Informatics Educational Institutions & Programs
Auersicht
![]() |
Eidergus | ||||||||||||
---|---|---|---|---|---|---|---|---|---|---|---|---|
![]() Ütjwoksen eiderges (Somateria mollissima), suart-witj a mantje, at wiiftje as brün.
![]() | ||||||||||||
Süstemaatik | ||||||||||||
| ||||||||||||
Wedenskapelk nööm | ||||||||||||
Somateria mollissima | ||||||||||||
(Linnaeus, 1758) |
At Eidergus (Somateria mollissima) as en fögelslach an hiart tu a anen (Anatidae). Sodenang as di nööm 'gus' ferkiard.
Slacher
Am onerskääst sääks onerslacher:
- Somateria mollissima mollissima uun Nuurdwaasteuroopa.
- S. m. faeroeensis üüb a Färöer eilunen.
- S. m. borealis uun a Nuurdatlantik.
- S. m. dresseri faan Labrador bit Maine.
- S. m. sedentaria uun a Hudson Bay.
- S. m. v-nigrum uun a Nuurdpasiifik.
![](https://upload.wikimedia.org/wikipedia/commons/thumb/5/50/Somateria_mollissima_dis.png/292px-Somateria_mollissima_dis.png)
█ stunfögel █ wonter-regiuunen ██ bräät-regiuunen
Nöömer
Di nööm komt faan't islunsk wurd æðr[1] an hää niks mä a Eiderstruum tu dun.
Fering- Öömrang |
Sölring | Halunder | Halag- fresk |
* | Mooring | Wiiding- hiirder |
Kar- hiirder |
Goos- hiirder |
* | Seeltersk | * | Frysk |
Eidergus Greens An Hurnneeb(fe.) Hurnnääb(öö.) |
Eideren Greenlöns En |
. | . | * | Hornneeb Gräinlönjsch |
. | . | . | * | . | * | Eider |
Ütjsen
![](https://upload.wikimedia.org/wikipedia/commons/thumb/5/5c/Eider.a.duvet4.jpg/220px-Eider.a.duvet4.jpg)
![](https://upload.wikimedia.org/wikipedia/commons/thumb/0/05/Somateria_mollissima_-_Common-Eider.jpg/220px-Somateria_mollissima_-_Common-Eider.jpg)
![](https://upload.wikimedia.org/wikipedia/commons/thumb/7/79/Somateria_mollissima_MHNT.ZOO.2010.11.26.1.jpg/220px-Somateria_mollissima_MHNT.ZOO.2010.11.26.1.jpg)
Eiderges san am 58 cm lung an sodenang en betj grater üs wil anen. Jo weeg 2,2 kg. A mantjin wurd ääler, grater an swaarer üs a wiifkin. Uun ääg as det an losag, swäämt an dükt oober gud. At nääb as üübfaalen grat an huuch, an gans föör as en letj hurn, diar komt a nööm hurnnääb faan.
A wörd as auer a rag an a brast witj. Bük, jügen an stört san suart. A nääk as laachtgreen, an at boowerhood as suart. At wiifke as güülbrün mä suart strimler. Jongfögler like a wiifkin, san oober en betj jonker an haa ei sok stark strimler.
Leewent
Eiderges lewe uun sköölen. Jo freed sneken, kraaben an heesen. Bit 6 m jip kön's dük an diarbi ian minüüt oner weeder bliiw. A heesen wurd hial deelslonken an do uun a maag uunstaken trakt. A klian grünjen skaalen wurd weder ütjspeid, an jo letj blä-grä-witj bonker lei do aueraal bi strun.
A anen warep uun April sjauer bit sääks green-grä aier an bräät 25 bit 26 daar. Wan jo det nääst ans ferläät, wurd a aier mä dünen tudobet. A wörder teew ei, bit a jöönkin ufkem, an fersaamle jo tu hör geerels uun grat sköölen. A anen bliiw 65 bit 75 daar bi a jongfögler. Am a enken beeder skül föör kuben tu dun, slütj fiiw bit tjiin anen jo mä hör jöönkin tu sköölen tuup.
Dünen
Fööraal üüb Islun wurd eiderdünen ufsaamelt, redet an för baadtjüch brükt.
Ferwisang efter bütjen
![Commons](https://upload.wikimedia.org/wikipedia/commons/thumb/4/4a/Commons-logo.svg/14px-Commons-logo.svg.png)
![Wikispecies](https://upload.wikimedia.org/wikipedia/commons/thumb/d/df/Wikispecies-logo.svg/16px-Wikispecies-logo.svg.png)
Futnuuten
- ↑ Kluge, Etymologisches Wörterbuch, -> "Eider"