Infrastructure tools to support an effective radiation oncology learning health system

Republiek Trinidad en Tobago
Republic of Trinidad and Tobago (Engels)

Vlag Wapen
Nasionale leuse: Together we aspire, Together we achieve (Engels vir: "Saam streef ons, saam bereik ons")
Volkslied: Forged from the Love of Liberty (Engels vir: "Gesmee uit die liefde vir vryheid")
Hoofstad	Port of Spain 10°40′N 61°31′W / 10.667°N 61.517°W / 10.667; -61.517
Grootste stad	San Fernando
Amptelike tale	Engels
Regering • President • Eerste minister	Unitêre parlementêre grondwetlike republiek Christine Kangaloo Keith Rowley
Onafhanklikheid • Onafhanklikheid • Republiek	van die Verenigde Koninkryk 31 Augustus 1962 1 Augustus 1976
Oppervlakte  - Totaal    - Water (%)	5 131 km2  (164ste) 1 981 myl2 feitlik niks
Bevolking  - 2022-skatting  - 2011-sensus  - Digtheid	1 405 646[1] (151ste) 1 328 019[2] 264 / km2 (34ste) 683,8 / myl2
BBP (KKP)  - Totaal  - Per capita	2023-skatting $45,151 miljard[3] (126ste) $31 769[3] (58ste)
BBP (nominaal)  - Totaal  - Per capita	2023-skatting $29,337 miljard[3] (107de) $20 642[3] (47ste)
MOI (2021)	0,810[4] (57ste)  –  baie hoog
Gini (1992)	40,3[5] –  medium
Geldeenheid	Dollar (TTD)
Tydsone  - Somertyd	AST (UTC-4) nie toegepas nie (UTC-4)
Internet-TLD	.tt
Skakelkode	+1-868

Trinidad en Tobago (Engels: Trinidad and Tobago, [ˈtrɪnɪdæd ... təˈbeɪɡoʊ], luister (hulp·inligting); Spaans vir: "drie-eenheid" en "tabak"), amptelik die Republiek Trinidad en Tobago (Republic of Trinidad and Tobago), is 'n eilandstaat in Noord-Amerika met 'n oppervlakte van 5 131 km² en 'n bevolking van 1 405 646 in 2022. Die land bestaan uit twee eilande: Trinidad (4 828 km²) en Tobago (300 km²) wat albei aan die Klein-Antille behoort. Trinidad word deur 'n seestraat van 11 km breed van Venezuela geskei, terwyl Tobago 35 km noordwes van Trinidad geleë is.

Trinidad en Tobago is in die oostelike deel van die Karibiese See op die grens met die Atlantiese Oseaan geleë. Dit is in die noordooste van Venezuela, in die noordweste van Guyana en in die suide van Barbados en Grenada geleë. Trinidad en Tobago is net noord van die Suid-Amerikaanse kus en die Río Orinoco se monding in die Atlantiese Oseaan geleë, maar word weens historiese en kulturele redes as deel van Noord-Amerika beskou. Die hoofstad is Port of Spain en die grootste stad is Chaguanas, albei is op die hoofeiland Trinidad geleë.

Die eilande Trinidad en Tobago is in 1498 deur Christophorus Columbus tydens sy derde reis vir Europa ontdek en ná die Christelike Drie-eenheid, asook tabak genoem. Aansluitend is die eilande deur die Spanjaarde gekoloniseer en by Nieu-Spanje ingelyf. Die inheemse bevolking is uitgeroei en die eilande is met slawe uit Afrika bevolk. Die eilande is op 25 Maart 1802 volgens die Vrede van Amiens tydens die Napoleontiese Oorloë deur Spanje aan die Verenigde Koninkryk afgestaan. Tydens die Britse koloniale bewind is talle Indiërs uit Brits-Indië in Trinidad en Tobago gevestig. Tussen 1958 en 1962 het dit saam met ander Britse kolonies in die Karibiese gebied deel uitgemaak van die Wes-Indiese Federasie.

