FAIR and interactive data graphics from a scientific knowledge graph

Anguilla

(Flagg) (Wapen)
Wahlspröök: Each Endeavouring, All Achieving (engl. „Jeedeen strengt sik an, all kaamt se an“)
Natschonalhymne: God Save the King
Hööftstadt	The Valley 18° 13′ N, 63° 3′ W
Gröttste Stadt
Amtsspraak	Engelsch
Regeren König Baas vun de Regeerung	Brittsche Överseekuntrei vun dat Vereenigte Königriek Charles III. Hubert Hughes
Grött  • Allens  • Water (%)	96 km² ? %
Inwahnertall  • 2009 afschätzt  • Inwahnerdicht	14.436 (Stand Juli 2009) 129,9/km²
Geldsoort	1 Oostkaribischen Dollar = 100 Cents ([[ISO 4217|]])
BBP	$ () $ je Kopp
Tietzoon	UTC (UTC-4)
Internet-TLD	.ai
ISO 3166	AI
Vörwahl	++1 (264) kiek bi NANP

Anguilla is een britische Insel in de Karibik. Se höört to de Lüttjen Antillen un is en Deel vun de Brittschen Överseekuntreien.

Anguilla is wohrschienlich vun de Tied um 1300 v. Chr. an bewahnt dör de Kariben. De öllsten Överreste vun en Siedlung stammt ut dat Johr 600 n. Chr. Dat gifft Lüde, de meent, Christoph Kolumbus harr dat Eiland 1493 funnen, man wiss is, datt de Franzoos Pierre Laudonnaire 1565 dor henfohrt is.

De eerste Kolonialmacht ut Europa, de datt up Anguilla afsehn harr, weer de Republiek vun de Söven Vereenigten Nedderlannen. De West-Indische Compagnie güng 1631 bi un hett dor en lüttjet Fort boot. De Spaniers hett de Insel 1633 erovert un dat Fort to Dutt maakt. De Hollänners hefft de Steene denn bruukt, um en anner Fort up dat Nabereiland Sint Maarten up Schick to bringen. Vun düt ole nedderlannsche Fort sünd hüdigendags keen Sporen mehr to finnen un numms weet, wo dat mol legen hett.

1650 sünd Kolonisten ut dat Königriek England vun St. Kitts her röverkamen un hefft sik dor ansiedelt. Se hefft Mais un Tabak anplant. 1656 sünd se avers verdreven wurrn vun de Kariben un 1666 hett Frankriek dat Eiland besett. Een Johr later, 1667, is dat Eiland mit den Freden vun Breda wedder brittsch wurrn. Man dat is doch keen Freden twuschen de Britten un de Franzosen wurrn. So hefft de Britten twuschen 1744 un 1744 den franzöös’schen Deel vun Sint Maarten vun Anguilla ut besett’.

De Britten wollen up dat Eiland en Reeg vun Plantagen inrichten. Dor hefft se denn allerhand Slaven för ut Afrika inföhrt. Man vunwegen dat ungünstige Klima is ut de Planteree nix wurrn. Nadem de Slaveree in dat Slavery Abolition Act vun 1834 afschafft wurrn is, sünd de meisten Planters wedder torüchgahn na Europa un hefft sik um de vörmoligen Slaven nich mehr scheert. De Tahl vun Inwahners is denn afsackt vun 10.000 up 2.000.

Toeerst hett de Kolonie as en Deel to Antigua tohöört, man denn is se unner de Verwaltung vun St. Kitts in de Kolonie Saint Christopher, Nevis un Anguilla unnerbrocht wurrn. Düsse Konföderatschoon kreeg an’n 27. Februar 1967 en egene Regeerung. Man de Inwahners vun Anguilla föhlen sik achteran stellt un hefft dat denn up Unafhängigkeit afsehn. So geev dat 1967 up dat Eiland keen Plaster- oder Asphaltstraten, keen Stroom, keen Telefoon, keen Drinkwater un keen Habenanlagen.

An’n 11. Juli 1967 is en Referendum afholen wurrn över de Unafhängigkeit. 1813 Inwahners hefft dor för stimmt un bloß man 5 dor gegen. De Britten hefft avers nich mitmaakt. Denn is en Twuschentied-Regeerung inricht’ wurrn un Anguilla kreeg för een Johr to’n Deel en egene Regeerung. 1969 is en tweet Mol afstimmt wurrn. 4 Inwahners hefft dor för stimmt, in de Konföderatschoon mit St. Christopher un Nevis torüch to gahn un 1739 weern dor gegen. Foorts is denn de Unafhängigkeit vun dat Eiland utropen wurrn. Man an’n 19. Määrt al hefft 400 brittsche Fallschirmjägers de ole Ordnung wedder herstellt. Vun dor af an weer Anguilla De facto en Kolonie för sik. Amenne is Anguilla an’n 19. Dezember 1980 denn doch offiziell afscheedt wurrn vun St. Christopher un Nevis un is en egene Kolonie vun dat Vereenigte Königriek wurrn.

Vun 1980 af an hett Anguilla so en egen Regeerung. Hööft vun den Staat is de brittsche Königin Elisabeth II.. Se warrt vertreden dör ehrn Gouverneur. De Regeerung besteiht in’n Momang ut twee Parteien: Anguilla National Alliance un de Anguilla Democratic Party. De Baas vun de Regeerung is de Premierminister.

• Gouverneur: Alistair Harrison
• Premier: Osbourne Fleming

Anguilla liggt in’n Osten vun Puerto Rico un de Jumferninseln, nöördlich vun Sint Maarten un höört to de Lüttjen Antillen mit to. Dat Eiland is man platt un dor wasst nich veel Planten up, vunwegen dat de Grund schraa is. Rund um dat Eiland to liggt noch en paar Eilannen. De meisten vun jem sünd man lüttj un numms wahnt up jem. Bekannt dünd düsse:

• Anguillita
• Dog Island
• Prickly Pear Cays
• Sandy Island
• Scrub Island
• Seal Island
• Sombrero (ok woll: Hat Island)

• Websteed vun de Regeerung vun Anguilla
• Anguilla sien Amt för Frömmenverkehr
• The Anguillian Newspaper

Landsdelen un Överseekuntreien vun dat Vereenigte Königriek un Kroonbesitt vun de britsche Kroon

Landsdelen: England | Noordirland | Schottland | Wales |

Britsche Överseekuntreien: Anguilla | Bermuda | Britsche Jumferninseln | Britsch Antarktis-Territorium | Britsch Territorium in’n Indischen Ozean | Falklandinseln | Gibraltar | Kaimaninseln | Montserrat | Pitcairninseln | Souveräne Militärbasen Akrotiri un Dekelia | St. Helena, Ascension un Tristan da Cunha | Süüdgeorgien un de Süüdlichen Sandwichinseln | Turks- un Caicosinseln

Kroonbesitt: Guernsey | Jersey | Man