FAIR and interactive data graphics from a scientific knowledge graph
 անգլ.՝ Rene Russo | |
|---|---|
 Ռուսսոն 2011 թվականին | |
| Ծնվել է | փետրվարի 17, 1954[1][2][3] (70 տարեկան) |
| Ծննդավայր | Բըրբանք, Կալիֆոռնիա, ԱՄՆ[4] |
| Կրթություն | John Burroughs High School? |
| Քաղաքացիություն |  ԱՄՆ |
| Մասնագիտություն | դերասանուհի, մոդել, հեռուստատեսային դերասանուհի, կինոդերասանուհի և կինոպրոդյուսեր |
| Ամուսին(ներ) | Դեն Գիլրոյ |
| Երեխա(ներ) | Rose Gilroy? |
Ռենե Ռուսսո (անգլ.՝ Rene Russo, փետրվարի 17, 1954[1][2][3], Բըրբանք, Կալիֆոռնիա, ԱՄՆ[4]), ամերիկացի դերասանուհի և մոդել։
Կյանք և կարիերա
Ռենե Ռուսսոն ծնվել է Կալիֆոռնիա նահանգի Բըրբանք քաղաքում։ Նա սովորել է Բերրոուզ միջնակարգ դպրոցում։ Քանի որ Ռուսսոյի մայրը նրան և իր քրոջը միայնակ է պահել ու մեծացրել, այդ իսկ պատճառով նա պատանի հասակից սկսել է աշխատել։ 1972 թվականին նա սկսեց իր կարիերան միայնակ։ Հետագայում դարձավ ամենագեղեցիկ մոդելներից մեկը և սկսեց նկարահանվել Vogu և Harper’s Bazaar ամսագրերի էջերում[5]։
Ութսունական թվականների կեսերին Ռուսսոն սկսեց հետաքրքրվել դերասանական աշխատանքով և շուտով ստացավ գլխավոր դեր «Սեյբլ» սերիալում։
Այդ դերը նրան բերեց մեծ էկրաններում հայտնվելու հնարավորություն և 1989 թվականին նա նկարահանվել է «Բարձրագույն լիգա» ֆիլմում, որպես գլխավոր դերասանի ընկերուհի։ Դրանից հետո նա նկարահանվել է «Պարոն ճակատագիր» ֆիլմում Ջեյմս Բելուշիի հետ և «Լավ ոստիկան» ֆիլմում Մայքլ Կիտոնի հետ։
1990-ական թվականներին Ռուսսոն հասավ մեծ հաջողությունների շնորհիվ իր գլխավոր դերերի՝ «Կրակի լարի վրա» Կլինտ Իստվուդի հետ, «Համաճարակ» Դալստին Հոֆֆմանի հետ, «Հետգնում» Մելոմ Գիբսոնի հետ, ինչպես նաև «Վերցնել կարտոֆիլը» ֆիլմում։ Նա նաև մեծ հաջողությունների հասավ 1999 թվականի «Թոմաս Կրաունի գործը» ֆիլմում, որտեղ խաղալով գլխավոր դեր ստացավ հինգ միլիոն դոլար։ Որոշ ժամանակ հետո նա սկսեց նկարահանվել էրոտիկ ֆիլմերում Պիրսոն Բրոսնանի հետ։
2000 թվականին Ռուսսոն նկարահանվեց մի ձախողված կատակերգրական ֆիլմում՝ «Ռոկկիի և Բուլվլինկլայի արկածները», որից հետո նկարահանվեց ևս երկու անհաջող ֆիլմերում «Մեծ անհաջողություններ» և «Շոուն սկսվում է»։ Նրա հաջորդ դերը եղավ 2005 թվականին «Փողեր երկուսի համար» ֆիլմում, որից հետո նա նկարահանվել է ևս մեկ կատակերգրական ֆիլմում՝ «Ձերը, մերը և նրանցը»։ Վեց տարի հանգստից հետո Ռուսսոն 2011 թվականին վերադառնում է իր աշխատանքին և վերցնում գլխավոր՝ մայրիկի դերը «Тор» և «Тор 2: Խավարի թագավորությունը»[6]։ Ռուսսոյի խնդրանքով ֆիլմի շատ կադրեր հեռացվել են[7]։
2014 թվականին իննամյա հանգստից հետո նա վերադառնում է և վերցնում մի բացասական դեր «Ստրինգեր» ֆիլմում, որը իր ամուսնու՝ Դեն Գիլրոյաի, ռեժիսորական ֆիլմն էր։ Քննադատները բարձր են գնահատել նրա խաղը և արժանացրել են «Օսկարի» լավագույն կանացի դերի համար[8]։
