Informatics Educational Institutions & Programs

	Escocia; Alba; Scotland
(En detalle)	(En detalle)
	Lema nacional: In My Defens God Me Defend; (anglés; En a mía esfensa Dios m'esfiende)
	Himno nacional: Cuantos himnos
	Situación de Escocia
Capital; • Población	Edimburgo; 524.930
Mayor ciudat	Glasgow
Idiomas oficials	Anglés, gaelico escocés, escocés
Forma de gubierno Reina; Primer ministro; Primer ministro d'o R.U.	Monarquía constitucional ; Carlos III d'o Reino Uniu; Humza Yousaf; Keir Starmer
Establimiento	13 de febrero de 858
Superficie; • Total	Posición º; 78.782 km²
Población; • Total (2019); • Densidat	Posición º; 5.463.300; 69,35 hab/km²
PIB (PPA); • Total (2019); • PIB per capita	Posición º; EUR€ 187.392.030.000; EUR€ 34.300
Moneda	Libra esterlina (£, GBP); Libra escocesa
Chentilicio	Escocés/a
Zona horaria ; • en Verano	UTC ; UTC+1
Dominio d'Internet	.uk
Codigo telefonico	++44
Prefixo radiofonico
Codigo ISO
	Miembro de: Reino Uniu

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Escocia (en gaelico escocés Alba, en anglés Scotland) ye una nación d'o norueste d'Europa y un d'os cuatro países constituyents d'o Reino Uniu. Ocupa o tercio norte d'a isla de Gran Bretanya y muga a lo sud con Anglaterra. Ye rodiata por o mar d'o Norte a l'este, l'oceano Atlantico a lo norte y l'ueste, y a canal d'o Norte y o mar d'Irlanda a lo sudueste. Antimás d'a parti prencipal d'o suyo territorio bi ha alto u baixo 790 chicotas islas en Escocia.

Edimburgo ye a capital d'o país y a segunda ciudat mas gran, estando un d'os mayors puestos financieros d'Europa. A mayor ciudat d'Escocia ye Glasgow que reculle en a suya aria metropolitana, dita o Gran Glasgow (en anglés Greater Glasgow) o 40% d'a población total d'Escocia. En as auguas escocesas de l'Atlantico Norte y o mar d'o Norte se troban as mayors as mayor reservas de petrolio d'a Unión Europea

O Reino d'Escocia estió un estau independient dica l'1 de mayo de 1707 cuan con os Actos d'Unión (a tamas d'as grans protestas que hi habió en toda Escocia) s'unió con o Reino d'Anglaterra ta creyar o Reino de Gran Bretanya. Sindembargo, Escocia continó mantenendo o suyo propio sistema churidico, esferenciau d'os sistemas d'Anglaterra, Galas y d'Irlanda d'o Norte. Dende o sieglo XIX renaixió un fuerte sentimiento nacionalista, que actualment ye representato por o partiu independentista Scottish National Party (Partiu Nacional d'Escocia), vencedor por mayoría simpla en as eleccions de 2007 t'o Parlamento d'Escocia y por mayoría absoluta en as eleccions d'o 5 de mayo de 2011,^[2] a primera vegata que un partiu plega a tener una mayoría aboluta en o Parlamento.

Cheografía

Anque Escocia siga un país relativament chicot, ya que ocupa una superficie de 78.772 km², poseye una cheografía mui variata, que abraca dende as lowlands rurals a las highlands deserticas, o d'as grans ciudaz a las chicotas islas completament deshabitatas.

Os principals archipelagos d'Escocia son as Islas Shetland, as Islas Orcadas y as Hebridas.

Divisions administrativas

Ta más detalles, veyer l'articlo Organización administrativa d'Escociaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O territorio escocés se divide en 32 concellos (council areas en anglés, chomhairle en gaelico escocés:

