FAIR and interactive data graphics from a scientific knowledge graph

Questa pagina è scritta en puter.

Arthur Schopenhauer (* 22 da favrer 1788 a Danzig; † 21 da settember 1860 a Francfurt al Main) d'eira ün filosof, scriptur e magister da scoul'ota in Germania.

La doctrina da Schopenhauer es caracteriseda d'ün voluntarissem. Que voul dir cha la vöglia giuva üna rolla decisiva in sia incletta dal muond e na la radschun. Sia filosofia d'eira magari independenta e vain nomneda pel solit scu idealissem subjectiv. Schopenhauer svess vezzaiva a se svess scu il scolar il pü consequent dad Immanuel Kant.

In reguard al umaun d'eira Schopenhauer da l'avis cha'l pessimissem saja la posiziun la pü adatteda per incleger l'esser inandret. L'egoissem dominescha a l'umaun. Be la cumpaschiun po güder our almain parzielmaing.

• Die Welt als Wille und Vorstellung. (= Il muond scu volunted ed imaginaziun), il prüm tom, 1819; seguond tom, schlargio 1844; terza ediziun, revaisa e fich schlargeda 1859 (il cudesch digitaliso sün Google Books)

„Cumpaschiun cullas bes-chas tuocha insembel cun la bunted dal caracter telmaing cha's suos-cha pretender cun tschertezza, cha quel chi'd es crudel vers bes-chas, nu po esser ingün umaun bun."^[1]

• Las ouvras da Schopenhauer i'l proget Gutenberg

1. ↑ Grundlage der Moral (= fundamaint da morela), §19