FAIR and interactive data graphics from a scientific knowledge graph
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre a familia Felidae, animals a os qui se les diz a sobén «felins» popularment. Pa una desambigación d'o termin «felino», se veiga Felino (desambigación).
| Felidae | |
|---|---|
 | |
| Denominacions populars | |
Felidos
| |
| Dende l'Oligoceno | |
| Clasificación cientifica | |
| Eukaryota | |
| Animalia | |
Filo:
|
Chordata |
| Mammalia | |
| Carnivora | |
| Feliformia | |
| Felidae | |
| Descripción | |
Felidae
G. FISCHER, 1817 | |
Os felidos (con pronunciación plana en aragonés) u cientificament Felidae (en latín) son una familia d'animals mamiferos placentarios en a orden Carnivora, caracterizaus principalment por as suyas zarpas con unglas retractils y por a suya dieta cuasi exclusivament carnivora.
A mayoría de felidos tienen cuerpos esbeltos, con a capeza poderosa, coda larga y as patas fuertes. Tienen una gran potencia muscular, superior a la d'atros carnivoros en relación a o peso, proporcionada por uns tendons firmes y con estructuras d'unión osteo-tendinosas mas eficaces que en o común d'os mamiferos. Todas as especies s'han especializau d'una manera u unatra en expleitar ista caracteristica pa los suyos costumbres depredadors, sía por a fuerza bruta, sía por una mas gran velocidat u por una achilidat superiors.
As diferents especies de felidos se troban distribuidas por cuasi toz os ambients terrestres de o Planeta, sacando l'Antarctida, Oceanía y cualques islas a on que no han colonizau
Clasificación
As especies vivients d'a familia Felidae se clasifican, a la suya vegada, en dos grans subfamilias: Pantherinae, os panterins y Felinae, os felins propiament ditos. Pantherinae no concabe si que dos cheneros encá vivos; Panthera, con especies tan conoixidas como o tigre, o lión, o chaguar y o leopardo, todas de gran mida, y Neofelis (as ditas «panteras nebulosas»), mientres que a resta d'especies de felidos perteneixen a o linache evolutivo d'os Felinae, con diferents cheneros y innumerables especies.
Se'n considera antiparte dos subfamilias extinctas, d'as que se'n conoix nomás que eixemplars fósils; Machairodontinae, os macairodontins (que englobaría os animals que a chent conoix popularment como «felidos de dients de sabre»), ausididos encá en a Prehistoria humana, y Proailurinae, os proailurins, un grupo de protofelidos antigos basaus en una sola especie fósil descrita, de fa bels 25 millons d'anyos, a suya filiación como miembros d'a familia u antepasaus d'ella podría estar disputada.
En o vocabulario popular, a parola «felino» se fa servir muitas vegadas pa referir-se a toda a familia Felidae, mesmo emplegando-se en expresions como «Grans Felins» (que se gosa referir, alto u baixo, a ixas especies que a zoolochía considera en a subfamilia d'os panterins), conceptos que no tienen valideza cientifica. Dende o punto d'envista d'a zoolochía, o termino «felino» no fa referencia si que a una subfamilia muit concreta en iste grupo, por a cual cosa tiene un uso bien diferent de lo popular, y en garra caso s'accepta aplicau tamién con as especies de Pantherina. Como eixemplo grafico d'isto, cientificament puede dicir-se que un gato ye un felino, pero no pas un lión u un tigre, que son panterins.
Subfamilia Pantherinae - panterins
Subfamilia Felinae - felins
- Chenero Acinonyx - Os guepardos.
- Chenero Caracal - Os caracals.
- Chenero Catopuma
- Chenero Felis - A mayoría de felins a os que se diría popularment gatos.
- Chenero Leopardus - Que concabe a l'ocelot y a o gato margay d'America.
- Chenero Leptailurus - O serval, un felino muit particular d'Africa, o suyo nombre ye relacionau solo que etimolochicament con os cervals d'Europa, Asia y America.
- Chenero Lynx - Os cervals propiament ditos.
- Chenero Otocolobus - O gato manul, d'Asia central.
- Chenero Pardofelis
- Chenero Puma - Que tiene o puma, o mas granizo d'os felins propiament ditos, y o yaguarondi.
Enlaces externos
Se veigan as imáchens de Commons sobre Felidae.
Wikispecies tiene un articlo sobre Felidae.
| Cheneros d'a familia Felidae | |
|---|---|
| Acinonyx | Adelphailurus(†) | Amphimachairodus(†) | Asilifelis(†) | Caracal | Catopuma | Diamantofelis(†) | Dinofelis(†) | Felis | Hemimachairodus(†) | Herpailurus | Homotherium(†) | Hyperailurictis(†) | Katifelis(†) | Leopardus | Leptailurus | Leptofelis(†) | Lokotunjailurus(†) | Lynx | Machairodus(†) | Megantereon(†) | Metailurus(†) | Miomachairodus(†) | Miopanthera(†) | Miracinonyx(†) | Namafelis(†) | Neofelis | Nimravides(†) | Otocolobus | Panthera | Paramachairodus(†) | Pardofelis | Pratifelis(†) | Prionailurus | Pristifelis(†) | Proailurus(†) | Promegantereon(†) | Puma | Rhizosmilodon(†) | Sivaelurus(†) | Sivapanthera(†) | Smilodon(†) | Stenailurus(†) | Styriofelis(†) | Tchadailurus(†) | Xenosmilus(†) | Yoshi(†) |
| Control d'autoridaz |
|
|---|