Escudo d'armas	Concello	Capital	Población^[3]	Electors^[4]	Superficie (km²)^[5]	Densidat (por km²)
	Glasgow	Glasgow	635.130	465.164	174,6	3.637
	Edimburgo	Edimburgo	526.470	397.692	263,4	1.999
	Fife	Glenrothes	374.730	286.126	1.325	283
	Lanarkshire d'o Norte	Motherwell	341.400	262.926	470	726
	Lanarkshire d'o Sud	Hamilton	322.630	255.924	1.772	182
-	Aberdeenshire	Aberdeen	262.690	205.775	6.313	42
	Highland	Inverness	238.060	187.428	25.653	9
	Aberdeen	Aberdeen	227.430	168.191	185,6	1.226
	Lothian de l'Ueste	Livingston	185.580	145.310	427,7	434
	Renfrewshire	Paisley	179.940	141.027	261,5	688
	Falkirk	Falkirk	160.700	125.525	297,1	541
	Perth y Kinross	Perth	153.810	119.961	5.286	29
	Dumfries y Galloway	Dumfries	148.790	116,713	6.426	23
	Dundee	Dundee	147.720	112.050	59,8	2.470
	Ayrshire d'o Norte	Irvine	134.220	110.043	885,3	152
	Ayrshire de l'Este	Kilmarnock	122.020	97.920	1.262	97
	Angus	Forfar	116.120	91.416	2.181	53
	Scottish Borders	Newtown St Boswells	116.020	93.067	4.732	25
	Ayrshire d'o Sud	Ayr	112.450	92.888	1.222	92
	Dunbartonshire de l'Este	Kirkintilloch	108.900	88.870	174,5	624
	Lothian de l'Este	Haddington	109.580	87.919	679,2	161
	Moray	Elgin	96.410	74.641	2.238	43
-	Renfrewshire de l'Este	Giffnock	96.580	73.583	174,2	554
	Concello de Stirling	Stirling	93.470	70.977	2.186	43
	Midlothian	Dalkeith	94.680	75.401	353,70	268
	Dunbartonshire de l'Ueste	Dumbarton	87.790	70.219	156,8	553
	Argyll y Bute	Lochgilphead	86.220	70.247	6.907	12
	Inverclyde	Greenock	76.700	60.632	160,4	478
	Clackmannanshire	Alloa	51.540	40.228	159,2	324
	Comhairle nan Eilean Siar	Stornoway	26.640	21.626	3.056	9
	Islas Shetland	Lerwick	22.940	18.059	1.467	16
	Islas Orkney	Kirkwall	22.540	17.669	990,5	23

Municipios mas poblaus

Puesto	Localidat	Población
1	Glasgow	632,350
2	Edinburgh	506,520
3	Aberdeen	198,590
4	Dundee	148,210
5	Paisley	77,270
6	East Kilbride	75,310
7	Livingston	56,840
8	Dunfermline	54,990
9	Hamilton	54,480
10	Cumbernauld	50,530

Luengas

A luenga oficial ye l'anglés anque en bellas zonas d'o norte y l'ueste se conserva o gaelico y l'anglico escocés.

Toponimia

Escocia prene nombre d'os escoz, piratas irlandeses. En fuents medievals aragonesas no bi ha guaires mencions a Escocia. Una mención la trobamos en o primer libro d'a "Grant Cronica d'Espanya", compilación historica de Chuan Ferrández d'Heredia:

Et bruto hauia conocido carnalme(n)t / ignoge(n) muller suya. & hauia enge(n)drados .iij. nobles fijos clamados / lotrin / albanacto. & kamber. Et ap(re)s de .xx. & .iiijo. anyos que Bruto fue arribado enla ysla murio. Et sot(er)raron lo sus fijos dentro la Ciudat que hauia hedificada / & departiero(n) ent(r)e si el Regno Locrin qui era primogenito / possidio la meitat d(e)la ysla que despues fue dicha por su no(m)bre loegria. Kamber possedio aq(ue)lla partida qui es ultra el Rio de sabrin qui agora es clamada Gaulia / la q(u)al gra(n)t tiempo apres fue dicha kambria porel nombre de kamber por que encara la ge(n)t de aq(ue)lla tierra en le(n)gua bretanica le dizen kambro. mas albanacto qui era(^s) mas iouen possidio la tierra qui en n(uest)ro tiempo es clamada scocia / Emp(er)o grant t(iem)po fue dicha albania / porel nombre de albanacto

Cultura

Simbolos nacionals

A bandera d'Escocia, con a cruz de Sant Andreu.
O estandart reyal d'Escocia.
L'unicorni ye usato a vegatas como un simbolo heraldico d'Escocia.
William Wallace, l'heroe nacional d'Escocia y líder en as Guerras Escocesas d'Independencia.
O día de Sant Andreu.

Cocina d'Escocia

A cocina d'Escocia comparte muitos platos con a cocina anglesa pero tien unos atributos distintivos así como recetas propias, gracias, belunas d'ellas, a las influencias antigas estrancheras en comparación con as cocinas locals. Os platos consideratos tradicionals han estau, a vegatas, trayitos antigament por atros pueblos.

Literatura d'Escocia

A literatura d'Escocia incluye todas as obras redactatas por autors escoceses, ya siga en latín, francés, anglés, gaelico escocés u scots, dende os primers documentos dica l'actualidat.

Enantes d'a cheneralización d'o gaelico escocés y de l'anglico escocés, en o sud d'Escocia bi heba pueblos celtas que parlaban luengas britonicas en continuidat con os que bi heba en o norte de l'actual Anglaterra. Asinas, gran parte de l'antiga literatura galesa fue composata en l'actual Escocia u cerca d'ella.

Relichión en Escocia

Escocia, como a resta d'as nacions europeas, ye tradicionalment cristiana con un 70% de personas que profesan ista relichión. A Ilesia d'Escocia, tamién conoixita como The Kirk, ye reconoixita por a lei como a ilesia nacional d'Escocia y ye independient d'o estau en materias espirituals.