Op 31 Augustus 1962 het Trinidad en Tobago van die Verenigde Koninkryk onafhanklik geword en op 1 Augustus 1976 'n republiek binne die Britse Statebond. Volgens die bruto binnelandse produk per kapita is Trinidad en Tobago een van die rykste lande van die Amerikas (naas Kanada en die Verenigde State).

Die ekonomie is veral op toerisme en die vervaardiging van hulpbronne soos aardgas en ruolie gebaseer.^[6] Daarbenewens is Trinidad en Tobago vir sy kleurryke karnaval bekend wat die etniese diversiteit van dié land weerspieël.

Hierdie eilande voor die kus van Venezuela is veral aangewese op die inkomste wat uit die ontginning en raffinering van ruolie verkry word, en maak nie staat op landbou soos die meeste ander eilande in die Karibiese gebied nie. Groot nywerheidsontwikkeling het gevolglik in die land plaasgevind, terwyl toerisme ook 'n belangrike bron van buitelandse inkomste is.

Die hoofeiland is grotendeels plat. Daar is drie heuwelgebiede: die Noordelike Reeks, langs die noordkus met Mount Aripo (940 m) as die hoogste punt, die laerliggende Sentrale Reeks in die middel van die eiland (hoogste piek: Mount Tamana, 308 m) en die Trinity-heuwels langs die suidkus.

Geologies gesien is Trinidad ’n voortsetting van die Suid-Amerikaanse vasteland, terwyl Tobago 'n voortsetting van die Venezolaanse kusgebergte en die Noordelike Reeks is. Net die suidwestelike deel van Tobago is plat, terwyl die res deur die hoof berg rug – met Pidgeon Peak (579 m) in die noordooste as die hoogste punt oorheers word. Klein Tobago, voor die ooskus van Tobago, is bekend vir sy paradysvoëls wat van Nieu-Guinee af ingevoer is, terwyl Buccoorif voor die weskus vanweë die mooi en veelsydige seelewe by sportduikers gewild is.

Trinidad se toeristeaantreklikhede bestaan naas die mooi sandstrande uit 'n karnaval en tweejaarlikse Karibiese musiekfees. Trinidad het 'n tropiese klimaat wat gekenmerk word deur 'n bestendige hoë jaartemperatuur, die noordoospassaat en 'n reënseisoen van Junie tot Desember. Tobago se klimaat is koeler, maar albei ei lande lê buite die tropiese sikloonsone.

Krieket is Trinidad en Tobago se gewildste sportsoort. Trinidad en Tobago is een van die eilandstate wat met ander Karibiese state spelers beskikbaar stel vir die Wes-Indiese nasionale krieketspan, een van die "nasionale spanne" in internasionale krieket met toetsstatus. Die Wes-Indiese nasionale krieketspan het aan amper elke krieketwêreldbekertoernooi deelgeneem, die eerste twee toernooie in 1975 en 1979 gewen en slegs die 2023-toernooi misgeloop. Saam met Antigua en Barbuda, Barbados, Grenada, Guyana, Jamaika, St. Kitts en Nevis en St. Lucia het dié eilandstaat die Krieketwêreldbeker 2007 aangebied, wat deur Australië gewen is. Trinidad en Tobago het ook saam met Antigua en Barbuda, Barbados, Guyana, St. Lucia, St. Vincent en die Grenadine en die Verenigde State die T20I-wêreldbeker 2024 aangebied, wat Indië kon beklink.

Algemeen

• (en) "Trinidad and Tobago". Encyclopædia Britannica. Besoek op 21 Maart 2023.
• (en) "Trinidad and Tobago". Central Intelligence Agency. Besoek op 21 Maart 2023.
• Wêreldspektrum, 1982, ISBN 0-908409-68-0, volume 27, bl. 144 – 146

• Wikimedia Commons het meer media in die kategorie Trinidad en Tobago.
• (en) Toerisme-inligting oor Trinidad en Tobago op Wikivoyage