Informatics Educational Institutions & Programs
Isi
Pamakai siluman (basa Inggris: sockpuppet) adalah akun tambahan nang dipakai uleh saurang pamakai nang mambabak Wikipidia awan mamakai labih dari satu akun. Maksud daripada pemakaian "pamakai siluman" ni biasanya agar kada dipinandui uleh pamakai lain. Kadida manfaat pusitif dari pamakaian "pamakai siluman". Walaupun kadida jua haturan khusus nang malarang pamakai siluman; tapi pamakaian "pamakai siluman" sangat kada dianjurkan.
Model
Model pamakaian pamakai siluman nang paling umum, nang akan mandapatkan sanksi pemblokiran salamanya:
- Maulah satu/labih akun hanyar gasan mahindari deteksi, mahindari pamblokiran (akun utama tablokir), atawa sajanisnya.
- Maulah satu/labih akun hanyar gasan spam, vandal, harrassing (mengganggu), penganvasan (iklan), atawa sajanisnya.
- Maulah satu/lebih akun hanyar gasan mambariakan suara dalam pamilihan, paambilan suara, atawa paambilan kaputusan (satu urang satu suara, lain satu hakun satu suara).
- Mamakai akun pamakai lain gasan tujuan apa pun (piggybacking) kada baizin dan/atawa tanpa satahu pamakai Wikipidia Basa Banjar nang lain. Hal ini kawa jua ditumbungakan sajadi membajak akun.
- Mahidupkan lagi akun nang kada aktif (kadang-kadang sajadi sleepers) dan manampaiakan inya sajadi pamakai nang lain.
Pamakai siluman kada diterima di babarapa prosés nang kaya paambilan suara.
Akun tambahan nang dibolehakan
Nang lainan pamakai siluman nang harus diinvistigasi:
- Bot. Oparator bot harus manyatakan bahawa bot itu ampunnya. Bot atawa ngaran pamakai mangandung kata "bot" nang kada baisi oparator, atawa lainan bot, kawa diblokir uleh pambakal. (Itihi Wikipidia:Bot)
- Maulah akun hanyar karena nang lawas kada kawa diakses (lupa kata sandi dan/atawa alamat surel, atawa dibajak, wan sajanisnya).
- Ganti ngaran pamakai, atawa akun lawas ang sudah dinyatakan kada aktif lagi karana masalah privasi, wan maulah akun hanyar.
- Akun altérnatif. Ada babarapa kaadaan nang maharuskan saurang baisi labih dari satu akun, khususnya para pamakai nang taafiliasi jua awan Wikimedia Foundation wan cabang-cabangnya.
- Alasan teknis, atawa akun-akun teknis.
Akun-akun saparti di atas, awan akun-akun siluman nang kada disalahgunaakan gasan kagiatan nang marusak, kada usah dilakukan investigasi maupun dilaporkan ka pamariksa. Harap mambarikan klarifikasi di halaman pamakai bahawa akun-akun tasabut bujur-bujur kada disalahgunaakan awan alasan atawa tujuan apapun.
Satiap laporan harus disartai awan bukti-bukti panyalahgunaan gasan ditindaklanjuti uleh pamariksa. Tanpa bukti-bukti, pamariksaan kada akan dilakukan.
Investigasi
Amun pian curiga ada pamakai yang mamakai akun siluman, pian kawa malaporkannya di Wikipidia:Investigasi pamakai siluman atawa Wikipidia:Warung Kupi.
Citakan
- {{pamakai siluman}}, gasan ditempelkan di laman pamakai nang dicurigai sajadi pamakai siluman.
- {{baisi akun siluman}}, dipasang di laman pamakai pangandali akun siluman.
- {{anonim siluman}}, dipasang di laman pamakai anonim nang dicurigai sama awan anonim lain.