Informatics Educational Institutions & Programs

Barrtré
Tímabil steingervinga: Moscovian til nútíma
Barrskógar geta þakið stór svæði þrátt fyrir að vera með fáar tegundir, svo sem þessi í Fossafjöllum í vesturhluta Norður-Ameríku.
Barrskógar geta þakið stór svæði þrátt fyrir að vera með fáar tegundir, svo sem þessi í Fossafjöllum í vesturhluta Norður-Ameríku.
Vísindaleg flokkun
Veldi: Heilkjörnungar (Eukaryota)
Ríki: Jurtaríki (Plantae)
Fylking: Berfrævingar (Pinophyta)
Flokkur: Pinopsida
Ættir og undirættir
Samheiti
  • Coniferophyta
  • Coniferae

Barrtré eru plöntur af ætt berfrævinga (Pinophyta). Flest eru þau sígræn.

Barrskógabeltið eða taiga á erlendum málum, þekur stórt svæði á norðurhveli jarðar, aðallega í Rússlandi og Kanada. Tiltölulega fáar tegundir trjágróðurs þekja mikil svæði í norðlægum barrskógum. Þær eru af fjórum meginættkvíslum; lerki (Larix), greni (Picea), þinur (Abies) og fura (Pinus). Í Norður-Ameríku eru tvær tegundir af þin og tvær tegundir af greni ríkjandi en í Skandinavíu og vestur Rússlandi er skógarfuran (Pinus sylvestris) afar útbreidd. [1]

Stærsta tré í heimi, fjallarauðviðurinn (Sequoiadendron giganteum, áður þekkt sem risafura) er barrtré og einnig það hæsta; strandrauðviður (Sequoia sempervivens).[2]

Lýsing

Barrtré hafa löng og mjó, nálarlaga eða hreisturlaga laufblöð sem eru kölluð barr. Barrið er í raun upprúlluð laufblöð. Flest barrtré vaxa meira upp en til hliðar og eru því oft eins og keila í laginu. Barrtré þurfa ekki eins mikið vatn og lauftré og geta því vaxið þar sem lauftré þrífast ekki. Sumt barr hefur vaxkennda húð á yfirborðinu sem verndar það.

Barr inniheldur líka ýmis efni sem virka eins og frostlögur. Það þolir því vel kulda og flest barrtré halda því barrinu á veturna. Trén eru þess vegna græn á litinn allan ársins hring. Margar mismunandi gerðir eru til af barrtrjám.[3]

Á Íslandi eru fura, greni og lerki algengust. Lerki er sérstakt af því að það fellir barrið á haustin. Eina upprunalega barrtréð eftir síðustu ísöld á Íslandi er einir sem, ólíkt flestum öðrum barrtrjám, myndar ekki alvöru köngla. Ýmsar tegundir hafa verið reyndar í skógrækt.[4]

Listi barrtrjáa sem ræktuð hafa verið á Íslandi

(Listinn er ekki tæmandi)

[5]

Tengt efni

Lauftré

Tilvísanir

  1. ↑ http://www.visindavefur.is/svar.php?id=51435
  2. ↑ http://www.visindavefur.is/svar.php?id=676
  3. ↑ „Geymd eintak“. Afrit af upprunalegu geymt þann 5. mars 2016. Sótt 5. desember 2018.
  4. ↑ „Geymd eintak“. Afrit af upprunalegu geymt þann 24. janúar 2018. Sótt 5. desember 2018.
  5. ↑ „Geymd eintak“. Afrit af upprunalegu geymt þann 24. janúar 2018. Sótt 5. desember 2018.
source: https://is.wikipedia.org/wiki/Barrtr%C3%A9