوتيه و مرئيه على ويكيميديا كومونز
• دمياط معرف مخطط فريبيس للمعارف الحره
• دمياط معرف مكتبه الكونجرس (LCAuth)
• دمياط معرف ملف استنادى دولى افتراضى (VIAF)
• دمياط معرف ملف استنادى متكامل

• قوانين الدواوين, الاسعد بن مماتى, تحقيق عزيز سوريال عطيه, مكتبه مدبولى, القاهره - مصر, الطبعه الاولى, 1991م.
• التحفه السنيه باسماء البلاد المصريه, ابن الجيعان, مطبوعات الكتبخانه الخديويه, مطبعه بولاق الاميريه, القاهره - مصر, 1898م.
• القاموس الجغرافى للبلاد المصريه من عهد قدماء المصريين, محمد رمزى, القسم الاول - البلاد المندرسه, الهيئه المصريه للكتاب, 1994م.
• القاموس الجغرافى للبلاد المصريه من عهد قدماء المصريين, محمد رمزى, القسم التانى - البلاد الحاليه, الجزء الاول - المحافظات ومديريات القليوبيه والشرقيه والدقهليه, الهيئه المصريه للكتاب, 1994م.
• القاموس الجغرافى للبلاد المصريه من عهد قدماء المصريين, محمد رمزى, القسم التانى - البلاد الحاليه, الجزء التانى - مديريات الغربيه والمنوفيه والبحيره, الهيئه المصريه للكتاب, 1994م.
• قاموس جغرافى للقطر المصرى, اصدار اداره التعداد, نظاره الماليه المصريه, المطبعه الاميريه ببولاق, سنه 1899م
• قاموس المصطلحات الاقتصاديه فى الحضاره الاسلاميه, محمد عماره, دار الشرق, القاهره - مصر, الطبعه الاولى, 1993م.

لم يتم العثور على روابط لمواقع التواصل الاجتماعي.