FAIR and interactive data graphics from a scientific knowledge graph

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Almaty Алматы/Almatı
Localidat de Cazaquistán
Estau	Cazaquistán
Superficie	682 km²
Población  • Total	1507509 hab. (2014)
Altaria  • Meyana	893 m.
Codigo postal	050000, 050063
Coordenadas	43°14’24’’N76°54’54’’E
Almaty Almaty en Cazaquistán
Web oficial

Almaty ye a una ciudat de Cazaquistán, que tien una población de 1.552.349 habitants en a suya aria metropolitana estando a más gran d'o suyo país.^[1] Estió capital d'a Republica Socialista Sovietica de Cazaquistán dende 1928 dica 1991, y dimpués de Cazaquistán dende 1991 dica 1998 en que pasó a estar Astaná, en l'actualidat contina estando o centro economico y cultural de Cazaquistán.

Lo nombre actual d'Almaty tiene las suyas radices en l'antigo asentamiento medieval de Almatau (Montanya d'a Mazana), que existió amán d'a ciudat actual. Una teoría discutida sostiene que lo nombre se deriva d'a parola cazaca pa "mazana" (алма), y a ormino se traduz como pleno de mazanas.^[2]

Existe una gran diversidat chenetica entre las mazanas silvestres d'a rechión que rodeya Almaty; se creye que la rechión a lo ueste d'as montanyas Tian Shan ye lo lugar ancestral orichinario d'a mazana actual. La especie silvestre Malus sieversii ye considerada como a candidata probable pa lo ancestro d'a mazana domestica moderna.^[3]

Almaty se ye desenvolvendo como centro financiero rechional y centro de negocios, actividaz que se concentran en o RFCA (Centro Financiero Rechional d'a ciudat de Almatý).

Tamién ye important que ye la siede de Kazakhfilm Studios, una d'as mas antigas d'a rechión y d'as prencipals productoras de cine d'o país.^[4]

A ciudat estió seu y alochó os Chuegos Asiaticos d'hibierno de 2011^[5] amás d'estar ciudat candidata pa la realización d'os Chuegos Olimpicos d'hibierno en a suya edición de 2022.^[6]

D'entre totas las instalacions esportivas y como lo recinto esportivo mas gran cal destacar lo Medeo, una pista de chelo utilizada prencipalment pa partius de bandy, hockey chelo y patinache sobre chelo, con una capacidat pa bel poquet mes de 8.500 espectadors, amás d'estar la mas alta d'o mundo. Ye lo recinto an chuga los suyos partius como local lo Dynamo Almaty. Los equipos de baloncesto y de fútbol sala compiten en o Palacio cultural y esportivo Baluan Sholak. Unatra instalación esportiva a destacar ye lo Almaty Central Stadium, siede de competicions d'atletismo y an chuga la selección de Cazaquistán de fútbol y de rugby.

• Se veigan as imáchens de Commons sobre Almaty.
• Pachina web oficial.