FAIR and interactive data graphics from a scientific knowledge graph

Árið 1616 (MDCXVI í rómverskum tölum) var sextánda ár 17. aldar og hlaupár sem hófst á föstudegi samkvæmt gregoríska tímatalinu en mánudegi samkvæmt júlíska tímatalinu sem er tíu dögum á eftir.

Atburðir

11. mars - Galileo Galilei hitti Pál 5. páfa í eigin persónu og ræddi við hann um afstöðu hans til sólkerfisins.
3. maí - Loudun-sáttmálinn batt endi á röð uppþota húgenotta gegn Frakkakonungi.
Ágúst - Tokugawa-veldið í Japan lagði bann við verslun og heimsóknum útlendinga annars staðar en í hafnarborgunum Nagasaki og Hirado.

Reykjavík var seld konungi og varð konungsjörð þar til hún var seld Innréttingunum árið 1752.
Kolbeinsey var fyrst mæld og sögð vera 100 metra breið og 700 metra löng.
Bókin De revolutionibus eftir Nikulás Kóperníkus var sett á bannlista kaþólsku kirkjunnar.
Styrjöld braust út milli Feneyja og Austurríkis vegna ránsferða úskoka frá Króatíu.
Byggingu Bláu moskunnar í Konstantínópel lauk.
Svissneski vörðurinn varð hluti af lífverði Loðvíks 13. Frakkakonungs.
Ngawang Namgyal flúði frá Tíbet og stofnaði fyrsta klaustrið í Bútan.