1992 թվականին Ռուսսոն ամուսնանում է սցենարիստ Դեն Գլիրոյի հետ։ 1993 թվականի օգոստոսին նրանք աղջիկ են ունենում։ Ռուսսոն ունի կրկնաբևեռ խանգարում[9][10]։
Ֆիլմագրություն
| Թվական | Անգլերեն անվանում | ԴԵր | Ծանոթագրություն |
|---|---|---|---|
| 1987-1988 | Sable | Իդեն Կենդել | 7 եթերաշրջան |
| 1989 | Major League | Լինն Ուելս | |
| 1990 | Mr.Destiny | Սինդի Ջո Բամբեսս | |
| 1991 | One Good Cop | Ռիտա Լյուիս | |
| 1992 | Freejack | Ջուլիա Ռեդլանդ | Նոմինացիա՝ «Սատուրն» լավագույն կանացի դեր |
| 1992 | Lethal Weapon 3 | Լորնա Կորուդ | Նոմինացիա՝ MTV Movie Award լավագույն համբույրի համար |
| 1993 | In the Line of Fire | Լիլի Ռեյնզ | |
| 1994 | Major League II | Լինն Ուելզ | Կամեո |
| 1995 | Outbreak | Ռոբբի Կեոտ | |
| 1995 | Get Shorty | Կարեն Ֆլորես | Նոմինացիա՝ լավագույն դերասանական խումբ խաղային ֆիլմում |
| 1996 | Tin Cup | Բժիշկ Մոլի Գրիսվոլդ | |
| 1996 | Ransom | Կեյտ Մալլեն | |
| 1997 | Buddy | Լինց | |
| 1998 | Lethal Weapon 4 | Լորնա Կոուրլիգս | |
| 1999 | The Thomas Crown Affair | Կետրին Բեննինգ | |
| 2000 | The Adventures of Rocky & Bullwinkle | Նատաշա Ֆատալե | Նոմինացիա՝«Սատուրն» լավագույն կանացի դեր |
| 2002 | Big Trouble | Աննա Հենկ | |
| 2002 | Showtime | Չեյս Ռեյնզի | |
| 2005 | Two for the Money | Թոնի Մորրու | Նաև պրոդյուսեր |
| 2005 | Yours, Mine and Ours | Հելեն Նորտ | |
| 2011 | Thor | Ֆրիգգա | |
| 2013 | Thor: The Dark World | Ֆրիգգա | |
| 2014 | Nightcrawler | Նինա Ռոմինա | Նոմինացիա՝«Սատուրն» լավագույն կանացի դեր |
| 2015 | Frank and Cindy | Սինդի | |
| 2015 | The Intern | Ֆիոնա |
Ծանոթագրություններ
- ↑ 1,0 1,1 filmportal.de — 2005.
- ↑ 2,0 2,1 Discogs — 2000.
- ↑ 3,0 3,1 Munzinger Personen (գերմ.)
- ↑ 4,0 4,1 4,2 The International Who's Who of Women 2006 — Routledge, 2005. — ISBN 978-1-85743-325-8
- ↑ «Rene Russo- Biography». Yahoo!. Արխիվացված օրիգինալից 2013 թ․ օգոստոսի 19-ին. Վերցված է 2013 թ․ օգոստոսի 10-ին.
- ↑ Wendy Mitchell (2010 թ․ դեկտեմբերի 17). «Rene Russo to play Thor's mother». Entertainment Weekly. Արխիվացված օրիգինալից 2013 թ․ օգոստոսի 19-ին. Վերցված է 2013 թ․ օգոստոսի 10-ին.
- ↑ Roger Friedman (31 июля 2012). «Rene Russo, Cut out of Big Studio "Thor," Aims for New Indies Now». Վերցված է 2014 թ․ նոյեմբերի 4-ին.
- ↑ «Gold Derby Oscar MVP: Don't overlook Rene Russo in 'Nightcrawler'». Արխիվացված է օրիգինալից 2016 թ․ մարտի 4-ին. Վերցված է 2014 թ․ նոյեմբերի 4-ին.
- ↑ «Rene Russo's Startling Revelation: I Am Bipolar». PEOPLE.com. Վերցված է 2014 թ․ հոկտեմբերի 15-ին.
- ↑ «Rene Russo Reveals Battle With Bipolar Disorder». E! Online. 2014 թ․ հոկտեմբերի 14. Վերցված է 2014 թ․ հոկտեմբերի 15-ին.
 | Վիքիպահեստն ունի նյութեր, որոնք վերաբերում են «Ռենե Ռուսսո» հոդվածին։ |
| ||||||||||||||||
