FAIR and interactive data graphics from a scientific knowledge graph
| Bonobo Rango fósil: 1,5 millóns de anos ata o presente | |||||||||||||||
|---|---|---|---|---|---|---|---|---|---|---|---|---|---|---|---|
 Bonobos no Zoo de Cincinnati | |||||||||||||||
| Estado de conservación | |||||||||||||||
 En perigo[1] | |||||||||||||||
| Clasificación científica | |||||||||||||||
| |||||||||||||||
| Nome binomial | |||||||||||||||
| Pan paniscus Schwarz, 1929 | |||||||||||||||
 Área de distribución dos bonobos
| |||||||||||||||
Os bonobos[2][3] (Pan paniscus), tamén chamados chimpancés pigmeos[4] ou ananos,[5] son unha das dúas especies de primates do xénero Pan, sendo a outra especie do xénero o Pan troglodytes ou chimpancé común. Malia que moitas veces chimpancé se emprega para denominar a ámbalas dúas especies, adóitase entender que chimpancé só se refire a P troglodytes e que para referirse a Pan paniscus se precisa chamarlle bonobo.
Distínguese por unhas relativamente longas pernas, bicos arrosadiños, cara escura e un rabo peludo e pelo longo na cabeza na súa madurez. Os bonobos atópanse nunha área de 500.000 km2 da cunca do río Congo na República Democrática do Congo, na África central. É unha especie omnívora que habita bosques primarios e secundarios, incluso as masas forestais de varcias, empozadas en temporadas.
Coñécense ben polos seus comportamentos sexuais. O sexo nas comunidades da especie resolven conflitos de estado social, afecto, excitación e con fins de redución de estrés. Dáse en case todas as combinacións de parella e diferentes posicións. Os bonobos apréciase que son matriarciais e con rangos de machos na xerarquia social da comunidade, habitualmente determinada polos vencellos maternais de cada individuo.
Xunto cos chimpancés comúns, o bonobo é a especie actual máis próxima aos humanos. Xa que calquera das dúas especies de Pan non son nadadores habituais, considérase que o río do Congo hai 1,5-2 millóns de anos foi un factor determinante na especiación dos bonobos. Os bonobos viven no sur do río, mentres que os chimanpés comúns están no norte.
Non hai datos actualizados das poboacións actuais da especie, mais as estimacións están nun rango de 29 mil a 50 mil individuos. A especie está catalogada como unha especie en perigo de extinción por mor da destrución do seu hábitat, os movementos de poboación humanos e o crecemento desa poboación e pola comercialización da súa caza.
Chega a vivir en catividade ata 40 anos[6] mais descoñécese o seu rango de vida no seu hábitat natural.
Notas
- ↑ Fruth, B.; Hickey, J. R.; André, C.; Furuichi, T.; Hart, J.; Hart, T.; Kuehl, H.; Maisels, F.; Nackoney, J.; Reinartz, G.; Sop, T.; Thompson, J.; Williamson, E. A. (2016). "Pan paniscus". Lista Vermella da IUCN 2016: e.T15932A17964305. Consultado o 5 de setembro de 2016.
- ↑ "bonobo". TERGAL. Arquivado dende o orixinal o 18/10/2018. Consultado o 18/10/2018.
- ↑ Mammal Species of The World. 3º Edición. Wilson & Reader
- ↑ "chimpacé pigmeo". TERGAL. Arquivado dende o orixinal o 18/10/2018. Consultado o 18/10/2018.
- ↑ de Waal, Frans; Lanting, Frans (1997). Bonobo: The Forgotten Ape. University of California Press. ISBN 0-520-20535-9.
- ↑ Rowe, N. (1996) Pictural Guide to the Living Primates, Pogonias Press, East Hampton, ISBN 0-9648825-1-5.
Ligazóns externas
- The IUCN Red List of Threatened Species Arquivado 07 de xaneiro de 2009 en Wayback Machine.
