Histopathology image classification: Highlighting the gap between manual analysis and AI automation

De tiende iew waor 'n iew in de christeleke jaortèlling. 't Is de lèste iew vaan 't ierste millennium. In de Europese historie is 't ouch de lèste iew vaan de vreug middeliewe; de iewe dao-op zal ziech de fedaol orde oontwikkele die de hoeg middeliewe kinmerk. D'n islamitische wereld bereik mesjiens wel häöre groetste bleuj.

Groete gebäörtenisse

907: Mèt 't aofzètte vaan keizer Ai kump e definitief ind aon de Tang-dynastie. Begin Vief dynastieë en tien keuninkrieke; 'nen tied boe-in China hopeloes verdeild raak.
922: Graof Dirk II krijg de kèrk vaan Egmond in lien vaan keizer Sjarel de Sumpele en verluf die kèrk tot abdij.
924: 't Keuninkriek Asturië verlègk, nao de hereuveringe vaan de veuregen iew, zien residentie nao de stad León; me geit spreke vaan 't keuninkriek León.
929: Emir Abd ar-Rahman III liet ziech oetrope tot kalief en stiech 't Kalifaot vaan Córdoba. Heer zèt 't Iberisch sjiereiland daomèt boete de res vaan d'n islamitische wereld.
985: Graof Dirk II krijg diverse lan die 'r in lien heet in definitief bezit. Vörming graofsjap Holland.
987: Nao de kinderloezen doed vaan Lowie de Niksdoener, lèste vaan de Karolinge, weurt Hugo Capet tot keuning vaan Fraankriek gekoze. Begin vaan de regering vaan de Capetinge.
987: Ah Mekat Tutul Xiu begint aon zien vereuveringscampagne in Yucatán die oetindelek in de Boond vaan Mayapan zal rizzeltere.
979: De Song-dynastie bringk gans China weer oonder eine keizer.
1000: De bevolking vaan Iesland beslut oet eige beweging christelek te weure.

936: Abd ar-Rahman beveult de bouw vaan Medinat az-Zahra, 'n peleisstad bij Córdoba.
980: 't Winchester Tropebook weurt biejeingebrach. Hei-in stoon väöl vaan de ierste organa (miestummege gezaange).
ca. 975: terminus post quem veur 't Beowulf-manuscrip. 't Verhaol kin väöl awwer zien en is mesjiens oraol euvergelieverd.